ضيف على العصابه ولى سؤال ......

[samirayad]

عاوز أعرف من حضراتكم ....بالنسبه للسيارات الأوبل بوجه عام ( فكترا _ أسترا _ كورسا ....وهكذا )......................................

_ المطلوب هو توضيح بسيط عن نوعية دورة الأشعال الألكترونى المستخدمه عندكم ....هل هى من النوع التوزيعى ( يعنى فيه أسبراتير موجود وملحق مع المكنه فى هذه السيارات )

_ أما أنها من النوع الاتوزيعى ......زى الدايو عندنا ( لأن الدايو عندنا بيعتمد على بوبينا فقط بتقوم بالليله كلها ) ....مشط وبوبينا وأرسال شرارتين لغرفتين من الغرف الأربعه ....كل لحظة أطلاق شراره من البوبينا ..........

_ السؤال ده لهدف فى نفس يعقوب ( جايز يكون اللى فى دماغى صح ....لمشكله عندنا فى الدايو عامة ).......وطالما الأنسان شك فى حاجه فيجب عليه التحقق من شكه ( مظبوط أو لا )....................وشكرا لكل من مر على الموضوع ......ويارب أكون ضيف خفيف عليكم ...................وأدى شكل البوبينا عندنا اللى شايله الليله كلها ...( يادوب هى والبوجيهات وأسلاك البوجيهات اللى شايلين دورة الأشعال ....تحت قيادة وحدة التحكم )................................................

[samirayad]

وأدى شكل البوبينا .....وسورى على عدم تمكنى من رفعها مع البوست الأولانى .............................

[فادى محمد]

السلام عليكم ... يا ا سمير اولا يسعدني ان اكون اول واحد يرد عليك - ثانيا ازاي تبقي ضيف وسط اخواتك ؟ احنا كلنا مدينين لك بالشكر والتقدير والاحترام _ نيجي بقي للشغل . دوره الاشعال عندي في الفيكترا من النوع التوزيعي اللي بيعتمد علي الشاكوش اللي داخل الاسبراتير في توزيع الشراره علي سلك البوجيهات ( علي قديمو ) ويارب اكون افدتك واي خدمه يا كبير .

[samirayad]

ياباشا أشكرك......وياريت تفيدنى أنت أو أحد الزملاء عن صوت المكنه عندك ......عاليه الى حد ما زى الدايو ....ولا الصوت عندك أهدى ........وياريت تكون الأجابه عن تجربه ( يعنى من زميل جرب العربيتين .....دايو وأوبل )......................وأعتقد أخونا المهندس : أحمد جرب الحالتين ( لأنه تقريبا معاه لا نوس وأوبل ) .....واى زميل جرب ممكن يفيدنى فى سؤالى ( هل هناك فرق فى صوت المحرك وهو شغال بين الحالتين )......دايو وأوبل ...........وشكرا لمن يقوم بالرد .............

[N.a.j.d]

انا راي انه ماتور اوبل بكون صوته انعم من الدايو انا جربت العربيتين حسيت انه الاوبل صوته انعم عموما احنا نستنى ردود الاخرين دا الفرق ف الماتور 1600

[nab!l]

يا باشا بالنسبة لالاوبل فحسب الموديل يعنى عندك مثلا استرا 1200 ده اهدى صوت فى الاوبل كله والفيكترا 95 لحد98 صوته اعلى الى حد ما والكورسا 1000 برده صوته هادى بالنسبه للدايو انا بركب دايو كتير بتاع واحد صاحبى هى لانوس 99
صوتها اعلى من عندى بكتير استرا 1200
يعنى م الاخر موضوع الصوت ده حسب الموديل

[tamertamer]

بص ياباشا الاسبرتير دة موجود من موديل 99 1600 فما تحت لكن 2000 سىسى لا الفكترا بعد 2000 كلة الكترونى وعلى فكرة اللانوس هى متور اوبل وجير اوبل وتصميم عفشة اوبل نفس التصميم موجود فى الفكترا وزى النوبيرا 1600 دة متور اليكوتك اوبل

[tananybasha]

يا سمير باشا هو فيه ضيف فى بيته
انت مدعو كمان لرؤية مشكلة التكييف اللى شارحها فى موضوع التكييف الملعون
الأوبل على قديمه اسبراتير شاكوش و موبينة عندكو عامل زى السماعات الكومبننت كله فى بعضة
موتور الأوبل فى السلانسيه صوته اهدى من الدايو و فى التزويد يخض خصوصاً 2000 سى سى غير ان الموتور ده فى بتاع كده مدور نسيت اسمه بينظم دخول الهوا للمانفو غير الماف طبعاً ده طول ماهو شغال سامع تك تك تك تك تك على طول و لا بيزيد و لا بيقل اعتقد اسمه تى بى اس
النظام فى الدايو انا شايف انه افضل من الأوبل فى حاجات كتير
بالمرة بقى تنظيف الرشاشات الترا سونيك كويس و لا مالوش لازمه

[samirayad]

