وبدأت رحلة الـ bm 316 بمشيئة الله

[Hosam_Optrawy]

اولا : انا شاكر جداجداجداا لحضرتك على الرد ثانياا : هو اللى اللى مغترب ى اوروبا ويمتلك سيارة وهو فعلا مالكها الاول مش بالضبط زى المغترب اللى مقيم فى الخليج وباردو هو المالك الاول ثالثاا هو مش المنشا بتاع السيارة اوروبى ومكتوب ومسجل فى القنصليه انه اوروبى ؟ حاجه غريبه فعلا ومش عادله ابدااا .. عموماا اشكرك جداا شكر الله لك

العفو الشكر لله

فعلا المفروض مايشترطوش البلد مادام العربيه أوروبى وانت المالك الأول ، بس أعتقد السبب هو إختلاف السعر من بلد للتانيه

يعنى فى اورويا وألمانيا تحديدا اغلى أسعار لان فى ضرايب 19 % ، فى الخليج ارخص ، فى أمريكا ارخص وارخص

فبالتالى لو فتحها لاى بلد التوكيل فى مصر مش هايبيع حاجه واصلا العربيات الاوروبى مبيعاتها محدوده

والله اعلم

[chef]

العفو الشكر لله

فعلا المفروض مايشترطوش البلد مادام العربيه أوروبى وانت المالك الأول ، بس أعتقد السبب هو إختلاف السعر من بلد للتانيه

يعنى فى اورويا وألمانيا تحديدا اغلى أسعار لان فى ضرايب 19 % ، فى الخليج ارخص ، فى أمريكا ارخص وارخص

فبالتالى لو فتحها لاى بلد التوكيل فى مصر مش هايبيع حاجه واصلا العربيات الاوروبى مبيعاتها محدوده

والله اعلم

فعلا عندك حق واحييى حضرتك على شموليتك للمواضيع وخاصه الجمارك اللى بتهم اى مغترب . مرة تانيه شاكر لحضرتك قبل ماكنت اتورطت واشتريت 320i- خلينى فى 316 لا اما لو سقف احلامى كبر ادخل على c180 المهم مش هاعدى ال1600cc وهاعمل بنصيحتك جدااااااااااا

[yassermahmmoud]

أستاذ/ ايمن .. ألف مبروك وربنا يطعمك من خيرها ويكفيك شرها
وياريت لو تتكرم علينا رقم المخلص الجمركي، لأَنِّي أيضاً مقيم في السعودية وارغب في تنزيل سيارتي
ولَك كل الشكر

[horas3000]

متابع
و الف مبروك

[ESLAX]

الله يبارك في حضرتك

شوف حضرتك أنا هقولك مبدئيا علي الكماليات ألي موجوده في ال bm السعودي
فتحة سقف
شكل جنوط أجمل
زينون عالي وواطي
ستاره خلفية كهربائيه
نواكل
فرش جلد
مرايات كهربائيه
حساسات ورا وقدام
الشاشه عربي
وفيها أنوار في أكرة الباب من بره
وكمان فيها أنوار في فرش الباب من جوه بعرض الباب كله بتكون تحت الأكره الداخليه
بيسموها أنوار الترحيب بالسائق
بييجي معاها كمان شنطه فيها طقم شامبو ، عباره عن ٣ علب بخاخ
لجسم السياره - دواخل السياره - الكاوتش
ده ألي أنا فاكره حضرتك

هل فى
رنجات فى الفوانيس
فتحات تكيف للكنبه اللى ورا
كراسى كهربا


ده عندى من اللى حضرتك ذكرته
فرش الجلد و النواكل و مرايات الكهربا موجوده و الشاشه ينفع تتعرب و فى حساسات خلفيه بس

و شكراا يا فندم على الايضاح , مستنى تقريرك بعد ما توصل بالسلامه

[chef]

مافيش فى 316 فى كراسى كهرباه ولاهى ولاحتى 320 ... موجوده فى 328 فقط لكن فعلا فيها فتحات تكيف خلفيه انا اللى مستغربه فيها ستارة خلفيه كهربائيه ... طيب كان بالمرة حطو الستائر الجانبيه .... مش عارف ليه مصممين يخلو ال316 فقيرة مع انها اكتر مطلوبه خصوصاا فى الفئات الثلاثه .. وبالمناسبه ممكن تلاقى الكراسى الكهربائيه والرنجات فى الفئه الاسبورت ال320 .. وفئه ال316 الجى تى

