أودي مالها وما عليها

[saradar77]

رسالة لكل الافاضل المشاركين في منتدي الاودي...
١- الاودي الآن رقم واحد في المانيا وبعض الطرازات الكبيرة (A5,A7,A8) رقم واحد في دول الخليج ومفضلة علي المرسيدس والبي ام وغيرها وغالبا بيشتريها اهل الخليج او الاجانب المقيمين هناك(مصريين لا)
٢- الشركة الام قررت انها في خلال ال ٥ سنين الجايه تتربع علي عرش السيارات الفخمة في العالم....في حملات اعلان غير مباشر في معظم الافلام العالمية المعروفة وخطط دعائية اخري..بالاضافة الي رقابة صارمة علي مدي رضاء العميل بعد البيع.
٣- اودي شركة عريقة منذ الخمسينات وكانت عدة شركات واتحدت في شركة واحدة (الشعار الحالي)
Audi History - Classic Audi Models | Audi USA
4- وجود اودي داخل مجموعة الفولكس /سيات/سكودا جروب لايعني ان نفس المشاكل اللي بتحصل عندهم بتحصل في الاودي....المصانع مختلفه...خطوط التجميع مختلفة ، جودة المكونات مختلفة...موضوع الجروب ده سياسة اقتصادية وكل براند مسئول عن منتجه
٥- العميل اللي بيختار الاودي بيبحث عن التميز وقوة التحمل....اقل السيارات احتياجا للصيانه لان المكونات عالية الجودة ومعمرة اكثر من اي سيارة اخري بما فيها المرسيدس
٦- الوكيل في مصر ضعيف الكفاءة وتقريبا خدمة ما بعد البيع منعدمة ...بس في نقطة ايجابيه ان اي صيانه بتحصل او تغيير قطة غيار او تركيب اوبشن بيتم عن طريق لاين مفتوح مع المانيا وبيكون في متابعه من المانيا بعد كده مع العميل....بس ده لا ينفي السلوك المصري بتاع الجدل والمقاوحة الموجود في كل مكان ...بس عموما الوكيل مركز اكتر مع فولكس كبراند....اما اودي تحس انهم لا وجود لهم ولا حملات اعلانية حتي الصفحة بتاعتهم علي الفيس مش مخصصين حد محترف لها (غالبا واحد من المبيعات) ....لما اثير موضوع الدي اس جي بتاع الفتيس والمشاكل اللي حصلت في الجولف والفولكس عموما ما كانش في رد فعل مريح او مطمئن من قسم اودي يخلي ملاك اودي يطمنوا ان الفتيس اللي عندهم مكونات مختلفه ووجه التشابه انه تكنلوجيا واحدة بس
٧- العربيات اكثر من رائعة وتحس انها الالماني بتاع زمان...قفلة الباب والمكونات الداخلية الراقية ووسائل الامان...الخ ....
البراند مالوش تواجد اوي في مصر لسببين
الاول ...ضعف الوكيل الشديد وسوء الادارة (السيطرة علي المهندسين في مراكز الصيانه والفنيين)
الثاني...جهل السوق بالبراند والاشاعات اللي بيروجها المنافسين (وده برضهبسبب ضعف الوكيل)
المانيا مش واضح موقفها من الوكيل....اعتقد انهم بيدوهم فرصة لتحسين الاوضاع لان حصل اكثر من شكوي من الوكيل في مصر ....وفي احد بلاد الخليج قامت اودي بسحب التوكيل من وكيل لشكوي عميل واحد بعد التاكد منها
(عقبال مصر)......