يا سمير باشا هو فيه ضيف فى بيته

الله يخليك يامحمد باشا

انت مدعو كمان لرؤية مشكلة التكييف اللى شارحها فى موضوع التكييف الملعون

طيب ياباشا ....ماهو لو بصينا للكلمه الزرقاء ....أبقه ضيف فعلا .........ههههههههههه

عندكو عامل زى السماعات الكومبننت كله فى بعضة

تكنولوجيا ياباشا .......مش نظام تفصيص ( يعنى عالم مخلصه )........ههههههههههه

الماف طبعاً ده طول ماهو شغال سامع تك تك تك تك تك على طول و لا بيزيد و لا بيقل اعتقد اسمه تى بى اس

لا الماف حاجه والــ tps قصه تانيه خالص وكل واحد منهم وليه دوره فى التحكم الألكترونى ....ومفيش علاقه بينهم (لأن الماف وحدة التحكم بتعرف من أشارته كمية الهواء اللى داخله من البوابه .......أما الtps بيكون راكب على أكس البوابه قصاد البكره علشان وحدة التحكم تعرف من خلال أشارته البوابه مفتوحه قد أيه )

النظام فى الدايو انا شايف انه افضل من الأوبل فى حاجات كتير

كل حاجه وليها مميزاتها وليها عيوبها ........حتى الأنسان مننا ( لأن الكمال فقط لله سبحانه وتعالى )

بالمرة بقى تنظيف الرشاشات الترا سونيك كويس و لا مالوش لازمه

فيه زميل عندنا جرب منظف كويس جدا .....بحوالى 13 جنيه ...ماتجربه .....وتعمل زى ماعمل ....قبل موضوع الألتراسونيك

[tananybasha]

يا باشا الدعوه مقصود بها التفضل المشكور بالقاء نظره رضا علينا
و الكمال لله وحده بدون ادنى شك
والله العظيم انا لا شفتك و لا قابلتك بس حبيتك و عشان الحق انت و تامر و محمد مختار و محمد اسامه و احمد علاوى من اكثر الناس نشاطاً و انا والله العظيم بحبكوا فى الله
البتاع ده انا عايز افتكر اسمه تايه عن دماغى هو مش تى بى اس هو بتاع مدور و مش فاكر اسمه بس هاجيبه
و لا يفتى و انتم فى المدينه ايه رأيك فى موضوع التكييف ده لأنه جابلى الضغط النهارده بشغله مفيش تبريد خالص و الكباس شغال و مليانه فريون - دوست على البلف - فى اعتقادك ده ايه
بالنسبة للرشاشات انا جربت 3 انواع و مفيش فايده لغاية الأسبراى اللى بيترش و العربية دايرة فى المانفو و مفيش فايده استهلاكى الحالى 100كم/20 لتر و عايز اجيب رشاشات بس قلت اشوف التنضيف ده الأول هيكمل معايا و لا تعيش انت
و شاكر افضالكم و حسن المتابعه

[samirayad]

بالنسبة للرشاشات انا جربت 3 انواع و مفيش فايده لغاية الأسبراى اللى بيترش و العربية دايرة فى المانفو و مفيش فايده استهلاكى الحالى 100كم/20 لتر و عايز اجيب رشاشات بس قلت اشوف التنضيف ده الأول هيكمل معايا و لا تعيش انت

طيب حقولك على فكره صغيره من أخوك ......ماتفك فيش الرشاشات الأربعه وتنظف الدكر والنتايات بتاعتها بالـــــــــــ wd40 وتجففها كويس وتركبها تانى بأحكام (زى ماعملت يا حاج ماهر مع حساس الكرنك قبل كده وجرب الموضوع بتاع النظافه ده قبل موضوع الألتراسونيك ......وخليه الخطوه اللى بعد التجربه دى ........وححاول أأقرا موضوع التكييف .....على قدر أستطاعتى

[ENG\AHMED]

عاوز أعرف من حضراتكم ....بالنسبه للسيارات الأوبل بوجه عام ( فكترا _ أسترا _ كورسا ....وهكذا )......................................

_ المطلوب هو توضيح بسيط عن نوعية دورة الأشعال الألكترونى المستخدمه عندكم ....هل هى من النوع التوزيعى ( يعنى فيه أسبراتير موجود وملحق مع المكنه فى هذه السيارات )

_ أما أنها من النوع الاتوزيعى ......زى الدايو عندنا ( لأن الدايو عندنا بيعتمد على بوبينا فقط بتقوم بالليله كلها ) ....مشط وبوبينا وأرسال شرارتين لغرفتين من الغرف الأربعه ....كل لحظة أطلاق شراره من البوبينا ..........

_ السؤال ده لهدف فى نفس يعقوب ( جايز يكون اللى فى دماغى صح ....لمشكله عندنا فى الدايو عامة ).......وطالما الأنسان شك فى حاجه فيجب عليه التحقق من شكه ( مظبوط أو لا )....................وشكرا لكل من مر على الموضوع ......ويارب أكون ضيف خفيف عليكم ...................وأدى شكل البوبينا عندنا اللى شايله الليله كلها ...( يادوب هى والبوجيهات وأسلاك البوجيهات اللى شايلين دورة الأشعال ....تحت قيادة وحدة التحكم )................................................

