سؤال عن e36 m3

[M.Ayman]

تسلم يا باشا على المجهود ده انا ناوى اغير قدام شوية لما البلد تهدا شوية ... انا بجمع معلومات بس علشان لما اجى اغير لان فى عربيتين دخلين دماغى ال m3 و ال evo هما تقربيا سعر واحد بس فى موضوع استهلاك البنزين ده فى مصلحة ال evo لانها 2000cc فانا لسا بفكر فال evo

ايه ده , ده احنا بقى فى نفس الطريق , انا برضه عمال شغال فى مقارنات بين الايفو و الام \\\ بس بصراحه الايفو تكسب فى موضوع البنزين ده , 3200 سى سى مخيف بصراحه بس انا برضه ليه بفكر انى ممكن اجيب الدبانه بموتور ال 28 او ال 25 مثلا علشان تبقى اداء و سعر حلو و حاجه وسط يعنى ,,,, عموما صيانة الايفو بتعمل 1500 الى 2000 جنيه , بنزين لازم 95 ,قطع الغيار هتستوردها عادى مش غاليه قوى والمفروض تقعد 10 ايام ولا حاجه على ما توصل

عموما ياريت تبقى تتابع معايا و تقولى وصلت لايه علشان انا ان شاء الله فى خلال السنه دى او اخر الاجازه كده هجيب حاجه منهم .... و جزاك الله خيرا

[M.Ayman]

من جهة وجه المقارنه بين ال 328 و ما بين ال m3 فرق شاسع طبعا. ال m52b28 سعة 2793 سى سى - 193 حصان @ 5300 أر بى إم - عزم 280 نيوتن @ 3950 أر بى إم - تسارع من 0 - 100 كم/ساعه فى 6.9 ثانيه مقارنة بقدرة ال m3 3.0 أو ال m3 3.2 فروق شاسعه فى العزم و فى القدرات الحصانيه و التسارع....

من ناحية الفرق فى استهلاك البنزين اكيد فيه فرق لكن هيكون بسيط مش الفارق الرهيب يعنى...

معدل الأستهلاك لن يستطيع احد أن يبت لك فيه بشكل صحيح لكن ممكن تكون نسب تقريبيه كلها. و أنا عن نفسى لن استطيع افادتك فيه لأنى لا امتلك واحده :)

شوف ال m50tub25 أو نقدر نقول إن ال m50bxx و ال m50tubxx بشكل عام البلوك مصنوع من حديد الزهر و بالتالى بيتحمل السخونه اكثر لو لا قدر الله فيه شىء متعلق بالتبريد فيه خلل. بينما ال m52b28 و بشكل عام نقدر نقول إن ال m52bxx البلوك مصنوع من الألمونيوم و مقارنة تحمل الحراره بين الحديد الزهر و الألمونيوم معروف هتكون لصالح الحديد الزهر

و شىء أيضا تعرفه ال m50tub25 يأخذ الطلعه الأولى عند مقارنته بال m52b28 لكن الطلعه فقط لكن ال m52b28 بالتأكيد يسبق ال m50tub25



صيانة ال 6 سليندر بشكل عام واحده لن تفرق من 2000 - 2500 أو حتى 2800 لأنهم كلهم بيأخذوا نفس البوجيهات و نفس كمية الزيت عند تغير الفلتر و بدون تغيره و بالتالى لن تجد فروق

صيانة ال m3 هتكون اكبر لكن ليست فى السيرفس كامل اشياء محدده فقط لأنها هتكون من نوع ميعن اما بالنسبه للعفشه فبالتأكيد هتختلف كليا عن محركات ال 6 سليندر العاديه. بالنسبه للتواجد من حيث الجديد فهو موجود لكن طبعا سعرها مرتفع اعتقد على حد تذكرى زوج الطنابير الأماميه ب 1500 - 1800 جنيه جديده شىء من هذا القبيل اما بالنسبه للتواجد كاستيراد موجوده لكن ليست كثيره 3 - 4 تجار اللى ممكن تجد عندهم و اما بيشتروا نظام ميكانيكى بيكون عدد محدود جدا لأن الأقبال عليه قليل ليس لعيب فيه و إنما لأرتفاع أسعاره و بالتالى ضعف الأقبال عليه

