أودي مالها وما عليها

[hanaf2005]

السلام عليكم ورحمة الله وبركاته

إخواني الاعزاء ملاك ومحبي سيارات الاودي

نفسي أعرف سر عزوف ملاك السيارات الألمانية عن الأودي . كله بيتكلم عن مرسيدس والبي إم والأوبل والفولكس ومش بلاقي حد بيتكلم عن الأودي خالص ولا كأنها موجودة من الاساس بل الفولفو بدأت تتفوق عليها في المنتديات والتواجد بالشارع المصري بالرغم من المقولة اللي دايماً بسمعها كتير إن الأودي الأولى في ألمانيا على عكس ما هو موجود على أرض الواقع في أغلب دول العالم وتقريبا النتيجة موحده ( 1 - مرسيدس 2 - بي إم دبليو 3 - فولكس واجن 4 - أودي ) .
بجد مش عارف ليه ؟ هل التوكيل سبب في عدم إنتشارها وتفوقها على مثيلاتها ؟ أم الصانع الألماني ؟ أم ثقافة مجتمع إستهلاكي ( المجتمع العربي ) ؟
لإني من وجهة نظري شايف فيها مميزات بعيداً عن تفاصيل الموديلات إنها صناعة ألمانية وليست (((تجميع))) وأرخص من المجمع محلياً من مثيلاتها ( المرسيدس و البي إم ) .

فأرجو من سيادتكم ( ملاكها ومحبيها ) ذكر ما لها وما عليها حتى يستفاد كل من هو مقبل على الشراء ونغير مفهوم المجتمع الإستهلاكي اللي بيمشي ورا كلام الناس وأهوائهم دون البحث عن الهدف من إمتلاك العربية وحقيقة تفاصيلها على أرض الواقع .

ولكم جزيل الشكر

[lozaa]

اولا احب احييك لانك اعطيتلي امل في قسم الاودي النائم دائماً ومش عارف السبب ايه
ثانيا شهادة محبي الاودي في الاودي ستكون مجروحه لانها من وجهة نظري السيارة الاولي من جميع وجهات النظر وذلك لا يقلل من شأن السيارات الاخري لاني عندما حاولت المقارنة لشراء سيارة اخري فكان الاقرب البي ام لانها شبابي بالمقارنة بالمرسيدي ومع احترامي للجيتا والباسات اعتقد ان الاودي تكسب ايضاً وانتهت المقارنة بالنسبة لي بين البي ام والاودي وتفوز الاودي من وجهة نظري للاسباب الاتيه :
- ارتفاع الاودي عن الارض بالمقارنة بالبي ام
- الماتور ال 1600 سي سي وقلة الموجود منه في البي ام مع ملاحظة اني بتحدث عن موديلات 2000 لانه مع بحثي في البي ام 1800 و 2000
- لكن ذلك لا يقلل من البي ام في شيء لانها معشوقتي ايضاً وكثرتها في السوق المصري ادي الي ثبات اسعارها وارتفاعه وكثرة قطع غيارها وتجارها والمتخصصيين في الميكانيكا الخاصه بها وذلك علي عكس الاودي القليلة نسبياً من حيث عددها في السوق المصري وذلك ظاهر وبوضوح في الموديلات من 2000 الي 2005 بالنسبة لفئة ال A4 واعتقد ايضاً ال A3
- يجب الا اغفل ان سبب ركود السوق بالنسبة للاودي A4 موديل 2006 انها ناقل حركة يدوي مع ارتفاع سعرها الذي يصل ل 130000 جنيه مصري يقلل من الطلب عليها .
واخيرا اسف للاطالة ولكن اتمني في النهاية ان منتدي الاودي اكثر فاعلية

[hanaf2005]

