Tweet
اولا احب اشكركم مقدما على تقديم العون..انا عندى حاليا عربية بيكانتو 2004..مخبيش عليكوا العربية كويسة و تمام ..بس انا مشكلتى مش عارف اركب عربية كورى خلاص زهقت ..و كمان زهقت من التنطيط فى العربية دى عشان وزنها الخفيف..انا مش بعيب فيها لكن هى كده..فقولت اسأل على الكورسا ال 1200 سى سى و ال 1000 كمان من حيث الوزن و العفشة هل هى عربية عفشتها ناعمة و لا ناشفة و بتدبدب..و هل صوت العربية دى على السرعات مافوق ال 100 عالى و كمان اخبار عزل الكابينة ايه ..انا كنت راكب من فترة بولو 2001 بصراحة كانت ممتازة كعزل و كصوت موتور و كعفشة ناعمة جدا و قوية ده غير وزن العربية على السكة كان ممتاز بس طبعا موتورها صغير و ضعيف ..اتمنى كمان اعرف هل فى اوبل المانى ولا كله تقفيل اسبانى.
-
[CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER] -
غالبا كله تقفيل اسباني..
و غير كده العزل كويس جدااااااااااا..
ماعرفش البولو عشان مجربتهاش.. عشان كده مش هاقدر اقارن..
الكورسا ال1000 تبعد عنها تماما عشان فيها مشاكل..
ال1200 كويسة.. بس سرعات.. اخرها 140-145
ثبات كويس جدا.. عفشة ناشفة نسبيا..
الكورسا ال1200 موتورها أضعف
من ال1000 اللي هي 3 سلندر عشان عادي مش ايكوتك..
بس مشاكله اقل بكتير.. و ممكن يكون اضعف من البولو ال1000 كمان..
مشكلتها انك هتصرف عليها شوية.. بحكم فرق العمر بتاع العربية.. و بين عربيتك.. في حاجات بحكم السنين.. هتكون تعبت و محتاجه تتغير.. و مش هاخبي عليك.. مفيش حاجة بترجع زي الجديدة تاني..سبحانك اللهم ربنا و بحمدك.. اشهد الا اله الا انت..استغفرك و اتوب اليك.. -
ابعد عن ال 1000 سى سى حتى لو قدامى و احدة عاملة 18 الف كم و طبعا فابريكة من كل حتة و حاخدها ب 38 الف؟؟؟؟؟؟؟؟؟[CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]Comment
-
والله انا مش عارف اقولك ايه..
بس هي فيها مشكلة واحدة بس.. هي الحالة اللي انت بتقول عليها كويسة جدا طبعا.. (في حالة ان العداد مش ملعوب فيه..)
انك تبقي عامل حسابك ان لو لا قدر الله في حساس الـ MAF او الـ IDLE CONTROLLER جرالهم حاجة.. هتدفع فيهم كتير.. و ممكن تشتري و يطلعوا بايظين.. و تمنهم غالي..
عموما.. استخير.. و شوف الموضوع ده كده فيه شوية تفاصيل عن الحساسات بتاعتها..
سبحانك اللهم ربنا و بحمدك.. اشهد الا اله الا انت..استغفرك و اتوب اليك..Comment
-
من ناحية العداد..فالعربية بتاعة واحد معايا فى شغلى و مركونة تحت شركتى عالطول مش بتتحرك نهائى و مع مراته من الزيرو فدى انا واثق منها..اما موضوع الحساسات دى ففعلا سألت على الموضوع ده و ناس أكدتلى انه مشهور فى الموديل ده...تقريبا حصرف نظر..اذا كان عندك خبرة فى الالمانى كويسة ارجوك تفيدنى اجيب ايه فى حدود ال 45 الف ...معلش زهقتك معايا..جزاك الله كل خير[CENTER][FONT=Tahoma][COLOR=blue]لا إله إلا انت سبحانك إنى كنت من الظالمين[/COLOR][/FONT][/CENTER]Comment
-
ولا يهمك يا باشا..
بالنسبة للرقم ده.. ممكن تجيب بيه ابيزا 2001 هتكون كويسة جدا..
او بولو موديل 2001 برضه.. ده لو عايز الماني
ممكن كمان جولف 3 موديل 93-94
و في واحدة هنا معانا ف المنتدي.. بس بصراحة ماعرفش ايه حالتها..
مطلوب فيها 46 الف..
سبحانك اللهم ربنا و بحمدك.. اشهد الا اله الا انت..استغفرك و اتوب اليك..Comment
Comment