إيه رأيكم في الأسترا

[mada]

لا ياباشا انا كان عندي بورمه في السقف وعملتها عندهم بس هي باينه اني هي رشه بس البرومه كانت بدات تزحف جامد وبدات تنزل ميه في الصالون من ناحيت الزجاج الخلفي العموم انا اعرف واح في التوكيل العامريه حاحول الاتصال بيه وهرد عليك بس يارب مايكونش غير موبايله والبطاريه انا عندي جافه وفيها العين السحريه برده واخضر وابيض و اسمر

[Hesham256]

البطاريات الى مش بتحتاج صيانه دى اسمها ac delco و منصور هو الوكيل بتاعها .انا عندى فى عربيتى و ما شاء الله زى الفل كل سنتين بغيرها (لانى بلاقى العربيه مش بتدور )و كمان فيها عين سحريه لو منوره اخضر يباه كويسه لو اسود يباه عايزه تتغير.

أه و أنا عندي علي طول منورة سودة!!!!!!

[KHALED AYMAN]

يباه كده البطاري احتمال تحتاج تتغير و عموما استنى انا هبص عندى عشان اتاكد و هرد عليك.

[KHALED AYMAN]

بعد ازنك يا مادا باشا انت عملت البرومه فى التوكيل على حسابك و لا على حسابهم و لو على حسابك اتكلفت كااااااااااام ؟؟؟؟ انا المهندس شاف عربيتى و قالى فى حدود 1000 جنيه!!!!!!!!!!

[husseinabdou2007]

مساء الخير يا جماعة انا عندي استرا 2003 مرة التكييف يشتغل ومرة تاني مايشتغلش عايز اعرف ايه المشكلة

[Mostafa.Ismail]

انا يا جماعه مركبتش غير عربيات اوبل من سنه 1994 الاول كانت الفيكترا و حاليا استرا 2004 بالمختصر المفيد العربيه زيها زى اى عربيه ليها عيوب و ليها مميزات.
فى بدايه الامر كانت العربيه بتاكل بنزين بطريقه مستفزه كانت بالكتير بتعمل 185 كيلو فى الصفيحه المهم و هى فى الضمان رحت نزلت السوفتوير الاسبورت بتاعها من ساعتها كل حاجه اختلفت فى العربيه والله لدرجه ان فى ناس افتكرت ان الفتيس بتاعها Cvt و استهلاك البنزين وصل 280 كيلو فى الصفيحه و بالنسبه لقطع الغيار كل حاجه موجود الاصلى و التايوانى يعنى لو مرايه اتكسرت مترحش تشترى الاصل بألف جنيه فى حين ممكن تجيب التايوانى ب 150 جنيه انما فى حاجات لازم تتعمل جوا التوكيل عشان تاخد عليها ضمان و كلام الناس الى بتقول الصنايعيه الى بتفتى كتير صح 100%
اكبر عيب فى العربيه دى ان الكرسيين الى قدام موبيكا مصرى مقرف لا يقارن بالاسترا الى قبلها او الفيكترا و اظن دول حلهم سهل من بورسعيد:)
فى حاجه ملفته فى العربيه دى ان الفرامل بتاعتها ما شاء الله فوق الممتازه و الاوكتافيا A5 الى الناس منبهره بيها خارج مستوى المقارنه فى الموضوع ده نهائيا

اية موضوع السوفت وير دة ؟!! طيب بكام و فين ؟!

Mostafa Ismail

[nab!l]

طب انا معايا استرا 1200 ينفع معاها موضوع السوفت ؟
ومعنديش برومه فيها خالص!

[biboelking200]

يعني ايه السوفت وير ده يعني انا معي كورسا مثلا 2003
هتعمل ايه يعني العربيه لو نزلتلهاا الشوفت ده

[N.a.j.d]

مساء الخير يا جماعة انا عندي استرا 2003 مرة التكييف يشتغل ومرة تاني مايشتغلش عايز اعرف ايه المشكلة

روح افحصها ع الكمبيوتر و ح يبان معك وبرضه افحص كهربا العربيه

[blackhorsee]

السوفت وير

يا جماعة اية حكاية السوفت وير الاسورت دة انا سالت في التوكيل قالو مفيش حاجة زي كدة لو حد يقدر يفدني و يا ريت لو رقم تليفون عشان استفسر

[fady2003]

يا جماعة اية حكاية السوفت وير الاسورت دة يا ريت حد يفدنااا

[alameer81]

يا ريت حد يفيدنا في موضوع السوفتوير ده لان استهلاك البنزين عالي قوى
انا معايا استرا 2005

[almhandes]

يا ريت حد يفيدنا في موضوع السوفتوير ده لان استهلاك البنزين عالي قوى
انا معايا استرا 2005