الفيكترا و ال esp و منصور !!!

[damasry]

الله ينور ياباشا
منه لله منصور دا الواحد مش عارف يقول ايه من المصايب اللى بعملها منصور

يعني اصحاب العربيات ها يقعدوا يقولوا منه لله ويسيبوا حقهم؟؟؟؟؟
دي حتي مش من شيم افراد العصابة

[damasry]

ده لما كانت ب 215 الف لكن لما تبقى ب 180 الف اكيد هيشيل حاجات كتير

يعني انا لما اروح اشتري التوب لاين ها يقولي خد بالك دي متشال منها حاجات؟؟؟؟
بالطبع لا، وهو باعها للناس علي انها فيها كل الكماليات اللي مذكورة في البروشور والموقع واللي بيأكدوه بتوع المبيعات عنده، يبقي بعد كده اللي اشتراها يكتشف ان مش فيها الحاجات دي، دا يبقي نصب يا باشا وماينفعش يتسكت عليه.

[SAiF3S]

يعني انا لما اروح اشتري التوب لاين ها يقولي خد بالك دي متشال منها حاجات؟؟؟؟
بالطبع لا، وهو باعها للناس علي انها فيها كل الكماليات اللي مذكورة في البروشور والموقع واللي بيأكدوه بتوع المبيعات عنده، يبقي بعد كده اللي اشتراها يكتشف ان مش فيها الحاجات دي، دا يبقي نصب يا باشا وماينفعش يتسكت عليه.

ماهو ده كان قصدى هو خفض السعر و فهم الناس انه علشان فى استوك منه و علشان الازمه العالميه و بيضحى لكن هو اكتر واحد مستفيد من الازمه خفض اوبشن كتير علشان يبيعها بال 180 الف

[asd7778]

شكرا لكل الى ردو ..
اعتقد الموضوع اتحسم خلاص ...
مفيش esp فى الفيكترا ..
و منصور حراااااااااااااامى ..
اعتقد ان مندوب منصور نفسه قالى هيشتغل فى الملفات لما العربيه تعوم !!!
و ده الى انا عملته ..
خمست بيها مشتغلش
عرضت فى ملف مشتغلش ..
عرضت بيها تانى مشتغلش !!!
فى حد لسه عنده اقتناع ان فيها esp ؟؟
حاجه تانيه ..
منصور بيقول ان التوب لاين فيها 7 سماعات ..
ممكن حد يقولى فين السماعه رقم 7 ؟؟
منصور بيقول فى سخانات فى الرشاشات بتاع الزجاج ..
انا جربت و حطيت ايدى على الازاز و رشيت ميه من الرشاشات ..
مش سخنه ولا اى حاجه ..
منصور بيقول فى حساس مطر ..
مفيش حساس مطر ..
ممكن حد يقولى فين حساس المطر ؟؟
الحرامى هيفضل طول عمره حرامى ..

بدا ذى بدء
يا جماعة لا سكوت عن حقنا
يا خالد ما ينفعش تزعق معاهم وتفش غلك وبس
احنا وراهم ولا يضيع حقا وراءه مطالب
اولا عندى تعليق على موضوع الكماليات التانيه
1-السماعة السابعه موجوده قدام فى نص التابلوه عند النص كوره الى موجدوه فى نص قرب الرجاج الامامى حط ودنك هناك حتلاقى صوت او اعمل قرطاس وحطه قرب السماعة حتلاقى صوت طالع
2- حساس المطر موجود الدليل انك لما بتبخ ميا المساحات بتشتغل لغايه ما الازاز ينشف وانت ممكن تشغل العربيه وبعدين رش ازاة ميا على الازاز حتلاقى المسحات اشتغلت جرب وقلى والحساس المطر موجود فعلا فى نص البربريز الامامى فوق خالص عند نقطة التقاء المرايه الداخلية مع الزجاج
3- سخان الرشاشات الميا بيشتغل عند درجه الحراره المنخفضه فقط (الغريب ان ما فيش عنه الى سيره فى الكتاوج حدور النهارده) بس انا قريت من الموضوع ده عموما فى النت والكلام على انه بيتشغل شخن عند صفر او فى -3
نيجى للكارثه وهو esp انا شخصيا اشتريت النوب لاين عشانه
احساسى بيقولى ان الاخ منصور بيقول على TC انه esp ويجعله عامر
بس والله ما حنسيب حقنا
بص يا جماعه لسا المحكمه حاكمة ب 50 الف جنيه غرامه على توكيل فى قضيه رافعها جهاز حمايه المستهلك

