سؤال كيف تعوم السيارة الاوبل فيكترا مع انها ثقيلة وراسية

[khaledalewa]

اشتريت فيكترا c من شهر تقريبا 2008 ايزى ترونك وكانت عربية ماشاء الله زيرو برة وجوة وبدأت في نقل الملكية وللأسف عملت بيها حادث دخلت في ميكروباس على الطريق السريع وانقلب الميكروباس 3 قلبات وانا اخدت الصدمة من الامام الناحية اليسار يعنى امامى مباشرة وفى ومن ستر الله كنت اربط حزام الأمان وانفتحت الايرباج وخرجت سليما

حدوث الحادث
كنت اسير بسرعة 140 تقريبا وفوجئت بملف شديد وضربت فرامل السيارة عومت معى يمين ويسار ولم استاطع السيطرة عليها واصتدمت بميكروباس من الجهة المقابلة والحمد لله لا وفيات ولكن حدثت تلفيات شديدة بالسيارة عندى في الناحية الامامية اليسار والميكروباس تدمر سطح وماتور
قدر الله وماشاء فعل السؤال هنا كيف تعوم السيارة الاوبل فيكترا مع انها ثقيلة وراسية على الأرض
والسؤال الثانى هل هناك مركز متكامل لادخالها صيانة شاملة لارجاعها الى ما كانت علية
واشكركم جزيلا





تم تعديل العنوان
م.ع 7

[pepo2011]

طبعا يوجد وحمدالله علي سلامتك وقدر الله وماشاء فعل
فداك والحمدلله انك سليم
موضوع التصليح ماتقلقش خالص منه

[Mecha]

فيها esp ؟

[heshom]

140 كم بالساعة؟!!!!!!! سامحك الله و ماذا عن المسكين صاحب الميكروباس ؟ دا طريق السخنة أفضل طريق فى مصر السرعة القصوى عليه 120 كم/ساعة .

[عبدالله برعى]

علميا ( فيزيائية) لا توجد علاقة بين الوزن والثبات
-توجد عوامل كثيرة تحدد الثبات ومنها.
مركز الثقل
وسائل الامان الالكترونية abs. Esp الخ
اختبارات التصادم ...... ولكن عرفيا طالما السيارة ثقيلة اذن ثابته وهذا خطا
بالظبط مثل الصاج الخفيف ام الثقيل. تظن الناس ان الصاج الثقيل هو امان اعلي

حمدلله علي سلامتكم
وبالتوفيق في الاصلاحات

[kar!m]

حضرتك كشفت على العربية قبل ما تشتريها؟ أخبار الكاوتش و المساعدين و أجزاء التعليق و العفشه ايه؟ و ال abs شغال على العجلات الأربعه ولا في مشاكل في أحد العجلات؟

[SHERBINII]

فرامل + كسرت دركسيون + سرعة لازم العربية تعوم خاصة لو الكاوتش ناشف

[borio1704]

مش معنى إن العربية ثباتها عالي إنها مستحيل تعوم...
لو توفرت الظروف المناسبة فمن الطبيعي إن الحوادث تحصل..

ومش معنى إن العربية تقيلة إنها تبقى ثابتة.. دي أسطورة الناس بترددها عن غير فهم.

أرجو إنك تدخل على الموضوع ده للتعرف على أساسيات ثبات السيارات

http://www.nilemotors.net/Nile/375709-a.html

وحمدالله على السلامة


...

