السياره تهتز عند التشغيل و فى المشى الهادىء؟؟؟

[TheBuccaneer]

عندى مشكله غريبه و محتاج بعض الأراء حول ما قد يكون سبب المشكله. أنا معى E36 318i موديل 1998 السياره سقط عليها محرك ال 318iS موديل ال M44B19 " و انا مشترى السياره بهذا المحرك ". السياره فى الثبات و فى الهادىء بها إهتزاز أصله من المحرك, يعنى المحرك عند تشغيل السياره و الجلوس داخلها تشعر بأهتزاز و عند فتح غطاء السياره تجد المحرك يهتز. المهم قولت يمكن العيب من الأير ماس, و جربت 4 أير ماس ولكن نفس الأهتزاز موجود, فتأكد أنه ليس للموضوع علاقه بالأير ماس. غيرت طقم الدواره + شىء يعرف بالديزه " يشبه الأبواب الموجود فى الكربراتيرات, قطعه بلاستيكيه كبيره و بها باب واحد دائرى فى اعلاها, هو طبعا المحرك انجكشن, لكن أنا بحاول اوصفه على حسب مقدرتى :)" موجود بجانب المحرك ضبطت السياره بعض الشىء تركيب طقم الدواره و الديزه لكن لم يضبطها بالكامل. يعنى نسبة الأهتزاز قليله لكن مازالت موجوده! على العلم إن بعد طقم الدواره الجديد حرق السياره ضبط لأنه كان نىء قبله, و سحب السياره اختلف نوعا ما, لكن أنا طبعا لم اشترى طقم الدواره لأنه لم يضبط السياره بنسبة 100% و كانت التكلفه 1400 جنيه. و بصراحه استخسرت أن ادفع 1400 جنيه دون معرفة السبب ووجود نفس العيب بفارق بسيط عن ذى قبل. المشكله تكمن على حد علمى أن هناك شىء ما يسرب هواء إلى المحرك مما يجعله يهتز بهذه الطريقه و بصراحه غلب معها عقلى. هل لدى أيا منكم فكره عن ما قد يسبب هذه المشكله؟؟؟

[farahat]

طب وإيه أخبار إنتظام الحريق ؟ يعني هل فيه misfire أو حاجة ، وهل البوجيهات والكابلات سليمة ؟

[seko_66]

احتمال حضرتك يكون من الخرطوم بتاع الفاكيوم اللى فى الكامة من فوق ممكن يكون مقطوع او مشقوق .

[Ahmed_lol2007]

ممكن حضرتك تشوف قواعد الموتور

[eng.m7md.ali]

فعلا ممكن تكون قواعد موتور او قنطرة

[hanyhosney]

صح

ممكن حضرتك تشوف قواعد الموتور

دا اول احتمال فكرت فيه ممكن تكون قدمت او مش متركبه صح او نوع رديء

[mrmedo]

انا بقترح تبص على البويجهات وانتظام حريقها او الايدل برضو ممكن يعمل المشكلة

[ahmedsadek82]

عندى مشكله غريبه و محتاج بعض الأراء حول ما قد يكون سبب المشكله. أنا معى E36 318i موديل 1998 السياره سقط عليها محرك ال 318iS موديل ال M44B19 " و انا مشترى السياره بهذا المحرك ". السياره فى الثبات و فى الهادىء بها إهتزاز أصله من المحرك, يعنى المحرك عند تشغيل السياره و الجلوس داخلها تشعر بأهتزاز و عند فتح غطاء السياره تجد المحرك يهتز. المهم قولت يمكن العيب من الأير ماس, و جربت 4 أير ماس ولكن نفس الأهتزاز موجود, فتأكد أنه ليس للموضوع علاقه بالأير ماس. غيرت طقم الدواره + شىء يعرف بالديزه " يشبه الأبواب الموجود فى الكربراتيرات, قطعه بلاستيكيه كبيره و بها باب واحد دائرى فى اعلاها, هو طبعا المحرك انجكشن, لكن أنا بحاول اوصفه على حسب مقدرتى :)" موجود بجانب المحرك ضبطت السياره بعض الشىء تركيب طقم الدواره و الديزه لكن لم يضبطها بالكامل. يعنى نسبة الأهتزاز قليله لكن مازالت موجوده! على العلم إن بعد طقم الدواره الجديد حرق السياره ضبط لأنه كان نىء قبله, و سحب السياره اختلف نوعا ما, لكن أنا طبعا لم اشترى طقم الدواره لأنه لم يضبط السياره بنسبة 100% و كانت التكلفه 1400 جنيه. و بصراحه استخسرت أن ادفع 1400 جنيه دون معرفة السبب ووجود نفس العيب بفارق بسيط عن ذى قبل. المشكله تكمن على حد علمى أن هناك شىء ما يسرب هواء إلى المحرك مما يجعله يهتز بهذه الطريقه و بصراحه غلب معها عقلى. هل لدى أيا منكم فكره عن ما قد يسبب هذه المشكله؟؟؟

عمرو باشا , ازيك عامل ايه؟ , بص طالما الاهتزاز على البطيئ او والعربية ممورة يبقى غالبا المشكلة في الidling sensor (حساس السلنسيه) , جرب فكه و نظفه او غيره و شوف حتفرق ولا لأ .

