سوال عن bmw e30

[Mik_t4]

انا بجد مش عارف اقول حاجة تاني
بجد كلام روعة والمفروض يتحط في موضوع لوحدة ويتثبت ويبق مرجع لاي حد
اللة ينور عليك بجد

[sheko_2000eg]

يا مايك
احنا كلنا هنا اصدقاء و زمايل
و واجبنا نحو بعض النصيحة و المشورة و المساعدة
و ربنا يكرمنا جميعاً في منتدي المحترمين
و برده تحت امرك يا مايك

[Mik_t4]

يااااااااااااااارب يا شيكو
وادعيلي كدا اما يبق عندي واحدة

[Mik_t4]

معلش انا هسال سوال وعارف انة غبي بس دورت عالنت ملقتش اجابة
اية هو الفانوس الي في المحرك
او اية هي وظيفتة
؟

[fahd_628]

مفتاح ريموت e46 لل e36

الفانوس حاجة زى ال VVT او ال CVVT او ال V-tech للعربيات ال BMW

[Mik_t4]

الفانوس حاجة زى ال vvt او ال cvvt او ال v-tech للعربيات ال bmw

ممكن توضح اكتر لان انا لسة مستجد

[TheBuccaneer]

ممكن توضح اكتر لان انا لسة مستجد

السلام عليكم

الفانوس وظيفته إنه بيغير توقيت عمل الصمامات عن طريق تحريك الكامات طبقا للغيار اللى السياره تسير به. الحرفيين عندهم منطق إنه الفانوس بيعمل عند أر بى إم معين فيعطى قوه أضافيه و هذا ليس صحيحا لأن الفانوس بيعمل منذ البدايه حتى النهايه و ليس فقط عند أر بى إم معين

الفانوس, بالنسبه للفانوس الواحد فقط بيعمل فى منطقة الأير ماس طبقا ل سرعة المحرك و دواسة البنزين. فى السرعات البسيطه أو القليله الفانوس بيأخر فتح صمام الهواء "الأير ماس" فيعطي سلاسه فى الحركه. و فى السرعات المعتدله أو المتوسطه بيفتح صمام الهواء "الأير ماس" فى وقت باكر فيعزز من عزم الدوران المحرك و يعيد انتشار غاز العادم داخل غرف الأحتراق مما يقلل نسبة استهلاك الوقود و انبعاثات العادم. فى السرعات المرتفعه يقوم الفانوس مره ثانيه بتأخير فتح صمام الهواء "الأير ماس" مما يؤدى الى تطور الطاقه الكامله للمحرك و يعطى أداء اكبر.

فائدة الفانوس, فانوس يعزز بشكل كبير إدارة الانبعاثات من الشكمان ، وزيادة القوه أو الأداء وعزم الدوران ، وتوفر جودة أفضل فى استهلاك الوقود.

[Mik_t4]

TheBuccaneer
بجد انت مفيش زيك 2
بجد متشكر اوي اوي
بس لو فيها رخامة انت قلت بالنسبة للفانوس الواحد فا هل الفنوس التاني لي وظيفة غير دي؟
وهل الفانوس الواحد بيفرق في السعر عن الفانوسين؟

[sheko_2000eg]

الكلام كبر اوي و باه اكبر مني
يادي النيلة هههههههههههه

[TheBuccaneer]

TheBuccaneer
بجد انت مفيش زيك 2
بجد متشكر اوي اوي
بس لو فيها رخامة انت قلت بالنسبة للفانوس الواحد فا هل الفنوس التاني لي وظيفة غير دي؟
وهل الفانوس الواحد بيفرق في السعر عن الفانوسين؟

هو فى خطأ بسيط أنا كتبته هو إن الفانوس بيعمل على صبابات المسئوله عند دخول الهواء فى غرف الأحتراق و ليس على الأير ماس كما ذكرت اعذرنى جدا جدا جدا :( أنا أسف على المعلومه المغلوطه لأنى قرأت عنه معلومات كانت مكتوبه بالأنجليزيه و كان مذكور بها كلمة intake و الكلمه تعنى "مسرب الهواء" و المقصود بالكلمه وحدها هو ال الأير ماس لكن مع البحث و جدت إنه يقصد ال intake valve و اللى تعنى الصبابات الهواء الموجوده فى غرف الأحتراق.

موضوع السعر بين الفانوس الواحد و ال 2 فانوس أنا ليس لدى خلفيه به صراحه. لكن هل الفانوس ال 1 بيفرق عن ال 2 فانوس مش شرط على سبيل المثال ال M50B25 كان بفانوس و حيد و كان بينتج 192 حصان و ال M52B25 كان فيه منه فئتين فئه بفانوس و حيد و يشبه تماما ال M50B25 و بينتج عنه 192 حصان لكن اللى كان به 2 فانوس كا بينتج عند 170 حصان. الفرق هتلاحظه مع بداية المحرك ال M54BXX هو محرك 2 فانوس و ليس مع ال M52TUBXX لكن ال M54BXX كان فيه فروق كبيره عن سابقيه فى القدرة الحصانيه المنتجه منه و فى عزمه.

