اجعل عربيتك تجيب 80 على الاول

[faroukzen]

فى تعديل بيجعل العربيه مداها على فى الغيارات يعنى يخلى الاولانى يوصل ل60 او 80 كنت عاوز اعرف ايه التعديل ده وعلى فكره لايعتمد على الكرونه

[faroukzen]

هو الموضوع صعب للدرجه دى

[faroukzen]

فى حاجات بتركب غير الكرونه هى اشياء متعلقه بالفتيس كنت عاوز اعرف هى ايه

[fahd_628]

الكورونة !!!!

تركب كورونة رقمها اقل زى 2.93 مثلا

[faroukzen]

تمن الكرونه هيكون فى حدود كام وهل هحتاج اغير الكرونه لو غيرت الموتور بعد كده

[amrelsaqqa]

مش ميزة انك تعدل النسب لان كدة سرعة الغيار هتزيد بس العزم والتسارع هيقل

[fahd_628]

فعلا

لو عملت كدة العربية حتموت !!!!

خصوصا لو كانت 1600

[faroukzen]

السياره بموتورها 1800 استوك بس انا سمعت ان المسول عن ذلك ا اغرقام للفتيس وحاجات بتركب خاصه بالفتيس غير الكرونه

[DrJomaro]

بص يا فاروق , خلينا نوضح شوية حاجات علشان الصورة تبقى مفهومة
أول حاجة :
الموتور بيلف عدد دورات معينة 6000 مثلا بس في كل الاحوال
لكن الموتور مش هوا المسؤول عن السرعة اللي هتوصل ليها (الا لو هتزود عدد لفاتوا , عن طريق Chip أو كنترول تاني
نيجي للحاجات اللي مسؤولة انها تطلع أو تترجم عدد اللفات دي لسرعة على الأرض
في العربيات الخلفي عندك :
1-الفتيس
2-الكرونة
3- مقاس الكاوتش (كل ما الجنط مقاسو يكبر كل ما نفس النقلة ممكن تجيب أكتر ) لأن اللفة الواحدة منه أكبر هتساوي لفة +X من المقاس القديم

انتا ممكن تركب فتيس نقلاته طويلة , أو كرونة طويلة على نفس الفتيس
الأسهل للناس واللي مجهودة أقل , أسرع و فلوسه أقل تغيير الكرونة لأن الفتيس أغلى غالبا

الفكرة هنا ان الكرونة و الفتيس دول torque Mutliplier
يعني بيضاعفوا عزم الموتور و لما تطول النقلة كأنك بتضرب في رقم أقل يعني الناتج عزم أقل = تسارع أقل
علشان كدة هنلاقي كل المواتير الصغيرة و الأتوماتيك الكرونة بتاعتها حامية أو قصيرة (في ال E36)الفتايس أقصر من ال E30 فهتلاقي أرقام الكوارين في ال E36 عامة أطول

ففي حالتك لو انتا عايز جري أكتر محتاج كرونة أقصر
محتاج توفر بنزين طول على قد ما نقدر :-)

[faroukzen]

انا كنت عاوز اعرف تكاليف الفتيس كام علشان اطول النقلات وتكاليف الكرونه كام انا عربيتى بموتورها الاستوك ولكن حاله الموتور نظيفه جدا ولا ثلاث سنين قدام على ما افكر اغيره ا العربيه اربعه غيار بحس ان العربيه بعد الميه صوتها بيعلى نظرا للاربى ام العالى الناتج من الفتيس 4 غيار انا كنت بفكر فى طريقه تكون كويسه وتجعل العربيه تجيب سرعات اعلى على اربى ام مرتاح ففكرت فى انى اجيب فتيس خمسه غيار وبعدين قولت اجيب كرونه روحها طويله انا عاوز حاجه تكلفتها تكون بسيطه وتمشينى شويه لغايه ما الموتور بتاع العربيه يستهلك واسقط موتور تانى

[eng_maged]