اولا لازم نعمل تنسيق جماعى
التنسيق التنسيق التنسيق والتحرك الجماعى هو الى حيخلى للموضوع قيمه
لازم نتأكد ان المشكله دى مش بتخص عربيه خالد بس فأنا حجرب فى عربيتى ويا ريت اى حد عنده توب لاين يجرب
وسؤال لساده الافاضل الى عنده جبره فى ميكانيكا السيارت :
ازاى نعرف العربيه فيها esp بشكل فنى محترم (كومبيوتر - جهاز كشف معين)؟؟؟
بدون اللجوء لتجربه قلب العربيه دى ونشوف فيها ولا لا
رجاء لكل الفيكترا سى توب لاين التفاعل والمشاركة
ويا ريت لو حد يععرف الصفحة الى الفيس بوك الى بتكلم على الموضوع ده يبعتها

[N.a.j.d]

الشباب مش ح تقصر وح ترد

[yehia]

طب بالمرة بقى يا شباب الفيكترا 2008 عشان الكل يتأكد من نقطة معينة ..... ياريت اللي اشترى العربية التوب لاين من أيام ما كان تمنها 220 ألف يدلي بدلوه ...... هل العربية عنده فيها زرار الـ ESP Off ولا لا؟

يعني هل فيه دفعة بعت منصور وجابها مخصوص من الستوك اللي كان فاضل بره مافيهاش الـ ESP ... ونزل فيها التمن وعايز يأكلهالنا بالهنا والشفا على انها جميع الكماليات؟!!

[yehia]

وسؤال لساده الافاضل الى عنده جبره فى ميكانيكا السيارت :
ازاى نعرف العربيه فيها esp بشكل فنى محترم (كومبيوتر - جهاز كشف معين)؟؟؟
بدون اللجوء لتجربه قلب العربيه دى ونشوف فيها ولا لا

جهاز حماية المستهلك نفسه فيه لجنة للسيارات وهي عندها جهاز كامل فني وبشري يقدروا من خلاله التحقق من المعلومة ديه من عدمه .... وده طبعا إذا وصلت الأمور للشكوى للجهاز .. اللي بدوره بيتأكد العيب فين - على العميل ولا على الوكيل- ومن ثم يبدأ في اتخاذ الاجراءات الودية أولا وصولا إلى حل مرضي للمتضرر ... وإذا لم يفلح يتم سلوك سبيل التقاضي

[asd7778]

منصور بيقول فى حساس مطر ..
مفيش حساس مطر ..
ممكن حد يقولى فين حساس المطر ؟؟
الحرامى هيفضل طول عمره حرامى ..

انا لسا مجرب حساس المطر حالا
بصراحة موضوع esp خلانى مقلق من كل الكامليات
بص يا خالد
اولا حرك زرار حساس المطر الى فى دراع المسحات على الحساسية العاليه الى اليمين
ثانيا بخ بخه واحدم من البخاخ المياه حتلاقى المسحات اشتغلت
ثالثا انزل من العربيه ومعاك ازازه ميه رش مياه على الازاز وعند الحساس المطر فوق فى نص الازاز حتلاقى المسحات اشتغلت على طول كركر التجربه

الغريب فى الامر ان لو ما عملتش البخه الى فى الخطوه 2 الحساس مش بيشتغل
كمان فى الكتالوج بقول ان لو العربيه مفتوح الازاز او السقف والمطر نزل والعربيه المحرك واقف حساس المطر بيخلى السقف يقفل والازاز يقفل وده جربيه ما حصلش بس الامانه انه اوبش زياده على حساس المطر
جرب يا خالد وقلى

[KHALED AYMAN]

شكرا لكل الى رد ...
اعتقد ان حتى الى كانت ب 218 مفيهاش esp لان حسب معلوماتى انها نفس الدفعه و انا بنفسى كنت بشوفها فى مخازن منصور و انا بعمل الصيانه ...
كانت نفس العربيات فى نفس الاماكن بتاعها ...
و بعدين احنا نقدر نعرف العربيات دى دفعه تانيه ولا لا عن طريق الشركه الام ..
لو عرفنا منها اخر انتاج للعربيه كان شهر كام ...
و انا اؤيد الراى الى بيقول ان منصور بيقول على ال tc
انه esp ...
لانه من تجربتى بيشتغل اكنه tc زى ال asr فى الاوكتافيا ...
و خلى بالكو مندوب منصور قالى ان مفيش tc فى الفيكترا ...!!!!
يا ريت الجروب بتاع الفيس بوك الى قولتو عليه ...
و يا ؤيت كل من يملك فيكترا توب لاين يرد علينا عشان نعرف هنتصرف ازاى ...