[saradar77]

احب اضيف برضه ان لم يحدث اي مشكله تخص الفيتيس الdsg في الاودي علي الاطلاق من اول ما ركب سنة ٢٠٠٩ حتي الآن (حسب علمي)...بدليل ان اودي مازالت تنتجه في سياراتها بجميع الفئات ومع اختلاف المحركات
ومافيش اي شكوي حصلت

[hanaf2005]

رسالة لكل الافاضل المشاركين في منتدي الاودي...
١- الاودي الآن رقم واحد في المانيا وبعض الطرازات الكبيرة (a5,a7,a8) رقم واحد في دول الخليج ومفضلة علي المرسيدس والبي ام وغيرها وغالبا بيشتريها اهل الخليج او الاجانب المقيمين هناك(مصريين لا)
٢- الشركة الام قررت انها في خلال ال ٥ سنين الجايه تتربع علي عرش السيارات الفخمة في العالم....في حملات اعلان غير مباشر في معظم الافلام العالمية المعروفة وخطط دعائية اخري..بالاضافة الي رقابة صارمة علي مدي رضاء العميل بعد البيع.
٣- اودي شركة عريقة منذ الخمسينات وكانت عدة شركات واتحدت في شركة واحدة (الشعار الحالي)
audi history - classic audi models | audi usa
4- وجود اودي داخل مجموعة الفولكس /سيات/سكودا جروب لايعني ان نفس المشاكل اللي بتحصل عندهم بتحصل في الاودي....المصانع مختلفه...خطوط التجميع مختلفة ، جودة المكونات مختلفة...موضوع الجروب ده سياسة اقتصادية وكل براند مسئول عن منتجه
٥- العميل اللي بيختار الاودي بيبحث عن التميز وقوة التحمل....اقل السيارات احتياجا للصيانه لان المكونات عالية الجودة ومعمرة اكثر من اي سيارة اخري بما فيها المرسيدس
٦- الوكيل في مصر ضعيف الكفاءة وتقريبا خدمة ما بعد البيع منعدمة ...بس في نقطة ايجابيه ان اي صيانه بتحصل او تغيير قطة غيار او تركيب اوبشن بيتم عن طريق لاين مفتوح مع المانيا وبيكون في متابعه من المانيا بعد كده مع العميل....بس ده لا ينفي السلوك المصري بتاع الجدل والمقاوحة الموجود في كل مكان ...بس عموما الوكيل مركز اكتر مع فولكس كبراند....اما اودي تحس انهم لا وجود لهم ولا حملات اعلانية حتي الصفحة بتاعتهم علي الفيس مش مخصصين حد محترف لها (غالبا واحد من المبيعات) ....لما اثير موضوع الدي اس جي بتاع الفتيس والمشاكل اللي حصلت في الجولف والفولكس عموما ما كانش في رد فعل مريح او مطمئن من قسم اودي يخلي ملاك اودي يطمنوا ان الفتيس اللي عندهم مكونات مختلفه ووجه التشابه انه تكنلوجيا واحدة بس
٧- العربيات اكثر من رائعة وتحس انها الالماني بتاع زمان...قفلة الباب والمكونات الداخلية الراقية ووسائل الامان...الخ ....
البراند مالوش تواجد اوي في مصر لسببين
الاول ...ضعف الوكيل الشديد وسوء الادارة (السيطرة علي المهندسين في مراكز الصيانه والفنيين)
الثاني...جهل السوق بالبراند والاشاعات اللي بيروجها المنافسين (وده برضهبسبب ضعف الوكيل)
المانيا مش واضح موقفها من الوكيل....اعتقد انهم بيدوهم فرصة لتحسين الاوضاع لان حصل اكثر من شكوي من الوكيل في مصر ....وفي احد بلاد الخليج قامت اودي بسحب التوكيل من وكيل لشكوي عميل واحد بعد التاكد منها
(عقبال مصر)......

بصراحه أنا مش عارف ليه التوكيلات عندنا لما تطلع على عربياتها إشاعة ممكن تأثر على مبيعاتها مش بتطلع بيان توضح فيه الملابسات عشان تقطع الحوار نهائي على اللي بيطلعوا إشاعات وبيتكلموا وخلاص بدون أي إثباتات أو دلائل واضحة . فعلاً مستغرب زي قصة مرسيدس وأوبل وجيب جراند شيروكي وفولكس وتويوتا ونيسان وإلخ . دي ملهاش غير معنى واحد إستخفاف بعقول شعب ملهاش معنى تاني بصراحه.

