شرخ فى الشاسية ارجو المساعدة السريعة ارجوكوا

[boozoo2010]

واحد عند منصور كان بيتكلم معاية على ان e36 لما بتكون مش اوريجينال لو ستة سلندر يعنى كان اصلها 4 سلندر جسم السيارة و سمك الشاسية مبيستحملش الموتور فبيتشرخ الشاسية و بيبان لما تيجى تفرمل بتلائى فى طائة جمدة و كانت لية صدمة لان دة بيحصل معاية لو دوست فرامل و سبت كذا مرة ورا بعض بس انا عربيتى e36 325i اوريجينال مغيرتش موتور اصلا هو قلى ممكن تكون حاجة فى العفشة بس انا قلقان جداااااااااااا ف ارجوجوا يريت لو حد عندوا معلومة فى الموضوع دة ميبخلش على اخوكوا الصغير بيها

[yascro]

حط ف بطنك بطيخه صيفى
وادينى نصها بعد الفطار
شاسيهات البى ام كلها واحد لنفس الفئه يعنى شاسيه ال316 هو نفس شاسيه 330

[boozoo2010]

يا باشا افطرك على حسابى و اخليك تحلى بشادر بطيخ بس طمنى يعنى موضوع شرخ الشاسيه دة اى كلام ولا اية طمنىىىىىىىىىىىىىى

[hanyhosney]

طبعا كلام في البطيخ
اطمن دا مقص عندك غالبا
انت محتاج عفشجي كويس

[eng.m7md.ali]

هههههههههههههههههههههههههه
دي نكتة الموسم
بقى شاسيه البي ام مش بيستحمل المواتير الكبيرة؟؟
ايه الالش ده ياعم
الراجل بيفتي دي مجرد جلب مقصات ممكن تكون عايزة تتغير

[boozoo2010]

اللة يطمنكوا يا شباب انا انشاء اللة رايح بكرة اشوف فيها اية و يارب يطلع كلمكوا صح و بجد متشكر يا رجالة 1000 شكر

[ahmedamr]

يا عم فكك من الكلام الفارغ دة دة فى ناس بتسقط مواتير ام ثري

[eng.m7md.ali]

احمد طارق مسقط m5 في ال e30

[boozoo2010]

m5 !!!!!!!!!!!!!!! ازاى دة و هو الحوض يجيب m5 و e30 تستحمل 500hp او يمكن يكون بيدى اكتر على e30

[eng.m7md.ali]

ممكن يكون عامل تعديلات في الحوض بس الشاسيه يستحمل موتور زي ده تقريبا عادي
العربية بتاعت لعب يعني مفيهاش فرصة ان يكون الشاسيه في غلطة

[hero200451]

اسمها ان شاء الله و متنساش شادر البطيخخخخخخخخخخخخخخخخخ

[ahmedbasto]

سيبك من احمد طارق عندك واحد حاطط موتور v10 فى e90 وانا شوفت واحد حاطط فى e36 موتور تويوتا سويرا1000 حصان وواحد تانى حاطط موتور honda s2000

[boozoo2010]

عنيينا يا باشا دا انت تؤمور

[BMW5260]

إن شاء الله خير دا أكيد صنايعي بتاع كشري

[yascro]

يا باشا افطرك على حسابى و اخليك تحلى بشادر بطيخ بس طمنى يعنى موضوع شرخ الشاسيه دة اى كلام ولا اية طمنىىىىىىىىىىىىىى

اى كلام ف الهجايص
بس اوعى تنسى العزومه