[TheBuccaneer]

طب وإيه أخبار إنتظام الحريق ؟ يعني هل فيه misfire أو حاجة ، وهل البوجيهات والكابلات سليمة ؟

انا بقترح تبص على البويجهات وانتظام حريقها او الايدل برضو ممكن يعمل المشكلة

الكابلات و البوجيهات سليمه.

ممكن حضرتك تشوف قواعد الموتور

فعلا ممكن تكون قواعد موتور او قنطرة

دا اول احتمال فكرت فيه ممكن تكون قدمت او مش متركبه صح او نوع رديء

قواعد المحرك تمام و العيب ليس منها على الأطلاق

عمرو باشا , ازيك عامل ايه؟ , بص طالما الاهتزاز على البطيئ او والعربية ممورة يبقى غالبا المشكلة في الidling sensor (حساس السلنسيه) , جرب فكه و نظفه او غيره و شوف حتفرق ولا لأ .

الحمد لله و الله على كل شىء. اخبارك أنت ايه؟ يا رب تكون بخير و فى تمام الصحه و العافيه :). هو عند بداية تشغيل السياره, مجرد و ضع المفتاح فى الكونتاكت و بدء التشغيل تبدأ السياره فى الأهتزاز و فى المشى البطىء جدا تشعر بالأهتزاز طبعا بشكل أقل من وضع الثبات دون حراك.

احتمال حضرتك يكون من الخرطوم بتاع الفاكيوم اللى فى الكامة من فوق ممكن يكون مقطوع او مشقوق .

قد يكون أحد الأحتمالين أو كلاهما وارد لأنى لم افكر بهم صراحة.

[hero200451]

يا عمرو ان شاء الله يكون idling sensor (حساس السلنسيه) كما قال الزاميل ahmedsadek82

[m000dy]

يا اما الايدل يا اما فى خرطوم مشقوق ومسرب ومدخل هوا وللتاكيد
افتح غطا الموتور والعربيه دايره وشوف هل هى نفس طبيعة الاهتزاز لكن بشكل اكبر ولا الهزه مختلفه
بس عموما شيك على الخراطيم

[mrmedo]

انا حصلى الحوار دة قبل كدة بس كان بتهتز بطريقة غريبة كان فيش الانجكشن كانت واقعة وكان الايدل عايز يتنضف

[ahmedsadek82]

ايه يا باشا الاخبار : عملت ايه ؟

[TheBuccaneer]

ايه يا باشا الاخبار : عملت ايه ؟

السلام عليكم.

أنا ذهبت للحرفيين, ثم لحازم و كشفت على السياره ثم قال لى "خلى الميكانيكى يشوف الموبينه و بوجيه 2 و 4 " المهم روحت للميكانيكى و غير الموبينه و البوجيهات لكن دون تغيير أو أثر ملحوظ و ظل الأهتزاز كما هو :(.
المهم إن لمبة الأيه بى إس نورت فى التابلوه و لما كنت عند حازم كشفت عليه و البرنامج حسب ما كان مكتوب و قرأت النيجه كانت "Inlet valve front right و Inlet valve front left " و هذا معناه "صمام السحب فى كل من الجهه اليمنى و اليسرى " يوجد به خلل لكن ما قيل لى إن جهاز الأيه بى إس مش مضبوط و أنه لازم يتغير المهم سألت على جهاز الأيه بى إس الخاص بال 97 لكنه نادر و لم يكن موجود. هل فعلا الجهاز كله محتاج يتغير أصل النتيجه من و جهة نظرى و ترجمتى إنها تعنى خلل بالحساسات الأماميه و ليس الجهاز ككل. هل هناك من لديه تفسير لهذا الخلل؟؟؟

[ahmedsadek82]

السلام عليكم.

أنا ذهبت للحرفيين, ثم لحازم و كشفت على السياره ثم قال لى "خلى الميكانيكى يشوف الموبينه و بوجيه 2 و 4 " المهم روحت للميكانيكى و غير الموبينه و البوجيهات لكن دون تغيير أو أثر ملحوظ و ظل الأهتزاز كما هو :(.
المهم إن لمبة الأيه بى إس نورت فى التابلوه و لما كنت عند حازم كشفت عليه و البرنامج حسب ما كان مكتوب و قرأت النيجه كانت "Inlet valve front right و Inlet valve front left " و هذا معناه "صمام السحب فى كل من الجهه اليمنى و اليسرى " يوجد به خلل لكن ما قيل لى إن جهاز الأيه بى إس مش مضبوط و أنه لازم يتغير المهم سألت على جهاز الأيه بى إس الخاص بال 97 لكنه نادر و لم يكن موجود. هل فعلا الجهاز كله محتاج يتغير أصل النتيجه من و جهة نظرى و ترجمتى إنها تعنى خلل بالحساسات الأماميه و ليس الجهاز ككل. هل هناك من لديه تفسير لهذا الخلل؟؟؟

غريب الحوار ده , ايه علاقته بأن المحرك بيتهز ! , كشفت على الidling sensor , ساعات بييبقى شغال بس عايز يتنظف