تقييم سئ ل بيجو 301

[eng.salama93]

و انا بركن العربية بتاعتي ( رينو أوبتيما 97 )
كان في بيجو 301 واقفه مكاني .. فا طلعت و ركنت ف مكان تاني
انا طبعا بعد اللي سمعته عن بيجو 301 قولت لازم انزل اتفرج عليها

أولا شكل العربية .. العربية مش عريضة بعكس السيراتو و الكرولا و الإلنترا .. ولو ان دا اكيد معمول حسابة ف الثبات بما ان العربية أوروبي
ثانيا : الخامات .. خامات الطابلوة جيده جدا و أيضا خامات الكراسي و فرش الأبواب
ثالثا : صوت الموتور .... مززززززززززززعج جدا و عالي أوي لدرجة أنه كان أعلي من صوت اللانوس موديل 2001 بتاعه جاري و اللي كان بيركن ف نفس الوقت
إضائة الفوانيس الأمامية ... سيئة للغاية و لونها أصفر أوووي كأن العربية البطارية بتاعتها ضعيفة
و كأن الفوانيس منقوعة ف مية و ملح ف الشمس بقالها شهرين ولا حاجة
ياريت اللي معاه العربية دي أو جربها يقولي رأيه فيها عشان انا مش عارف العربية دي مالها كدا معاكسه كل كلامكم عنها
العربية كانت سايقاها بنت .. مش عارف بقي هي هلكتها بالسرعة دي ولا أيه النظام

[mohamed hussei]

متابع

[Rsarabia]

لأ هى فعلا زى ما حضرتك قلت
بس جودة التابلو و الخامات مش قد كدا بردو

[mohamed_rhem]

واحد صعيدي بيقول "وكل الحلاوة حلو قوي يابوي"

الثاني بيسأله "انت دوقتها"

رد عليه "لاء بس واد عمي شاف اللي عيلحس الورقه"

يعني لا هو ولا ابن عمه اللي شاف ولا حتي اللي لحس الورقه داق طعم الحلاوة

[eng.salama93]

واحد صعيدي بيقول "وكل الحلاوة حلو قوي يابوي"

الثاني بيسأله "انت دوقتها"

رد عليه "لاء بس واد عمي شاف اللي عيلحس الورقه"

يعني لا هو ولا ابن عمه اللي شاف ولا حتي اللي لحس الورقه داق طعم الحلاوة

طب ما بدل الأسلوب دا .. كنت تتكلم بطريقة احسن من كدا و تقولي انتا مجربتهاش ولا خلاص

[hugan]

المشكله هنا في المنتدي ان كل واحد يشتري عربيه اقتصاديه وبسيطه
بقدره قادر تتحول لعربيه سوبر كار
مع انها المفترض انها عربيات اقتصاديه ورخيصه في السعر
يتحول الموضوع لقصايد شعر في قدره العربيه الخارقه

ونها تتفوق علي اعتي المنافسين
وعلي الفئات الاقوي والاجود والاغلي سعرا منها
وفي حقيقه الامر ان معظهم بيكون عربيات عاديه جدا

ومليئه بالمشاكل زيها زي اي عربيه
الطبيعي يعني
نفس الكلام ينطبق علي الرينو اللوجان
عربيه بتمشي علي الارض والبحر وعلي الحيط كمان

[mohammed dodda]

واحد صعيدي بيقول "وكل الحلاوة حلو قوي يابوي"

الثاني بيسأله "انت دوقتها"

رد عليه "لاء بس واد عمي شاف اللي عيلحس الورقه"

يعني لا هو ولا ابن عمه اللي شاف ولا حتي اللي لحس الورقه داق طعم الحلاوة

.....قولت اللى انا عايز أقوله والله

[mohamed_selim]

الراجل مقالش حاجه محتاجه تجربه ... هو نقل اللى شافه فبالتالى اللى عمال يتريق و واخد الكلام على صدره يرد على النقط اللى الراجل اتكلم فيها و ينورنا بالصح ...
الراجل اتكلم على صوت الموتور و عرض العربيه (و تساءل عن الثبات و قال اكيد واخدينه فى الاعتبار) و اتكلم على نور العربيه.... و حد تانى اكد عليه .... يا اما الكلام ده صح يبقى مداخلات الاخوه بتوع الحلاوه ملهاش لازمه يا اما مش مظبوط فيبقى الاوقع انهم يدونا الحقيقه بناء على تجربتهم للحلاوه !

[eng.salama93]

.....قولت اللى انا عايز أقوله والله

والله كلك زوق و ربنا يكرمك يا سيدي

[amrelsaqqa]

متابع باهتمام

[Youssef.Awad]

هو فين التقرير والتقييم اساسا؟!!!!

