ما هو القول الفصل فى بيجو 206

[ferk]

شكرا ليك يا باشمهندس
انا كان قصدي حساس الحرارة ..

علي العموم انا كلمت التوكيل و عرفت منهم انه كلام فتايين و ان ال 1400 ممتازة زيها زي ال 1100 مفيهاش مشاكل بالظبط زي كلامك ربنا يجازيك كل خيير

و عرفت منهم ان أخر الفرنساوي 2006 و بعد كدة ايراني ..

و عرفت بردة اني ابعد عن اي حاجة اوتوماتيك 206 سواء 1400 او 1100 لأن صيانته غالية و بيبوظ بسرعة و المعلومات دي من توكيل بيجو .. اتمني تكون مظبوطة ..

لو اي حد بقة قدامه 206 1400 سي سي اكون شاكر ليه ..

[amr mokhtar]

طيب الحمد لله إنهم طمنوك
بخصوص الفتيس فهم أدرى جايز يكون جالهم عربيات فيها مشاكل كتير منه

ربنا يوفقك فى اللى نفسك فيه

[the-hero]

كان نفسي اتكلم بس ماشاء الله الرجالة قاموا بالواجب وزيادة حبتين

[amr mokhtar]

كان نفسي اتكلم بس ماشاء الله الرجالة قاموا بالواجب وزيادة حبتين

ده إنت الخير و البركة يا أحمد

[Dr_Smart]

شكرا ليك يا باشمهندس
انا كان قصدي حساس الحرارة ..

علي العموم انا كلمت التوكيل و عرفت منهم انه كلام فتايين و ان ال 1400 ممتازة زيها زي ال 1100 مفيهاش مشاكل بالظبط زي كلامك ربنا يجازيك كل خيير

و عرفت منهم ان أخر الفرنساوي 2006 و بعد كدة ايراني ..

و عرفت بردة اني ابعد عن اي حاجة اوتوماتيك 206 سواء 1400 او 1100 لأن صيانته غالية و بيبوظ بسرعة و المعلومات دي من توكيل بيجو .. اتمني تكون مظبوطة ..

لو اي حد بقة قدامه 206 1400 سي سي اكون شاكر ليه ..

فعلا ابعد عن الاوتوماتيك في ال 206 ... عربية اختي عامله 60 الف كيلو والفتيس بيهيس ... يعني مثلا عشان تنقل من التاني للتالت لازم الrpm يعلى اوي بيوصل ل4000 واكتر وحتى لو شلت رجلك من عالبنزين مش هتنقل ( طالما التوكيل قال كده يبقى المشكله مش فرديه بقى )

وربنا يوفقك في عربيه حالتها نضيفه وابقى قولنا خلصتها على كام

[ferk]

السلام عليكم

يا شباب انا شفت عربية 206 و عجبتني .. و رحت بيها التوكيل اكشف عليها اكتشفت انها مغيرة نص ادام


بس حالو الموتور تمام و العفشجي قال تمام .. بلاش منها ولا ايه ؟؟

و لو فكرت اجيبها يبقي المفروض تمنها يعمل كام ؟؟ يعني هي كانت تسزي 45 او 47 .. بعض النص المتغير دة تبقي بكام ؟؟


يا ريت تفيدوني ..

[amr mokhtar]

انا من رأيى بلاش تاخد عربية بالحالة دى
و بعدين الراجل كمان مكنش أمين و قال على اللى فيها
و السعر ده عااالى جدآ على عربية بالحالة دى

انا بيعت عربيتى من 6 شهور و كانت بحمد الله و فضله سليمة بالكامل (رشة نضافة بس) ب 43 الف جنيه
معقول تاخد واحدة مغيرة نص ب 47 الف !!!

انا من رأيى تصبر شوية لحد ما تلاقى عربية كويسة

[ferk]

طب يا بشمهندس عمرو انا شفت واحدة تانية في نفس اليوم

خلي بالك انا بشوف بس ال 1400 ال 1100 مش عاوزها ..والي لاحظته انها اغلي شوية من ال 1100

الي شفتها موديل 2000 عملة 130 الف كيلو .. فبريكة برة و جوة بس طبعا فيها شغل دوكو نظافة اغلبه و سمكرة بسيطة .. الصالون جوة حالته جيدة بالنسبة لسيارة موديل 2000 .. الموتور جيد .. و اعتقد لعفشة مفيهاش مشاكل و علي حسب كلامه انه صارف 8000 علي العربية مابين تكييف و عفشة و حسساسات .. و بوجه عام واضح انه بيحافظ علي عربيته و منضفها لنفسه .. يعني تحسها عربية بيتي زي مبيقولو

هو كان بيكلم في 50 و اعتقد اني مع الضغط الشديد ممكن اوصلها 47 فهل السعر دة مناسب ؟؟

طبعا انا هخدها التوكيل كالمعتاد و ربنا يستر و متطلعش هيا كمان مغيرة نص :) و ادفع تمن الكشف علي الفاضي :)

بس السعر مناسب 47 علي الحالة دي .. 1400 موديل 2000 ولا ايه رأيكم ؟؟؟

[amr mokhtar]

بصراحة انا مش عارف السعر ده معقول و لا عالى
يا رب يكون حد من الأخوة يقدر يرد فى النقطة دى

بس انا أظن ان 50 الف كتير شوية

1400 هتلاقيها أعلى فى السعر و بصراحة هى أفضل عشان تحس بسحب العربية
و كمان بيبقى فيها فوجات

[ferk]

هي مفيهاش فوجات ..

و السعر انشاء الله يكون 47 الف ..

انا حاسس انه كتيير شوية بس هي حالتها تمام ماعدا حبة شغل دوكو و سمكرة و اكيد رأي الفحص في التوكيل هيأكد او ينفي ..

منتظر جماعة البيجاوية :)

[amr mokhtar]

المفترض ان ال1400 بيبقى فيها فوجات فبريكة
كلم التوكيل و إتأكد منهم

[ya_broker]

بالنسبه لمشكله ارتفاع مؤشر الحراره
انا كانت عندي نفس المشكله ورحت التوكيل النهارده و غيرلى سنسور الحراره و لسه في التجربه

[ferk]

يا شباب انا مش لاقي 1400 خالة كويسة و نادرة جدا .. اجيب ال 1100 و اخلص ولا اعمل ايه !!

[Ahmed206]

يا جماعة انا معايا 206 1400 سيسي atm جايبها معايا من الخارج و معايا من الزيرو و مافيهاش اي مشاكل من الفتيس بس سحبها في بداية الطلعة ضعيف شوية.

[ferk]

طب مش للبيع ؟

و الأوتوماتيك كانوا قالو في التوكيل ان صيانته مش متوفرة و غالي شوية ..