التخفيض الجمركي على السيارات الاوروبية -- حسبة بسيطة

[ممدوح عباس]

بعد التحية اولا هذا التخفيض لا يسري الا على السيارات المستوردة فقط وليست المجمهة محليا فاذا كان سعر السيارة مثلا 100000في بلد المشأ حتى الوصول للجمارك ( سعر السيارة في بلد المنشأ + النولون) فيضاف عليها 36% بدلا من 40% جمارك فيكون الناتج 136 بدلا من 140 ثم يضاف 15% ضريبة مبيعات على الناتج السابق فيكون 136×1.15 فيكون الناتج 156.4 بدلا من 140×1.15 فيكون 161 ثم 3.5% ضريبة تنمية موارد الدولة الفقيرة فيكون الاجمالي 156400×1.035فيكون 161874 بدلا من 161×1.035 فيكون 166635 وعلية يكون الفارق 166635-161874=4851جنيها فيكون 4851\40000=12.128% ويكون تأثير التخفيض على سعر هذة السيارة المثال =4851\166635=2.911% أي تقريبا 3% ونستخلص من هذة الدراسة ان الدولة تأخذ مثلا على السيارة الاسكودا الاوكتافيا جمارك تصل الى 65000 التى ينطبق عليها هذا المثال تقريبا ( الكاملة) وهينزل سعرها تقريبا 5000 جنيها وبالنسبة للسيارات فئة 60 او 70 الف المفروض ان ينزل سعرها من 2000 الى 3000 جنيها وهذا لن يغير في الوضع شئ

[ممدوح عباس]

اود ان اضيف هنا ان الشركة المصنعة قد باعتنا السيارة كاملة بعد الخامات والمكونات والتأمينات والضرائب والرواتب الكبيرة هناك وحتى شحن السيارة بالاضافة الى الربح هو 100000 ولكن دولتنا الميمونة الفقيرة أخذت 65000 بدون تعب ولا غيرة هذا بعد التخفيض الذي حدث على فئة 1600 في 2005 فما بالكم بقبل ذلك او بالجمارك ال 200% على السيارات السعات الكبيرة

وأنا هنا اتسائل كيف تفشل صناعة السيارت المصرية بعد هذة الحماية الغير عادية وكيف لا يتسابق المصنعون على التصنيع في مصر ليأكلو من لحم ودم المصريين رغم ضعف الرواتب وتوفير العديد من محفزات الاستثمار فكم هي رابحة شركة bmw او مرشيدس من التجميع وحماية الدولة لها في تأكل لحوم المصريين رغم الاختلاف في الجودة عن تصنيع بلد المنبع طبعا وفي النهاية مصر بلد فقيرة ولا يوجد موارد لمنع المصريين ان يشربو المياة المخلوطة بالمجاري او ان يأكلو محاصيل تشرب من الصرف الصحي لكي الله يا مصر لك الله ياقلبي وعينية كم أحب هذة البلد وأكرة من يكره ترابها

[Hegazio]

معروف ان أول 10 % تخفيض ستبدو غير ملحوظة ( من 40 - 36 % جمارك)
و ستحس بها تدريجيا بعد 5 سنوات الي ان تتلاشي بعد 10 سنوات
طبعا نظام الجمارك و ان كان مجحف و يجعلك غير قادر علي شراء سيارة أو سيارة جيدة .. إلا أنه يطبق في بلاد كثيرة بغض النظر عن الموارد .. لحالة الطرق و الشوارع ( تخيلها لو بكره بقي فيه عربيات ب 10 الف جنيه )
و بلاد أخري علي الرغم من رخص ثمن السيارات .. يوجد تكاليف عالية علي ترخيص السيارات بعد من 5 - 10 سنوات يجعل السيارة التي اشتراها ب 1000 يورو يرميها في مقبرة السيارات بعد فترة
و ربنا يصلح الحال

[kh_talaat]

أعتقد أن المراد من نظام التخفيضات السنوي دة أنه لا يؤثر على حركة السوق ويكون تأثيرة على المدى البعيد وببطء

[Tayer]

موضوع تحفه انا كان نفس أعرف أحسبها من زمان وانت لك الفضل فى ذلك
جزاك الله خيرا
ممكن سؤال أخير (هيه مصريف النيلون دى تقريبا بتكون كام ؟ )متوسط يعنى بالتقريب

[د.محمود صلاح]