[saradar77]

استاذ hanaf2005
بعد التحية...انا اقول لك ليه..
١-تجاهل للعملاء (يعني بيعملوا نفسهم مش واخدين بالهم ) عشان لما يحصل مشكله مايكونش في التزام بالاصلاح وهمه مش متأكدين الشركة الام هتشيل الموضوع ولا لأ
٢- مايقدروش يقولوا في مشكلة في الجزء الفلاني الا لو حصل استدعاء لارقام شاسيهات من الشر؛ه الام
٣- هوه ده حال اي توكيل اي منتج اجنبي في مصر...مش عربيات بس...دي ثقافة التوكيلات المصرية...مهمتهم البيع فقط انما خدمة ما بعد البيع ما سمعوش عنها للاسف....بس في نقطة ايجابيه ...الشركات المحترمه بتتصل بالعملاء كل فترة بعد الشراء وبعد كل صيانه وبيعملوا استقصاء رأي ....ولو في شكاوي التوكيل بيتروق :)

[silver eagle]

بصراحه ياجماعة انا بعشق الاودي ونفسي اشتري عربية a4 بس مش عارف اسعار الصيانه وقطع الغيار ايه ياريت الساده ملاك الاودي يقولوا اسعار قطع غيار الاودي a4 موديل 2000 بكام واماكن مراكز الصيانه واسعارها ايه احترامي للساده الاعضاء وملاك الأودي

[amrdessoky]

السلام عليكم
معايا اودي a4 2014 وقبليهاكان 180 سي 2009 لا وجة للمقارنة الاودي تكسب بمراحل

[hanaf2005]

السلام عليكم
معايا اودي a4 2014 وقبليهاكان 180 سي 2009 لا وجة للمقارنة الاودي تكسب بمراحل

وعليكم السلام ورحمة الله وبركاته
ممكن بعد إذن حضرتك توضحلنا الإختلافات الجذرية اللي لقيتها في الأودي وملقتهاش في المرسيدس والعكس ؟

تحياتي

[hanaf2005]

استاذ hanaf2005
بعد التحية...انا اقول لك ليه..
١-تجاهل للعملاء (يعني بيعملوا نفسهم مش واخدين بالهم ) عشان لما يحصل مشكله مايكونش في التزام بالاصلاح وهمه مش متأكدين الشركة الام هتشيل الموضوع ولا لأ
٢- مايقدروش يقولوا في مشكلة في الجزء الفلاني الا لو حصل استدعاء لارقام شاسيهات من الشر؛ه الام
٣- هوه ده حال اي توكيل اي منتج اجنبي في مصر...مش عربيات بس...دي ثقافة التوكيلات المصرية...مهمتهم البيع فقط انما خدمة ما بعد البيع ما سمعوش عنها للاسف....بس في نقطة ايجابيه ...الشركات المحترمه بتتصل بالعملاء كل فترة بعد الشراء وبعد كل صيانه وبيعملوا استقصاء رأي ....ولو في شكاوي التوكيل بيتروق :)

إمتى إحنا نفوق ونوقف التوكيلات وأصحاب التوكيلات والدولة عند حدودهم ونعرفهم إن لحمنا مر ومبيتاكلش بالساهل ؟؟؟ يعني عربيات درجة تالته وبنسكت ومش مطابقة للمواصفات وبنسكت ومن غير كماليات اساسية زي اي دولة بتحترم شعبها وبنسكت ومواتير صغيره وضعيفة على وزن العربية وبنسكت وجمارك وضرائب خرافية وبنسكت ومفيش اي دليل واحد على أحقية الدولة في الجمارك المفروضة ولا حد بيتكلم وتوكيلات بتكسب من الهوا وبنسكت وخدمة مع بعد البيع مش موجودة اساساً غير الاسم وساكتين . وبعدين !!!! لإمتى هنكمل سكوتنا الغير مبرر ؟؟؟؟ يعني وصل الحال إن العيوب والمشاكل ظهرت في فئات عربيات تتعدى 400 الف جنية وشايف الناس بتتفاعل مع المشكله بالدعاء على البلد وصاحب التوكيل مش اكتر وقصة البنزين الشعب لبسها لا التوكيل ولا وزارة البترول عندهم المشكلة . المشكلة في المواطن نفسه ، لو ربع مشكله من المشكلات دي اتوجدت بره للاسف الشديد الشركة حالها بيتوقف وبتدفع غرامات مهولة إنما حدث ولا حرج مصر حاجه والعالم كله حاجه تانيه . بجد مش لاقي كلام اقدر اقوله ولا تفسير مبرر للي احنا فيه غير سخط وغضب ربنا علينا وسكوتنا عن ابسط حقوقنا .