[ahmediz2000]

هل فى
رنجات فى الفوانيس
فتحات تكيف للكنبه اللى ورا
كراسى كهربا


ده عندى من اللى حضرتك ذكرته
فرش الجلد و النواكل و مرايات الكهربا موجوده و الشاشه ينفع تتعرب و فى حساسات خلفيه بس

و شكراا يا فندم على الايضاح , مستنى تقريرك بعد ما توصل بالسلامه

آضيف ان النسخة السعودي فيها رنجات وزينون عالي وواطي وحساسات مطر والجنوط ١٧
مفيهاش كراسي كهربا ولا فتحات تكيف خلفية ولا كنبة قابلة للثني

[chef]

فعلا فتحات التكيف والكراسى الكهرباء والكنبه القابله للطى فى 320 الاسبورت باكدج

[Ayman_saad]

مساء الخير علي الجميع
بداية القصيدة كفر

العربيه وصلت الحمدلله النهارده وللأسف وصلت العربيه
بدون العده بتاعتها ( الكوريك وخلافه ) وأيضاً المثلث ،
أبتسم أنت في مصر للأسف

[horas3000]

مساء الخير علي الجميع
بداية القصيدة كفر

العربيه وصلت الحمدلله النهارده وللأسف وصلت العربيه
بدون العده بتاعتها ( الكوريك وخلافه ) وأيضاً المثلث ،
أبتسم أنت في مصر للأسف

ال 3 مش بتنزل بكوريك و خلافه عشان ال runflat
هو مفك و وصله القطر و بتبقي في فتحه علي اليمين متغطيه بسفنج
المثلث بيكون متعلق لو فاكر صح دور كويس بس

[Ayman_saad]

كلامك مظبوط
أنا كنت شاري كوريك وحطه معاها أحتياطي قولت أهو ينفع
في أي حاجه ، وكان معاه فعلا المثلث والشنكل والمفك .

[horas3000]

[Ayman_saad]

بالظبط يافندم
المخلص أتصل علي من شويه وقالي الشنطه فاضيه
قولت له دور تاني وتالت ، الراجل قالي مش موجود حاجه خالص

[chef]

المفروض مدام استلمت السيارة شركه شحن .. واستلمتها بكامل معداتها .. تتحمل هى اى شىء ناقص من السيارة

[Ayman_saad]

المفروض مدام استلمت السيارة شركه شحن .. واستلمتها بكامل معداتها .. تتحمل هى اى شىء ناقص من السيارة

المشكله هنا أنك ما تقدرش تحدد مين المسئول بالظبط لأنها بتعدي علي أربع جهات ،
شركة الشحن في السعودية ( دورها بينتهي علي بوابة الميناء )
شركة النقل داخل الميناء ( دورها تستلم العربية من شركة الشحن وتوصلها لحد العبارة )
الشركة الناقلة ( صاحبة العبارة ) ودي دورها بينتهي أول ما تدخل ميناء السويس )
والجهه الرابعة والأخيرة هي ميناء السويس ( من العبارة علي الرصيف إلي ساحة أنتظار السيارات )

عامة أنا بعد ما أتصلت علي الشركة صاحبة العبارة علي أساس أن أنا أعرف ناس كتيره فيها بحكم عملهم مع
الشركة ألي أنا بشتغل فيها والناس بصراحة مقصروش وشرحوا لي الوضع بالظبط ،
وأنا مارديتش أحمل حد المسئولية علشان ما أظلمش حد والحكاية مش مستاهله ،
وكمان أستشاري المبيعات ألي أنا شاري من عندهم العربيه أتصلت عليه وحكيت له الوضع والراجل مشكور
قالي أبقي عدي علي وأنا هديلك الحاجات ألي راحت من العربيه هدية مني ،
الحمدلله أنها وصلت بالسلامه والحمدلله أني شيلت منها الدواسات وأدوات التنظيف بتاعتها قبل ما أشحنها ،
دعواتكم علشان الجمارك