شكرا ياباشا و ماشاء الله على معلوماتك ربنا يجزيك خير , انا بس لى سؤال يعنى الصيانه بتبقى كام تقريبا فى 28 او ال6 سلندر علشان بس ابقى عارف ؟ و كده افهم من حضرتك ان ال28 او ال 25 برضه يبقى مهلكة بنزين , هو فى حد معاه الموتور ده 25 او 28 يقولى استهلاكه عامل ازاى ؟
علشان كان فى عضو بيقولى مع والده مرسيدس من النوع القديم 2000 سى سى بيقولى فى الحرق كان التنك مخروم تخيل بقى 2800 , لو كان مناسب اظن ان ده احسن حاجه لانه فى النص اداء و مناسب

[TheBuccaneer]

تسلم يا باشا على المجهود ده انا ناوى اغير قدام شوية لما البلد تهدا شوية ... انا بجمع معلومات بس علشان لما اجى اغير لان فى عربيتين دخلين دماغى ال m3 و ال evo هما تقربيا سعر واحد بس فى موضوع استهلاك البنزين ده فى مصلحة ال evo لانها 2000cc فانا لسا بفكر فال evo

من جهة استهلاك البنزين فأنا معك اللانسر أيفو تكسب فى استهلاكها لكن صدقنى مقارنه M3 مع ايفو لن تكون بصالح الأيفو على الأطلاق خصوصا لو كانت E46 M3 لا مقارنة من حيث الشكل و لا مقارنه من حيث التحمل و لا مقارنه من حيث الثبات و لا مقارنه من حيث التسارع

ماهو اللي أعرفه إن مفيش حد بيشتري ويلحم كتير
قليل قوي

وبعدين ال لحام ده هيستحمل اد إيه
يعني لو العربية عملت حادثة جامدة مثلا هيستحمل ويدي نفس معدل الأمان في عربية مش ملحومة

فيه حاجات كتير الشاسيه هو اللي بيمتص صدمتها
هل اللحام ده هيتاثر بالكلام ده ولا هيبقى هو وال شاسيه بالبلدي كده "مية واحدة"
وعشان يبقى كده لازم يكون اللحام من نفس مادة الشاسيه لإن اختلاف المواد هيأثر أكيد في قوة التحمل وامتصاص الصدمات

ولا إيه

95% من سيارات البى إم دبليو و المرسيدس الكابروليه نصفين معلومه لك
90% من سيارات البى إم دبليو و المرسيدس الكوبيه نصفين معلومه لك

موضوع إن اللحام فى حالة لا قدر الله حادثه إن يفك و السياره تصبح نصفين هو محض كلام و لم اسمع قط عن سياره لحمت و عملت حادثه و اللحام فك و السياره تنصفت بسبب الحادث و اللحام كما ذكرت بيكون بطريقه معينه و خامات معينه و بيقوى بدعامات بطريقه معينه بحيث مثل ما ذكرت أنت كل شىء يكون "ميه واحده" و لو هتلحم يبقى مش اية سمكرى و خلاص لازم شخص يكون فاهم ماذا يفعل بالضبط و لن تجد مثل هؤلاء المحترفين إلا بالحرفيين "على حد علمى"

شكرا ياباشا و ماشاء الله على معلوماتك ربنا يجزيك خير , انا بس لى سؤال يعنى الصيانه بتبقى كام تقريبا فى 28 او ال6 سلندر علشان بس ابقى عارف ؟ و كده افهم من حضرتك ان ال28 او ال 25 برضه يبقى مهلكة بنزين , هو فى حد معاه الموتور ده 25 او 28 يقولى استهلاكه عامل ازاى ؟
علشان كان فى عضو بيقولى مع والده مرسيدس من النوع القديم 2000 سى سى بيقولى فى الحرق كان التنك مخروم تخيل بقى 2800 , لو كان مناسب اظن ان ده احسن حاجه لانه فى النص اداء و مناسب