اولا احب احييك لانك اعطيتلي امل في قسم الاودي النائم دائماً ومش عارف السبب ايه
ثانيا شهادة محبي الاودي في الاودي ستكون مجروحه لانها من وجهة نظري السيارة الاولي من جميع وجهات النظر وذلك لا يقلل من شأن السيارات الاخري لاني عندما حاولت المقارنة لشراء سيارة اخري فكان الاقرب البي ام لانها شبابي بالمقارنة بالمرسيدي ومع احترامي للجيتا والباسات اعتقد ان الاودي تكسب ايضاً وانتهت المقارنة بالنسبة لي بين البي ام والاودي وتفوز الاودي من وجهة نظري للاسباب الاتيه :
- ارتفاع الاودي عن الارض بالمقارنة بالبي ام
- الماتور ال 1600 سي سي وقلة الموجود منه في البي ام مع ملاحظة اني بتحدث عن موديلات 2000 لانه مع بحثي في البي ام 1800 و 2000
- لكن ذلك لا يقلل من البي ام في شيء لانها معشوقتي ايضاً وكثرتها في السوق المصري ادي الي ثبات اسعارها وارتفاعه وكثرة قطع غيارها وتجارها والمتخصصيين في الميكانيكا الخاصه بها وذلك علي عكس الاودي القليلة نسبياً من حيث عددها في السوق المصري وذلك ظاهر وبوضوح في الموديلات من 2000 الي 2005 بالنسبة لفئة ال a4 واعتقد ايضاً ال a3
- يجب الا اغفل ان سبب ركود السوق بالنسبة للاودي a4 موديل 2006 انها ناقل حركة يدوي مع ارتفاع سعرها الذي يصل ل 130000 جنيه مصري يقلل من الطلب عليها .
واخيرا اسف للاطالة ولكن اتمني في النهاية ان منتدي الاودي اكثر فاعلية

ياباشا أنا مبسوط جداً من مشاركتك وأشاركك في الرأي بتمنياتي عودة نشاط منتدى أودي ودخولها في المنافسة الشرسة مع مثيلاتها.

تحياتي ليك

[aymanshebl]

حرام عربيات بتكلفة عالية تمشى فى شوارع مصر الصراحة

[ENG.MaRk]

الأودي شركة عظيمة و بتعمل عربيات محترمة جداً بس الفكرة في الانتشار و التوكيل و الdsg و ديه حاجة بتخوّف جداً

[Falcon.Crest]

بص حضرتك الموضوع بيحكمه في الاول ثقافه سوق و شعب المصريين عندهم الميرك و البي ام اعظم سيارات في التاريخ كمان الاودي مش رخيصه يعني مثلا q5 سعرها 630 الف مصري بالرقم دي تشتري X3 اعلي فئه او جراند شيروكي مع كميه اوبشن غير طبيعيه مش موجوده في الاودي مش عن نقص و لكن جمارك البلد بتفرض علي الوكيل كده
بالنسبه لفولفو نفس القصه ارخص بكتير مع اوبشن غير طبييعه
انا من ملاك VW و اودي بعد كده اقدر اقولك مفيش وجه مقارنه اصلا بين الاتنين الاودي اعلي بكتير و اعتماديه اعلي و قطع غير سعرها طبيعي مقارنه بمثيلاتها بس هي سمعه بقي و طلعت يقولك الاودي قطع غياره نار انا عايز اقولك ان تيل الفرامل عندي بيتغير علي 60000 و البوجيهات علي 90000
الميرك و الي ام سيارات عظيمه بس انا مش مقتنع بجوده التقفيل المصري و كمان سعرهم عالي للمحافظه علي برستيج الماركه
تحياتي

[ahmedshady]

هو الموضوع علي فكرة عندنا هنا في مصر وبس ثقافة شعب
و دول الخليج كمان (لان اصلا عندهم قطع الغيار نار حتي الكوري! )... في المانيا الاودي دي رقم واحد وبالنسبة للالمان اعلي من البي ام
واللي ليه صديق او قريبه عايش في اوروبا او المانيا حيقولك علي الموضوع ده
ومش لازم تسال شوف المواقع الاجنبية وال youtube وشوف الريفيوهات بتاعة العربيات ديه عامل ازاي
عيبها هنا في مصر ان سعر الزيرو بينزل جامد لما تبعها مستعمل
وانا للعلم ركبت اودي قبل ما اشتريها كان الكل يعد يقولي بلاش
و كنت اسمع حاجات غريبة اللي يقولي طقم البوجيهات ب800 جنية
واللي يقولي التيل الخلفي ب 920
ومش موجودة خالص حتي في التوكيل وحتركن العربيه اسبوع لحد ما يجيبوهالك وكلام كله اشاعات ومش بناء علي تجربة مثلا ولا حاجة
والله بعد ما جبتها لقيت الاسعار عادية جدا بالنسبة اللي في نفي فئتها ويالذات
الa4 موديلات من 2005 ل2008 وكلامي ده عن تجربة حتلاقيهم نفس رينج الباسات و قطع الغيار متواجدة كنت اروح اي مركز خدمة عادي كان اللي يروح يجيب قطعة الغيار يغيب نص ساعة او ساعة بالكتير والاقيه جاي بيها
يعني ديه ثقافة شعب
عايز عربيات تكنولوجيا عاليه وسعر قطع غيار ببلاش
بس في الاول و الاخر مش الاودي ده حال معظم الماركات العالية في مصر

