مغامره مع BMW 523i

[dr_darsh]

على فكره صاحبى اللى كان راكب معايا ده معاه لانسر 1600 مانيوال هاف سبورت شاريها من بره مصر هوه ما شاء الله عليه معلم على كل ال1600الى شافهم
بيقوللى كان مره مسافر الإسكندريه بس زراعى المهم بيقول انه كان ماشى على 80 وعدى منه عربيتين الأولى بيجو 504 والتانيه لادا وبيقول بتاع اللادا كسر عليه او بصله بطريقه استفزته بيقول قلت لأ مش دول اللى هيعلموا عليا (أعتذر لصحاب ال504 واللادا بس ده كلامه ) المهم قال انه والله هيعلم عليهم بس صح سابهم يجروا شويه وبعدين راح جاى ساحب بالعربيه بيقول عديتهم على 180 كلم/س بيقول وانا باعديهم شايف ورايا فى المرايه عربيه سوداء بس ايه بيقول لازق فيا زى مايكون بيزقه المرايا الجانبيه مش مبينه الا مرايه العربيه اللى وراه بس بيقول انا عاوز اشوف الوحش ده ايه او اعرف نوعها طيب بيقول اديت اشاره يمين علشان أعديه طلعت بى ام الخامسه طبعا وكانت جمرك بس مش لحق يعرف هى كام بس كانت موديل 2000 - 2002 تقريبا
بيقول اللى غاظه انه العربيه دى وهى بتعدى منه كان اللى فيها بيبصوا عليه ويضحكوا طبعا ماحاولش يجرى وراها ابدا بلاش فضايح
فعلا الكبير فى اللى اكبر منه

اقولكم حاجه تانيه برضه على اول طريق مصر الإسماعيليه الصحراوى انا شفت s350 موديل 2007 جمرك مع bmw 530i بيشدوا مع بعض طبعا حاولت اطير وراهم أشوف ايه اللى هيجرى للأسف النتيجه انتوا طبعا عارفينها
يادوب على ما سحبت بالعربيه من 100 لحد 120 مش لقيتهم خساره كان نفسى اعلم عليهم بس خافوا وجريوا

[dr_darsh]

ههههههههههههههههه
الله يكرمكم ضحكتوني بجد

اتاري كل واحد شايل في قلبه و ساكت


احنا ممكن نغير عنوان الموضوع الى

" الفئة الخامسة ....قول ماتتكسفش"

هههههههههههههههههههههه

والله اسم جميل
شكرا على مرورك يا باشا

[fahd_628]

ههههههههههههههههههههههه
حلو الاسم والله

انا مرة كنت ماشى بالياريس 1300 اوتوماتيك (بطة عرجاء اذا حصلتها) وكنت سخن اليوم دا شوية وقاعد اخد غرز وبتاع .. المهم لقيت وحش جمبى فالمراية
(الوحش دا طلع bmw 530i وحاططلها اكصدامات وعتب الm5 ) ما علينا من الشكل ..
فقلت اشوف اخروو اية ... جيت جمبو وجبت على الn ودوست بنزين بعد كدا d علطول ..
كل الى فاكروا شوية رمل فى عينى بس .. بعد كدا عمرى ماشفت العربية دى تانى
ومن ساعتها والعربية دى حلم حياتى
(قصدى حلم حياة كل عربى )

اية يا سعداوى باشا الموضوع سخنك على الفئة الخامسة و حطيتها توقيعك ولا اية

[M.Mokhtar]

انا مشاركتى هتكون مختلفه شوية

كنا على طريق الاسماعليه الصحراوى
انا بعربيتى وكان معايا العائلة يعنى تقريبا راكبين 4
ومرسيدس E230 موديل 2007
وبرده كان راكب عائله فيها

كنا خارجين سوى من الاستراحه
وقولت اشد معاه ونشوف مرسيدس بتشد ازاى

كنا جنب بعض تقريبا على 80 كم/س
من 80 ل 160 كنا تقريبا جنب بعض محدش بيفرق عن التانى