هبحث فى موضوع ال 2 الفانوس و هقول لك هل فرق فى شىء هو بالتأكيد فرق لأنه مش هيخترع 2 فانوس بدل 1 هباء لكن هعرف و هقول لك.

[youtube]http://www.youtube.com/watch?v=3J3qbLkVfms&NR=1[/youtube]

[Mik_t4]

هو فى خطأ بسيط أنا كتبته هو إن الفانوس بيعمل على صبابات المسئوله عند دخول الهواء فى غرف الأحتراق و ليس على الأير ماس كما ذكرت اعذرنى جدا جدا جدا :( أنا أسف على المعلومه المغلوطه لأنى قرأت عنه معلومات كانت مكتوبه بالأنجليزيه و كان مذكور بها كلمة intake و الكلمه تعنى "مسرب الهواء" و المقصود بالكلمه وحدها هو ال الأير ماس لكن مع البحث و جدت إنه يقصد ال intake valve و اللى تعنى الصبابات الهواء الموجوده فى غرف الأحتراق.

موضوع السعر بين الفانوس الواحد و ال 2 فانوس أنا ليس لدى خلفيه به صراحه. لكن هل الفانوس ال 1 بيفرق عن ال 2 فانوس مش شرط على سبيل المثال ال m50b25 كان بفانوس و حيد و كان بينتج 192 حصان و ال m52b25 كان فيه منه فئتين فئه بفانوس و حيد و يشبه تماما ال m50b25 و بينتج عنه 192 حصان لكن اللى كان به 2 فانوس كا بينتج عند 170 حصان. الفرق هتلاحظه مع بداية المحرك ال m54bxx هو محرك 2 فانوس و ليس مع ال m52tubxx لكن ال m54bxx كان فيه فروق كبيره عن سابقيه فى القدرة الحصانيه المنتجه منه و فى عزمه.

هبحث فى موضوع ال 2 الفانوس و هقول لك هل فرق فى شىء هو بالتأكيد فرق لأنه مش هيخترع 2 فانوس بدل 1 هباء لكن هعرف و هقول لك.

[youtube]http://www.youtube.com/watch?v=3j3qblkvfms&nr=1[/youtube]

ميرسي يا كبير وانا منتظرك
بس الاهم هل ال2 فانوس m54bxx الي فية الفرق ينفع يركب علي العربيات القديمة زي موديلات التمانينات ولا مينفعش
وهل سعرة استيراد مرتاح ولا مولع

[TheBuccaneer]

ميرسي يا كبير وانا منتظرك
بس الاهم هل ال2 فانوس m54bxx الي فية الفرق ينفع يركب علي العربيات القديمة زي موديلات التمانينات ولا مينفعش
وهل سعرة استيراد مرتاح ولا مولع

لأ للأسف لا يصلح تركيب كل من ال M52TUBXX اللى هو ب 2 فانوس و لا ال M54BXX على السيارات القديمه و على فكره شكل ال 2 واحد لأنهم ال 2 بكل منهم 2 فانوس و نفس شكل البلوك لكن الأختلاف بين ال 2 فى قدرات المحرك من قوه حصانيه و عزم و أيضا أكبر سعه لل M52 بشكل عام سواء كانت ب 1 فانوس أو 2 فانوس كانت ال 2800 سى سى و بداية من 2000 سى سى لكن ال M54 بدأ ب 2200 سى سى و 2500 سى سى و 3000 سى سى فقط. و نفس بلوك ال M54 هو نفس بلوك محرك ال M3 الذى انتج للولايات المتحده الأمريكيه لأن فى اختلاف كبير بين ال M3 الأوروبى و الأمريكى فى المحركات.

هشرح لك الأختلافات بين قدرات ال M52TUBXX و ال M54BXX و ال 2 متفقين إنهم ب 2 فانوس

بداية ال M52TUBXX

M52TUB20 بسعة 1991 سى سى - قدرة 150 حصان "فعلى 148 حصان" @ 5500 أر بى إم - عزم 190 نيوتن @ 3500 أر بى إم. "نفس المحرك لكن المزود بفانوس واحد اللى هو ال M52B25 يعنى هنحذف حرفى ال TU من اسمه و التى تعنى معدل تقنيا لأنه زود ب 2 فانوس, المهم عزمه 190 نيوتن @ 3500 أر بى إم يعنى فرق 700 دورة محرك لصالح ال M52TUB25 اللى مزود ب 2 فانوس"

M52TUB25 بسعة 2494 سى سى - قدرة 170 حصان @ 5500 أر بى إم - عزم 245 نيوتن @ 3500 أر بى إم "نفس المحرك لكن المزود بفانوس واحد اللى هو ال M52B25 يعنى هنحذف حرفى ال TU من اسمه و التى تعنى معدل تقنيا لأنه زود ب 2 فانوس, المهم عزمه 245 نيوتن @ 3900 أر بى إم يعنى فرق 400 دورة محرك لصالح ال M52TUB25 اللى مزود ب 2 فانوس"

M52TUB28 بسعة 2796 سى سى - قدرة 193 حصان @ 5500 أر بى إم - عزم 280 نيوتن @ 3500 أر بى إم "وهتجد فرق بينه أيضا و بين اللى بفانوس وحيد فى العزم بفارق 450 دورة محرك لصالح ال M52TUB28".

