وحوش الاودي الجديده (لو اعصابك تعبانه متخشش)

[horas3000]

السلام عليكم جميعا
شاء حظنا ال ........ (املوا انتم النقاط لما تخلصوا الموضوع) اننا نروح توكيل الاودي نبص علي الجديد عنده
و اذ بينا نفاجا انه عنده كولكشن جديد من العربيات حاجه كده و لا في الخيال
مش عايز اقولكم كنا عاملين زي طفلين سابونا في محل العاب مش عارفين نروح فين و لا نيجي منين ههههه

المهم نبتدي الموضوع
اول النجمات
اودي A8 الجديده
و الكلمه الوحيده اللي اقدر اوصف بيها العربيه دي هي اوفففففففف
مركبه فضائية مش عربيه يا ناس
بلاش رغي كتير و نخش علي الصور













الوحش التاني الاودي A6 الجديده ايون الجديده 2012
باختصار اخت ال A8 الصغيره
و برضه من غير رغي

















بعد كده قابلنا تحفه اودي الفنيه ال A7
خلاص عرفتم كلمه السر










يتبع.........

[horas3000]

اخيرا و ليس اخرا
سفروته اودي الجديده برضه ال A1












مش عارف اقول ايه بصراحه
تصاميم غايه في الروعه و التميز
و جوده التقفيل حاجه خرافيه و تتفوق علي مرسيدس و بي ام في راي الشخصي
ال A8 هي فعلا سفينه القياده. فخامه ايه و اوبشنز ايه لو ركبتها مش هتنزل منها
ال A6 من الاخر هتقعد المرسيدس ال E و البي ام ال 5 في البيت
ال A7 منافس شرس لل CLS بس الطبلون محتاج شويه تعديلات بسيطه و محتاجه ابراز اكبر للشخصيه خصوصا في وجود ال A5 sportback اختها الصغيره
ال A1 عربيه مبااااااااالغ في سعرها الي اقصي درجه (بتمن الجولف ال GTI) و نازله بمتور 1.4 TSI بقوه 122 حصان يعني الجولف ال GTI برقبتها

بصراحه الماركه دي لازم تتجمع في مصر عشان تقدر تنافس بي ام و مرسيدس اللي واكلين الجو

في النهايه اتمني التقرير السريع ده يعجبكم
و محدش يقولي ايه التعقيد ده و الكلام ده لان الحاجات دي علي الطبيعه تجيب استبحس و نراكم في تقارير اخري ان شاء الله

[Eslam.Elrefaey]

اكيد العربية الأولى ده من بتوع ممنوع اللمس صح ؟

[M_Marwan]

طب ماتعقدنا أكتر وتقولنا الأسعار ؟؟

[horas3000]

اكيد العربية الأولى ده من بتوع ممنوع اللمس صح ؟

غلط
اللمس مسموح و زي ما انت شايف العربيه مفتوحه و طخلنا قعدنا و صورنا و عملنا اللي عابزينه
الجديد بقي
اودي عاملين نظام جديد انك ممكن تتست دريف العربيه لمده يوم كامل بس طبعا يبقي في نيه حقيقيه للشراء

طب ماتعقدنا أكتر وتقولنا الأسعار ؟؟

ضروري يعني ههههه
انت اللي جبته لنفسك

الاودي ال A8 ابتداء من 32 الف دينار و طبعا ده لل 8 سلندر ال 6 لسه منزلتش
ال A6 ابتداء من 16 الف
ال A7 لغايه دلوقتي فئه واحده ب 18 الف
ال A1 ب 8600 دينار للي في الصوره و دي مع S line package و العاديه في حدود ال 7
ال R8 ال V10 ب 45 الف دينار

الدينار ب 20 جنيه احسبوها انتم بقي

[gebreel]

الاودي دي نقطة ضعفي و لما بقول لو معايا اركب bmw او مرسيدس او اودي هركب اودي الناس تتريق عليا

و قال انا لما بشوف الa4 بقول ايه الجمال ده =)

بس انا مش متخيل ان الr8 مكملتش مليون جنيه ده ازاي يعني؟!!! و تيجي تركب s500 تجيبها ب مليون و 300 الف

بس سعر اعادة البيع ليها مش هيبقى كويس للأسف اللانوس بياعة اكثر منها (مش عاوز ضرب)

[graffittiii]

نداء إلي أصحاب القلوب الرحيمة :
لييييييييييييييييييييييييييييييييييييييييييييييييي ييييييه كده ...
معلش سؤال ... هي العربيات دي بتتركب ؟؟؟ ...

[ashouhdy]

حسبى الله ونعم الوكيل !

[osama.m]

فين ال r8
وبعدين احنا زعلانك في حاجة عشان تزعلنا كدا :(

[omar-saad]

ماشاء الله لا قوة الا بالله
اوعدنا يارب بيها بالحلال باذن الله

[Kareem.ElAraby]

ماشاء الله لا قوة الا بالله
اوعدنا يارب بيها بالحلال باذن الله

+1+1+1+1+1+1

[horas3000]

الاودي دي نقطة ضعفي و لما بقول لو معايا اركب bmw او مرسيدس او اودي هركب اودي الناس تتريق عليا

و قال انا لما بشوف الa4 بقول ايه الجمال ده =)

بس انا مش متخيل ان الr8 مكملتش مليون جنيه ده ازاي يعني؟!!! و تيجي تركب s500 تجيبها ب مليون و 300 الف

بس سعر اعادة البيع ليها مش هيبقى كويس للأسف اللانوس بياعة اكثر منها (مش عاوز ضرب)

ما هو عشان كده هنفضل تركب اللانوس و نريل لما اودي تعدي من قدامنا ههههه
بصراحه بعد زياره امبارح الاودي a8 و a6 يتفوقوا علي منافسيهم من بي ام و مرسيدس
و ربنا يخلي لنا الجمارك و سلامي للمنتج الوطني

نداء إلي أصحاب القلوب الرحيمة :
لييييييييييييييييييييييييييييييييييييييييييييييييي ييييييه كده ...
معلش سؤال ... هي العربيات دي بتتركب ؟؟؟ ...

ايوه يا باشا بتتركب و تتساق و بيتشد بيها و كل اللي نفسك فيه

حسبى الله ونعم الوكيل !

ليه بس يا باشا :(

فين ال r8
وبعدين احنا زعلانك في حاجة عشان تزعلنا كدا :(

الr8 معروفه فقلت مش لازم اصورها
كمان التقرير عن العربيات الجديده من اودي
و انت ما تعرفش اني من الفلول فبوريكم الحاجات دي عشان تعملوا مظاهرات تطالبوا فيها باودي لكن مواطن و توقفوا عجله الانتاج اكتر ما هي واقفه هههههه

ماشاء الله لا قوة الا بالله
اوعدنا يارب بيها بالحلال باذن الله

امييييييين يا رب

[PoweRPassioN]

تسلم على التقرير الرائع
أنا عندي أقتراح
نجمع من بعض ونعمل خط تجميع في مصر
ونضيفها على مطالب الثوره
علشان نظبط الاسعار شويه لحسن كدا هتاخد السيوله كلها ههههههه


""بلاش ضرب""

[mahmoud_afifi]

حراااااااام العربيات دي تمشي في الشوارع

[tarekfar]

سيارات عظيمة ولا تقل ان لم تتفوق على البي ام والمرسيدس وخصوصا الa5 , 6, 7, 8لكن مالهاش حظ في مصر