بعد ال 160 لاقيت فى تقدم واضح لصالح المرسيدس

مع ان عربيتى لسه بتجيب وبتشد بس ايه على ما وصلت ل 200 كان هو يا دوب نور احمر قدامى من بعيييييييييييد

فعلا لازم الصغير يحترم الكبير :b4_556:

[hosamerfan]

من عضو جديد
ارجو افادتى امامى بى ام موديل 91 حوالى 1900 cc دواخل فابريقه -
مانيوال -زجاج كهرباء - باور - بتاعه مليونير
بكام تستحق ؟
هل اكشف عليها فى التوكيل ؟ وكام سيتكلف ذلك تقريبا ؟ ام ارفعها فى بنزينه ؟
ارجو من الاخوة الكرام افادتى فى اسرع وقت ممكن مع عميق شكرى

[sa3dawy]

اية يا سعداوى باشا الموضوع سخنك على الفئة الخامسة و حطيتها توقيعك ولا اية

اة
وبعدين دى مش اى فئة خامسة
دى
m5

[fahd_628]

اة
وبعدين دى مش اى فئة خامسة
دى
m5

العربية دية حلمىىىىىىىىىىىىىىىىىىىىىىىىىىى

M5 دية لو جاتلى انا مستعد اقعد بيها العمر كلة مغيرهاش :)

انا فية عربيتين حموت و اركبهم و طبعا حتجنن لو جبتهم

1- Bmw M5 موديل 2009 :) :N_no [1]:
2- VW GOLF Mk4 R32

و شكرااااااااا

[sa3dawy]

العربية دية حلمىىىىىىىىىىىىىىىىىىىىىىىىىىى

M5 دية لو جاتلى انا مستعد اقعد بيها العمر كلة مغيرهاش :)

انا فية عربيتين حموت و اركبهم و طبعا حتجنن لو جبتهم

1- Bmw M5 موديل 2009 :) :N_no [1]:
2- VW GOLF Mk4 R32

و شكرااااااااا

انا حلم حياتى M5 انشالة لعبة حتى
الحقيقة BMW خرفت فى موديلات M كلها بلا استثناء
حتى الM3 حراااام مش ممكن بجد
وبعدين جولف اية ياراجل ... اية الفقر دا وmk4 كمان ؟؟؟ طب قول 6
إن شاء الله فى الخطة الخمسية القادمة نروح نجيب m5 بعض
حدد اللون من دلوقتى بقا
انا هاخد ابيض

[dr_darsh]

لو سمحتوا يا fahd & sa3dawy
لما تروحوا تشتروا ال M5 تبقوا تقولولى علشان أنا عاوز اشترة واحده انا كمان ولما نبقى عدد يمكن يعملولنا تخفيض 95% ولا حاجه
على فكره انا شفت ال M5 فى القاهره مرتين واحده كانت حمراء والتانيه فضى بجد حاجه وهميه صحابى كانوا بيشدونى من قدامها علشان اتحرك تخيل انك شايف عربيه فيها 507 حصان وفيها فتيس مستوحى من عالم الفورميولا وان
حاجه فعلا وهميه
دى صور لعربيه M5 كانت واقفه فى جراج سيتى ستارز واحد صاحبى صورها هناك بس مش عارف ليه حاسس انها بى ام عاديه مش M5 ودى مجرد تعديلات

[dr_darsh]

ودى شويه M5 من الخليج
ما شاء الله اللون تحفه والنمره كمان ام 5




ودى بقى يقال انها ملك الشيخ محمد بن راشد
خللوا بالكوا من الفاميه والنمره



وده بقى لون مميز جدا مش عارف جابوا منين




اللهم ارزقنااااااااااااااااااااااااااااااااااااااااااااا اااااااااااااااااااااااااااااا

[Bassel]