[أبو معاذ5]

حمداً لله على سلامتك

[khaledalewa]

الله يسلمكم جميعا ويحميكم من شر الطريق طيب لو تكرمتو موضوع التصليح عاملى قلق جامد انا اتخرب بيتى في تعويض الميكروباس والفلوس الى اشتريت بيها العربية ولسة تمكن التصليح ودة كمان هيعيب العربية في سعرها لكن الحمد لله على كل شيء
عاوز مركز متكامل للتصليح علشان انا من سوهاج وطبعا مينفعش اقعد في القاهرة المدة كلها اخد العربية من ورشة لورشة واعمل الى فيها علشان كدة محتاج مركز متكامل يرجع العربية زى ما كانت باذن الله ويكون عندة رحمة في الأسعار وعندة ضمير وحرفية في التصليح لو تكرمتم اخواتى وياريت العنوان او رقم التليفون

[ashourashour]

للاسف عايز اقولك كل مالعربيه وزنها تقل الكارثه اللي هتحصل من العفشه والكاوتش اللي مش تمام هتكون اكبر بكتير من العربيه الخفيفه

كل المساعدين للفكترا سي فالسوق مضروبه

ولو عفشتك تمام وده شي من رابع المستحيلات

الكاوتش عندك اي كلام

يعني لازم كاوتش غالي ملاخر الفرده تعدي ال 1000 جنيه بوتنزا او تورانزا او كونتاكت 5
ولازم عفشه محكومه لان السوست فعربيات مصر bad roads ناشفه جدا وعاليه لازم المساعد يكون bad roads بردو عشان تظبط وده استحاله تلاقيه في اي حته عشان كدا العربيه عمرها مبترجع زي الزيرو
لازم تغير سوست و مساعدين مناسبه للسوست الجديده عشان ترجع عربيه تاني

[ashourashour]

نسيت اقولك ان محدش فمصر بيعرف يظبط زوايا الفكترا خصوصا ورا
محدش فاهم صامولتين الكامبر والكاستر
فبالاضافه للعفشه الضايعه حتى لو كنت لسه مركبها جديد
والكاوتش اللي مش محترم حتى لو جبت حاجه جديده كوري ولا ماليزي ولا اي بتنجان من ده
اكيد الزوايا مش مظبوطه

العربيه دي اتظلمت بجد في مصر

[khaledalewa]

العربية لسة ظابط ليها زوايا بالكمبيوتر وكمان الترصيص ودة من قبل الحادثة بعشر أيام وكمان الكاوتش الى راكب ميشلان ومن شهر تقريبا كنت مظبط العربية زيوت وفلاتر ومغيير تيل خلفى وكهربا وبرمجة وكاشف كل العفشة والميكانيكا وكل حاجة زى الف
انا مش فاهم اية الى خلاها تخونى في االملف
ربنا يرحمنى بجد حتى انا لو بعتها هجيب زيها برضو لانها انقذتنى من الموت بقوتها وعوامل الأمان

[ashourashour]

العربية لسة ظابط ليها زوايا بالكمبيوتر وكمان الترصيص ودة من قبل الحادثة بعشر أيام وكمان الكاوتش الى راكب ميشلان ومن شهر تقريبا كنت مظبط العربية زيوت وفلاتر ومغيير تيل خلفى وكهربا وبرمجة وكاشف كل العفشة والميكانيكا وكل حاجة زى الف
انا مش فاهم اية الى خلاها تخونى في االملف
ربنا يرحمنى بجد حتى انا لو بعتها هجيب زيها برضو لانها انقذتنى من الموت بقوتها وعوامل الأمان

مش هتفهمني للاسف :(

عشان كل الفكترا سي او 90% في مصر حاليا لا تمت للفكترا سي باي صله وكلها بتعوم واتزان مفيش وتنطيط
عشان قطع الغيار للعفشه و الزوايا والكاوتش اي كلام

مش هتفهمني الا لو ركبت فكترا سي سليمه و لازم يكون عندك احساس بالعربيه عالطريق وفي ناس بتسوق كويس جدا بس معندهاش الحته دي

ونصيحه متتغرش في اي عربيه حتى لو الماني زيرو

[احمد فهمى]

من تجاربي لسيارات اوبل من كاديت لفيكترا a b وc بالفعل عربيه ثابته جدآ لكن فحالة عفشه مش سليمه جلب ومساعدين ومقصات وخلافه فهي اسوء من هيونداي فيرنا بسبب وزنها بالتالي سبب الحادث فى الغالب عيب في العفشه