عايز اشتري كورسا سيدان-محتاج مساعده

[perfectspy55]

1-ايه اخبار العربيه دي في استهلاك البنزين
2-كنت عايز اعرف ايه عيوب الكورسا 2005 هيا عاجباني جدا مش عارف ايه عيوبها
3- يا اوبلاويه من فضلكوا كنت عايز اعرف لو في مكان متخصص لبيع الاوبل المستعمل ولا لا
4-هيا فيها Abs ولا لا

شكرا جدا

[hossfo]

السلام عليكم
سبحانه الله فى نفس التوقيت اللى كنت داخل اكتب نفس الموضوع لاقيتك بتطلب نفسى طلبى
انا كمان بفكر كتير فى السيارة دة كل معلومات عنها انها عربيه كويسه جدا
عاليه عن الارض بالمقارنه لمثيلاته بس انا
بضم صوتى لصوتك وبطلب من كل الابلاويه اللى عندهم معلومات ما يبخلوا علينا لانى فعلا مقبل عليها عاوز اعرف اسعار قطع الغيار استهلاك البنزين تكاليف الصيانه الدوريه
واسعار الصيانه فى التوكيل
واسعارها ايه ع العموميعنى موديل 2003 سعره كام حاليا تقريبا

2004 و2005 وكدة
وكمان ايه اشهر عيوب السيارة دة
وايه رايكم لو قارنتها باللانوس

[Ahmad Allawy]

اخواني الاعزاء..
لسة من يومين تلاتة بالكتير كان في اخ فاضل بيسأل نفس الاسئلة..
انا استغربت من المقارنة باللانوس حتي.ز عشان نفس الكلام اتقال.ز :) :) :)
عموما.. اقروا الموضوع ده كويس.. و شوفوا اللينك اللي فيه..
هتلاقوا توضيح لكل حاجة تحبوا تسألوا عنها ان شاء الله..

[perfectspy55]

شكرا جدا يا ahmed

[hossfo]

فين اللينك يا احمد

[Ahmad Allawy]

يا خبر ابيض؟؟
معلش يا جماعه انا اسف..
اللينك اهو..

http://www.nilemotors.net/Nile/showthread.php?t=50208

[hossfo]

كدة ممكن اقولك شكرااااااااااااااا

[Ahmad Allawy]

كدة ممكن اقولك شكرااااااااااااااا

هههههههههههههههه
ماشي يا باشا..

[Osama_soliman]

الاخ الفاضل صاحب المشاركة

انا معايا كورسا 2005 لسه شارية من 3 شهور

العربية قيمة جدا فى ركبها.
ومريحة الى حد كبير جدا

ولها ميزة عجينى جدا وهى انها ملمومة يعنى صغير فى تصميمها يعنى مفيش مشاكل فى الركن والكلام ده



وثابتة جدا على الارض

وبالنسبة لاستهلاك البنزين الصفيحة (20 لتر) تمشى معايا حوالى 160-180 كليو مع التكييف.

انا بامشى بها فى الاسبوع حوالى 360 كليو (كل يوم حوالى 50 كليو)
وباخد تفولة فى الاسبوع (التنك بياخد 42 لتر)

عليك بالاستخارة قبل كل شئ
وربنا يفوقك

[hossfo]

اشكرك اخ اسامه ع ردك

وانا كنت مستنى حد بيملك الكورسا عشان يقولى المفيد

فيه بعض الاسئله
الموديل دة سعر كام

واخبار قطع الغيار ايه
وعلى فكرة انا اهم شىء عندى فى الكورسا زى ماانت قولت انها صغيرة وملمومه

وكمان شكلها رياضى قبل ما انسا اخبار المطبات ايه اصل اخوك فى منطقه ما فيهاش طرق فيها مطبات بس

[Osama_soliman]

انا اشترت الموديل ده (موديل 2005) بـ 60000 فى شهر 8 اللى فات (اغسطس 2008)

وكان سعرها كويس بل منخفض لانها كانت بتاعة واحد قريبى
وكانت عاملة 33 الف كليو فقط

وكان استعماله لها راقى جدا

بالنسبة لقطع الغيار
فى مشاركة فى المنتدى (هنا منتدى الاوبل) فيها اسعار قطع الغيار

وهى عموما غالية شوية (بس الغالى تمنه فيه) تغير الحاجة ولا تسأل عنها.

وربنا يوفقك إن شاء الله تعالى
ولا تنسى الاستخارة

وبالنسبة للمطلبات : العربية عالية وانا لا اشعر بالمطلبات لان العفشة بتاعة العربية كويس

[Ahmad Allawy]

عفشتها الي حد ما ناشفة.ز
يعني لو قارنتها بالكورولا و الياريس.. هتحسها ناشفة شوية..
بس اكدي ده علي حساب الثبات..
اكيد هي ثباتها كويس الي حد كبير..

و بالنسبة للأسعار دلوقتي..
عربية في حالة عربية اسامة بك دلوقتي تعمل حوالي 57-56 الف..
و هي ساعه ما هو اشتراها كانت تعمل حوالي 60-62 الف..
يعني نزلت في حدود 5 الاف او اقل شوية..

[hossfo]

[COLOR="Blue"][/C
اشكركم ع التوضيح وادعولنا ربنا يكرمنا ببنت الحلال


OLOR]

[ahmedviking]

انا لسه شاري العربية دي موديل 2003 خلصت فيها علي 54 الف وهي ماشيه كتير شويه بس رفعتها فالتوكيل واهم حاجه انها فبريكه والماتور مفيهوش ولا غلطه الحمد لله واستخداماها نضيف

انا لسه مامشتش بيها كتير وانا مش خبير عربيات اوي بس مبدأيا : اقدر اقول عفشتها مش ناشفه اطلاقااا ودا يعتبر افتراء عالعربيه :))

سحبها الحمد لله راااائع والماتور قوي جدا الحمد لله

اعلي عن الارض من اي عربية ممكن تتقارن بيها

قطع غيارها فالمتوسط مش رخيصه ومش غاليه زي باقي الفيكترا او الاسترا

وعلي فكره بالنسبة لموضوع الاسعار دلوقتي فهو فعلا مالوش اي ظابط او رابط :) والموضوع كله مرتبط بحالة العربيه ومدي رضاك عنها لاني سألت ناس اشتروها سمعت اسعار في رينجات غريبه عاليه وواطيه

ربنا يوفقك للصح ويكفيك ويكفينا شرها ان شاء الله