لو سمحتوا يا fahd & sa3dawy
لما تروحوا تشتروا ال M5 تبقوا تقولولى علشان أنا عاوز اشترة واحده انا كمان ولما نبقى عدد يمكن يعملولنا تخفيض 95% ولا حاجه
على فكره انا شفت ال M5 فى القاهره مرتين واحده كانت حمراء والتانيه فضى بجد حاجه وهميه صحابى كانوا بيشدونى من قدامها علشان اتحرك تخيل انك شايف عربيه فيها 507 حصان وفيها فتيس مستوحى من عالم الفورميولا وان
حاجه فعلا وهميه
دى صور لعربيه M5 كانت واقفه فى جراج سيتى ستارز واحد صاحبى صورها هناك بس مش عارف ليه حاسس انها بى ام عاديه مش M5 ودى مجرد تعديلات

دي عادية وركبلها M package وعليها الM badge
قارنها بالي تحتها وانت تحس بالفرق
وكمان الM3 بمليون و900 الف
فعربية زي دي هتكون فوق ال2 مليون فازاي ملاكي

[dr_darsh]

دي عادية وركبلها M package وعليها الM badge
قارنها بالي تحتها وانت تحس بالفرق
وكمان الM3 بمليون و900 الف
فعربية زي دي هتكون فوق ال2 مليون فازاي ملاكي

متشكر على مرورك يا باشا
وأنا والله أول ما شفت الصور دى قلت نفس الكلام دى مش وقفه M5 ابدا ال M5 بجد وهميه تخاف تمشى جنبها ليها هيبه
وخصوصا ان أنا كنت هأشترى 525 وعرفت ان ممكن أزودها ب M package ودى بتزيد حوالى 25 الف عن سعر العاديه
وبرضه لأن ال M5 مش بتنزل بفوانيس شبوره زى العربيه اللى فى الصوره والإكصدام الخلفى شكله مش بتاع M أبدا

وعلى فكره الM5 الحمرا اللى انا شفتها كانت ملاكى ودى كانت M5 بجد كان فيها بروجيكتور اللى بيعرض المعلومات على الزجاج الأمامى ومن جوه كانت متغيره خالص عن العاديه من حيث الفتيس والدريكسيون والعدادت وعلامه M كانت مطبوعه على كل جزء فيها وخصوصا فى الصالون

[dr_darsh]

وكمان الM3 بمليون و900 الف
فعربية زي دي هتكون فوق ال2 مليون فازاي ملاكي

على فكره ياباشا فى عربيات فى مصر كتير تمنها فوق ال 2 مليون وملاكى مش جمارك
انا ركبت مرسيدس S 350 الشكل الجديد أول مانزلت وكانت ألمانى قبل ماتتجمع فى مصر وقتها كانت الS350 ب مليون و350 الف العربيه اللى أنا كنت راكبها كانت ب 2مليون و450 الف وكانت s 350 مش s500 ولا s600 صاحبها كان طالبها بمواصفات خاصه زودت سعر العربيه مليون و100 الف من غير اى تعديل فى الموتور تخيل انك ممكن تلاقى واحد يزود مليون و100 الف علشان كماليات من غير اى تعديل فى الموتور
وانا شفت فيرارى ملاكى جيزه وفيه بورش carrera s turbo ودى سعرها من التوكيل 2 مليون 750 الف ودى شفتها ملاكى وواحد صاحبى شافها مع بنت فى الجيزه وبرضه ملاكى
طيب انا شفت بورش كايين S DUB edition ملاكى القاهره طبعا العربيه دى سعرها هيكون فوق ال 2 مليون لأن الكايين العاديه بتبتدى من مليون الا حاجات بسيطه وال s منها بمليون و700 طيب المتعدله دى هتكون بكام
وخدك عندك العربيات دى كمان:
و cls 55 amg ملاكى القاهره وعلى فكره الcls 350 سعرها مليون و300 الف
ٍمرسيدس sl 500 وكانت متعدله ل amg بس تعديل خارجى فقط سعرها من التوكيل 2 مليون و 750 الف وكانت ملاكى
مايباخ 57 ودى كانت فى الإسكندريه لونها سماوى وطبعا مش هنتكلم على سعرها
شيفروليه كورفيت كان لونها فيرانى فى صلاح سالم بس دى مأعتقدش ان سعرها هيعدى المليون و 500 الف
حتى العربيات الجمارك كمان أنا مش باستهون بيها لأنك لما تلاقى فيرارى ولا لامبورجينى ولا مازيراتى ولا مايباخ العربيه دى اصلا سعرها من غير جمرك فوق المليون و500 الف وهيدفع جماركها ليه طيب لو حب فى يوم يبيعها مين اللي هيشترها هنا لأ هو يرجعها والتوكيل بتاعها هياخدها فى خمس دقايق ويجيب غيرها
فيه فى مصر ناس ممكن تجيب عربيات بالأسعار دى زى ما فيه برضه ناس مش لاقيه تأكل