[hanaf2005]

الأودي شركة عظيمة و بتعمل عربيات محترمة جداً بس الفكرة في الانتشار و التوكيل و الdsg و ديه حاجة بتخوّف جداً

أولا بشكر حضرتك جداً على المشاركة وده شرف كبير جداً ليا .
ثانياً بالنسبة لقصة الdsg وعيوبه مش موجودة نهائياً في الأودي على عكس الفولكس والأوكتافيا والسيات.
ثالثاً بحكم تواجد حضرتك في ألمانيا كنت عايز أستفسر من حضرتك على نقاط مهمة لصالح العربية الا وهي هل كلامي وكلام الناس المتداول حقيقي وواقعي بإن الألمان بيعشقوا الأودي لفخامتها ويليها البي إم والمرسيدس والفولكس والأوبل ؟ وهل الأودي اللي عندنا في مصر بتقل فيها الأوبشنات على اللي موجودة هناك في بلدها الأم ؟

ولك مني بالغ الإحترام والشكر والتقدير.

[hanaf2005]

بص حضرتك الموضوع بيحكمه في الاول ثقافه سوق و شعب المصريين عندهم الميرك و البي ام اعظم سيارات في التاريخ كمان الاودي مش رخيصه يعني مثلا q5 سعرها 630 الف مصري بالرقم دي تشتري x3 اعلي فئه او جراند شيروكي مع كميه اوبشن غير طبيعيه مش موجوده في الاودي مش عن نقص و لكن جمارك البلد بتفرض علي الوكيل كده
بالنسبه لفولفو نفس القصه ارخص بكتير مع اوبشن غير طبييعه
انا من ملاك vw و اودي بعد كده اقدر اقولك مفيش وجه مقارنه اصلا بين الاتنين الاودي اعلي بكتير و اعتماديه اعلي و قطع غير سعرها طبيعي مقارنه بمثيلاتها بس هي سمعه بقي و طلعت يقولك الاودي قطع غياره نار انا عايز اقولك ان تيل الفرامل عندي بيتغير علي 60000 و البوجيهات علي 90000
الميرك و الي ام سيارات عظيمه بس انا مش مقتنع بجوده التقفيل المصري و كمان سعرهم عالي للمحافظه علي برستيج الماركه
تحياتي

أولاً بشكر حضرتك على المشاركة
ثانياً الموضوع مش بيقلل من ماركات معروفة إسمها مش عندنا هنا في مصر ده في العالم أجمع وأنا من العاشقين جداً للنجمة الفضية إنما كل مافي الموضوع إن الاودي لاتقل نهائيا عنهم في أي حاجه من ناحية الجودة والمتانة والقوة والثبات والفخامة والشياكة وكل ما هو معروف عن السيارات الألمانية ولكن سوقها ضعيف لايتناسب مع حجمها ومواصفاتها بجانب إنتشار المرسيدس والبي إم وبعيداً عن قصة الكماليات مع إحترامي الكامل للمستهلك المصري إن مش كل الأوبشنات بتستخدم في مصر ومش كل الأوبشنات الناس بتبقى في حاجه ليها بالعكس في العالم المتقدم المحترم عند شراء عربية إنت اللي بتتحكم في الإضافات اللي إنت عاوزها مش الوكيل اللي بيفرضها عليك عشان تبقى متناسبه مع إمكانياتك وإستخداماتك ومدى حاجتك للأوبشن مش مجرد علبه مليانه هدايا ولعب وخلاص .
ثالثاً للأسف الشديد الجهل والأمية مأثرين في السوق جداً والتجار بيشتركوا في النقطة دي عشان ترويج عربياتهم كما حصل مع التويوتا الكورولا الجنوب أفريقي والخليجي ونفس القصة مع السيراتو الخليجي والوكيل المصري . مهما كانت المواصفات لكل دولة ولكل قارة ولكل مدينة ولكل شعب ظروف مناخية خاصة ومذاق خاص وطبيعة تختلف ووجهات نظر وإحتياج مختلف وطرق مختلف وطباع مختلفة حاجات كتيره جدا مختلفةوكلنا بنقيس بمقاييس خاطئة تماماً ماينفعش أكون راكب عربية كوري مع إحترامي لمالكيها ولما أركب الياباني أو الألماني أقول قطع غيارهم مش منتشرة وغالية وسعر إعادة البيع ضعيف وهتخسر جامد و.......و..........و.......... ويألفوا قصص يخسروا فيها المنتج وعلامته.
خلاصه الكلام وآسف على الإطالة ربنا يرحمنا برحمته ويصلح حالنا للأفضل وسوقنا يتوسع بأكبر كم من الموديلات والماركات المحترمة عشان السوق يتنوع ويبقى فيه مميزات كتيره ومتناسبة مع كل الفئات.

