Tweet
السلام عليك ورحمه الله وبركاته
ده تقريبا أول موضوع ليا فى المنتدى الجميل ده وطبعا بما انى عاشق للعلامه الساحره الألمانيه BMWفقلت احط أول موضوع ليا هنا فى ركن البى إم طبعا
مش هاطول عليكم وممن غير ما حد يضحك أو يتريق عليا انا عملت الحكايه اللى انا هأقولكم عليها دى ان شاء الله بسبيل الهزار مش اكتر
مش هأطول عليكم أكتر من كده
انا كنت راجع من القاهره فى يوم من شهرين تقريبا متجها للعبور بعربيتى الانسر ال1600 (ملحوظه عربيتى أوتوماتيك ) وماشى طريق جوزيف تيتو قبل كوبرى الحرفيين بمنتهى الهدوء ومعايا واحد صاحبى بس ما شاء الله عليه فى السواقه بجد جامد وبيحب الشد زى عنيه المهم انا كنت ماشى بالراحه على 80 تقريبا وعمال يسخن فيا وانا ولا هنا طبعا المهم بعد ما نزلت من كوبرى الحرفيين سمعت صوت اعصار عدى من جنبى زى الصاروخ طبعا ده كان صوت كاوتش بى ام 523 موديل 2005 او 2006 ما شاء الله عليه طاير طبعا صاحبى مش فوت الفرصه ويسخن فيا بس عيب انا ولا هنا لحد ماوصلنا لموقف السلامعندها لقينا البى ام قدامنا على طول المهم هو كان قدامى وبعد الموقف كان بيحاول يسحب بس الطريق كان زحمه المهم هو اتزنق بين عربيتين وجه يعدى منهم انا رعشتله ان أنا هأعدى علشان مش يعدى هو والشهاده لله الراجل كان زوق وعدانى المهم انا معديه تقريبا على100تعتبر سرعه عاليه فى المنطقه دى وخصوصا وقت الزحمه المهم ربنا مش يهدينى وقتها لأ ال ظاهر انا كنت شارب ولا مسطول ولا اتهبلت ولا ايه اللى جرى مش عارف المهم رحت مديله اشاره يمين وشمال قال يعنى علمت عليك ورحت دايس بنزين لحد أخر الدواسه اهئ اهئ اهئ وربنا ما يوريكم ايه اللى جرى حسيت ان انا حضرت جنى او كنت بعاكس اسد مش عارف
المهم عربيتى والحمد لله فى لحظات كانت على 160كلم/س وبتسحب لسه بس هيهات طبعا الوحش طبعا كان لازق فيا وبيدينى نور علشان اوسع بس أوسع اروح فين ده أنا كنت ماشى على اقصى اليمين يعنى الكاوتش اليمين كان فاضله شبر ويكون على التراب الهم عدانى اول الطريق ما فتح شويه وراح مدينى اشاره يمين وشمال وبعدين داس عارفين انتوا الطيارات الحربيه وهى بتقلع من حاملات الطائرات هو ده اللى حصل وانا كنت داخل على 180 طيب هاروح فين اكتر من كده هأجيبه ازاى ده مش عارف وهو بعد عنى طبعا بمسافه حوالى 200 متر تقريبا المهم هديت وقعدت اضحك من الخيبه ومش عارف هو زعل ليه كده
المهم دخلت العبور لقيته مهدى ومدى انتظار ومستنينى قولت والله ما هأغلط الغلطه دى تانى ابدا وفضلت ماشى وراه بكل ادب وهو يطلع ايده من الشباك ويقوللى عدى وانا انوره واقوله ابدا والله ما تيجى فعلا الكبير كبيييييييييييييييييييييييييييييييييييييييييير
بس أنا مش عارف العربيه دى لو كانت 530 ولا m5 كانت هتبقى عامله ازاى
انا حصل معايا حاجه قريبه من كده على المحور بس كانت مع بورش كاريرا بس ده مش سبقنى ب 200 ولا 300 متر ده اختفى تماما على ما سحبت من 80 ل 110يعنى فى حدود 4 -5 ثوانى
