سؤال كيف تعوم السيارة الاوبل فيكترا مع انها ثقيلة وراسية

[brain2020]

الأخ العزيز الف سلامة وفي داهية الحديد
مبدئيا مش معني انك راكب عربية موزونة او تعتبر من العربيات ذات الأمان الأعلى انك تعمل اللي نفسك فيه وتختبر وتتحدي امكانياتها خصوصا ان الطرق في مصر تدمر أحسن عربية حتي لو شوماخر نفسه بيسوقها سواء كانت مرسيدس او بي ام او فيراري
اما الاوبل حضرتك طالما اشتريتها كنت كشفت عليها خصوصا العفشة لانها سبب اي مصيبة وانظمة الفرامل واعتقد ده سبب معظم حوادث مصر ومش معني ان العربية فابريكا جوه وبره انك تطمن لها
اما التصليح حضرتك انزل الحرفين حتلاقي أنصاص كاملة سعرها في حدود ٢٥ الي ٣٥ الف يعني مقدور عليها وربنا يعوض عليك

[brain2020]

العربية لسة ظابط ليها زوايا بالكمبيوتر وكمان الترصيص ودة من قبل الحادثة بعشر أيام وكمان الكاوتش الى راكب ميشلان ومن شهر تقريبا كنت مظبط العربية زيوت وفلاتر ومغيير تيل خلفى وكهربا وبرمجة وكاشف كل العفشة والميكانيكا وكل حاجة زى الف
انا مش فاهم اية الى خلاها تخونى في االملف
ربنا يرحمنى بجد حتى انا لو بعتها هجيب زيها برضو لانها انقذتنى من الموت بقوتها وعوامل الأمان

ممكن يكون في زيوت او سوائل على الأسفلت او رمال خفيفة او زلط صغير وقع من عربية نقل كل ده ممكن يبهدل الاتزان في الملفات وانت بسرعة عالية حتي abs مش حيساعد

[tasaka]

مش هتفهمني للاسف :(

عشان كل الفكترا سي او 90% في مصر حاليا لا تمت للفكترا سي باي صله وكلها بتعوم واتزان مفيش وتنطيط
عشان قطع الغيار للعفشه و الزوايا والكاوتش اي كلام

مش هتفهمني الا لو ركبت فكترا سي سليمه و لازم يكون عندك احساس بالعربيه عالطريق وفي ناس بتسوق كويس جدا بس معندهاش الحته دي

ونصيحه متتغرش في اي عربيه حتى لو الماني زيرو

+1

[tasaka]

انا مش فاهم اية الى خلاها تخونى في االملف

if you repeat your same driving behavior .. you will get the same exact result ( another acciedent )

no one ( or car ) can bend the laws of nature .. every curve has a natural permissable speed .. don't exceed that speed

[Abdo Taha]

معلش الحمدلله على كل حال لو تقدر تحددلنا العربية محتاجة ايه بالظبط ... عموما ممكن تنزل الحرفيين قطع غيارها موجودة استيراد و ده اسلم حل و ارخصهم و هتجيب كبسولة جديدة للطارة مش لازم طارة كاملة و الطابلوه ممكن يتغير بس هيبقى غالي و معظم العربيات يمين فيهبقى قليل شوية .. و بالنسبة للسمكرة و الدهان عندك مركز نايل موتورز في الحرفيين برضو ... الردياتير و السربنتينة لو اتضرو بتغيرو جديد افضل

و يا ريت تراجع على العفشة عندك خصوصا البارات و المساعدين

[mifs]

الف حمد لله على السلامة
موضوع تتصلح وترجع زي ما كانت متحطش امل كبير عليه علشان متتصدمش بعد ما تصرف وتتعب
مفيش حاجة في الدنيا بترجع زي ما كانت
بالتوفيق وربنا معاك