[lozaa]

]اكتر حاجه مفرحاني اننا عملنا حس لمنتدي الاودي وده انا مفتقده بشدة يفضل عامر ديماً بحسكوا

[waswas2]

انا متفق معاكم الموضوع ثقافة شعب والناس عندنا بتغير رأيها بصعوبة وبتتمسك برايها بس ,
لكن الأودى عربية ممتازة و بيعتبروها رقم واحد فى المانيا ودة راى كتير من اصحابى وزملائى الألمان لأن بشتغل فى شركة المانية, ودة طبعا ما بيقللش من العربيات التانية على الرغم من انو بعض محبى العرييات التانية وبالأخص محبى البى ام بيقللو من قوة الاودى بطريقة مزعجة جدا .

والعربية ممتازة وقوية جدا وثايتة وقمة فى الشياكة وموفرة فى البنزين جدا جدا جدا والتسارع ممتاز و بالنسبة للاوبشن فيها كل ما تريد بس برة فعلا انت بتقدر تطلب الاوبشن اللى انت عايزها وهم بيضيفوها.
ببس بصراحة العربية دى تحس انها حرام تتساق فى مصر لأنها محتاجه طرق نضيفة ممهدة واسعة عشان تظهر قدراتها غير كدة هتحس انها مسجونة ودة بينطبق على مثيلاتها من بى ام و مرسيدس .
بصراحة انا بحب العربية دى (:

[Falcon.Crest]

لسه راجع من الغردقه و انا بركن امام الفندق كان في اسره المانيه لدرجه ان الاب جرب العربيه في بارك الاوتيل
و كان تعليقه الاتي
AUDI plays BMW and MERC. in Germany
سعرها في المانيا 25 الف يورو بس زياده عن عربيتي 4 اير باج و كاست مع MMI system و AUDI drive select

[abdulkhaleq]

اعتقد والله اعلم ان موضوع تجميع البي ام والمرسيدس في مصر عليه عامل
ممكن يكون بيرخص مثيلاتها من كل الفئات
الا في حالة المستورد
ده بالاضافه طبعا لان احنا مش بنجرب بنختار زي ما كل الناس بتختار وخلاص

[hanaf2005]

مميزات الأودي عن منافسيها

تنتج شركة أودي سيارات مطلية بالزنك 100% لمنع تآكلها، وكانت أول سيارة تقوم بذلك بعد أن قدمت شركة بورشه هذه العملية في عام 1975.أثبتت طبقة الزنك فعاليتها في منع الصدأ، بالإضافة إلى إجراءات الأمان. كما تخطت متانة جسم أودي بل تجاوزت التوقعات الخاصة بها، مما تسبب في زيادة الشركة المصنعة لضمانها الأصلي البالغ 10 سنوات ضد الصدأ إلى 12 عام (باستثناء الهياكل المصنوعة من الألمنيوم التي لا تصدأ)، رفضت شركة أودي اعتماد نظام الجر الخلفي التقليدي الذي تفضله الشركتين اللدودتين مرسيدس بنز، وبي إم دبليو، حيث أن أودي تفضل الدفع الأمامي أو الدفع الرباعي. ومن أجل تحقيق ذلك، استخدمت شركة أودي محرك أمامي طولي، وذلك من خلال وضعها المتدلى عبر العجلات الأمامية – أمام خط المحور. في حين أن ذلك يسمح للمحركات المتساوية في الطول (وبالتالي مكافحة عزم الدوران)، والاعتماد السهل للدفع الرباعي، وهو مخالف لتوزيع الوزن المثالي 50:50 (كما هو الحال في جميع السيارات التي تعمل بالجر الأمامي).
بدأت أودي مؤخراً في طرح نظام مراقبة محوسب لسياراتها يسمى واجهة متعددة الوسائط (إم إم آي). وجاء ذلك وسط انتقادات نظام تحكم الآي درايف الخاص بالبي إم دبليو.إنه مفتاح تحكم دوري وأزرار 'جزئية' -- تهدف إلى السيطرة على جميع وسائل الترفيه الموجودة في السيارة (الراديو، ومبدل أقراص السي دي، والآي بود، وموالف التلفزيون)، والملاحة الفضائية، والتدفئة، والتهوية، والضوابط الأخرى التي تحتوى على شاشة بالسيارة. ويعتبر نظام الإم إم آي تقدماً كبيراً على نظام الآي درايف الخاص بالبي إم دبليو، على الرغم من أن بي إم دبليو قد جعلت الآيدريف أكثر سهولة في الاستخدام.
يتمتع الإم إم آي بنظام استقبال جيد، لأنه يتطلب بحث أقل للقائمة من خلال الأزرار الجزئية الموجودة حول مقبض مركزي، بالإضافة إلى أزرار 'المهام الرئيسية' المباشرة—مع وجود اختصارات للإذاعة أو وظائف الهاتف. تظهر الشاشة، الملونة أو أحادية اللون، فوق لوحة أجهزة القياس، بينما تظهر الضوابط بشكل أفقي في كل من A4 (الجديدة)، والA5، والA6، A8 و Q7.
يوجد نظام مشابه للإم إم آي في السيارة الA3، والتي تي، والA4 أو (B7)، والR8—حيث أنها مجهزة بنظام الملاحة بالأقمار الاصطناعية Audi Navigation System Plus.

