هــا أستبــدل موتور بيــجو 405 1600 سى سى بموتــور 2000 سى سى

[the-hero]

بسم الله الرحمن الرحيم
انا عندى فى العربية بتعتى ماتور 1600سي سي كاربرتير ومكيفة هل الماتور دة أحسن ولآ الماتور الكبير 2000سي سي أنجكشن مكيف بردة
انا محتار بين الاتنين أصل أنا قدامى عرض أستبدال الماتور بتاعى 1600 بماتور 2000 أستيرادوالفرق شاسع بين الاتنين من حيث القوة والتوفير فى البنزين والموديل ولكن مش عارف أيه اعطال الأنجيكشن وطرق ظبطة وميكانيكيته وفى ناس بتنصح بالكربراتير لسهولة تصليحة وضبطة ورخص قطع غيارة وبساطتة
أرجو الأفادةوأستطلاع للرأى من الأخوة اللى عندهم كربراتير والأخوةأصحاب الموديلات الأنجكشن
لأنى أريد شراء مكنة 2000 سيسي أنجكشن بس محتار وشكرا

[محمد ابراهيم 1]

حط فى اعتبارك الحاجات دى
البنزين
الضريبه السنويه
الحاجه الى تعديلات فى العفشه لتتحمل فرق الوزن
الحاجه الى تعديلات كهربائيه كثيره
نصيحه بلاش أحسن خصوصا ان الموتور ال 1600 قوى جدا وجميل جدا

[the-hero]

حط فى اعتبارك الحاجات دى
البنزين
الضريبه السنويه
الحاجه الى تعديلات فى العفشه لتتحمل فرق الوزن
الحاجه الى تعديلات كهربائيه كثيره
نصيحه بلاش أحسن خصوصا ان الموتور ال 1600 قوى جدا وجميل جدا

كلامك منطقى بس الواحد بيحب يطور وكمان سعر الماتور هيفرق 2500 جنية بس عن اللى معاياوكمان موديل حديث وانا كمان بجدد العربية فالماتور هيكلفنى على الأقل300 جنيه
أما بالنسبة للبنزين فالأنجكشن أوفر مع عزم أقوي وسرعة سحب
والضريبة السنوية هتفرق كام يعنى أظن مش كتير
والعفشة واحدة فى كل ال 405 لأن فىموديلات بماتور 2000 سي سي والكابالن واحدة ممكن نغير كراسي الماتور بس ومش أكيد
فأنت أيه رأيك أصل العربية هتبقى حكاية دى فى ناس بتركب مكن 406 فى عربيات405 وبلك بقي تبقى عملة أزى

[FLYINGPEUGEOT]

بص ياسيدى
اولا مفيش اختلاف فى العفشه الاختلاف فى الفرامل بس
اول حاجه ودى ضروريه يعنى لازم تركبها وهى طنابير ومساتر البرستيج
وهو دا الفرق بس بين الاتنين وهتركب على السره عندك عادى اما السيرفو والماستر العمومى مفهوش اختلاف
والاختلاف التانى فى العفشه بتاعت ورا بتكون سكاكين ودى مش ضروريه ..يعنى ممكن تنفضلها...
كمان هتحتاج طلمبة بنزين كهربه اللى بتركب فى التانك...
القواعد هى هى متغيرش حاجه وسيبك من كلام الميكانيكيه
...الموتور جميل وقوى بس لازم تعرف الآتى
بيسحب بنزين اكتر من 1600 بس الفرق مش كبير
جوان وش السلندر الاصلى حوالى 320 جنيه وفى ب250
تيل الفرامل الامامى حوالى 250 ج
صوت الموتور عالى شويه..(صوت التكيهات)
ابعد عن الاوتوماتيك...ياريت يكون مانيوال..
التكييف بتاعو بياخد من الموتور جامد وبيأثر على الحراره شويه (لو انت جوه البلد)
وبالنسبه للكنترول والحساسات والضفيره
متخفش مش كومبلكس خالص وبسيطه جدا
....

