اجعل عربيتك تجيب 80 على الاول

[DrJomaro]

بص هاقوللك الخلاصه فى الموضوع ده لزياده عزم العربيه وتسارع اكبر دون المساس
بالكنترول لان ده هايقصف عمر المكنه
او الفتيس لانه غالى وهايكلفك وهايحتاج تعديلات تانيه عشان يظهر امكانياته
او الكرونه لان تغيير الكرونه هايديك حاجه وياخد منك حاجه تانيه يعنى ممكن يديك تسارع عالى بس عمرك ما هاتوصل للتوب سبيد
الحل كالاتى وهو سهل وهاتحس بفرق واضح
الغى الكلاتش
وحول المراوح لكهربا
من مميزات التبريد فى العربيه دى ان الكلاتش بيشتغل مع دوارة العربيه ولضمان عمله باستمرار خرجوه من الموتور مباشرة يعنى عزم الكلاتش كله جاى من المكنه وده بياخد من عزم المكنه ما يقارب ال 250 سى سى وده طبعا فى البى ام رقم بيفرق فى الاداء واظن واضح الفرق بين ال 16 وال 18 وال 20
لو مكنتك حيه العربيه هاتشب وهى طالعه وهاتحس فرق فعلا وان العربيه فاقت حتى مع عمل التكييف

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!
does this has anything to do with [OVERLINE]RATIOS[/OVERLINE] ....

this would free some horsepower , but STILL wouldn't be able to exceed the mechanical limits of the (gear+ diff ratios , tire size,RPM )

we are talking about simple mathematics here !!!!!

[faroukzen]

انا متشكر على اهتمامك يااستاز مودى لكن ممكن حضرتك توضح اكتر ايه هو الكلاتش ده وهل هذه الطريقه بتاثر على عمر الماتور وياريت الدكتور يشاركنا بردق ويكتب بالعربى افضل انا مهندس وافهم فى الانجليزى بس انا احب ان الدكتور لايبخل علينا بمعلوماته بس ياريت الحديث يبقى بالعربى

[DrJomaro]

انا متشكر على اهتمامك يااستاز مودى لكن ممكن حضرتك توضح اكتر ايه هو الكلاتش ده وهل هذه الطريقه بتاثر على عمر الماتور وياريت الدكتور يشاركنا بردق ويكتب بالعربى افضل انا مهندس وافهم فى الانجليزى بس انا احب ان الدكتور لايبخل علينا بمعلوماته بس ياريت الحديث يبقى بالعربى

معلش و الكمبيوتر مكانش راضي يكتب عربي

فكرة الكلتش انوا بيكون راكب على الكرنك من برة و المروحة بتركب عليه
http://www.fcpgroton.com/images/prod...1521466000.JPG
http://www.prussianmotors.com/eBay/New3/4562-01.jpg
, و فيه ثرموستات عند درجة حرارة معينة بيقفش فيخلي المروحة تدور و بعدين لما يبرد يفصل
الفكرة انوا دايما محمل على الكرنك و لما يقفش بيكون الحمل أكتر

و فيه ناس لما بيبوظ بيلحموه فييفضل محمل على طول و تسمع صوت المروحة ولا صوت الغسالة و طبعا على ال rpm العالي بيكون الحمل على الموتور عالي أوي علشان الموتور بيواجه مقاومه الهوا للمروحة اللي راكبة على الكلتش

علشان كده لما تشيل التحميل دا من على الكرنك و تركب مروحة كهرباء بتحرر جزء من الطاقة المفقودة الرايحة ,و دا ممكن يزود 2-3 حصان

و معظم التعديلات في العربيات بتكون اننا نحرر الأحصنة المهدورة من تركيب pulleys أخف , Flywheel اخف .... ألخ
لكن دا عمرو ما هيفرق حاجة في التروس و السرعات دي حاجة ميكانيكية بحتة 1+1 فيها = 2
يعني الترس يجيب سرعة كذا على RPM كذا بالكوتش الفولاني , لأن مفيش عوامل تانية تتحكم في الموضوع دا
كون العربية أقوى أو اضعف دا ممكن يفرق في الزمن اللي أوصل بيها للسرعة المطلوبة لكن ميغيرشي السرعة

