إيه رأيكم في الأسترا

[mrwho2892]

المشكله مش فى الموتور ، المشكله فى كمبيوتر العربيه فرق الايكوتيك عن العادى مجرد عدد الاحصنه و سبيكه بلوك الموتور.
و بالنسبه للسحب هو زى ما بيزود ضخ البنزين كمان بيزود نسبه حرقه عن طريق تنظيم حركه الصبابات بيكون فتحها اسرع فنسبه البنزين الغير محترق ( البنزين النى ) بتقل و كل متقل نسبه البنزين النى بيقل معدل استهلاك البنزين.

[ENG\AHMED]

المشكله مش فى الموتور ، المشكله فى كمبيوتر العربيه فرق الايكوتيك عن العادى مجرد عدد الاحصنه و سبيكه بلوك الموتور.
.

الموضوع مش مجرد عدد احصنة وسبيكة .. الاحصنة الزيادة دى جت منين !!
الكونترول كلة مختلف والايكوتيك MPI 16V كامتين والعادى SPI 8V كامة واحدة يعنى وش السلندر والسبيكة وابعاد السلندرات والاشواط ونسب الانضغاط و.... باختصار دة موتور ودة موتور تانى خالص

و بالنسبه للسحب هو زى ما بيزود ضخ البنزين كمان بيزود نسبه حرقه عن طريق تنظيم حركه الصبابات بيكون فتحها اسرع فنسبه البنزين الغير محترق ( البنزين النى ) بتقل و كل متقل نسبه البنزين النى بيقل معدل استهلاك البنزين.

اللى اعرفة ان ان مواتير الاسترا والفكترا القديمة مفهاش variable valve timing يعنى فتح وقفل الصمام عملية ميكانيكية بحتة عن طريق الكامة ميقدرش يغير فيها عن طريف سوفتوير
كمان حركة الصمامات ملهاش دعوة بالبنزين النى او الغير محترق دة هيعتمد على الرشاشات وانظمة الاشتعال والكنترول بتاع العربية

[mrwho2892]

و يا سيدى الفاضل ايه الى بيحرق البنزين الى الرشاشات بترشه مش بردو حركه الصباب عشان الشعله توصل فى غرفه الاحتراق الداخلى؟؟؟

[ENG\AHMED]

و يا سيدى الفاضل ايه الى بيحرق البنزين الى الرشاشات بترشه مش بردو حركه الصباب عشان الشعله توصل فى غرفه الاحتراق الداخلى؟؟؟

ثوانى بس... اية دخل حركة الصمامات بالشعلة

فى المحركات الانجيكشن ...
التركيب باختصار:
-Intake manifold او مانيفولد الدخول او السحب: ودة مسئول عن دخول الخليط للموتور , فى الانجيكشن ماشى فية هوا بس وقبل صمام الدخول مباشرة بيركب الرشاشات علشان ترش الوقود فى مسار الهوا , نسب الخلط بيتحكم فيها الكمبيوتر عن طريق حساس يحس بكمية الهوا الداخلة (mass of air flow sensor-MAF) وعلية بيحدد كمية البنزين عن طريق زمن فتح الرشاش

-الموتور نفسة ودة بيبقى فية الصمامات (دخول وعادم) وشمعات الاحتراق والمسئولة عن احتراق الخليط يعنى الشعلة بيتبقى جوة غرفة الاحتراق نفسها (الخليط بيشتعل جوة غرفة الاحتراق الشعلة مش بتتنقل من برة)
وظيفة الصمامات مجرد بوابات لدخول الخليط وخروج العادم

-الشكمان ودة مسئول عن خروج العادم بعد خرجة من صمام العادم وتخفيض ضغطة الى مايقارب الضغط الجوى للسماح لخروجة للجو

[Hesham256]

طب في في الأوتوماتيك زرار S ده اللي قصدك عليه و لا حاجة تانية و بالنسبة لل210 كيلو ده نهائي و لا أنت مجربتش تدوس جامد.

[hoosta]

انا معايا كورسا 2004 واخويا معاه الاسترا 2004 بجد الاتنين تحفه , اخويا عامل بالاسترا 125 الف ومبهدلها اخر بهدله , كفايه انو مايعرفش يعني ايه صيانه اصلا
اخرو يغير زيت وبس !!