[saradar77]

يسلم قولك .....لو اتفق الكل ان يتبعت شكاوي للشركات الام (اي ماركة) ويوصلهم ان الوكيل سئ من اكتر من عميل بيكون ي موقف وبيسحب التوكيل منه...انما الناس بتكسل تبعت...المفاجأه ان التوكيلات بتبعت للمصنع تقول له ان البنزين في مصر سئ وان الاجراءات الحكومية معقدة وبيصدقوهم.....في توكيلات بتلتزم بنسبة معقولة في اصلاح واستبدال عيوب الصناعه او المشاكل انما في العموم بيتجاهلوا العملاء...لو العملاء اتحدوا وقدموا شكاوي جماعية هيجيب نتيجة واعتقد ان موقع نايل موتورز مكان محترم لتجميع العملاء

[Mohab.Nabil]

السلام عليكم
معايا اودي a4 2014 وقبليهاكان 180 سي 2009 لا وجة للمقارنة الاودي تكسب بمراحل

فرق 5 سنين اكيد مش هيبقى فيه وجه للمقارنة

الطبيعى اى شركة محترمة مع كل جيل جديد تحسن من نفسها

المفروض عشان المقارنة تبقى عادلة الاتنين يبقوا 2014 او الاتنين 2009

و ربنا يبارك لحضرتك فى الاودى

[Costa khattab]

عجبتني المناقشة بتاعتكم جداً
طب سؤال بقى
أنا معايا بروتون ساجا 2013 أوتو لو بعتها وجبت الأودي موديل 2000 مثلاً يبقى أحسن وللا كده يبقى اسمه عك؟؟؟ مع العلم إني مقتنع جداااااااااااااا بالألماني أكتر من أي عربيات تانية
وشكراً لحضراتكم

[Falcon.Crest]

عجبتني المناقشة بتاعتكم جداً
طب سؤال بقى
أنا معايا بروتون ساجا 2013 أوتو لو بعتها وجبت الأودي موديل 2000 مثلاً يبقى أحسن وللا كده يبقى اسمه عك؟؟؟ مع العلم إني مقتنع جداااااااااااااا بالألماني أكتر من أي عربيات تانية
وشكراً لحضراتكم

لا كده يبقي عك استمتع بعربيتك الجديده و مش ترجع للخلف 13 سنه

[Hosam_Optrawy]

lنا من عشاق الأودى خاصة الأشكال الجديده في 4-5 سنين الأخيره

سبب عدم انتشار الأودى في مصر مقارنة بالبى ام والمرسيدس معروف

وهو ان البى ام والمرسيدس بيتجمعوا في مصر اما الأودى بتيجى من المانيا مباشرة وأصغر موتور عندها 1800 سى سى فما فوق فبالتالى سعرها عالى أوى ، بإستثناء طبعا ال A1 و A3 و Q3 اللى نزلوا مؤخرا بمواتير 1.4

غير كدا أعتقد ان كان هايبقى ليها نصيب كبير في السوق ، لأن سعرها معقول جدا بعكس بى ام ومرسيدس اللى فيه جزء مش قليل من سعرها عشان العلامه ، وفنيا الأودى ماتقلش عنهم والمنافس الأقوى ليهم يمكن بس موضوع الدفع الخلفى هو اللى مديهم ميزه خليتهم سابقين الأودى بخطوه