المرسيدس القديم ال 6 سليندر ده حريقة بنزين فعلا لكن طبعا حضرتك بتتحدث مثلا عن مرسيدس موديلات حقبة 1980s أو 1970s و محركات ال 6 سليندر لل E36 المعروفه بالمحرك ال 6 سليندر الأسود بدأت انتاجها عام 1991 و تطورت عام 1993 تقريبا على حد تذكرى و طبعا لأ استهلاك البنزين لهذه المحركات يكون مثل محرك المرسيدس اللى بتتحدث عنها :)

بالنسبه لتكلفة الصيانه هذكر لك بعض الأرقام و بالمناسبه هذه القطع ثابته لكل ال E36 سواء كان 4 أو 6 سليندر

فلتر بنزين ب 135 جنيه
فلتر زيت 65 جنيه
فلتر هواء تقريبا 65 - 70 جنيه و يمكن أقل مش متذكر السعر حقيقة
سير مجموعه هيدخل فى قصة 125 جنيه
بوجيهات هتكلفك مثلا 200 - 250 جنيه 6 بوجيهات 4 شمعه (4 بوجيهات 2 شمعه 100 جنيه)
(4 بوجيهات 4 شمعه 150 جنيه)

سير الكاتينه لمحركات البى إم دبليو منذ عام 1994 كلها جنزير سواء كانت 4 سليندر أو 6 سليندر
طبعا الزيت على حسب أنت هتضع زيت ايه و معدله ايه شيل, كاسترول, ليكو مولى, فالفولين و نصيحه بلاش موبيل و الزيت هيكون 5000 و لا 10,000 كم طبعا
لو بتغير فلتر زيت المحرك بيأخذ 2 جركن, لو لن تغير فلتر المحرك بيأخذ 1.5 جركن و طبعا السعر على حسب نوع الزيت اللى هتضعه
يعنى تكلفة السيرفس هتفر معك بسبب الزيت فقط و هذا أيضا فى حالة إنك هتضع زيت 10,000 كم يعنى هتتكلف تقريبا زيت فقط 450 - 500 جنيه و قول 500 جنيه بقية مشتملات السيرفس يعنى قصة 1000 جنيه

بالنسبه لأستهلاك البنزين صدقنى لن يستطيع احد افادتك و لا حتى أنا لأنى لاامتلك 325 أو 328 و بالتالى حتى من يمتلك هذه السيارات هيقول كل معدل استهلاك تقريبى و حتى لو لم يكن تقريبي فهو غير إلزامى لأن الحرق و كمية الوقود المستهلكه بتفرق من محرك صاحبه مثل أحمد طارق مثلا و لواحد معه محرك مثلى أو مثلك من سياره مضبوطه لسياره بها مشاكل تسبب كبر نسبة الحرق

[M.Ayman]

من جهة استهلاك البنزين فأنا معك اللانسر أيفو تكسب فى استهلاكها لكن صدقنى مقارنه m3 مع ايفو لن تكون بصالح الأيفو على الأطلاق خصوصا لو كانت e46 m3 لا مقارنة من حيث الشكل و لا مقارنه من حيث التحمل و لا مقارنه من حيث الثبات و لا مقارنه من حيث التسارع



95% من سيارات البى إم دبليو و المرسيدس الكابروليه نصفين معلومه لك
90% من سيارات البى إم دبليو و المرسيدس الكوبيه نصفين معلومه لك

موضوع إن اللحام فى حالة لا قدر الله حادثه إن يفك و السياره تصبح نصفين هو محض كلام و لم اسمع قط عن سياره لحمت و عملت حادثه و اللحام فك و السياره تنصفت بسبب الحادث و اللحام كما ذكرت بيكون بطريقه معينه و خامات معينه و بيقوى بدعامات بطريقه معينه بحيث مثل ما ذكرت أنت كل شىء يكون "ميه واحده" و لو هتلحم يبقى مش اية سمكرى و خلاص لازم شخص يكون فاهم ماذا يفعل بالضبط و لن تجد مثل هؤلاء المحترفين إلا بالحرفيين "على حد علمى"