ياااه بس كده ؟ ده أنا كنت فاكر ان التخفيض 5 % من تمن العربية

[Ghamrawy]

من الواضح ان موضوع التخفيض ده حايفضل محبوس فى الادراج و مش حايطبق لان ما فيش و لا عربية سعرها نزل

[mmffor]

معروف ان أول 10 % تخفيض ستبدو غير ملحوظة ( من 40 - 36 % جمارك)
و ستحس بها تدريجيا بعد 5 سنوات الي ان تتلاشي بعد 10 سنوات
طبعا نظام الجمارك و ان كان مجحف و يجعلك غير قادر علي شراء سيارة أو سيارة جيدة .. إلا أنه يطبق في بلاد كثيرة بغض النظر عن الموارد .. لحالة الطرق و الشوارع ( تخيلها لو بكره بقي فيه عربيات ب 10 الف جنيه )



و بلاد أخري علي الرغم من رخص ثمن السيارات .. يوجد تكاليف عالية علي ترخيص السيارات بعد من 5 - 10 سنوات يجعل السيارة التي اشتراها ب 1000 يورو يرميها في مقبرة السيارات بعد فترة
و ربنا يصلح الحال

فعلا في عربيات ب 10000 جنيه و في ب 5000 كمان بس بدل ما تشوف 127 موديل 25 سنه فاتت و مطلعة دخان يعمي العين و القلب و تعطل و توقف الشارع وراها و بدل ما تشوف سيات 133 طالعة الكوبري على 20 كيلو في الساعة و طابور عربيات ماشيين وراها بيزفوها حتلاقي عربيات محترمة موفرة للوقود و محافظه على البيئة مريحة لصاحبها و بتحترم ادميته اللي احنا افتقدناها من زمان و حتلاقي اخيرا فكرة تكهين العربيات!!! المنعدمة في مصر!!!!! دا حتى الحكومة لما اشترت التاكسي القديم ب 5000 قالت لما ابيعوا في مزات و ده علسان احترام الانسانية انعدم فينا و هما عارفين انهم حيبيعوا لادا موديل 1980 بتمن اغلى من بي ام 1996 بره!!!! هو دا الوضع اللي اتحطينا في بسبب الجمارك لأن الزحام موجود موجود بس الفرق ان 50% من الناس عندهم عربيات مطلعه عينهم و 50% من الناس البنك مطلع عين ابوهم . لو الجمارك اتلغت فورا الشارع مش حيزدهم اكتر ما هو مزدحم و اتحدى!!! الفرق ان العربيات حتبقى انظف و الناس حتبقى مبسوطة و مرتاحة و الحرامية بتوع التوكيلات مش حيعرفوا يسرقوا و يجيبوها في الجمارك و كل متقول حاجه عن سرقتهم و نهبهم يقولولك مانتا شايف الجمارك عامله ايه و ازاي................

[hamed72]

وكمان لما السيارات ترخص اكيد ناس كتير حيبقي عندهم عربيات خاصه فعدد العربيات الملاكي حيكتر
بس قصاد كده زي ما قال اللي قبلي حتشوف عربيات جديده في الشارع و غير كده عدد اللي بستخدمو وسائل النقل العام حيقلو بالتالي حيخف عدد الميكروباصات في البلد و ده في حد ذاته سبب وجيه غير ان المفروض لو ده حصل ان الدوله تهتم بوسائل النقل العام و تخليها ادميه بعد ما يخف عدد المستخدمين لها

[m20ahmed]

السلام عليكم ..
شكرا للأخوة اللى شرحو وجهة نظر قوية فى ألغاء جمارك السيارات أحب أضيف أن البلد هاتخف لأن 80 % من اللى واخدين شقق فى أكتوبر والشروق والمناطق الجديدة دية مش قاعدين فيها ..أما قاعدين مع أهاليهم فى وسط البلد أو مأجرين أيجار جديد فى وسط البلد لأن بردة تكلفة المواصلات غالية كل يوم + بهدلة المواصلات العامة .. دة يخلى فئة جديدة تجيب عربيات ويسكونو برة القاهرة

[eyeiieye]

أنا مع تخفيض الجمارك تماما
وبالنسبة لموضوع الزحمة أنا شايف إنها هتقل مش هاتزيد .. لأنه سيتم استبدالكل العربيات القديمة بأخرى حديثة تتحرك بشكل أسرع ونسبة أعطالها أقل فضلا عن خوفصاحبها عليها وبالتالى سيلتزم بالإشارات والسير السليم والبعد عن أىصدمات

