تحذير ... إياك تسيب حاجه في العربية

[Amr_Moh]

لا حول و لا قوة الا بالله
الهي تنقطع ايد اللي عمل كده
الخساير دي مش سهله و هتتكلف مبلغ و قدره

بس هو الكلام ده كان الساعة كام عشان يكسر 3 شبابيك و محدش يحس و لا ياخد باله
و لو ان اليومين دول حتي لو حد شاف هيعمل نفسه من المريخ

انا بفكر جديا اروح اركب فيلم الحمايه ده
بس عايزين حد يكون مجربه فعليا و هل فعلا يمنع كسر الزجاج تماما و لا لا

لنا الله
و سلم لي علي بلد الامن و الامان

8:30 pm

هوة الازاز غالي فعلا انا كونت مغير الامامي بتاع السواق الكلام دة من سنتين كان ب 1800 جنية

الأسعار الاتيه لل ٣ زجاج جانبي

جريش جديد ١٢٠٠ ج ( not recommended)
استيراد جديد BMW مش أصلي ١٢٠٠ ج.
أصلي من واحد صديق لسه منزل عربيتين وارد الخارج و حسبهم ٣ زجاج + جوان الشراعه + ٢ وش قايم + ب ١٧٠٠ بالتركيب

[Bonanza]

نفس الموضوع حصل معايا

يا جماعة العربية عندي اتسرق منها حاجات مهمة اوي من كام يوم في عز الظهر

كنت راكن عند بنك سوسيتيه جنرال و حاطت شنطة ورق و فيها حاجات مهمة ملفوفه في ورق جرنال

طلعت البنك الساعة 12 الظهر و نزلت الساعة 12.45

و العربية كانت مركونه قدام البنك بحوالي 25 متر كده و طبعا في حراسة علي البنك اللي هو العسكري اللي لا بيهش ولا ينش ده

نزلت لقيت زجاج العربية الخلفي مكسور و الشنطة مش موجوده


اول حاجة عملتها روحت اتخانقت مع عسكري الحراسة و قولتله دا لو كان في كلب واقف في المكان كان زمان الحرامي خاف منه

البيه بيقولي و انا مالي انا حراسة علي البنك ماليش دعوه بالعربيات

نصيحة ليكم يا جماعة محدش يحط اي حاجة في العربية و يسيبها

اي حاجة بمعني اي حاجة .. انت ممكن تكون الحاجة دي في قمة الهيافة بالنسبالك و لكن هاتغري الحرامي انه يسرقها

الله يحرقة سرق الشنطة و دبسني في 175 جنيه ثمن زجاج جديد

للاسف الشنطة اللي اتسرقت كان فيها حاجة مهمه جدا

كان فيها فطيرة مشلتته الحاجة الله يكرمها كانت عملاهالي

ياكلها بالسم الهاري المعفن اللي سرقها

حسبي الله و نعم الوكيل فيه :)

كان نفسي اشوف شكله و هو بيفتح الشنطة يلاقي فطيرة

علي فكرة و الله مش بهزر الموضوع ده حقيقي بكل حرف

الحرامي سرق شنطة فيها فطيرة .. كان فاكر انها فيها فلوس

محدش يسيب اي حاجة في العربية و خدوا بالكم

ربنا يبعد عنكم اي شر

[Amr_Moh]

الله يحرقة سرق الشنطة و دبسني في 175 جنيه ثمن زجاج جديد

بصيته الحمد لله

[Amr_Moh]

الله يحرقة سرق الشنطة و دبسني في 175 جنيه ثمن زجاج جديد

بصيته الحمد لله. بس أكيد الفطيرة بتاعت الحجة الله يخليها لك متتعوضش

[zegna]

يا بلاش التلاتة أتكلفو 1700 جنية بس هما أصلي ولا جريش مصري

يا بلأش يعني التلاتة أتكلفو 1700 جنية هما اصلي و لا جريش مصري