تحذير ... إياك تسيب حاجه في العربية

[Amr_Moh]

تحذير ... إياك تسيب حاجه في العربية ظنا منك أنها لا تساوي

[sor2]http://nileup.com/up/uploads/nilemotors_13671792201.jpg[/sor2]

الصورة اعربيه صديق كنا نزلين نشتري حجات في السريع من كرفور العبور
الخسائر
٣ زجاج جانبي
سقوطه باب خلفي
وش قايم النص للباب الأمامي و الخلفي
نشطه كانت علي الكنبه فيها لبس التدريب بتاع العيال ( حاجه متساويش بس كانت سبب السرقة )

خلي بالك
والله خير حافظ

[MohammedAladel]

ربنا يعوض عليه ويجازى الآثم دا
شكلها بى إم دبليو

أنا فاكر انى قرأت مشاركة لعضو هنا برضه اتعمل معاه جزء من اللى حصل دا بسبب سندويتش

[dr.hazem]

ربنا يعوض عليه وعليك ان شاء الله بس انا مش فاهم
هو كسر كل ده عشان يفتحها ليه؟؟؟

الله المستعان

[aymanshebl]

ربنا يعوض عليه و الله يا جماعة الواحد من كتر ما بيسمع سواء من قريب او غريب عند سرقة العربية الواحد خلاص معدش حاسس باى امان خالص و ربنا يسترها

[Amr_Moh]

ربنا يعوض عليه وعليك ان شاء الله بس انا مش فاهم
هو كسر كل ده عشان يفتحها ليه؟؟؟

الله المستعان

عاشان ألبي أم لو السنتر مقفول الباب ميفتحش حتي لو كسرت و حولت ترفع السقاطه او الاكره الداخلية

[el diesel]

اولا ربنا يعوض عليه ويحتسب عند الله
ثانيا انا ما اعرفش كارفور العبور بس اعتقد الباركينج بتاع فروع كارفور متراقب والله اعلم ولا انتوا كنتوا راكنين فين

[Kareem.ElAraby]

وحياتك كانت العربيه فاضيه من جوه و كسروا العربيه في وسط مكرم عبيد و خد راحته و ما لاقاش حاجه بردو في الاخر !
ربنا يسترها معانا
و يعوض علينا

[Amr_Moh]

اولا ربنا يعوض عليه ويحتسب عند الله
ثانيا انا ما اعرفش كارفور العبور بس اعتقد الباركينج بتاع فروع كارفور متراقب والله اعلم ولا انتوا كنتوا راكنين فين

أبدا .. لا متراقب ولا حاجه.

[مصطفى-حسن]

شكرا على التنبية والتحذير

[zangry]

الحمدلله انها جات على كده المشكلة مش في الشنطة المشكلة في الازاز اللى ادشدش ده :d

حصلت معايا مره في العيد الكبير كنت واخد الايس بوكس كنت بوزع لحمة الحمدلله كنت وزعتها خلاص :d نزلت ورجعت لقيت الازاز مكسور

[تامر.محمد]

لا حول ولا قوة الا بالله

برده عربيتي كانت فاضية , اظن يعني لأني قلبت الدنيا على اني افتكر كان فيها ايه و اتسرق ما افتكرتش حاجة , و برده اتكسرت الهواية و قلب الحرامي في العربية كلها

[S O P H O S]

لا حول ولا قوة الا بالله

[Amr_Moh]

ربنا يستر

[horas3000]

لا حول و لا قوة الا بالله
الهي تنقطع ايد اللي عمل كده
الخساير دي مش سهله و هتتكلف مبلغ و قدره

بس هو الكلام ده كان الساعة كام عشان يكسر 3 شبابيك و محدش يحس و لا ياخد باله
و لو ان اليومين دول حتي لو حد شاف هيعمل نفسه من المريخ

انا بفكر جديا اروح اركب فيلم الحمايه ده
بس عايزين حد يكون مجربه فعليا و هل فعلا يمنع كسر الزجاج تماما و لا لا

لنا الله
و سلم لي علي بلد الامن و الامان

[zegna]

هوة الازاز غالي فعلا انا كونت مغير الامامي بتاع السواق الكلام دة من سنتين كان ب 1800 جنية