بص يا فاروق , خلينا نوضح شوية حاجات علشان الصورة تبقى مفهومة
أول حاجة :
الموتور بيلف عدد دورات معينة 6000 مثلا بس في كل الاحوال
لكن الموتور مش هوا المسؤول عن السرعة اللي هتوصل ليها (الا لو هتزود عدد لفاتوا , عن طريق chip أو كنترول تاني
نيجي للحاجات اللي مسؤولة انها تطلع أو تترجم عدد اللفات دي لسرعة على الأرض
في العربيات الخلفي عندك :
1-الفتيس
2-الكرونة
3- مقاس الكاوتش (كل ما الجنط مقاسو يكبر كل ما نفس النقلة ممكن تجيب أكتر ) لأن اللفة الواحدة منه أكبر هتساوي لفة +x من المقاس القديم

انتا ممكن تركب فتيس نقلاته طويلة , أو كرونة طويلة على نفس الفتيس
الأسهل للناس واللي مجهودة أقل , أسرع و فلوسه أقل تغيير الكرونة لأن الفتيس أغلى غالبا

الفكرة هنا ان الكرونة و الفتيس دول torque mutliplier
يعني بيضاعفوا عزم الموتور و لما تطول النقلة كأنك بتضرب في رقم أقل يعني الناتج عزم أقل = تسارع أقل
علشان كدة هنلاقي كل المواتير الصغيرة و الأتوماتيك الكرونة بتاعتها حامية أو قصيرة (في ال e36)الفتايس أقصر من ال e30 فهتلاقي أرقام الكوارين في ال e36 عامة أطول

ففي حالتك لو انتا عايز جري أكتر محتاج كرونة أقصر
محتاج توفر بنزين طول على قد ما نقدر :-)

تسلم ايديك على الشرح الجميل ده

[DrJomaro]

لا شكر على واجب

[flightbyd]

الصبر من عندك يارب صبرنى عاوز تزود الغيار الاول ل80 لية اية الداعى علشان توصل اسرع ولا احنا فى حلبة سباق حرام تخريب السيارة وبعدين المصريين طول عمرهم بتوع فتو يحبوا يفتوا هل الخواجة اللى عمل ام العربية متخلف عقليا ولا عندة اعاقة زهنية طبعا لا المفروض احنا كمصريين نعمل فيها ام العريف ونعدل على الخواجة اللى ضيع عمرة ووقتة ويدفع لة الالاف الدولارات حتى يظهر سيارة مثل البى ام بمواصفات عالية بحسابات قعد الراجل يحسب فيها والشركة المصنعة سنوات علشان يطلعها للناس بالطريقة دى فمن الصعب اننا نستحمر الخواجة ونقولة احنا بقى ازكى من امك وحنعمل حسابات السنين بتاعتك فى ساعة واحدة على القهوة يا عم حرام بقى

[faroukzen]

كل البى ام الى فى مصر متعدله والمصريين ملوك التعديل وافتكر ان كل واحد بيعمل التعديل الى يناسبه ويحس انه يناسب الزمن الى عايش فيه يعنى الخواجه ده كام مصمم العربيه فى الثمانيات مش معقول هنفضل على هذا التصميم لغايه 2012 ونقول اصل الخواجه مصنعها كده واحنا مش هنبقى عارفين عنه كل زمن فى تطور فى التكنولوجيا عن الزمن الى قبله مش اكتر

[m000dy]

بص هاقوللك الخلاصه فى الموضوع ده لزياده عزم العربيه وتسارع اكبر دون المساس
بالكنترول لان ده هايقصف عمر المكنه
او الفتيس لانه غالى وهايكلفك وهايحتاج تعديلات تانيه عشان يظهر امكانياته
او الكرونه لان تغيير الكرونه هايديك حاجه وياخد منك حاجه تانيه يعنى ممكن يديك تسارع عالى بس عمرك ما هاتوصل للتوب سبيد
الحل كالاتى وهو سهل وهاتحس بفرق واضح
الغى الكلاتش
وحول المراوح لكهربا
من مميزات التبريد فى العربيه دى ان الكلاتش بيشتغل مع دوارة العربيه ولضمان عمله باستمرار خرجوه من الموتور مباشرة يعنى عزم الكلاتش كله جاى من المكنه وده بياخد من عزم المكنه ما يقارب ال 250 سى سى وده طبعا فى البى ام رقم بيفرق فى الاداء واظن واضح الفرق بين ال 16 وال 18 وال 20
لو مكنتك حيه العربيه هاتشب وهى طالعه وهاتحس فرق فعلا وان العربيه فاقت حتى مع عمل التكييف