[kareem_Ashmawy]

أنا معايا برستيج 2000 سى سى مو 97
مش هقدر أفيدك الا فى موضوع البنزين بس لأنى لسه جايبها قريب

هى بتعمل 150 الى 160 كيلو فى الصفيحة فى شارعى فيصل و الهرم و ميدان الجيزة
يعنى متوسط سرعة 40 كم/س
وفتيس مش أكتر من التالت

السحب بتاعها وهمى...لغاية دلوقتى محدش عرف يطلع منى بتاتا
لا كرولا 1600 و لا فيرنا 1600 و لا لانسر 1600
( لسه مجربتش السفيك الجديدة بصراحة)
و أهم منهم كلهم ميكروباصات التويوتا الهاى ايس وهى فاضية مش بتتطلع منى

الصوت فعلا عالى ( شبه بتاع مواتير الديزل)

فى حاجة كمان مهمة
حضرتك هتغير الدبرياج
بتاع البرستيج بره التوكيل ب 1100ج ( الاصلى)
وفى االتوكيل ب 1950

حكاية التكييف فعلا بتأثر فعلا على السحب بس مش على الحرارة و عن تجربه

[FLYINGPEUGEOT]

هو موضوع الحراره ده مش عندك يا باشا عشان انت موديل تحت الالفين
بينزل بالكمبروسور الصغير ابو مسامير 13
انما الموديلات الاعلى من كده اللى بتنزل بالكمب الكبير هى اللى فيها المشكله دى
بس كده ولا كده
هى ماكنه حلوه واتكل على الله

[kareem_Ashmawy]

هو موضوع الحراره ده مش عندك يا باشا عشان انت موديل تحت الالفين
بينزل بالكمبروسور الصغير ابو مسامير 13
انما الموديلات الاعلى من كده اللى بتنزل بالكمب الكبير هى اللى فيها المشكله دى
بس كده ولا كده
هى ماكنه حلوه واتكل على الله

شكرا يا باشا على المعلومة القيمة....

[FLYINGPEUGEOT]

العفو ياباشا ولو عزت تعرف اى حاجه عن موتورك او اى موتور بيجو
او اى عربيه بيجو عموما أوللى وانا تحت امرك

[the-hero]

هو موضوع الحراره ده مش عندك يا باشا عشان انت موديل تحت الالفين
بينزل بالكمبروسور الصغير ابو مسامير 13
انما الموديلات الاعلى من كده اللى بتنزل بالكمب الكبير هى اللى فيها المشكله دى
بس كده ولا كده
هى ماكنه حلوه واتكل على الله

أخى الفاضل ألف شكر على المعلومات القيمة دية وربنا يكرمك ويعزك

[the-hero]

أى حكاية الحرارة دية وبتوصل لكام وفعلا الدبرياج هيتغير ولأ
وبالنسبة لصوت الموتور العالى-صوت التكيهات مهو عالى عندى برضة ولآ أيه
وهل التكييف بيأثر على السحب جامد زى اليابانى والكورى علما بأن التكييف عندى بأثر على السحب تأثير مش ملحوظ أوى يعنى وكمان بالنسبة لضبط الماتور فى ناس خوفتنى منه علما بأن الماتور قدامى بكل مشتملاتة بالفتيس عادة وموديل 98 وكمان الميكانيكى هيشتغل فية عند تاجر الأستيراد يعنى كل اللى هيحتاجه موجود والراجل دة عندة أزيد من 40 عربية 405 وكل حاجته تعتبر شبه جديدة والسرعة بتوصل نهائى كام علما بأن عندى بجيب 190 أخر وهل هيأثر على الثبات
وجذاكم الله خير على أهتمامكم بالموضوع

[the-hero]