المرسيدس القديم ال 6 سليندر ده حريقة بنزين فعلا لكن طبعا حضرتك بتتحدث مثلا عن مرسيدس موديلات حقبة 1980s أو 1970s و محركات ال 6 سليندر لل e36 المعروفه بالمحرك ال 6 سليندر الأسود بدأت انتاجها عام 1991 و تطورت عام 1993 تقريبا على حد تذكرى و طبعا لأ استهلاك البنزين لهذه المحركات يكون مثل محرك المرسيدس اللى بتتحدث عنها :)

بالنسبه لتكلفة الصيانه هذكر لك بعض الأرقام و بالمناسبه هذه القطع ثابته لكل ال e36 سواء كان 4 أو 6 سليندر

فلتر بنزين ب 135 جنيه
فلتر زيت 65 جنيه
فلتر هواء تقريبا 65 - 70 جنيه و يمكن أقل مش متذكر السعر حقيقة
سير مجموعه هيدخل فى قصة 125 جنيه
بوجيهات هتكلفك مثلا 200 - 250 جنيه 6 بوجيهات 4 شمعه (4 بوجيهات 2 شمعه 100 جنيه)
(4 بوجيهات 4 شمعه 150 جنيه)

سير الكاتينه لمحركات البى إم دبليو منذ عام 1994 كلها جنزير سواء كانت 4 سليندر أو 6 سليندر
طبعا الزيت على حسب أنت هتضع زيت ايه و معدله ايه شيل, كاسترول, ليكو مولى, فالفولين و نصيحه بلاش موبيل و الزيت هيكون 5000 و لا 10,000 كم طبعا
لو بتغير فلتر زيت المحرك بيأخذ 2 جركن, لو لن تغير فلتر المحرك بيأخذ 1.5 جركن و طبعا السعر على حسب نوع الزيت اللى هتضعه
يعنى تكلفة السيرفس هتفر معك بسبب الزيت فقط و هذا أيضا فى حالة إنك هتضع زيت 10,000 كم يعنى هتتكلف تقريبا زيت فقط 450 - 500 جنيه و قول 500 جنيه بقية مشتملات السيرفس يعنى قصة 1000 جنيه

بالنسبه لأستهلاك البنزين صدقنى لن يستطيع احد افادتك و لا حتى أنا لأنى لاامتلك 325 أو 328 و بالتالى حتى من يمتلك هذه السيارات هيقول كل معدل استهلاك تقريبى و حتى لو لم يكن تقريبي فهو غير إلزامى لأن الحرق و كمية الوقود المستهلكه بتفرق من محرك صاحبه مثل أحمد طارق مثلا و لواحد معه محرك مثلى أو مثلك من سياره مضبوطه لسياره بها مشاكل تسبب كبر نسبة الحرق

اشكرك يا فندم فعلا على الصبر و الرد ده كله وربنا يزيدك ان شاء الله :)

[TheBuccaneer]

اشكرك يا فندم فعلا على الصبر و الرد ده كله وربنا يزيدك ان شاء الله :)

لا شكر على واجب أنت هنا و بتكتب و بتسأل حتى تعلم و من واجبى لو اعرف شىء اقدر افيدك به فى سؤالك إنى لا ابخل عليك به و طبعا الكل هنا :) و مثل ما أنا بساعدك و بساعد غيرك بإذن الله ربنا يضع لى من يساعدنى فيما احتاج :) و أنا لست بعلامه و فيه اشياء كثيره و أنا عن جد مش عارفها خصوصا فيما يتعلق بمشاكل السياره الميكانيكيه والكهربيه يعنى لما اجد شخص هنا بيسأل عن مشكله حدثت لسيارته أنا بعجز عن الرد لأن من وجهة نظرى و تحليلى للعطل لديه ممكن ادله على حل يكون خطأ لأن المشكله قد يكون لها اكثر من مسبب أنا مثلا و اعذرنى للأطاله كان لدى مشكله بالسياره و قولت اكيد طرمبة بنزين, و الميكانيكى جرب و قال لى طرمبة بنزين و قبل الميكانكيى كذا شخص يقول لى اكيد طرمبة بنزين و فى النهايه المشكله طلعت فى حساس الكامه بعد ما غيرت طرمبة بنزين, و ومسطرة الرشاشات و طقم دواره "لأنه كان بالأصل فيه مشكله لدى و قولت يمكن هو سبب المشكله"