[Falcon.Crest]

تنتج شركة أودي سيارات مطلية بالزنك 100% لمنع تآكلها، وكانت أول سيارة تقوم بذلك بعد أن قدمت شركة بورشه هذه العملية في عام 1975.أثبتت طبقة الزنك فعاليتها في منع الصدأ، بالإضافة إلى إجراءات الأمان. كما تخطت متانة جسم أودي بل تجاوزت التوقعات الخاصة بها، مما تسبب في زيادة الشركة المصنعة لضمانها الأصلي البالغ 10 سنوات ضد الصدأ إلى 12 عام (باستثناء الهياكل المصنوعة من الألمنيوم التي لا تصدأ)، رفضت شركة أودي اعتماد نظام الجر الخلفي التقليدي الذي تفضله الشركتين اللدودتين مرسيدس بنز، وبي إم دبليو، حيث أن أودي تفضل الدفع الأمامي أو الدفع الرباعي. ومن أجل تحقيق ذلك، استخدمت شركة أودي محرك أمامي طولي، وذلك من خلال وضعها المتدلى عبر العجلات الأمامية – أمام خط المحور. في حين أن ذلك يسمح للمحركات المتساوية في الطول (وبالتالي مكافحة عزم الدوران)، والاعتماد السهل للدفع الرباعي، وهو مخالف لتوزيع الوزن المثالي 50:50 (كما هو الحال في جميع السيارات التي تعمل بالجر الأمامي).
بدأت أودي مؤخراً في طرح نظام مراقبة محوسب لسياراتها يسمى واجهة متعددة الوسائط (إم إم آي). وجاء ذلك وسط انتقادات نظام تحكم الآي درايف الخاص بالبي إم دبليو.إنه مفتاح تحكم دوري وأزرار 'جزئية' -- تهدف إلى السيطرة على جميع وسائل الترفيه الموجودة في السيارة (الراديو، ومبدل أقراص السي دي، والآي بود، وموالف التلفزيون)، والملاحة الفضائية، والتدفئة، والتهوية، والضوابط الأخرى التي تحتوى على شاشة بالسيارة. ويعتبر نظام الإم إم آي تقدماً كبيراً على نظام الآي درايف الخاص بالبي إم دبليو، على الرغم من أن بي إم دبليو قد جعلت الآيدريف أكثر سهولة في الاستخدام.
يتمتع الإم إم آي بنظام استقبال جيد، لأنه يتطلب بحث أقل للقائمة من خلال الأزرار الجزئية الموجودة حول مقبض مركزي، بالإضافة إلى أزرار 'المهام الرئيسية' المباشرة—مع وجود اختصارات للإذاعة أو وظائف الهاتف. تظهر الشاشة، الملونة أو أحادية اللون، فوق لوحة أجهزة القياس، بينما تظهر الضوابط بشكل أفقي في كل من a4 (الجديدة)، والa5، والa6، a8 و q7.
يوجد نظام مشابه للإم إم آي في السيارة الa3، والتي تي، والa4 أو (b7)، والr8—حيث أنها مجهزة بنظام الملاحة بالأقمار الاصطناعية audi navigation system plus.

mmi للاسف بيزود سعر العربيه جدا علشان احنا في بلد محترمه