مشكله تقطعيه ونتشه ولمبه الاتشك انجن بتنور

[night_angel0007]

انا عندى مشكله قرفانى بقالها حوالى اسبوعين انى وانا ماشى مره واحد العربيه بتنتش نتشه جامده وترج جامد ولمبه الاتشك انجن بتنور فى الطابلوه ابطل واسبها تهدى دقيقه وادور تروح وساعات لا مع الدواره وساعات مع الدواره احس انها شرقانه كده وساعات تمشى ممتاز ولا اكن فيه اى حاجه ولمبه الاتشك تطفى

انا مغير بوجيهات وفلتر بنزين من شهر ونص

وتم تنظيف الاتى البوجيهات والبوابه وحساس الايدل والحساس الى تحت العمه ( معرفش اسمه ايه ولو فيه موضوع لتنظيفه ياريت ) بس فكيته ونظفته وتم تغيير حساس الكولنت من حوالى شهرين لان كان عندى مشكله استهلاك بس الحمد لله اتحلت مع تغيير البوجيهات والكولنت بس تبقى مشكله النتشه والتقطيعه الجامده الى بتحصل ديه وبتخلى لمبه الاتشك ساعات بتنور ( مش بشكل دائم ) وقت حصول المشكله ديه وبتفصل مع تبطيل العربيه وتدويرها مره تانيه والعربيه بحالات شويه تشتغل كويس وشويه لا

ايه رايكم لانى فعلا احترت فى المشكله ديه ومش لاقيلها حل ومعنديش حد بيكشف كمبيوتر قريب منى

[هشام السيد]

موتور حضرتك ايه ؟

[night_angel0007]

Opel Vectra 1999 1600 manual واحد كامه

[هشام السيد]

ممكن ميه في البنزين او التي بي اس فيه مشكله

[احمد فهمى]

لو استخدامك هدي اوي حاول والعربيه واقفى تدوس بنزين تجيب الار بي ام على الاحمر وتخليها تفصل لوحدها كام مره وجرب بعدها وقول لنا ايه الوضع

[اوبل 2]

موضوع حضرتك دة كان حاصل معايا بالظبط 100/100 وطلع حساس t.p.s والفيشة بتعتو كانت طايلة مياة فحصل فيها عزل وغيرت الاثنين وبقت تماااااااااااام

[night_angel0007]

استاذ احمد مش خطر انى اجيب الار بى ام على الاحمر واسيبه اد ايه كده على الاحمر مش خوف لا قدر الله الموتور يرزع ولا حاجه وايه الغرض من كده وايه رايك فى الموضوع بشكل عام ؟؟؟؟

[night_angel0007]

ويعنى ايه

وتخليها تفصل لوحدها كام مره وجرب بعدها وقول لنا ايه الوضع

علشان مفهمتش الحته ديه اوى

[mrastra]

يقصد
تفصل بفتح الفاء
يعنى الموتور يقطع

[night_angel0007]

طب هو مفيش خطر على الموتور انى اوصل الار بى ام للاحمر واعملها لثانيه وهو هيفصل لوحده ولا اثبت رجلى عليه وهو فى الاحمر ؟؟؟؟ واوصله لاول الاحمر ولا لاخر العداد خالص وهو هيفصل لوحده ؟؟؟؟؟

[احمد فهمى]

طب هو مفيش خطر على الموتور انى اوصل الار بى ام للاحمر واعملها لثانيه وهو هيفصل لوحده ولا اثبت رجلى عليه وهو فى الاحمر ؟؟؟؟ واوصله لاول الاحمر ولا لاخر العداد خالص وهو هيفصل لوحده ؟؟؟؟؟

مهو في حمايه للمحرك انه يفصل على الاحمر ولا تقلق احيانآ بيك ن فى تراكم كربون ودي وسيله للتخلص منو كامت عندي المشكله دى فى نفس العربيه وكانت دي وسيلة التعامل فى مقار الدقى زده موضوع من 13 سنه تقريبآ وبعدها عملت نفس الموضوع بعد كام سنه واتعاملت بنفس الطريقه فجرب مش هتخسر حاجه وبلغنى انا شاكك فى حاجه تانيه لو مش دي

[night_angel0007]

خلاص ان شاء الله هجرب وابلغك على طول

[احمد فهمى]

فى انتظارك

[night_angel0007]

انا طلعت للاحمر دلوقتى ومفصلتش تقلت رجليا شويه لاخر العداد خالص مفصلتش بس مبزودش ثانيه او اتنين بالكتير وبخاف بصراحه وبنزل رجلى اتقل رجلى شويه وهيا جوا الاحمر لحد اما تفصل ولا ايه رايك ؟؟؟

[night_angel0007]

نزلت تانى دلوقتى ووصلت الار بى ام لاخر الاحمر خالص وعلقت رجلى كده اربع او خمس ثوانى العداد بيخبط فى الاخر ويرجع اكنه عايز يعدى من غير اما تفصل بس العربيه فاقت شويه مع الموضوع داه فايه رايك بشكل عام وليه مبتفصلش وهل اعلق رجلى اكتر شويه ايبها دقيقه مثلا وهيا جوا الاحمر لحد اما تفصل ؟؟