وكمان الطابلوه عندى ساعة والموضوع معقدنى أوى وكنت عاوز أركب طقم عددات برستيج اللى فية أر بي أم وعداد الزيت على الماتور 1600 هل ينفع علما بأن الفيش مختلفة ولما ان شاء الله أغير الماتور هيكون الوضع اية

[kareem_Ashmawy]

هو انا مش هقدر أفيد حضرتك الا فى موضوع السحب مع التكييف

هو التأثير بيبقى ملحوظ و انا بشد بالعربية مع حد
بتبقى ممسوكة شوية....و ممكن عربية من 1600 الخفاف زى الفيرنا يطلع منى
( مبتحصلش وانا طافى التكييف ابدا)
انما على الطريق و فى ظروف السواقة العادية مفيش مشكلة فى السحب خالص
السرعة القصوى معرفش كام....لسه مجربتش

[the-hero]

هو انا مش هقدر أفيد حضرتك الا فى موضوع السحب مع التكييف

هو التأثير بيبقى ملحوظ و انا بشد بالعربية مع حد
بتبقى ممسوكة شوية....و ممكن عربية من 1600 الخفاف زى الفيرنا يطلع منى
( مبتحصلش وانا طافى التكييف ابدا)
انما على الطريق و فى ظروف السواقة العادية مفيش مشكلة فى السحب خالص
السرعة القصوى معرفش كام....لسه مجربتش

الف شكر أخى الفاضل وجذاك الله خير

[Mahmoud_405]

عايز رايي.... بيعها وهات واحده برستيج احسن لان انا مش بأيد اللعب في العربيات ومع ان ال 405 العادية والبرستيج يشبهوا بعض لكن في اختلاف رهيب في بعض الاساسيات ذي الcontrol unit والفرامل الامامية والخلفية ومرايات الكهرباء وال لر بي ام وحساس حراره خارجي والفتيس والموتور الانجكشن وضفيره الكهرباء ........ انما هي هي نفس الصاج والعفشة تقريبا وقطع غيرها تعتبر اغلي بكتير من العادية ومتقاربة مع عربيات كوري وياباني زيرو ....

انا معايا 405 برستيج 1998 اتوماتك ..... عربية جميلة وسحبها حلو وجبت بيها 205 كيلو في الساعة وثبات اكثر من رائع ولو حولت تعدل في عريبتك لا حطول برستيج ولا حطوا 405 عادية المكانيكيا حيبوظوا كل حاجة.....

مع العم ان اسعار البرستيج والعادية في المستعمل متقاربة جدا لان البرستيج مش عاليها طلب لارتفاع تكلفة الصيانة وقطع الغيار.....

[the-hero]

عايز رايي.... بيعها وهات واحده برستيج احسن لان انا مش بأيد اللعب في العربيات ومع ان ال 405 العادية والبرستيج يشبهوا بعض لكن في اختلاف رهيب في بعض الاساسيات ذي الcontrol unit والفرامل الامامية والخلفية ومرايات الكهرباء وال لر بي ام وحساس حراره خارجي والفتيس والموتور الانجكشن وضفيره الكهرباء ........ انما هي هي نفس الصاج والعفشة تقريبا وقطع غيرها تعتبر اغلي بكتير من العادية ومتقاربة مع عربيات كوري وياباني زيرو ....

انا معايا 405 برستيج 1998 اتوماتك ..... عربية جميلة وسحبها حلو وجبت بيها 205 كيلو في الساعة وثبات اكثر من رائع ولو حولت تعدل في عريبتك لا حطول برستيج ولا حطوا 405 عادية المكانيكيا حيبوظوا كل حاجة.....

مع العم ان اسعار البرستيج والعادية في المستعمل متقاربة جدا لان البرستيج مش عاليها طلب لارتفاع تكلفة الصيانة وقطع الغيار.....

كلام معقول برضه
بس الماتور اللى قدامي بالفتيس والضفيرة ولوحة الكهربا وهغير الطنبورة بالفرامل اما الأربي أم والمريا الكهربا بعدين بقى
جذاك الله خير