[MohaMed_Refaat]

عمرو بوكانيير انت استاذ
انا برضوة بدور على دبانة فيها 28 لان بصراحة موضوع ال m دة كتير قوى سواء 30 او 32
انا بعشق البى ام مووووووت بس لسة ربنا ماردش انى اركبها :)))

[M_Nabil]

شكراً للمعلومات الجامدة اللى في الموضوع

عموماً في e36 موديل 93 لون أحمر سيدان متعدله m3 بالكامل عليها ماتور 3.0 بقوة 286 حصان لو حد مهتم يقولى

[TheBuccaneer]

شكراً للمعلومات الجامدة اللى في الموضوع

عموماً في e36 موديل 93 لون أحمر سيدان متعدله m3 بالكامل عليها ماتور 3.0 بقوة 286 حصان لو حد مهتم يقولى

ممكن اعرف المبلغ المطلوب و الحاله العامه و تكون عملت جميل جامد لو صور للسياره داخليه و خارجيه و صوره للمحرك خاصه إن امكن

[TheBuccaneer]

عمرو بوكانيير انت استاذ
انا برضوة بدور على دبانة فيها 28 لان بصراحة موضوع ال m دة كتير قوى سواء 30 او 32
انا بعشق البى ام مووووووت بس لسة ربنا ماردش انى اركبها :)))

ربنا يكرمك بواحده إن شاء الله لو عايز تشترى أنا ممكن اسأل لك و لو فيه سياهر بحاله نظيفه ابلغك بالتفاصيل و السعر

[M.Ayman]

لا شكر على واجب أنت هنا و بتكتب و بتسأل حتى تعلم و من واجبى لو اعرف شىء اقدر افيدك به فى سؤالك إنى لا ابخل عليك به و طبعا الكل هنا :) و مثل ما أنا بساعدك و بساعد غيرك بإذن الله ربنا يضع لى من يساعدنى فيما احتاج :) و أنا لست بعلامه و فيه اشياء كثيره و أنا عن جد مش عارفها خصوصا فيما يتعلق بمشاكل السياره الميكانيكيه والكهربيه يعنى لما اجد شخص هنا بيسأل عن مشكله حدثت لسيارته أنا بعجز عن الرد لأن من وجهة نظرى و تحليلى للعطل لديه ممكن ادله على حل يكون خطأ لأن المشكله قد يكون لها اكثر من مسبب أنا مثلا و اعذرنى للأطاله كان لدى مشكله بالسياره و قولت اكيد طرمبة بنزين, و الميكانيكى جرب و قال لى طرمبة بنزين و قبل الميكانكيى كذا شخص يقول لى اكيد طرمبة بنزين و فى النهايه المشكله طلعت فى حساس الكامه بعد ما غيرت طرمبة بنزين, و ومسطرة الرشاشات و طقم دواره "لأنه كان بالأصل فيه مشكله لدى و قولت يمكن هو سبب المشكله"

+111111111 و ان شاء الله ربنا يوعدك باللى يساعدك فى اى حاجه مش عايزها

[M_Nabil]

ممكن اعرف المبلغ المطلوب و الحاله العامه و تكون عملت جميل جامد لو صور للسياره داخليه و خارجيه و صوره للمحرك خاصه إن امكن

مطلوب 110 ألف جنية والحالة العامة جيدة جداً وملحوظة هيا لون السيارة الاصلى باذنجانى ولو حضرتك قريب من مصر الجديدة ممكن تيجى تبص عليها بنفسك .. وموضوع الصور هحاول ان شاء الله اليومين دول أصورها وأرفعلك الصور