[mohamed_rhem]

طب ما بدل الأسلوب دا .. كنت تتكلم بطريقة احسن من كدا و تقولي انتا مجربتهاش ولا خلاص

باشمهندس سلامة

سبيك من جربتها او مجربتهاش

النقاط السلبية من وجهة نظرك

صوت الموتور اغلب العربيات الاقتصادية مش بيبقا فيها عازل للكبوت

وكمان لو الموتور بارد عدد لفات الموتور بيعلي لحد ما العربية تسخن احد 1.5 ثم يهبط الي 1.00

كمان حط في الاعتبار فترة التليين وكمان زيت موبيل بيعلي صوت الموتور

وكمان سير الكاتينة لو جنزير مش كاوتش بيخلي صوت الموتور عالي

بالاضافة الي نوع الصلب المستخدم في الموتور ونسبة الشوائب به

ومعلوم لجميع محترفي السيارات ان في عربيات بيبقي صوتها واطي علي السرعات البطيئة

وصوتها عالي ومزعج علي السرعات العالية

علي العكس بعض العربيات صوتها بيهدأ علي السرعات العالية

طبقا لتصميم الموتور واقصي عزم والتورك

ولو الموضوع بصوت الموتور كانت الفيراري والبوجاتي والبنتلي والميزاراتي وغيرهم عربيات تعبانة

ننقل للنقطة اللي بعدها

شكل الفوانيس ولونها

ده اسمها اضاءة صفراء (Worm)هالوجين

وطبعا في فروق كتير بينها وبين الاضاءة العادية والزينون

نيجي بقا وبسرعة لموضوع العرض والثبات

الثبات ملوش دعوة بعرض العربية له علاقه بقاعدة العجلات ووصلات العفشة والمساعدين

كمان عرض العربية لا يعني انها واسعة فأحدي سياراتي سيريون تبدو صغيرة وهي من الداخل من

اوسع السيارات

الاوربيين ليهم مواصفات واختبارات امان

[eng.salama93]

هو فين التقرير والتقييم اساسا؟!!!!

انا مقولتش انه تقرير لأني مسوقتش العربية .. انا بقول تقييم علي حاجات تبان بالنظر و مش شرط فيها تجربه السيارة

[eng.salama93]

باشمهندس سلامة

سبيك من جربتها او مجربتهاش

النقاط السلبية من وجهة نظرك

صوت الموتور اغلب العربيات الاقتصادية مش بيبقا فيها عازل للكبوت

وكمان لو الموتور بارد عدد لفات الموتور بيعلي لحد ما العربية تسخن احد 1.5 ثم يهبط الي 1.00

كمان حط في الاعتبار فترة التليين وكمان زيت موبيل بيعلي صوت الموتور

وكمان سير الكاتينة لو جنزير مش كاوتش بيخلي صوت الموتور عالي

بالاضافة الي نوع الصلب المستخدم في الموتور ونسبة الشوائب به

ومعلوم لجميع محترفي السيارات ان في عربيات بيبقي صوتها واطي علي السرعات البطيئة

وصوتها عالي ومزعج علي السرعات العالية

علي العكس بعض العربيات صوتها بيهدأ علي السرعات العالية

طبقا لتصميم الموتور واقصي عزم والتورك

ولو الموضوع بصوت الموتور كانت الفيراري والبوجاتي والبنتلي والميزاراتي وغيرهم عربيات تعبانة

ننقل للنقطة اللي بعدها

شكل الفوانيس ولونها

ده اسمها اضاءة صفراء (worm)هالوجين

وطبعا في فروق كتير بينها وبين الاضاءة العادية والزينون

نيجي بقا وبسرعة لموضوع العرض والثبات

الثبات ملوش دعوة بعرض العربية له علاقه بقاعدة العجلات ووصلات العفشة والمساعدين

كمان عرض العربية لا يعني انها واسعة فأحدي سياراتي سيريون تبدو صغيرة وهي من الداخل من

اوسع السيارات

الاوربيين ليهم مواصفات واختبارات امان

العربية مكانتش بارده .. دي كانت سخنه جدا .. و صوت المروحه فيها كان عالي اوي و مزعج و دا نسيت اقوله ف التقييم

البيجو ال 301 المفروض انها مش عربية اقتصادية .. دي سعرها 130 الف .. احنا مش بنتكلم ع ال206 او ال 206+ اللي هما ارخص عربيات ف البيجو و دول فعلا الإقتصاديين
انا معرفش نوع الكاتينه ف العربية دي ايه و اعتقد ان ناس كتير لسه متعرفش هي جنزير ولا كاوتش ولو ان الفرق مش هيبان و العربية زيرو
و نوع الصلب و الشوائب اللي فيه .. اكيد الصلب اللي فيها المفروض يكون كويس لأن دي عربية اوروبي
العربية دي صوتها كان عالي جدا و مزعج و كله تكتكه علي السلانسية و كان حتي اعلي من اللوجان و من عربيتي الأوبتيما و الفيراري و البوجاتي صوتهم ف السلانسيه بيبقي هادي و العربيات دي صوتها بيبقي عالي اوي عشان نظام الأكسوست اللي فيها اصلا بيعلي الصوت و ف الماركات دي صوت العربية بيبقي زي العلامه التجارية كدا لازم يبقي قوي و مميز لأنها سيارة رياضية بالدرجه الأولي
اما بالنسبة للفوانيس .. ف لما نور العربية انطفا الفوانيس نفسها هي اللي كانت صفرا شوية
كأنها فوانيس قديمة .. نفس اللي بيحصل لما تغسل فوانيس عربيتك كتير و تسيبهم ف الشمس
موضوع الثبات دا انا قولت انه اكيد متراعي ف تصميم العربية طبقا للمواصفات الاوربية
و مجبتش سيرة وسع او ضيق العربية

[eng.salama93]

نسيت اقول اني شفت واحده تانيه امبارح بليل و مكنش فيها الكلام دا .. غالبا البنت اللي معاها العربية هلكتها لأن العربية اللي شوفتها ف الأول كلها متخبطه