ال Audi A3 sportback 2013 بالسعر ده رأيكم ايه ؟

[JapRuleZ]

معروض عليا عربيه A3 sportback قوة 125 hp و عمله 15000كم كسر زيرو و 1400 تربو فابريكه و فخمه من بره و جوه مفيهاش عيب على 190،000 ... مش لاقى عيب فى العربيه بس مش مطمن بصراحه اكيد فى حاجه غلط ... هو الفتيس DSG و معيوب و الناس بتخلص منها ولا ايه
افيدونا لو سمحتو قبل ما البس .....( الفتيس ..قطع الغيار... الخ)

[Ahmed_m7md_A5]

ايوه ال dsg السبع نسب ده................. المانى كبيير وادخل منتديات الفولكس و السكودا و اتفرج

[horas3000]

عربيه تحفه
بس فتيس غير مضمون للاسف

[metal_slime]

إللى فهمته إن زيت الفتيس فى النوع ده فى تقريبا نسبة كبريت بتعمل ما يسمى بالشورت سيركت على دايرة الفتيس الكهربية ...ومعرفش هل تغيير نوعية زيت الفتيس حل المشكلة ولا لأ فى الإستدعاءات إللى عملتها شركات فولكس وأودى وسكودا

[J A G U A R]

الفتيس ده...................... كبير خد بالك منه ....

[Anxs111]

أتأكد هل دة نفس إل dsg بتاع الباسات ولا لأ ...(عن طريق الرقم بتاع موديل الفتيس )...
الأتنين dsg بس في ناس قالت إن اللي أودي مفهوش مشاكل فظيعة زي باسات وجيتا عشان هو wet فما بيعانيش من السخونة الفظيعة اللي بتحصل في الزحمة من النقل الكتير بن الأول والتاني والمور وبتتسبب في بوظان وحدة الميكاترونكس ...
لاكن عموما هو فتيس قلق ...

[Mohab.Nabil]

هتدفع 200 الف فى عربية و انت كل ما بتمشى بيها هتبقى حاطط ايدك على قلبك انها " تجيب فتيس " ؟

لو عندك استعداد تاخد المغامرة ديه توكل على الله

[sasatony]

معلش يعني ماتشوف عربية تانية في نفس حدود المبلغ الي معاك علي لااقل تبقي مطمن بدل وجع الدماغ بتاع الفتيس ده

[شاهين - بنز]

الفتيس بتاع الأودي إسمه s-tronic مش dsg والفتيس ده سمعته أحسن بكتيبيير من ال dsg
والعربية معظم قطع غيارها هي هي الأوكتافيا ال a5 فبالتالي سعر قطع غيارها معقول وكذلك صيانتها
العربية تحفها ولقطة إنك لقيتها كسر زيروو ، متفرطش فيها خصوصا إنها تزيد عن الجولف ٧ : باي زينون وبلوتوث ومرايات تعتيم و تكييف كليماتك ، الزينون لوحده ممكن يعمله ٢٠ ألف في العربية دي
وبتاخد بنزين ٩٢ عادي ومن غبر تسقييف نهائي

[Anxs111]

الفتيس بتاع الأودي إسمه s-tronic مش dsg والفتيس ده سمعته أحسن بكتيبيير من ال dsg
و

حضرتك متأكد من موضوع الفتيس عشان العربية دي تربو فهل في عربيات تربو نازله بفتيسات مش dsg ....

[Ahmed TRAVCO]

انا شايف الموضوع ابسط من كده:
الأودي ماركة عملاقة وانا شخصيا احب اركب اودي اكتر من مرسيدس وبي إم... فلو العربية في الضمان يبقى خلاص مفيش مشكلة... دي أودي برضه يعني مش حاجة سهلة، ولما الواحد يبقى معاه 200 ألف ويا دوب بيفكر في سيراتو ولا كورولا -مع كامل الاحترام- بالسعر ده وفجأة يلاقي حتة أودي لقطة زي دي بنفس السعر وماشية 15 ألف بس وفي الضمان يبى الواحد لازم يتروش ويعيد حساباته...

بصراحة ربنا لو مكانك هاخدها وش لو في الضمان وبعد الكشف عليها في التوكيل طبعا...

[JapRuleZ]

الاودى ماركه كبيرة مفيش كلام ... بس بتوع ال vw قالو كده بردو و فى منهم ناس لبسو فى الحيط بس اللى اعرفهم من 2009

[M.ABDOU]

زينون ايه اللى ب 20000 جنيه ده!!!!!!!!!!!!!!!!!!!!!!!!!!!!

[omar-saad]

زينون ايه اللى ب 20000 جنيه ده!!!!!!!!!!!!!!!!!!!!!!!!!!!!

اى عربية نضيفة فئة الاودى بى ام مرسيدس
الزينون اللى فيهم 20000 فيما فوق

[M.ABDOU]

زينون ايه اللى ب 20000 جنيه ده!!!!!!!!!!!!!!!!!!!!!!!!!!!!

مع احترامى لحضرتك الكلام ده مش منطقى واكييييد مش صح

والدليل ان البى ام او المرسيدس مش حتيجى زى الليكزس هنا مثلا والزينون اللى فى اللكزس ب 4000 ريال يعنى اخره 6000 جنيه مصرى

يا ريت بس منقولش كلام الا لو متأكدين منه