ممـــكن معلومـــات عن بيــــجو 207؟

[Badrashiny]

السلام عليكم ورحمة الله و بركاته
أنا كنت عايز أسأل عن البيجو 207 مواصفتها ايه؟ وكفائتها وأسعار قطع الغيار وهي بتتجمع فين؟ علشان انا ناوي إن شاء الله أشتريها و ياريت حد يكون إشتراها يقول إنطباعه عنها وعامل ايه مع التوكيل؟ ولو في حد عنده إقتراحات بخصوص عربيه أفضل بس تكون في حدود نفس السعر ياريت يقول
آسف على الإطاله وجزاكم الله خيراً

[احمد عزت]

بص يا باشا

ال207 دة ملهاش حل ومحدش يقدر يقول هنا فى المنتدى ولانص كلمة عليها.....العربية كمواصافات وكماليات جامدة وكشكل انت اكيد ادرى
بالنسبة للسعر ارشحلك اللى ب107000 موتورها ال1600 بتاع ال307 ومتجرب بقالوا 5 سنين ومفهوش مشاكل والجير بوكس مانيوال علشان تخلص من اقتراحات بعض الاعضاء اللى هيقوللك ان الاتوماتيك بتاعها وحش وعايز اقولك كلمة فى ودنك ولا وحش ولا حاجة بس احنا اللى بنحب نطلع اشاعات....بس بردك بينى وبينك المشكلة دة ظهرت فى بعض السيارات الخليجى وكدة كدة انت هتجيب من التوكيل فما تقلقش من اى حاجة خالص العربية زى الفل ولو جينا بقى نتكلم عن المميزات فهى كالاتى:
شكل تحفة مالوش حل
حجم صغير من برة وواسع من جوة واركبها وانت تشوف ومش هتصدق الوسع ودة حلو فى شوارع مصر
موتورها على حجمها مخليها طلقة
الثبات مالوش حل ودة تجربة ابن واحد صاحبى بيحكيلنا ويتحاكى عليها
العربية حلوة اوى للشاب او اسرة صغيرة
مميزة وتلفت الانظار
صاج قوى ويتحمل عن اليابانى
عربية اوربية تعيش فترة اطول من اليابانى
اما لو جينا نتكلم عن العيوب واللى ممكن تتحل فهى كالاتى:
اولا الناس هتقولك البتاعة الصغيرة دة ب 107 ما كنت تجيب يارس اتوماتيك ولا النترا اتوماتيك.....طبعا الرد ان العربيتين دول ما يتقارنوش اساسا بالبيجو من ناحية كفائة الموتور ولا من قوة العفشة وطبعا والاهم الشكل وبلاش نتكلم بقى خلينا ساكتين....الحاجة الوحيدة انهم بس اوسع شوية من البيجو وعلى رأى ابنى اوعى يغرك جسمك
ثانيا العدادات بفتحات التكيف بكمبيوتر الاعطال بالدركسيون شكلهم خرافى بس الكونسول اللى فية زراير التكيف والكاسيت تحسهم قديم شوية
ثالثا قطع الغيار معروف ان قطع غيار بيجو غالية بس للعلم اليابانى غالى بردك فى التوكيل بس الناس بتحب اليابانى لانهم بيجيبوا القطع المقلدة بسعر ارخص لكن البيجو صعب تلاقى التقليد بس ليهم اكتر من حل 1:انك اساسا ما تفكرش انك كل ما تمشى هتعمل حادثة
2:ممكن تشترى قطع غيار استعمال الخارج ودة بتبقى اصلية وارخص
3:لكن رأى عربية عدت ال100000 يبقى عليك وعلى التأمين هيريحك من قصة قطع الغيار وتنام وتحط فى بطنك بطيخة صيفى
ثالثا: مركز الخدمة والصيانة همة كويسين بس زحمة اوى علشان مراكزهم قليلة بس يا سيدى انا ساكن فى الشيخ زايد فى مركز فى اكتوبر اسمة وهدان دة معتمد من بيجو وسكودا وكمان بيعمل خدمة مرسيدس وبى ام بس مش معتمد غير لبيجو وسكودا ودول رايقين
رابعا :سعر اعادة البيع معلهاش طلب اوى بس ياراجل لو انت دماغك فى البيجو عمرك ما هتفكر تبيع قبل 10 سنين

فى النهاية القرار ليك بس صدقنى لاتضع مقارنة بين البيجو 207 وباقى السيارات اليبانية التعبانة امثال اليارس والسيتى والكورى زى الالنترا
واركب واحكم بنفسك وكفاية الشكل الخرافى ......اسف على الاطالة

[محمد عز]

عزيزى بدرشينى
انا كنت عملت موضوع عن بيجو 207 ممكن يفيدك شويا

http://www.nilemotors.net/Nile/showthread.php?t=13030

اول حاجة خلى بالك من شوية حاجات
اظن ان اللى هتلاقيه متوفر ال 1400 سي سي بس واظن ال 1600 هيبقى اغلى من 107 الف
العربيه ممتازة هى 308 على صغير
نصيحة من أخ ليكى، العربيات اليابانى اثبت كفاءة عاليه من حيث قلة الاعطال وسهولة الصيانه والاعتماديه العاليه
اختيارك ل بيجو 207 معنى كده انك بتدور على عربيه صغيرة وفى نفس الوقت شبابي
انا برشحلك بقوة السيريون 1500 سي سي او الياريس
واستخير وهى عربيه حلوة