والأهم من ذلك هو نسبة التلوث التى ستقل ... وهذه نقطة خطيرة لأن عادم السيارات القديم يتسبب فى القتل البطئ للناس دون أننشعر

أما بخصوص إن اللى عنده عربية سعرها هايقل .. فى المقابل سعر الجديد هايقل برضه يعنى هايبيع رخيص ويشترى رخيص ومفيش خسارة ولاحاجة

أما بخصوص الدخل القومى والكلام ده .. أنا أقولأن خسارة مصر من التلوث البيئى ومن تعطيل المرور ومن الحوادث التى تسببها السياراتالقديمة فضلا عن الوقت الضائع لمن لا يملك سيارة واستنزاف أمواله فى التاكسياتوخلافه فضلا عن انهيار الأخلاق الناتج عن التعامل مع سائق الميكروباس والتوك توكوالتحرش فى المواصلات العامة أقول أن هذه الخسارة أضعاف أضعاف ما تدره علينا جماركالسيارات

أما عن مصانع التجميع فده وهم كبير ونصب فىنصب ... لأن المفروض أن العربيات المجمعة محليا تكون أرخص من المستورد لعدم وجودجمارك عليها ... ولكن فى الحقيقة تباع بأكثر من سعر المستورد والربح الرهيييب يدخلإلى جيوب الوكلاء والسادة الكبار اللى كانوا ناهبين البلد ... يعنى شوف الشاهين ولااللادا المحلى سعرهم أغلى من العربيات الأوروبى والكورى ... رغم رداءة التجميعوالتقفيل وانعدام الكماليات

وبعدين هو إحنا كشعبأغنى من دول الخليج اللى العربيات فيها بدون جمارك؟؟؟؟

يا سادة الموضوع كله كان مؤامرة كبيرة جدا جدا كان يديرها حسنى مباركوعصابته لإفقار شعب مصر ومص دمه ونهب ثرواته وإهانته والقضاء على كرامته وإذلاله فىالمواصلات العامة ونشر الفساد الأخلاقى والتحرش.... صدقونى

copied

[Hegazio]

معلش .. للمرة التانية
ازاي كل الناس شايفة بس ان العربيات الجديدة حتحل محل القديمة و التلوث حيقل و الأعطال حتختفي ؟!!!!!!!

تفكير عجيب فعلا !!!!!!

العربيات القديمة حتبقي بخمس الاف جنيه و ساعتها البوابين حيشتروها يجيبو بيها الخضار و حتفضل ماشية
العربيات الجديدة ممكن تبقي بعشرين الف و ساعتها علي الأقل 2.5 مليون من مستخدمي الاوتوبيسات و الميكروباسات
و برضه الميكروباسات و الوتوبيسات حتفضل موجوده !!!!!

لا يمكن اعتبار تخفيض الجمارك ميزة أو فائدة الا :-
تظبيط قوانين تكهين السيارات القديمة أولا
تظبيط قانون المرور ثانيا
تظبيط اماكن باركنج شبه مجانية في مختلف الأنحاء
الغاء المركزية في البلد لتخفيف الانتقالات من و الي
تظبيط الروتين و العاملات الحكومية

بدون ذلك ستتحول البلد الي ناس كتيييييييييييييييير معاها عربيات و كله واقف مكانه

[mailo]

السلام عليكم ..
شكرا للأخوة اللى شرحو وجهة نظر قوية فى ألغاء جمارك السيارات أحب أضيف أن البلد هاتخف لأن 80 % من اللى واخدين شقق فى أكتوبر والشروق والمناطق الجديدة دية مش قاعدين فيها ..أما قاعدين مع أهاليهم فى وسط البلد أو مأجرين أيجار جديد فى وسط البلد لأن بردة تكلفة المواصلات غالية كل يوم + بهدلة المواصلات العامة .. دة يخلى فئة جديدة تجيب عربيات ويسكونو برة القاهرة

على ماالجمارك تنزل تكون الناس زادت

معلش .. للمرة التانية
ازاي كل الناس شايفة بس ان العربيات الجديدة حتحل محل القديمة و التلوث حيقل و الأعطال حتختفي ؟!!!!!!!

تفكير عجيب فعلا !!!!!!

