إعـــــــلان

Collapse

.

,
See more
See less

شكر خاص للاخ الزميل: aboomar22

Collapse
X
 
  • Filter
  • الوقت
  • Show
Clear All
new posts

  • #16
    و الله يا استاذ احمد متقلقش خالص
    انا بجمعلكمن دلوقتي نمر محلات قطع الغيار
    و بجهزلك هنعمل ايه بالظبط ان شاء الله
    و هنبص علي ايه في عربيه بتاعتك
    بس خلي بالك
    نصيحه مني
    ظبط الميزانيه جامد
    علشان المحرك عامل زي البطيخه
    ممكن يبقي شغال و حاسس انه خفيف حاجه بسيطه
    يطلع مدمر من جوه
    و ساعتها لو لزقته و عملت شنبر و اقلب
    هتندم ساعتها
    فمتقلقش
    انت بس ظبط مادياتك
    و انا ان شاء الله تحت امرك و متخفش من اي تفاصيل باذن الله
    بس خلي بالك
    كمان شهرين يعني شهر 6
    هتبقي صيف
    خلي بالك
    الشتا احسن من عمره الصيف
    و الراي ليك اولا و اخيرا

    Comment


    • #17
      مش عارف اقول ايه
      لان كلامي بقي تحصيل حاصل
      يعني المواقف بتعيد نفسها تاني
      جدعنها مستمره
      وقفه رجاله
      خوف علي مصلحتي
      مش عارف اقول ايه
      الراجل ده جدع جدا و الله
      ده بيفضل معايا لحد ما اروح
      و بيروح للميكانيكي اكتر ما انا بروحله
      بجد بجد
      ما شاء الله عليه
      استاذ ابو عمر
      ربنا يبارك فيك
      امييييييييييييييييييييييييييييييييييييييين

      Comment


      • #18
        يا جدعان
        استاذ ابو عمر ده ما شاء الله
        امبارح مرحتش اشوف العربيه
        هو تابع و ساعد
        و راح جاب البطاريه بنفسه
        بجد ربنا يبارك فيك

        Comment


        • #19
          والله أبو عمر ده مش انت اللي تشكرة بس كل اللي في المنتدى يشكروة لانه مثال للبني آدم المحترم الأخلاق اللي بقا نادر في الوقت ده وربنا يكرمك يا medo84eg وتظبط العربية على احسن ما يكون وعقبالي اكون اللي بعدك في التظبيط

          Comment


          • #20
            مش عارف اقول ايه
            صحيح العربيه استلمتها من الميكانيكي
            بس مكنتش متخيل اني هبقي مضايق كده........
            مش عارف
            صحيح انا حاسس ان الميكانيكي امين
            و ان شاء الله خلال التليين هيبان اكتر
            لكن انا بتكلم عن شيء تاني
            اني الاول كل يوم او يوم و يوم كنت بشوف ابو عمر و اتكلم معاه
            و الله يا جماعه دي نعمه
            انسان ما شاء الله راقي جدا
            و بيخدم لوجه الله
            يعني و الله يكفي ان الانسان بس يتكلم معاه
            امبارح و انا بستلم العربيه كنت بتلكك اي تلكيكه علشان اقعد شويه
            لدرجه اني كنت بدور علي اي شيء يخليني اسيب العربيه علشان تبقي حجه
            و الله يا جماعه ابو عمر ده انسان بمعني الكلمه
            ربنا يبارك فيه و في اولاده
            ربنا يحفظ اولاده من كل سوء
            ربنا يردله كل الخير في اولاده
            و يزيل عن اولاده كل سوء
            يا جماعه احنا بجد كلنا هنا في المنتدي لازم لازم نقول شكرا لابو عمر
            علشان نرد له الجميل
            و كمان علشان نشجع الناس علي التعاون و تبقي زي ابو عمر كده
            و انتم عارفين ان اكتر حاجه يحبها في الدنيا هيا اولاده و يتمني فيها الخير
            فكلمه الشكر اللي هنقولهاله دعاء بصدق بظهر الغيب ان ربنا يبارك في اولاده و يحميهم و يزيل عنهم كل سوء
            اوعدوني تدعوا
            و اوعدوني كمان تشجعوا الناس يدعوا
            و اوعدوني كمان انكم هتحاولوا تنشروا الدعاء ده بكل تفاني
            ربنا يبارك في حضرتك يا ابو عمر
            و يباركلك في اولادك
            و يحميهم و يزيل عنهم كل اذي و يقر عينك بيهم
            امين