قولوى ايه رايكم من غير ماحد ما يضحك عليا أنا بأعمل المواضيع دى علشان أتفرج على العربيات دى وهي بتسحب بس وكنوع من التسليه
مش هاطول عليكم وممن غير ما حد يضحك أو يتريق عليا انا عملت الحكايه اللى انا هأقولكم عليها دى ان شاء الله بسبيل الهزار مش اكتر
مش هأطول عليكم أكتر من كده
انا كنت راجع من القاهره فى يوم من شهرين تقريبا متجها للعبور بعربيتى الانسر ال1600 (ملحوظه عربيتى أوتوماتيك ) وماشى طريق جوزيف تيتو قبل كوبرى الحرفيين بمنتهى الهدوء ومعايا واحد صاحبى بس ما شاء الله عليه فى السواقه بجد جامد وبيحب الشد زى عنيه المهم انا كنت ماشى بالراحه على 80 تقريبا وعمال يسخن فيا وانا ولا هنا طبعا المهم بعد ما نزلت من كوبرى الحرفيين سمعت صوت اعصار عدى من جنبى زى الصاروخ طبعا ده كان صوت كاوتش بى ام 523 موديل 2005 او 2006 ما شاء الله عليه طاير طبعا صاحبى مش فوت الفرصه ويسخن فيا بس عيب انا ولا هنا لحد ماوصلنا لموقف السلامعندها لقينا البى ام قدامنا على طول المهم هو كان قدامى وبعد الموقف كان بيحاول يسحب بس الطريق كان زحمه المهم هو اتزنق بين عربيتين وجه يعدى منهم انا رعشتله ان أنا هأعدى علشان مش يعدى هو والشهاده لله الراجل كان زوق وعدانى المهم انا معديه تقريبا على100تعتبر سرعه عاليه فى المنطقه دى وخصوصا وقت الزحمه المهم ربنا مش يهدينى وقتها لأ ال ظاهر انا كنت شارب ولا مسطول ولا اتهبلت ولا ايه اللى جرى مش عارف المهم رحت مديله اشاره يمين وشمال قال يعنى علمت عليك ورحت دايس بنزين لحد أخر الدواسه اهئ اهئ اهئ وربنا ما يوريكم ايه اللى جرى حسيت ان انا حضرت جنى او كنت بعاكس اسد مش عارف
المهم عربيتى والحمد لله فى لحظات كانت على 160كلم/س وبتسحب لسه بس هيهات طبعا الوحش طبعا كان لازق فيا وبيدينى نور علشان اوسع بس أوسع اروح فين ده أنا كنت ماشى على اقصى اليمين يعنى الكاوتش اليمين كان فاضله شبر ويكون على التراب الهم عدانى اول الطريق ما فتح شويه وراح مدينى اشاره يمين وشمال وبعدين داس عارفين انتوا الطيارات الحربيه وهى بتقلع من حاملات الطائرات هو ده اللى حصل وانا كنت داخل على 180 طيب هاروح فين اكتر من كده هأجيبه ازاى ده مش عارف وهو بعد عنى طبعا بمسافه حوالى 200 متر تقريبا المهم هديت وقعدت اضحك من الخيبه ومش عارف هو زعل ليه كده
المهم دخلت العبور لقيته مهدى ومدى انتظار ومستنينى قولت والله ما هأغلط الغلطه دى تانى ابدا وفضلت ماشى وراه بكل ادب وهو يطلع ايده من الشباك ويقوللى عدى وانا انوره واقوله ابدا والله ما تيجى فعلا الكبير كبيييييييييييييييييييييييييييييييييييييييييير
بس أنا مش عارف العربيه دى لو كانت 530 ولا m5 كانت هتبقى عامله ازاى
انا حصل معايا حاجه قريبه من كده على المحور بس كانت مع بورش كاريرا بس ده مش سبقنى ب 200 ولا 300 متر ده اختفى تماما على ما سحبت من 80 ل 110يعنى فى حدود 4 -5 ثوانى
قولوى ايه رايكم من غير ماحد ما يضحك عليا أنا بأعمل المواضيع دى علشان أتفرج على العربيات دى وهي بتسحب بس وكنوع من التسليه
)
Comment