لقاء بعد غياب انشاء الله تكونو بخير جميعاا عندي مشكلة في التكييف

[subzero772]

ازيكم يا جماعة عمليين ايية بقالي فترة غايب عن المنتدي انشاء الله تكونو بخير جميعا

انا من اول ما بداء الصيف والتكييف بيضعف يوم ورا يوم وعمال اسمع صوت اول ما اشغل الكومبريسور
زي هوا بيضخ في المواسير وكل ما التكيف يضعف الصوت دة يطول شوية لغاية ما بقي متواصل
بدون توقف تقريباا والتبريد انتها

كنت عاوز اسالكم عن حد ابن حلال كدة محترم حد يعرفة يكشف علية يكون في م نصر او مصر الجديدة
واهم حاجة التكلفة

ومعلش لو حد عندة فكرة علي سعر قطع غيار التكييف كام ياريت يقلي

[Fadi Ezzat]

فى الغالب انتا مش هتحتاج قطع غيار
انتا الفريون نقص عندك بسبب تسريب
وممكن يبقى حظك حلو ويطلع التسريب فى اويل سية ولا حاجة

[subzero772]

الله يكرمك اية الكلام الحلو دة انشاء الله ربنا يسهل
بس محدش يقدر ينصحني بحد كويس

[subzero772]

اية يا جماعة اين انتم

[Hisham.Nady]

صابر في مدينة نصر اول يمين من شارع الطيران من ناحية جامع رابعة

[m7nsh]

روح لمحمد سعيد فى المعادي .. فنان بجد و ظبطهولي فى فكترا بى

[cayman69300]

السلام عليكم و رحمه الله و بركاته
اولا : حمدا لله على سلامتك
ثانيا : احنا عايزين ناس تقضى مش سمعه على الفاضى - قدامك اتنين و ولاد حلال
1 - اللى تبع محمد طنانى و عمله التكييف و خلى تكييفة الاوبل عنده روعه ( اسطى عاطف ) - لدرجة انك متقدرش تحط ايدك ادام الهواية من السقوعية و اقسم بالله الكلام دة انا شوفته بنفسى - اتصل بطنانى و هو هيوصلك للراجل ( محمد طنانى 01003222021 )
2 - أ / جوزيف زميلنا جوزيف بتاع السويس - دة هاوى و فاهم فوق الوصف و بيشتغل التكييف للقريبين بس - بس بقة بيعمل اية - بيفك التكييف كله و يفرده فى الارض و يقعد يمذمذ فية و يشيك علية من أ : ى و سعره نص تكلفة الناس اللى بره بس للاسف موجود بالسويس و دة رقمه ( 01225644250 )
شوف دنيتك و ربنا يكرمك
بس نصيحتى - اعمل التكييف كله مرة واحدة صح و لو حاجة نص نص اعملها علشان تكلفة الشحنه للفريون فقط 150 جنية - فبلاش تعمل التكييف على مراحل و على راى المثل - ضربة مرزبه و لا ميت ضربه شاكوش

[mbx4e]

هو دا الكلام

[mbx4e]

شوف دي http://www.nilemotors.net/Nile/310726-a.html

[mbx4e]

وديhttp://www.nilemotors.net/Nile/300472-b.html