استغاثة علشان انا جبت اخرى

[mohannd]

السلام عليكم يارجالة

معايا e21 عليها مكنة m40 1800 عملت كل حاجة ممكن تتعمل علشان فى ريحة عادم جامدة وانا فاتح الشباك بس لكن لو الشباك مقفول مفيش ريحة وغيرت :

موسير شكمان جديدة
علبة وسط وعلبة خلفية
افوميتر و ايدال
مسطرة بالرشاشات
تى بى اس
حساس شكمان
العربية مش مطلعة ارور على الجهاز


انا بقيت عايش عند الصنيعة بسبب الحوار دة ونفسى اخلص منة بى طريقة

[A.Saad]

انت كدة عندك حاجة بتسرب العادم برا الدورة المعتادة بتاعته
فبيدخل من الشباك

امشى ورا دورة العادم بالراحة

[mr_green]

هاقولك جرب تعمل التالى:

1- إفتح الكابوت
2- حد يسد الشكمان من ورا - لو الموتور بطل خلى إللى سادد الشكمان يخف السد بحيث يحجب معظم العادم مش كله و حد تانى يزود بنزين و حد يدور على العادم الزايد طالع منين

و الله أعلم

[big big]

شوف جوان عوامة النزين او فتحة التنك الي بتمون منها

[mohannd]

الف شكر على ردودكم يارجالة انا بصراحة عملت اغلب الحجات دى بس مجتش جامب عوامة الينزين ولا طرمبة البنزين برغم ان الطرمبة صوتها عالى اووى بس مجاش فى بالى انها ممكن تكون السبب هجرب اغيرها ويارب تكون هى السبب واخلص ... تنصحونى اروح لحد معين يظبطلى القصة دى

[نينو]

الشيخ طارق راجل محترم فعلا و مش غالي ومش بتاع اشتغالات علي فكرة خالص

[mohannd]

طيب رقم الشيخ طارق كام وعنوانة فين

[fahd_628]

يا جماعة الطلمبة مش حتطلع ريحة عادم !

انت متأكد انها ريحة عادم ولا ريحة زيت محروق ؟

يعنى بعد لما تبطل العربية افتح غطاء ملو الزيت و شم كدة

هية دية الريحة ؟

[seko_66]

شوف كاوتش الشنطة وبعد كده روح نظف رشاشات عند مدحت اللى فى المعادى .

[mohannd]

هى بصراحة ريحة غريبة متعرفش هى ريحة بنزين ولا زيت وبعدين انا غيرت مسطرة رشاشات كاملة وغيرت افو ميتر و ايدل وركبت حساس شكمان وكمان تى بى اس وكشفت على الشكمان بالكامل وعملت الحجات الى فية وسالت على الطلمبة قالولى ملهاش دعوة بالريحة بصراحة كل ما اعمل حاجة اداء العربية بيتحسن الله اكبر بس لسة فى ريحة عادم خناقت اهلـــــــــــــى ... حد قالى على جلد الشنطة هو فعلا مش متركب عندى بس الريحة مش بتيجى من جوة دى بتيجى من برة وانا فاتح الشباك بس

[ahmed elhoseny]

هية صح جلدة الشنطة عشان كان عندة نفس الى عندك وبقى مفيش ريحة عندة دلوقتى
اما بتمشى مع الهوا بيتدخل الريحة عندك

[mbx4e]

في
solonoid في دوره الوقود او العادم بايز
سرش على الجوجل بالصور على مكنتك واعرف الدابره فيها ايه عندك وراجع؟ ممكن تتابع المواضيع دي الاول
سلونيد او EVAP purge control ؟ http://www.nilemotors.net/Nile/35139...e-control.html

http://www.nilemotors.net/Nile/349341-a.html#post3874947389

http://www.nilemotors.net/Nile/343018-a.html

[mbx4e]

ها ياكبير ايه الاخبار ؟
مافيش متابعة ليه ؟

[mohannd]

الحمد الله يارجالة الحمد الله الريحة راحت وبقايت بفتح الشباك وانا ماشى وكل دة كان بسبب جلد الشنطة مكانش راكب اول لما ركب الريحة راحت شكرا لكل الناس الى شاركتنى المشكلة وفعلا احنا فى منتدى محترم وكل الناس الى فية رجالة جدعان .. واتعرفت على ميكانيكى محترم وفاهم سورى اسمة نور ورقمة 01062703355 فاتح فى المعادى جامبى ومصلحة احسن من مشوار الحرفيين لو حد احتاجة يكلمنى فى اى وقت 01068828829 اخوكم مهند من المعادى

[Amr_Moh]

مكانه فين في المعادي و هل بيعمل صيانات دوريه الموديلات الأحدث ؟؟