[Badrashiny]

جزاكم الله خيراً على ردودكم جميعاً بس ممكن حد يقوللي هي بتتجمع فين؟ في فرنسا ولا في حته تانيه وهل هي ممكن تعيش معايا مثلاً عشر سنين من غير متعمل مشاكل علشان أنا مش ناوي أغير قبل كده؟

و الف شكر للأستاذ محمد عز الدين على موضوعه الرائع عن البيجو 207 وبصراحة أنا بعد مشفت الموضوع بتاعك إقتنعت بيها أكتر وبصراحة السريون معجبنيش شكلها زي البيجو بس عندي سؤال لحضرتك هي العربية اللي موجوده في مصر انهي موديل من دول (Urban,Trendy,Permium,GT,RC,SW Trendy ,SW Preium ) وهل الموديلات دي ليها دعوة بنوع المحرك اللي هيبقى في العربيه؟ وهل كل الموديلات فيها فتحة سقف ولا لأ؟

أنا آسف طولت عليكم بس دي أول عربية أشتريها فتلاقوني كده بسأل كتير:) علشان مرجعش أعيط في الآخر:)

[paladin]

it can live more than 10 years easily it just depends on how you use it

[محمد عز]

جزاكم الله خيراً على ردودكم جميعاً بس ممكن حد يقوللي هي بتتجمع فين؟ في فرنسا ولا في حته تانيه

الحقيقة السؤال ده يختلف تبعا للمكان، يعنى اللى بينزل الخليج تقريبا فرنسي الصنع
لكن ممكن يكون اللى بينزل مصر تركي او ايرانى وممكن فرنسي ، لكن لازم تسال التوكيل وبيبقى مكتوب على العربيه

وهل هي ممكن تعيش معايا مثلاً عشر سنين من غير متعمل مشاكل علشان أنا مش ناوي أغير قبل كده؟

باذن الله تعيش معاك بس لو اهتميت بصيانتها الدوريه

و الف شكر للأستاذ محمد عز الدين على موضوعه الرائع عن البيجو 207 وبصراحة أنا بعد مشفت الموضوع بتاعك إقتنعت بيها أكتر وبصراحة السريون معجبنيش شكلها زي البيجو بس عندي سؤال لحضرتك هي العربية اللي موجوده في مصر انهي موديل من دول (Urban,Trendy,Permium,GT,RC,SW Trendy ,SW Preium ) وهل الموديلات دي ليها دعوة بنوع المحرك اللي هيبقى في العربيه؟ وهل كل الموديلات فيها فتحة سقف ولا لأ؟

الحقيقة ده المواصفات العالميه وكل بلد ليها مواصفات
يعنى مثلا هنا فى الامارات فتحه السقف مش بتجى غير فى GT , RC
وطبعا فى مصر لما هيكون 1400 او 1600 المتاح بس
الاحسن انك تروح التوكيل تسال عن كل الاستفسارات واكتبها فى ورقه علشان متنسهاش
ولا تنسي الاستخاره

[ramyso4]

el 3arabeya dy gary kan gabha w 2a3adet ma3ah shohoor 2olayela w ba3ha 3arfeen leh
?

w hopwa mashy f 2aman elah la2a el 3arabeya bet7'ames bih w 3ala kobry lewa7daha ra7 el tawkil tele3 en el ECU beta3ha darab w yetghayar

3arabeya mekameletsh 10 alaf el computer beta3ha yetghayar leeeeeeeeeeeh

ba3ha w gab renault megan used w kheser fel 207 gamed

[FLYINGPEUGEOT]

اولا بالنسبه للاخ Ramyso4

طبعا مش مقياس.....مفيش عيب بيتعمم فى موديل معين...غير لما يكون بيظهر دايما
او فى كذا عربيه من نفس الموديل....اما اللى حضرتك بتتكلم عليه...دى اسمها عيوب عارضه..استثناءيه...ودا وارد فى ماركه فى العالم....فورد وجاجوار....ياما عملو استدعاءات لموديلات معينه....انت عارف يعنى ايه استدعاء...يعنى عيب نازل فى كل الموديلات...وبيلمموها كلها من السوق !!!! ودا ابدا ما قلل من شاءنهم فى شىء
.............................................

ثانيا: الاخوه الله يكرمهم وماشاء الله ماسبوليش حاجه اقولها
-بشمهندس: محمد وموضوعو الجميل
-ا-احمد عزت ..وكلامو الرائع
..................................
بس اسمحولى اضيف حاجه صغيره
الموديلات المتوافره فى مصر واسعارها
-1.4l Urban....109,000 Le مانيوال Half Option
-1.6l Trandy....115,000 Le مانيوال Full Option
-1.6l Trandy....128,000 Le اوتوماتيك Full Option
.................................................. ...........................

[ramyso4]

mashy 7aga 3arda w mesh f kol el 207 ah bas still dy 7aga we7sha f 7a2 peugeot enaha tetala3 3arabeya matkamelsh 10 alaf w ye7sal fiha el gara da


khalik 7a2any mat7'alish 7obak lel pego ye3meek lol

thnx

[paladin]

nothing is perfect even toyotas have problems from the factory

[FLYINGPEUGEOT]

nothing is perfect even toyotas have problems from the factory

+111111111

industrialization rules