حرارة العربية بتوصل لـ ٩٠ تقريبا، وبعدها المروحة تشتغل وتنزل للعادي، باستمرار !

[AhmedAlex88]

حابب اسأل عن حرارة العربية هل طبيعي انها تفضل تزيد طول ما المروحة مش شغالة لغاية ما توصل لـ ٩٠ تقريبا وبعدين تشتغل المروحة فتنزل، وهكذا باستمرار ؟
ولا كده محتاج اراجع على دورة التبريد ؟
ده من غير ما اشغل التكييف، واحيانا بيكون بليل كمان يعني الجو مش حر.
راجعت على المياه وكانت ناقصة حاجة بسيطة.

اوبل فيكترا ٩٦ - ١٦٠٠

[rotanamasoud]

اه طبيعى جدا وتفضل ثابته فى حاله تركيب ترموستات الكوعه

[AhmedAlex88]

اه طبيعى جدا وتفضل ثابته فى حاله تركيب ترموستات الكوعه

يعني الافضل اركبه ؟
وقتها المروحة بتشتغل على كذا سرعة حسب الحرارة ؟ ولا ازاي ؟

[rotanamasoud]

يعني الافضل اركبه ؟
وقتها المروحة بتشتغل على كذا سرعة حسب الحرارة ؟ ولا ازاي ؟

ترموستات الكوع ميركبش الا لو دوره التبريد مجدده ومظبوطه شبهه زيرو والميه مبتنقصش مع استخدام سائل تبريد للمحافظه على سوستته عشان ميصديش ويعلق
المروحه وقتها بتشتغل طبيعى
مثال لتوضيح طريقه عمله المحرك حرارته 30 والرداتير 30 يفضل قافل وصل المحرك ل90 والرداتير 30 يفتح حتى تصل حراره الرداتير ل90 تشتغل المروحه يبرد الرداتير ل30 يقفل على المحرك (كل ده زى ما بتفتح الميكسر بتاع الشاور ببطء وانسيابيه بس بدون تدخل)
فبيحافظ على ثبات درجه حراره المحرك مهما كان الوضع الخارجى لو صفر والعربيه فى وش الهوى وبكده يحافظ على المحرك ويوفر فى استهلاك البنزين

[AhmedAlex88]

ترموستات الكوع ميركبش الا لو دوره التبريد مجدده ومظبوطه شبهه زيرو والميه مبتنقصش مع استخدام سائل تبريد للمحافظه على سوستته عشان ميصديش ويعلق
المروحه وقتها بتشتغل طبيعى
مثال لتوضيح طريقه عمله المحرك حرارته 30 والرداتير 30 يفضل قافل وصل المحرك ل90 والرداتير 30 يفتح حتى تصل حراره الرداتير ل90 تشتغل المروحه يبرد الرداتير ل30 يقفل على المحرك (كل ده زى ما بتفتح الميكسر بتاع الشاور ببطء وانسيابيه بس بدون تدخل)
فبيحافظ على ثبات درجه حراره المحرك مهما كان الوضع الخارجى لو صفر والعربيه فى وش الهوى وبكده يحافظ على المحرك ويوفر فى استهلاك البنزين

تمام، شكرا جدا.

سؤال اخير، الوضع الحالي فيه اي مشكلة لو استمر ؟
يعني هل الافضل اني احاول تركيب ترموستات الكوعة ؟
ولا ممكن الاستمرار بدونه عادي ؟

[rotanamasoud]

تمام، شكرا جدا.

سؤال اخير، الوضع الحالي فيه اي مشكلة لو استمر ؟
يعني هل الافضل اني احاول تركيب ترموستات الكوعة ؟
ولا ممكن الاستمرار بدونه عادي ؟

استخدم ميه ملونه معتمده واستمر حتى الشتاء لو الدوره مستقره تماما ونقص الميه فى حدود نصف لتر كل 5000 كيلو ممكن تركب ترموستات الكوع على الشتاء
انا ركبت ترموستات كوع فى لادا وستروين وتمبرا (عربياتى السابقه) بدون اى مشاكل وحاليا معايا اسكودا منتظر استقرار الدوره على الشتاء القادم لتركيب ترموستات كوعه

[AhmedAlex88]

استخدم ميه ملونه معتمده واستمر حتى الشتاء لو الدوره مستقره تماما ونقص الميه فى حدود نصف لتر كل 5000 كيلو ممكن تركب ترموستات الكوع على الشتاء
انا ركبت ترموستات كوع فى لادا وستروين وتمبرا (عربياتى السابقه) بدون اى مشاكل وحاليا معايا اسكودا منتظر استقرار الدوره على الشتاء القادم لتركيب ترموستات كوعه

تمام، طيب ترشحلي نوع مياه معينة ؟ في محطات البنزين مثلا ؟

[rotanamasoud]