            Comment


            • #21
              الشيىء بالشيىء يذكر يا جماعة انا معملتش حاجة انا الميكانيكى فى طريقى كنت ببص عليه مثلا لكن علشان المهندس محمد او ميدو رجل محترم فوق العادة هو بيحرجنى بذوقة وادبه والله الواحد عرف راجل محترم جدا ربنا يدوم المحبة والمعرفة الحلوة فين ياعم الموضوع الشامل اللى هتعملة عن العمرة والعربية عاملة ايه معاك انا عن نفسى مبسوط الحمد لله من اداء عربيتى احنا منتظرين موضوعك . شكرا يا محمد على دعوة الاخوة بالدعاء والله اكتر حاجة الواحد محتاجها الدعاء لعمر ابنى ربنا يشفيه (على فكرة ده كان طلب شخى من محمد لانه انسان نحسبة على خير ان شاء الله هو بقى تفضل علينا وجعل الاخوة تشاركه الدعاء ربنا يثوبه خيرا يارب

              Comment


              • #22
                ربنا يباركلك ويشفي عمر ويباركلك فيه ويجعله زرية صالحة

                Comment


                • #23
                  و الله يا ابو عمر احرجتني بزوق حضرتك
                  الله يبارك في حضرتك و يشفي عمر يا رب العالمين
                  اللهم اشف عمر
                  اللهم بارك فيه
                  اللهم اتم عليه الصحه
                  اللهم ارزقه عمرا مديدا و رزقا واسعا و صحه و عافيه
                  اللهم ازل ما به من سوء
                  اللهم طهره
                  اللهم احميه و احفظه يا رب العالمين
                  و الله يا ابو عمر ان شاء الله سوف يكرمك الله باقرب ما تتخيل باذن الله
                  و و الله يا جماعه الاستاذ ابو عمر ده هو اللي متواضع جدا و كلام المجامله اللي قالوا فيا ده مجرد مجامله منه
                  و يا ابو عمر انا ان شاء الله هعمل موضوع متكامل عن العمره بس اصلي متلحوس شويتين علشان الكهرباء متلخبطه شويه و البطاريه واخده تعسيله و كده هروق بس و ان شاء الله اليكم موضوع جامد عن العمره من اول المحرك لاخره
                  و يا ابو عمر انا و و الله نفسي اكلم حضرتك بس مش عاوز ادوش حضرتك اكتر من كده قلت ادي لحضرتك اجازه من زني يومين و لا حاجه علشان انا كنت خانق حضرتك اوي
                  و متنساش بيننا زيارات ضخصيه باذن الله اكيد
                  و لو حضرتك هتروح للفرع بتاعكم اللي قريب مني يا ريت تقولي و نتقابل ان شاء الله
                  و ربنا يبارك في حضرتك
                  و اشهد الله اني سعيد جدا بمعرفه حضرتك و اتمني نكون اصدقاء

                  Comment


                  • #24
                    و بردو يستمر العطاء
                    و بردو ابو عمر بيتصل بنفسه علشان يسأل علي العربيه
                    ربنا يبارك فيك يا ابو عمر
                    و يحمي اولادك
                    و تشوف عمر يا رب كده في اتم صحه و في اقرب مما تتخيل يا رب العالمين
                    و الله يا استاذ ابو عمر حضرتك اخ
                    و اتمني من الله ان تدوم علاقتنا ان شاء الله

                    Comment

                    Working...
                    X