[Falcon.Crest]

lن الدفع الخلفى هو اللى مديهم ميزه خليتهم سابقين الأودى بخطوه

الاودي عندهم اكتر من لاين A, S, RS Lines بره العربيات بتنزل بنظام quatro الشهير يتاع اودي . اودي لم تعتمد الدفع الخلفي في سياستها لان major عندهم هو الكواترو
و الدفع الامامي مش وحش الحقيقه العربيه معايه انا بطبعي مش بجري بس اكتر من مره جربتها علي منحنيات اللعين السخنه علي سرعه 140 و كان عادي جدا الثبات ممتاز .
تحياتي ليك

[Falcon.Crest]

لسلام عليكم
اسف على الازعاج .... بس معلش علشان انا معرفش حد من مالكى audi a3 sports back وخاصه ان انا من اسكندريه فالرعربيه مش موجود منها غير واحده بس اللى شوفتها .. حتى فى الصالات و عند طارق اسماعيل مش موجوده دايما ..فبستأذنك فى شويه استفسارات

1 - هل الموتور اللى عندك هو الموتور اللى موجود فى 2015 ... وايه اخبار ادائه فى السحب و الشد .. ﻷن على حسب علمى انه موتور 122 حصان
نفس الموتور 1400 tfsi 200 n/m المهم هنا هو العزم مش القدره و العزم بيطلع طله عند 1400 rpm العربيه اكتر من هايله التسارع الرسمي ليها 8.5 لكن عمليا هي افضل من كده و خاصه علي بنزين 95 العربيه بتستجيب لاي دوسه بنزين و سحبها مخيف لازم تكون مركز و انت سايق
العربيه علي s مود بتكون رائعه لكن استهلاك الوقود بيعلي في المود الرياضي
استهلاك الوقود 6.5 لتر في المدينه علي الطرق السريعه بيقل ممكن 5 لتر لكل 100 كم - بس خلي بالك انا مشواري مش زحمه


2 - ايه اخبار الاعطال لاقدر الله اللى قابلتها مع العربيه ... وايه اخبار التوكيل معاك
للان الحمد لله مفيش اعطال تخلي العربيه تتركن العربيه عملت بيها 52000 كيلو متر و مفيش اي مشاكل مجرد صيانه دوريه الوكيل معاملته ممتازه عمر ابني صب ليه مياه في العربيه و طبعا الكاسيت باظ و السي ددي كمان اتغير في التوكيل علي حسابهم بس طبعا جابوه من المانيا في شهر بس عادي العربيه مش وقفت _ موقف تاني الصيانه اتاخرت و العربيه كانت لازم تبات جابولي عربيه بسواق وصلني لغايه البيت الحاجات دي عاديه بره بس في مصر بنقولها علشان مش متعودين عليها

3 - ايه اخبار اسعار قطع الغيار اللى احتكيت بيها و أسعار الصيانات

قطع الغيار علي حد معرفتي شامل ضريبه و مصنعيه و تركيب
الردياتير 3000 - شبكه فوج امامي 350 - مساحه خلفيه كامله برشاش 750 - اكصدام خلفي بالرش 3800 - زجاج امامي بنفس البارت مبلر 4100 - بلوتوث 900 - مثبت سرعه 2500 -تيل فرامل خلفي 425

4 - ايه اخبار علوها عن الارض ووسعها الداخلى
الارتفاع عن الارض 11 سم الشنطه 360 لتر - الكنبه الخلفيه معقوله
5 - هل فيه عيب فى العربيه لا قدر الله بتشتكى منه او حاجه مش عاجباك فيها
العزل مش عاجبني و مفيهاش استبن و بتيجي من غير فرش جلد

اسف على الاطاله ... بس معلش سامحنى العربيه نادره و محتاج اعرف عنها اى حاجه من حد موثوق مش من حد من المبيعات ... ولو تحب انك تنقل الرساله دى و ترد عليها ان امكن فى الموضوع اللى خاص بالعربيه a3 فى قسم اودى لتعم الفائده مفيش مشكله ...... ومتشكر ليك جدا

انا تحت امرك في اي حاجه تانيه ممكن اكون نسيتها و انا برد عليك