الاسترا راسيه وجامده , افتكر اخر مره شديت معاه على طريق العين السخنه انا بالكورسا و هوا بالاسترا جبنا 200 و كنا مقطعين بعض !!!!!!

وموضوع اسعار قطع الغيار الغاليه ده اشاعه وحقد من الناس الي نفسهم في الالماني لان قطع غيار الاوبل ارخص من معظم الماركات الاخري !!!

[mada]

من العيوب

عندي عيب يا جماعه في استرا 2004 انا مش عارف اوصله لحل انا غيرت 4 يطريات في سنتين وده كل ماشغل التكيف البطاريه تنام مع التكيف بس البطاريه تنام بس انا لو مابطلتش العربيه وسبتها شويه من غير التكيف تشحن انا طول من مش مشغل التكيف البطاريه ماشيه زي الفل ارجوكم لو حد حصلتله الحكايه دي وصلحها يقولي

[KHALED AYMAN]

مش المفروض ان العربيه بطاريه جافه؟؟؟؟ انا معايا 2006 بطاريتها جافه و بغيرها كل سنتين.

[mada]

غيرت2بطاريه جافه 2بطري مايه ونفس الحكايه البطاريه بتنام مع التكيف

[KHALED AYMAN]

كده يباه فى حاجه عندك فى العربيه روح لحد يشوفهالك بس يكون حد انت عارف انه بيفهم لان انت عارف احنا بنحب نفتى كتيييييييييييير والاحسن تروح منصور فى العامريه او الهرم على حسب انت منين.

[KHALED AYMAN]

بعد ازنك يا استاذ مادا هو عربيتك فيها برومه فى الدواير بتاع الرفارف ولا لا و الفوانيس الى ادام شرخت ولا لا ؟؟؟؟؟؟؟ العيوب دى عندى و صلحتها ورجعت و مش عارف ده عيب فى الاسترا ولا لا .
يا ريت تقولى العيوب الى ظهرت عندك عشان نعرف مشتركه فى الاسترا و لا ايه؟؟؟

[Hesham256]

عندي عيب يا جماعه في استرا 2004 انا مش عارف اوصله لحل انا غيرت 4 يطريات في سنتين وده كل ماشغل التكيف البطاريه تنام مع التكيف بس البطاريه تنام بس انا لو مابطلتش العربيه وسبتها شويه من غير التكيف تشحن انا طول من مش مشغل التكيف البطاريه ماشيه زي الفل ارجوكم لو حد حصلتله الحكايه دي وصلحها يقولي

المفروض تبقي بطاريات أسمها (لا تحتاج لصيانة و بتبقي سعودي) أنا عندي أسترا 2004 برضه بس مبيحصلش حاجة من دي!!!!!!!!!! أسأل علي البطاريات التي لا تحتاج لصيانة و ربنا سهل و متعملهاش تاني.

[mada]

البرومه اتهيالي في جميع العربيات الاسترا لانها عندي انا كمان بس الاكيد اني لها ضمان علي الصاج ضد البرومه بس كام سنه مش عارف بس انت ممكن تتصل علي الرقم الي علي الزجاج الامامي وتوصل للتوكيل وتسالهم وانا لو عرفت حاجه منهم هقول للكل

[KHALED AYMAN]

يا باشا انا سالت فى التوكيل على موضوع البرومه قالولى لا ده سوء استخدام عشان بتغسلها كتير (ده على اساس انى ببيتها فى جردل ميه) و بيقولو ان العيب ده مش منتشر فى الاسترا.!!!!!!!و بعدين حتى لو عملوها مش هيعملوها كويس و هترجع تانى .و كمان سالت فى فرع العامريه اعملها على حسابى و بقوله هتبان انها رشه قالى هى و ظروفها !!!!!!!!!
لو وصلت لحاجه قولى

[KHALED AYMAN]

البطاريات الى مش بتحتاج صيانه دى اسمها ac delco و منصور هو الوكيل بتاعها .انا عندى فى عربيتى و ما شاء الله زى الفل كل سنتين بغيرها (لانى بلاقى العربيه مش بتدور )و كمان فيها عين سحريه لو منوره اخضر يباه كويسه لو اسود يباه عايزه تتغير.