يعنى الفارق بين ال M52BXX اللى بفانوس واحد وبين ال M52TUBXX اللى ب 2 فانوس فى العزم اللى بيكون بفارق فى عدد دورات المحرك لصالح الثانى.

بالنسبه لل M54BXX
اولا المحرك منذ بدء الأنتاج مزود ب 2 فانوس كله

M54B22 بسعة 2171 سى سى - قدرة 170 حصان "168 فعلى" @ 6100 أر بى إم - عزم 210 نيوتن @ 3500 أر بى إم

M54B25 بسعة 2494 سى سى - قدرة 192 حصان @ 6000 أر بى إم - عزم 245 نيوتن @ 3500 أر بى إم

M54B30 بسعة 2979 سى سى - قدرة 228 حصان @ 5900 أر بى إم - عزم 300 نيوتن @ 3500 أر بى إم


سعره طبعا مرتفع خصوصا ال 3000 سى سى سعره فوق جدا جدا يعنى سعره ممكن تشترى به نظام ميكانيكى كامل ب محرك 2800 سى سى بفانوس واحد اللى هو M52B28 يعنى تقدر تقول 15000 جنيه أو أقل ب 1000 - 2000 جنيه. لأنك بتتكلم عن 228 حصان و عزم 300 نيوتن يعنى يقرب لمحرك ال M3 اللى فى ال E36 اللى هو 321 حصان فى التسارع بفارق 1 - 2 ثانيه من 0 -100 كم. روح لليوتيوب و اكتب E46 330i acceleration على سبيل المثال و شاهد و قول لى رأيك :)

[Mik_t4]

لا بصراحة كدا انا اتلخبط
انت كدا تقصد ان الواحد فانوس والاتنين فانوس ميركبوش علي e30 صح ولا انا فهمت غلط؟
وبعدين انا لو ركبت حاجة بفانوس مش هركب ازيد من 2000 لان هو اقل حاجة فيها فانوس لان انا مش هدخل سباقات ولا هجيب محرك ب15 الف مثلا شان عربية قديمة فاهمني
انا بسال علي حاجة تعتبر حديثة وقوية وفي نفس الوقت متخربش بيتي بنزين وضرايب والشغلانات دي وتكون سعرها مرتاح
يعني لو في 1800 فانوس يبق اشطة اوي لو يركب فيها
ولو مفيش الا 2000 يبق بردو شغال بس المهم يركب وميكنش مكلف اوي
اما بئي 3000 والحجات دي كبيرة اوي انا مش ماشي علي طريق اوتوبان في المانيا هههههههههههههههه

[TheBuccaneer]

لا بصراحة كدا انا اتلخبط
انت كدا تقصد ان الواحد فانوس والاتنين فانوس ميركبوش علي e30 صح ولا انا فهمت غلط؟
وبعدين انا لو ركبت حاجة بفانوس مش هركب ازيد من 2000 لان هو اقل حاجة فيها فانوس لان انا مش هدخل سباقات ولا هجيب محرك ب15 الف مثلا شان عربية قديمة فاهمني
انا بسال علي حاجة تعتبر حديثة وقوية وفي نفس الوقت متخربش بيتي بنزين وضرايب والشغلانات دي وتكون سعرها مرتاح
يعني لو في 1800 فانوس يبق اشطة اوي لو يركب فيها
ولو مفيش الا 2000 يبق بردو شغال بس المهم يركب وميكنش مكلف اوي
اما بئي 3000 والحجات دي كبيرة اوي انا مش ماشي علي طريق اوتوبان في المانيا هههههههههههههههه

لأ طبعا هو بالتأكيد المحركات التى بها 2 فانوس جميعها لا تركب على ال e30 تمام. بالنسبه للمحرك اللى به 1 فانوس حتى لا تدخل فى حوارات يبقى عندك ال m50b20 أو ال m50b25

[Mik_t4]

لأ طبعا هو بالتأكيد المحركات التى بها 2 فانوس جميعها لا تركب على ال e30 تمام. بالنسبه للمحرك اللى به 1 فانوس حتى لا تدخل فى حوارات يبقى عندك ال m50b20 أو ال m50b25

ودا يعمل كام بتركيبة؟