قصدك علشان النخعة اللى فى بداية القرص على العربية؟؟

هتكلم عن اوبل فكترا 1.6 كامة
- الاوبل موبينة - اسبراتير - بوجيهات
اللانوس موبينة - بوجيهات

- موتور اللانوس فى السواقة انعم من الاوبل وبالذات على سرعات بطيئة والعكس تماما على طريق مفتوح

- اللانوس فى البداية اخف وطلعتها احسن (بدون قرص) مع القرص بتتخنق وتنخع عكس الاوبل اللى فعلا طلعتها تقيلة بس مع القرص بتشد وتجرى ... سرعات عالية موتور الاوبل بالرغم من وزن العربية اللى بعتبرة تقيل على الموتور دة

- صوت موتور اللانوس عادى بعكس الاوبل لية ونة خاصة

[tananybasha]

طيب حقولك على فكره صغيره من أخوك ......ماتفك فيش الرشاشات الأربعه وتنظف الدكر والنتايات بتاعتها بالـــــــــــ wd40 وتجففها كويس وتركبها تانى بأحكام (زى ماعملت يا حاج ماهر مع حساس الكرنك قبل كده وجرب الموضوع بتاع النظافه ده قبل موضوع الألتراسونيك ......وخليه الخطوه اللى بعد التجربه دى ........وححاول أأقرا موضوع التكييف .....على قدر أستطاعتى

تحت امرك يا فندم علم و جارى التنفيذ و النتيجة بالغد ان شاء الله رب العالمين و شاكر افضاللك بس عايز رد فى الفريون و انواعة و بلف الضغوط ده اجيبه منين و يكون مضمون و الأصلى كورى و هو تكييف النوبيرا وحش و لا حاجة لأنى عندى نفس الدايرة بدون زياده او نقصان

[amralfy]

ازيك يا بشمهندس سمير, عندى سؤال بخصوص الفتيس المانيوال بتاع اوبل فكترا 1995 , دلوقتى انا عندى صوت زعقة لما بجيب التانى , وده بيحصل بس لما العربية تسخن شوية, لكن اول ما اطلع بيها الموضوع بيكون جميل جدا. انا ان شاء الله هنزل اغير زيت الفتيس و احط 140 انا عاوز اجرب كل حاجة قبل ما اضطر اغيره كله, بردو انا كنت اتنصحت لما اغيرو اجيب فتيس اف 18 مش اف 16 ودا هيريح الموتور كتير, ويحسن الأداء بردو.

منتظر نصيحتك و تعليقك على الكلام ده

[samirayad]

ازيك يا بشمهندس سمير

الله يخليك يا أخى

دلوقتى انا عندى صوت زعقة لما بجيب التانى

الزعقه اللى بتيجى مع النقل دى ....بتكون بسبب أن غويشة المجموعه الثانيه مابتعشقش كويس الترسين بتوع التانى القائد والمنقاد ....ممكن يكون بسبب بوش فى الغويشه وممكن يكون بسبب تلف فى حواف أى ترس من تروس المجموعه التانيه ( وده بيبان مع الكشف على الفتيس وهو محلول )

لكن اول ما اطلع بيها الموضوع بيكون جميل جدا.

ماهو علشان تم التعشيق خلاص بين الغويشه والترسين دول.....زى موضوع المارش لما بيكون بيعتل كده ونقعد نحاول فى الدواره لحد مايحصل المراد والعربيه تدور....نفس الفكره تقريبا مع الفارق

انا ان شاء الله هنزل اغير زيت الفتيس و احط 140 انا عاوز اجرب كل حاجة قبل ما اضطر اغيره كله,

أيوه جرب كده الأول تغيير الزيت للزوجه أعلى (اللى هو 140 ) يمكن ده يساعد ......وأهو أحنا فى الصيف (يعنى اللزوجه حتخف برضه )

بردو انا كنت اتنصحت لما اغيرو اجيب فتيس اف 18 مش اف 16 ودا هيريح الموتور كتير, ويحسن الأداء بردو.

من رأيى خليك مع نفس النوع اللى عندك (أف 16)....لأن ده تصميم [gdwl]وبعدين ده نوع طياره الــــــــــــ أف 16 ده ههههههههه...[/gdwl]...وملوش لزمه نلعب فى التصميم.... ...دا لو موضوع الزيت ماجبش نتيجه ..............وأنا دايما ما بحبش ألعب فى حاجه تصميم بلادها .........ولو حصل معايا تلف لأى قطعه فى أى حاجه ( مابركبش الا بتاعتها ).......دا الناس دى عامل تجارب على كل حاجه ........والعمليه محسوبه عندهم ......وده اللى هما متفوقين فيه الصراحه .....................وشوف الفتيس بقاله 14 سنه فى العربيه شغال تمام .............( ياترى من يعيش ) وربنا يدينا ويديك طولة العمر..........ونغير لمرسيدس كمان