Tweet
المشاركة الأصلية كتبت بواسطة enas007
مشاهدة المشاركة
بالنسبة لمصاريف الصيانة بتعتمد على قطع الغيار، يعني صيانة عشرين الف تغيير تيل امامي + الزيت والفلاتر + البوجيهات حوالي ١٥٠٠ جنيه
صيانة ٣٠٠٠٠ اغلى شوية بيدخل فيها فلاتر
لسة عامل صيانة ٤٠٠٠٠ زيت وفلتر زيت وبنزين وهواء وتيل امامي وسير مجموعة و بلية المجموعة كانت حوالي ١٨٠٠ جنيه وده في المركز الرئيسي ابو رواش، مش بروح اسكندرية لانهم في الضياع ورأيي ان اخرهم ٥٠٤
عندهم اصرار لتغيير البوجيهات كل ١٠٠٠٠ مع انها بلاتينوم لكن قالولي ده تعليمات فرنسا
الزيت المستخدم بالمناسبة mobil1 5w-30 وده مخصص للمحركات التربو لان لزوجته ثابتة عند عدد لفات محرك قليل، وده مختلف عن الموبيل وان اللي في السوق عادي لكن بنفس السعر
فلتر بنزين ٩٠ جنيه
فلتر زيت ٦٠ جنيه
مدة الضمان تلات سنوات لكن مش شاملة كل شيء، لاني في صيانة ٤٠٠٠٠ اشتكيت من صوت في المساعد الخلفي قالولي لازم يتغير و ضمانه ٣٠٠٠٠ بس، يعني على حسابي ٢ مساعد خلفي سعرهم ٦٥٠٠ جنيه، مغيرتوش
لكن في الضمان غيرت طلمبة بنزين قبل كدة وزجاج امامي، شرح موضوع الزجاج الامامي هتلاقيه في بوست سابق،
عموما متحاولش تعمل صيانة برة التوكيل لان الموتور ده محدش فاهم فيه حاجة من الناس اللي برة ولا هتلاقي اي قطعة غيار برة التوكيل
كان غندي خبطة في الباب اليمين غيرت المراية سعرها حوالي الف جنيه، في السمكرة والدوكو التوكيل زفت زفت زفت لكن مضطر، عيوب الدهان كتيرة، هما قالولي كان زحمة شغل تعالى في الصيانة الجاية هنظبط العيوب دي، لو عينك مش خبيرة في الدهان ممكن تعدي عليك، يعني بوية مسيلة، مفيش نضافة في الرش يعني تلاقي البوية زحفت على حتة تانية، فرق اللون حتى حاولوا يداروه بانهم سيحوا البوية في مساحة اوسع،، حتى سمكرة الجزء المخبوط في الباب سيئة، لو سمكرة ودوكو محدش يروح توكيل بيجو لا انصح بذلك،،
اداء السيارة بوجه عام فوق الممتاز لكن اسعار الصيانة غبية شوية
يعني الموتور رائع في القوة واستهلاك البنزين متغير حسب سواقتك، يعني السواقة العادية معدل كويس، لو على طول بتشد و هتلاقي استجابة سريعة ولكن استهلاك البنزين يزيد وده طبيعي، الفنيس ناعم جدا ست نقلات ونظام للمطر ونظام رياضي، في بعض مميزات زي ان العربية تمسك فرامل اوتوماتيك لمدة ثانيتين في المطالع لما تشيل رجلك من على الفرامل، وفرامل اليد اوتوماتيك تفك لما تدوس بنزين، ونظام التعليق و نظام الاتزان فعالين جدا لان في وصلة زيت بين المساعدين الخلفيين بتغير درجة ليونة المساعدين مع المنحنيات، بمعنى ان الدوران يمين يروح الزيت للمساعد اليمين عشان تفضل العربية في وضع افقي متميلش مع الدوران،
نفس الموتور متركب على بيجو ٥٠٠٨ و ٥٠٨ وستروين جراند بيكاسو و الميني كوبر اس
لو عندك اي اسئلة تانية انا تحت امرك ابعتلي رسالة برقم التليفون وهكلمك
Comment