و فيه برامج كتير online بتحسب الكلام دا

[DrJomaro]

فمن الصعب اننا نستحمر الخواجة ونقولة احنا بقى ازكى من امك وحنعمل حسابات السنين بتاعتك فى ساعة واحدة على القهوة يا عم حرام بقى

أنا بستغرب من الناس اللي بتحبس بفسها في عقدة الخواجة !!!!
على فكرة دا مش قران منزل , و مادام فيه بني أدم عملوا , يبقى هوا مش أحسن مني في حاجة
الفكرة ان التعديل ليه طريقتين طريقة research and development
او طريقة ال trail and error
كل واحدة فيهم ليها مميزاتها .....
و على فكرة هما برة الناس العادية بتعدل برضه على عربياتها و ممكن أوريلك أمثلة كتير لناس عندها 20 سنة و معدلة حاجات كتيرة في عربياتها

اما لو قلتلك ان فيه حاجات من من ماركات تانية الناس بتركبها على البمات و بيكون أدائها احسن
الخواجة لما بينزل العربية بيعمل حساب لحاجات تانية (خط الانتاج , تسويق السيارة ,سعر السيارة ...الخ )

ابسط مثال E30 جلبة المقص بتاعتها شكلها كدة

http://willz.ca/images/DSCN7139.JPG

و دي اثبتت فشلها تماما
و كل الناس دلوقتي بتركب جلبة ال E30 M3
المصمطة الoffset بتاعها eccentric يعني الفتحة مش في المنتصف

http://willz.ca/images/DSCN7139.JPG

لأانها أقوى و بتزود longer wheel base+ بتزود Caster angel


ودا بيحسن كتير من أداء العربية على السرعات العالية بشرط تركب في الاتجاة الصحيح

و الأمثلة كتيير جدا

[bimmeraddict]

أنا جربت ألغي الكلاتش مع موتور m43b16 ومحستش بفرق كبير غير فرق صوت المروحة .

متغيرش الكورونة لأنها مناسبة لموتور عربيتك أنا مركب كورونة ٣.٤٥ على مكنة٢٥٠٠ سي سي وزي الفل تحس عندي أني بسوق عربية أوتوماتيك بثبت الفتيس على النقلة الرابعة من ٢٠ لحد ١٠٠ كيلو .

الحل الأكيد أنك تسقط فتيس ٥ سرعات الغيار الخامس بعد ال١٠٠ هيريح العربية جدا ويا سلام بقى لو تسقط فتيس ٦ سرعات بس أمانة لو لقيتة تجيبهولي أنا بدور علية ومش لاقيه.

[DrJomaro]

أنا جربت ألغي الكلاتش مع موتور m43b16 ومحستش بفرق كبير غير فرق صوت المروحة .

معاك حق طبعا لأن المواتير الصغيرة دي مش هتحس بيها أوي

متغيرش الكورونة لأنها مناسبة لموتور عربيتك أنا مركب كورونة ٣.٤٥ على مكنة٢٥٠٠ سي سي وزي الفل تحس عندي أني بسوق عربية أوتوماتيك بثبت الفتيس على النقلة الرابعة من ٢٠ لحد ١٠٠ كيلو .

انتا مركب فتيس المكنة ال25 ؟
كاوتشك مقاسوا كام
لو مركب فتيس ال 25 الأسود , الكرونة ال3.45 دي كدا من الكوارين التوسطة المائلة لناحية انها تكون قصيرة , و متنساش انك 2500 يعني عندك عزم يقوم المكنة من RPM قليل
لكن لو 1800 هيبقى صعب اوي

الحل الأكيد أنك تسقط فتيس ٥ سرعات الغيار الخامس بعد ال١٠٠ هيريح العربية جدا ويا سلام بقى لو تسقط فتيس ٦ سرعات بس أمانة لو لقيتة تجيبهولي أنا بدور علية ومش لاقيه.

++1111111111111111
:لنا بندور عليه

[bimmeraddict]

205/60 r15 و فتيس ال٢٥

فعلا أنا ساعات بطلع بالعربية على الغيار التاني على طول