العربيات القديمة حتبقي بخمس الاف جنيه و ساعتها البوابين حيشتروها يجيبو بيها الخضار و حتفضل ماشية

فيه حاجة فالمرور لو اشتغلت بما يرضي الله مش الجيب المشكلة دي هتتحل "الفحص"

العربيات الجديدة ممكن تبقي بعشرين الف و ساعتها علي الأقل 2.5 مليون من مستخدمي الاوتوبيسات و الميكروباسات
و برضه الميكروباسات و الوتوبيسات حتفضل موجوده !!!!!
بس الضغط عليها هيقل جامد وهيتعملها صيانة ومستواها هيكون أحسن شوية

لا يمكن اعتبار تخفيض الجمارك ميزة أو فائدة الا :-
تظبيط قوانين تكهين السيارات القديمة أولا
أنا مش مع القانون ده نهائي اعمل فحص ولو العربية 2010 وبايظة تترمي ولو 1800 وسليمة تمشي
ياجماعة فيه عربيات تحف بجد موديلات 40 و 50
الحاجات دي جميلة قوي قوي ولو أنا نظبط عربيتي ليه ارميها وهي سالما ومعدية من فحوصات الأمان وال سرعة والبيئة
تظبيط قانون المرور ثانيا
تظبيط اماكن باركنج شبه مجانية في مختلف الأنحاء
صعب قوي فالقاهرة أو جيزة ده حتى المدن الجديدة مفيهاش كده
الغاء المركزية في البلد لتخفيف الانتقالات من و الي
تظبيط الروتين و العاملات الحكومية

بدون ذلك ستتحول البلد الي ناس كتيييييييييييييييير معاها عربيات و كله واقف مكانه

[maskeen]

الحل الوحيد او الاستبدال الاجبارى
يعنى اللى عايز يرخص عربيه جديده يجبر على تكهين واحده قديمه مكانها

وبكده العربيات القديمه هاتختفى تماما واصحابها هايبعوها للمشترين الجدد بسعر معقول جدا..يعنى موديل ال 60 وال 70 هاتتباع ب 30-40 والبى ام الجديده هاتبقى ب 300 الف بدل 550

وبعد كام سنه هايتبقى اقدم عربيه فى مصر عمرها 15-20 سنه....ويحصل شبه توقف للبيع الجديد..يقوموا يوقفوا الشرط ده كام سنه وهكذا دورات

ولازم و لابد من زيادة اعداد الاتويسات الجديده وانشاء خطوط مترو انفاق جديده للناس اللى هاتبيع عربياتها القديمه

[asd7778]

لى تعليق على بعض الاراء فى الموضوع :
اولا: فكرة ان مصر بتخد جمارك كبيره جداا على العربيات ، عموما سياسة الدول فى هذا الموضوع لها توجهان :
1- انه يتم وضع ضرائب وجمارك وخلافه بسيطه فى حدود 10 الى 20 % ولكن سعر البنزين بيكون حسب السعر العالمى للبترول وده بيكون فى حدود 8 الى 10 جنيه للتر وطبعا رسوم الترخيص بتكون مرتفعة جداااااااااا والتأمين بيكون اجبارى وطبعا الصيانه الدوريه ليها نظام وليس بدماغ صاحب العربية
2- انه يتم وضع ضرائب عاليه على العربيات ولكن سعر البنزين بيكون مدعوم والرخيص بيكون رسومه معقوله
وده النظام فى مصر
دول الخليج طبعا حاله خاصه عشان دى دول بتروليه فالبنزين رخيص والعربيات عليها ضرائب بسيطه فلا مجال للمقارنه بيننا وبين السعوديه
طبعا النظام الاول افضل كتير من النظام التانى لانه بيدى كل واحد حقه فعلا
المواطن بيشترى العربيه بسعرها الحقيقى وبعد كدا بيدفع مصاريف التشغيل حسب قدرته
لذا فاننا فى مصر مع تخفيض الضرائب على السيارات فلازم حنرفع سعر البنزين ورسوم الترخيص ويكون التأمين اجبارى
ثانيا: لازم طبعا يكون هناك سياسة احلال للسيارت فيكون هناك حد اقصى لعمر السيارة 20 سنه تقريبا
ثالثا: مع ارتفاع مصاريف التشغيل للسيارة فلازم يكون هناك وسائل نقل عامه للبشر وان تكون مناسبة للاسره