عايز أركب شاشة دي في دي ورا للأطفال. هل من إقتراحات؟

[FrozenFire]

السلام عليكم جميعا

عايز أركب شاشة أو شاشتين دي في دي للأطفال ورا. في التوكيل موجود شاشة واحدة في النص بتركب على الآي درايف بتاع العربية ولكن سعرها هو 11 ألف ونص.

بصراحة أوفر عليا. فهل في حل تاني ممكن نعمله؟

[ahmedalaahosny]

فى حل ارخص من كل ده انك تركب شاشات ف المخادع بتاعه الكراسى الاماميه ودول شاشتين كل واحده مستقله بذاتها عن التانيه وليها ريموت

[shoshasam]

افتح موقع الايباي (اكبر موقع مبيعات علي الانترنت)
واكتب في مكان البحث الكلمة دي
HEADREST PILLOWS dvdplayer

هايظهرلك كل الا انت عايزه بالظبط زي دي


الاسعار طبعا متفاوتة لكن مش هاتبقي 11 ألف ونص
ولا هاتبقي بالجوده دي

[ahmedalaahosny]

راجع ده برده هيفيدك

http://www.nilemotors.net/Nile/27838-a.html

[ضى القمر]

فيه ارخص من التوكل فى التوفيقية

[adelghanem]

انا مركب دى فى دى اللى فى
مخادع الرأس وبعدين الأولاد
اشتروا التابلت وكل واحد مسك
التابلت بتاعه ولا سألوا فى الدى فى دى
_انا بأنصح بشراء تابلت للأولاد وهناك
حامل للتأبلت يعلق فى مسند الرأس
من ورا .الأولاد لما يكونوا فى العربيه
يا أما يمسكوا التابلت فى أيدهم يا أما
يعلقوه فى الحامل زى الدى فى دى
ولما ينزلوا من العربيه يأخذوه معاهم
فى البيت وهو أرخص من دى فى دى
السياره

[FrozenFire]

انا مركب دى فى دى اللى فى
مخادع الرأس وبعدين الأولاد
اشتروا التابلت وكل واحد مسك
التابلت بتاعه ولا سألوا فى الدى فى دى
_انا بأنصح بشراء تابلت للأولاد وهناك
حامل للتأبلت يعلق فى مسند الرأس
من ورا .الأولاد لما يكونوا فى العربيه
يا أما يمسكوا التابلت فى أيدهم يا أما
يعلقوه فى الحامل زى الدى فى دى
ولما ينزلوا من العربيه يأخذوه معاهم
فى البيت وهو أرخص من دى فى دى
السياره

فكرت نفس الفكرة بس أجيب حامل التابلت منين؟؟؟؟

[adelghanem]

انا فى الصعيد لقيت حامل التابلت اللى بيتلزق فى ازاز العربيه
وده اللى بيستخدموه سواقين التاكسى والميكروباس
لوضع شاشة فيه بتتباع ب150جنيه
بس حامل التابلت اللى بيتركب فى مساند
الرأس ياريت أحد الأعضاء من القاهره يدلك