[Bassel]

على فكره ياباشا فى عربيات فى مصر كتير تمنها فوق ال 2 مليون وملاكى مش جمارك
انا ركبت مرسيدس S 350 الشكل الجديد أول مانزلت وكانت ألمانى قبل ماتتجمع فى مصر وقتها كانت الS350 ب مليون و350 الف العربيه اللى أنا كنت راكبها كانت ب 2مليون و450 الف وكانت s 350 مش s500 ولا s600 صاحبها كان طالبها بمواصفات خاصه زودت سعر العربيه مليون و100 الف من غير اى تعديل فى الموتور تخيل انك ممكن تلاقى واحد يزود مليون و100 الف علشان كماليات من غير اى تعديل فى الموتور
وانا شفت فيرارى ملاكى جيزه وفيه بورش carrera s turbo ودى سعرها من التوكيل 2 مليون 750 الف ودى شفتها ملاكى وواحد صاحبى شافها مع بنت فى الجيزه وبرضه ملاكى
طيب انا شفت بورش كايين S DUB edition ملاكى القاهره طبعا العربيه دى سعرها هيكون فوق ال 2 مليون لأن الكايين العاديه بتبتدى من مليون الا حاجات بسيطه وال s منها بمليون و700 طيب المتعدله دى هتكون بكام
وخدك عندك العربيات دى كمان:
و cls 55 amg ملاكى القاهره وعلى فكره الcls 350 سعرها مليون و300 الف
ٍمرسيدس sl 500 وكانت متعدله ل amg بس تعديل خارجى فقط سعرها من التوكيل 2 مليون و 750 الف وكانت ملاكى
مايباخ 57 ودى كانت فى الإسكندريه لونها سماوى وطبعا مش هنتكلم على سعرها
شيفروليه كورفيت كان لونها فيرانى فى صلاح سالم بس دى مأعتقدش ان سعرها هيعدى المليون و 500 الف
حتى العربيات الجمارك كمان أنا مش باستهون بيها لأنك لما تلاقى فيرارى ولا لامبورجينى ولا مازيراتى ولا مايباخ العربيه دى اصلا سعرها من غير جمرك فوق المليون و500 الف وهيدفع جماركها ليه طيب لو حب فى يوم يبيعها مين اللي هيشترها هنا لأ هو يرجعها والتوكيل بتاعها هياخدها فى خمس دقايق ويجيب غيرها
فيه فى مصر ناس ممكن تجيب عربيات بالأسعار دى زى ما فيه برضه ناس مش لاقيه تأكل

كلامك سليم بس بالنسبة للM5 والM3 احسنلك تشتري الفئة السابعة بنفس السعر
هتاخد وسع وامكانيات وشياكة والموتور التسارع بتاعه ممتاز
وكل العربيات الي حضرتك قلتها مميزة وحتي الS الناس جبتها الماني قبل متتجمع
والموضوع كله منظر قدام الناس للي بيجيب الحاجة دي
فيه واحد صاحبي عامل ال316 كوبيه M3 شكلا لكن الناس الي متفهمش في العربيات هتشوف كل الفئة الثالثة واحد مفيش فرق
والنقطة التانية جاري في العمارة اجنبي وعربيته جمرك بس واخد نمر ملاكي مش عارف ازاي

[Bassel]

بمناسبة الموضوع الجامد ده
الصيف الي فات علمت علي 525 في طريق العلمين
بس بعربية والدي
كل لما ييجي جنبي اقوم شادد وسابقه
الراجل كان هيعيط