استخدمت فتره ايادا اسبانى والناس بتشكر جدا فى الموبيل
لاكن انا حاليا بستخدم نوع جبته من واحد بتاع رداتير هو مركذ جدا لترونصف ب120 عامل زى الزيت وقدرته عاليه جدا ودى صوره علبته ده المعتمد من ايام التمبرا(كان ب60 زمان)20161228_174447.jpg

[AhmedAlex88]

استخدمت فتره ايادا اسبانى والناس بتشكر جدا فى الموبيل
لاكن انا حاليا بستخدم نوع جبته من واحد بتاع رداتير هو مركذ جدا لترونصف ب120 عامل زى الزيت وقدرته عاليه جدا ودى صوره علبته ده المعتمد من ايام التمبرا(كان ب60 زمان)[ATTACH=CONFIG]15729[/ATTACH]

بما ان حضرتك من الاسكندرية، ممكن تدلني على مكانه ؟

[tasaka]

موبيل الخضرا كويسه جدا

و النوع الموجود فى الصوره ابو 120 جم .. لازم تخففه بالماء .. و اوعى تستعمله مركز كده

و الافضل خليك فى موبيل الخضرا .. ممتازه .. و هى مخلوطه جاهزه بالماء .. يعنى تستعملها على طول بدون اضافه ماء

[AhmedAlex88]

موبيل الخضرا كويسه جدا

و النوع الموجود فى الصوره ابو 120 جم .. لازم تخففه بالماء .. و اوعى تستعمله مركز كده

و الافضل خليك فى موبيل الخضرا .. ممتازه .. و هى مخلوطه جاهزه بالماء .. يعنى تستعملها على طول بدون اضافه ماء

طيب وبتتزود بمياه عادية ولا بيكون معايا زيادة منها علشان ازود بيها مع الوقت ؟

[tasaka]

طيب وبتتزود بمياه عادية ولا بيكون معايا زيادة منها علشان ازود بيها مع الوقت ؟

النوع الموجود فى الصوره ابو 120 جم >>

المفروض بيتزود ميه مقطره ( موش ميه عاديه .. و موش ميه تكييف )

و المفروض كمان تشوف نسبه الخلط عندك فى الكتالوج كام ؟؟ يعنى مثلا لو 50\50 .. يبقى كل لتر انتى فريز تحط معاه لتر ميه .. و لو 33 \67 يبقى كل لتر انتى فريز تحط عليه 2 لتر ميه

و خليك احسن فى ميه موبيل و هى مخلوطه بالميه و جاهزه للاستخدام .. لان انت ما تعرفش الانتى فريز ده مناسب لعربيتك ام لا .. لان الميه الملونه انواع ( لا اقصد الماركه) و يجب اختيار انواع المناسب لعربيتك

شوف كتالوج عربيتك طالب ايه و اختار نوع ميه موبيل المناسبه لعربيتك .. و الاحتمال الاكبر انها تكون الميه الخضرا لموبيل

[tasaka]

حابب اسأل عن حرارة العربية هل طبيعي انها تفضل تزيد طول ما المروحة مش شغالة لغاية ما توصل لـ ٩٠ تقريبا وبعدين تشتغل المروحة فتنزل، وهكذا باستمرار ؟

يعنى المروحه تقريبا عند ال 90 ( او اقل بحاجه بسيطه ) بصوره مستمره معظم الوقت

لو هو ده الوضع عندك .. يبقى طبيعى .. و ثرموستات الكوع راكب و شغال

[rotanamasoud]

موبيل الخضرا كويسه جدا

و النوع الموجود فى الصوره ابو 120 جم .. لازم تخففه بالماء .. و اوعى تستعمله مركز كده

و الافضل خليك فى موبيل الخضرا .. ممتازه .. و هى مخلوطه جاهزه بالماء .. يعنى تستعملها على طول بدون اضافه ماء

النوع ده ممتاز جدا ولونه ازرق وبخففه بماء ودى نسب التخفيف فى الصوره وهو فعلا من تركيزه زيت
20161228_174519.jpg

[rotanamasoud]

يعنى المروحه تقريبا عند ال 90 ( او اقل بحاجه بسيطه ) بصوره مستمره معظم الوقت

لو هو ده الوضع عندك .. يبقى طبيعى .. و ثرموستات الكوع راكب و شغال

معظم الاوروبى فبريكا حساس تشغيل المروحه 88 تقريبا وفى حجات فوق ال90 لاكن فى مصر منتشر تستخدم حساس اقل عشان متوصلش العربيه لمرحله خطره وناس تستخدم 78 و68
انا شخصيا افضل 68 مع ترموستات كوعه بحيث يفضل الرداتير بارد باستمرار ومستعد للتبريد عند فتح ترموستات الكوعه