[KHALED AYMAN]

انا جربت موضوع حشاش المطر ده و مشتغلش بس ده لانى معملتش الخطوه رقم اتنين الى انت قلت عليها ...
هجرب تانى و اقولك ...
عايزين تعاون جامد بقى يا جماعه ..

[asd7778]

Top Line
Anti-lock type Brake System (ABS)
Easytronic Transmission
16” Alloy wheels
3- Spoke sporty steering wheel Multi –Function steering wheel
Multi –Function steering wheel
Fog lamps, front& rear
Electrical folding & adjustable outside mirror
Glove box cooling
Graphic info display
Board computer
Leather seats
Cruise control
Central lock with remote control
Power steering
Light sensitive rear view mirror inside
Moisture sensitive wipers/ Rain sensor
Power windows
Arm Rest front & rear
Radio / CD MP3, aux in connector
8 way adjustable driver& passenger seats
7 speakers
Front& rear cup holders
Rear A/C outlets
Memory driver, convenience pack
Electronic climate control (ECC)
Two zone automatic A/C
[COLOR="rgb(255, 0, 0)"]Electronic stability program (ESP)[/COLOR]
Head lamps washer
6 Airbags. Driver, passenger, sides& curtains
Xenon lights
Sun roof (electrically operated)
Heated windshield washer nozzles

يا جماعه انا معايا العربيه
ومتأكد من كل الكماليات ماعدا esp وبردوا البخاخ السخن (بس بصراحه ولا ليه اى لازمه عشان ده معمول ان فى حاله وجود ثلح على الازاز الامامى يسيح بفعلى الماء الساخن وده طبعا مش بيحصل فى مصر من اساسه والى عرفته من النت انه بيشتغل سخن عند صفر او -3 يعنى لما تتلج بس)
السماعه السابعة موجوده
طبعا الاير باج (ربنا ما يكتب لحد استخدمها) فى عند السائق والراكب وفى جنب الكراسى الامامى وفى القائمين بتوع العربيه كلمه اير باج واضحه
يعنى ما اعتقدش منصور يقدر يشلها الا ان كانت اوبل نفسها شيلها
ارجو التفاعل من ملاك الفيكترا سى كلهم حتى نصل الى حكم نهائى عشان نتحرك فى موضوع esp

[KHALED AYMAN]

ممكن يا اسد تقولى مكان السماعه السابعه بالظبط !!!

[asd7778]

ممكن يا اسد تقولى مكان السماعه السابعه بالظبط !!!

باشا بص فى نص العربيه بالضبط فى التابلوه فى المنطقه الاماميه السوداء حيث يوجد النص كوره الصغيره هناك بالضبط السماعه السابعه وعشان تسمع منها اعمل قرطاس وقربه منها او سماعه طبيه حتلاقى صوت طالع من المكان ده
.

[asd7778]

وعشان تتأكد مليون فى الميه وطى الصوت اوى يادوب يكون فى صوت خفيف جدا وهات سماعه طبيه لو عندك وقرب من المكان ده حتلاقى صوت:10d5c8~1107:
فكره غربيه بس تجيب من الاخر

[KHALED AYMAN]

انا جربت السماعه ..
تمام موجوده و بحييك على معلوماتك ..
الى مش راضى يشتغل بقى حساس المطر ..
ممكن تقولى خطواته بالظبط ..
و اخليه شغال منين و افصله منين ؟؟
معلش انا تاعبك معايا ...
على فكره فى مفاجأه لقيتها عندى فى العربيه ....
العربيه دى فيها جزئين فى الكبوت لونهم مختلف و مش بييبان غير فى الشمس ..
لونهم اغمق من العربيه ..
و مش بتظهر غير فى الشمس و بسسسسس
و بصعوبه كمان ..
يا ترى ده ايه ؟؟
مخبوطه و مرشوشه و هى زيرو عند منصور ؟؟