وبدأت رحلة الـ bm 316 بمشيئة الله

[MoodyMooner]

١٠٠٠ مبروك يا أ/ أيمن ... العربية نورت مصر ... وعقبال رجوعك بالسلامة علشان تستمتع بيها ... أرمي ورا ضهرك وأنسى اللي حصل المهم انها وصلت بالسلامة ...

وأيه ياعم الجنوط الجامدة دي ... ( واحد متعقد من شكل الجنط العواجيزي اللي مستلم بيه)

١٠٠٠ مبروك مرة تانية ....

[Ayman_saad]

١٠٠٠ مبروك يا أ/ أيمن ... العربية نورت مصر ... وعقبال رجوعك بالسلامة علشان تستمتع بيها ... أرمي ورا ضهرك وأنسى اللي حصل المهم انها وصلت بالسلامة ...

وأيه ياعم الجنوط الجامدة دي ... ( واحد متعقد من شكل الجنط العواجيزي اللي مستلم بيه)

١٠٠٠ مبروك مرة تانية ....

الله يبارك فيك أستاذ / مودي
فينك مش باين من زمان ، وحشتنا
أنتم السابقون ونحن اللاحقون ياباشا هههههههههه
ماتغلاش عليك العربيه بجنوطها
ربنا يخليك ومايحرمناش من تواجدك

[MaZaGAngeE]

الف مبروك…
انا نفسي انزل بفولفو اس 60…

[ahmediz2000]

آ/ ايمن .. ممكن تبعتلي اكواد الكماليات اللي راحت للجمارك. ولا خلاص اتسجلت عندهم في السيستم؟؟ انا الحمد لله خلاص استلمت بس مش هنزل دلوقتي هقعد بيها شويه يكون جماركها نزلت عن كده ..

[Ayman_saad]

الف مبروك…
انا نفسي انزل بفولفو اس 60…

الله يبارك في حضرتك
ربنا يوفقك بأذن الله

[Ramy_2R]

الف مبروك
ربنا يباركلك فيها
ممكن بس حضرتك تفنط بنود فلوس الجمارك
حسبوها إزاي يعني ؟

[Ayman_saad]

آ/ ايمن .. ممكن تبعتلي اكواد الكماليات اللي راحت للجمارك. ولا خلاص اتسجلت عندهم في السيستم؟؟ انا الحمد لله خلاص استلمت بس مش هنزل دلوقتي هقعد بيها شويه يكون جماركها نزلت عن كده ..

ألف مليون مبروك أستاذ / أحمد
ربنا يديك خيرها ويكفيك شرها
أتسجلت ياباشا وكنت أنا كبش الفدا ههههههههههههه ،
بص حضرتك مادمت هتقعد بيها شويه قبل ماتنزلها يبقي ماتقلقش خالص ،
أنا دفع كتير علشان أنا مستعجل وكمان أن كنت أول الأحزان بالنسبة للجمارك ،
علشان كده ماتقلقش ، ربنا يمتعك بيها بالصحة والراحة وألف مبروك ياغالي .

[Ayman_saad]

الف مبروك
ربنا يباركلك فيها
ممكن بس حضرتك تفنط بنود فلوس الجمارك
حسبوها إزاي يعني ؟

الله يبارك فيك
بص يافندم أنا هحاول بأذن الله أنزل الفواتير ألي وصلتني من المخلص ،
بس معلش أستحملني يومين ولا حاجة لحد ما أنزلها ،
وتحت أمرك

[chef]

هى العربيات الصينى ال2500 سى سى باردو جماركها كما لو كانت المانى ؟ طيب تيى ازاى مش عارف .. صديق ليا عاوز يجمرك عربيته ماركه ام جى 750 .. وقالو 90 الف مع انها فى موقع البورصه 55 الف .. واللى يضايق بصراحه ان سعه المتور 2500 سى سى يعنى بره الدعم اصلا . يعنى موت وخراب ديار ..

[Ayman_saad]

هى العربيات الصينى ال2500 سى سى باردو جماركها كما لو كانت المانى ؟ طيب تيى ازاى مش عارف .. صديق ليا عاوز يجمرك عربيته ماركه ام جى 750 .. وقالو 90 الف مع انها فى موقع البورصه 55 الف .. واللى يضايق بصراحه ان سعه المتور 2500 سى سى يعنى بره الدعم اصلا . يعنى موت وخراب ديار ..

شوف يافندم
عايز تنزل عربيه مصر لمصلحتك نزلها بعد سنة موديلها ب ٣ سنين علي الأقل ،
تاتي حاجة أنسي تماماً تنزل بعربيه سعة محركها أكتر من ١٦٠٠ cc
وفي الأخر ربنا معاه

[chef]

شوف يافندم
عايز تنزل عربيه مصر لمصلحتك نزلها بعد سنة موديلها ب ٣ سنين علي الأقل ،
تاتي حاجة أنسي تماماً تنزل بعربيه سعة محركها أكتر من ١٦٠٠ cc
وفي الأخر ربنا معاه

الله يبارك فيك يا استاذ/ ايمن نفس كلام حضرتك انا قولته والله ... ربنا مايحرمناش من امثال حضرتك والله

[chef]

مساء الخير عليك / استاذ ايمن : انا ان شاء الله بصدد انى احجزال316 موديل 2015 فكنت عاوزاعرف من حضرتك ايه الكماليات والاوبشن اللى موجوده فى السعوديه علشان وانا بستلم ابقى عارفاها وشكر الله لك

[ahmediz2000]

مساء الخير عليك / استاذ ايمن : انا ان شاء الله بصدد انى احجزال316 موديل 2015 فكنت عاوزاعرف من حضرتك ايه الكماليات والاوبشن اللى موجوده فى السعوديه علشان وانا بستلم ابقى عارفاها وشكر الله لك

بعد اذن استاذ ايمن..
انت عاوز الفروقات اللي بينها وبين بتاعة مصر .. ولا الكماليات كلها عموما

[chef]

بعد اذن استاذ ايمن..
انت عاوز الفروقات اللي بينها وبين بتاعة مصر .. ولا الكماليات كلها عموما

لا الفرقات اللى بينها وبين بتاعه مصر .... وشكر الله لك

[ahmediz2000]

لا الفرقات اللى بينها وبين بتاعه مصر .... وشكر الله لك

المواصفات المختلفة اللي موجودة في نسخة السعودية:
١- فتحة سقف
٢- رينجات وزينون واطي وعالي
٣- ستارة خلفية كهربا
٤- حساسات مطر (ليها زرار مش موجود في النسخة المصري)
٥- حساسات ضوء (ليها زرار مش موجود في النسخة المصري)
٦- حساسات ركن امامية وخلفية .. في مصر خلفية فقط (وبرضه ليها زرار مش موجود في النسخة المصري)
٧- جنوط ١٧ .. في مصر ١٦
٨- البلوتوث محدث بيشبك مع الموبايل (مكالمات + اغاني) .. في مصر مكالمات بس
٩- مواصفات Gulf version واظن ان فيه اختلافات في حجم الريدادير والتكييف
١٠- light package ودي الانوار الترحيبية اللي في مقابض الابواب

وبتستلم معاها شنطة car care تمنها في مصر ٥٥٠ جنيه وطقم دواسات .. في مصر مش بتستلم الكلام ده

الميزة الوحيدة اللي موجودة في النسخة المصري ان الكنبة الخلفية قابلة للطي ..