[TheBuccaneer]

مطلوب 110 ألف جنية والحالة العامة جيدة جداً وملحوظة هيا لون السيارة الاصلى باذنجانى ولو حضرتك قريب من مصر الجديدة ممكن تيجى تبص عليها بنفسك .. وموضوع الصور هحاول ان شاء الله اليومين دول أصورها وأرفعلك الصور

تمام أنا بنزل مصر الجديده بالتحديد فى روكسى هكلمك إن شاء الله و نضبط ميعاد للشماهده و المعاينه لكن ممكن ترسل لى رساله خاصه برقم تليفون حضرتك

[Mus7]

ايه ده , ده احنا بقى فى نفس الطريق , انا برضه عمال شغال فى مقارنات بين الايفو و الام \\\ بس بصراحه الايفو تكسب فى موضوع البنزين ده , 3200 سى سى مخيف بصراحه بس انا برضه ليه بفكر انى ممكن اجيب الدبانه بموتور ال 28 او ال 25 مثلا علشان تبقى اداء و سعر حلو و حاجه وسط يعنى ,,,, عموما صيانة الايفو بتعمل 1500 الى 2000 جنيه , بنزين لازم 95 ,قطع الغيار هتستوردها عادى مش غاليه قوى والمفروض تقعد 10 ايام ولا حاجه على ما توصل

عموما ياريت تبقى تتابع معايا و تقولى وصلت لايه علشان انا ان شاء الله فى خلال السنه دى او اخر الاجازه كده هجيب حاجه منهم .... و جزاك الله خيرا

بس يا باشا الايفو عربية جرى بس مش هتستحمل تبقى جرى و تقضى المشاوير اليومية و اعطالها كتير و قطع غيار غالية و قليلة و عمر افتراضى قليل على عكس ال m3 عربية تقضى بيها مشاويرك اليومية و لو حبيت تجرى طيارة مفيش كلام و استهلاك البنزين مش رهيب يعنى حوالى 7,5 لتر فى ال 100 كيلو و عمر افتراضى طويييييييييييل ... ده رايى لو انتا عندك شايف حاجة تانية قولى بردو ؟

[M.Ayman]

بس يا باشا الايفو عربية جرى بس مش هتستحمل تبقى جرى و تقضى المشاوير اليومية و اعطالها كتير و قطع غيار غالية و قليلة و عمر افتراضى قليل على عكس ال m3 عربية تقضى بيها مشاويرك اليومية و لو حبيت تجرى طيارة مفيش كلام و استهلاك البنزين مش رهيب يعنى حوالى 7,5 لتر فى ال 100 كيلو و عمر افتراضى طويييييييييييل ... ده رايى لو انتا عندك شايف حاجة تانية قولى بردو ؟

هو حضرتك متأكد من موضوع 7.5 لتر كل 100 كيلو ده رجاااااااااء اتأكدلى من المعلومه من اى حد معاه ال M\\\ و ياريت لو تقدر تقولى ياباشا الصفيحه بتعمل كام كيلو تقريبا ..... والله لو طلع موضوع البنزين حلو -هيبقى فاضل انى اعرف قطع الغيار و كده منين - لو الموضوع طلع ينفع تبقى عملت فيا خدمة العمر والله مستنى ردك على احر من الجمر يا كبير

[M.Ayman]

ثانيه واحده انا بالصدفه كنت بدور على النت على حجم تانك البنزين فى ال M3 e36 علشان اكيد اكبر من التانك العادى فى ال 316 ,,,, المهم لقيت واحد عامل تقرير عن ال 316 فى مكان اخر و كاتب

* سعة خزان الوقود : 65 لتر

* فى المدينة : 10.6 لتر لكل 100 كيلو

* فى الهاى واى : 5.9 لتر لكل 100 كيلو

* متوسط استهلاك الوقود : 7.7 لتر لكل 100 كيلو


يعنى هل معنى كلام حضرتك ان ال M3 ال 3200 سى سى بتستهلك نفس مقدار ال 1600 سى سى ؟!!!