ما هو تقييمك لوكيل بيجو و مراكز الخدمه

[makarther]

lth586
عنوان بيجو القطامية
المنطقة الاستثمارية - خلف مداس نور / ق. ١٦
القطامية ، القاهرة الجديدة

[hazem_3]

انا شايف ان التوكيل تعبان جدا و مش منظم خالص و عامل زى المصالح الحكومية . اول مرة تحصل ان توكيل يحترق .و شوف الناس هناك اعدين يصرخو على عربيتهم الى اتخبطت من فنيين التوكيل جوا التوكيل. و ناس تانية مش لايين قطع غيار لعربياتهم . و ناس بتخرج من التوكيل بعيوب مكانتشى موجودة فى العربية اصلا .

بخصوص هذا رحت صياتنة العربية 2000 كيلو غيرو زيت فقط و لم يعملو صيانة للعربية خالص و كان هذا يوم 8/07/2014 وكانو مش منظمين خالص و لم روحت ببص علي العداد السرعة لاقيت ان عداد السرعة الanalog مختلف عن سرعة الديجيتال يعني لما سرعة العربية في العداد المدور تبقي 70 في العداد الديجيتال يبقي 30 كيلو وده يؤثر في مثبت السرعة اوطبعا علشان اروح تاني التوكيل بضيع يوم كامل هناك في الأنتظار حد عارف عن المشكلة دي
وجزاكم الله خيرا

[Flowersel]

استلمت الحمد لله من شهر بيجو 2008 كروس اوفر و العربية لسا مكملتش 2000 كيلو بس فى مشكلة مش واضحة زى صوت طقة فى العجل بيغييب و يحصل كل شوية و ف توكيل ابو رواش كشفو على التعليق و الكبالن ملقوش حاجة و كانو عاوزين العربية تبات عندهم عشان حسب كلامهم مشكلة خبيثة من اللى مش بتظهر و عاوز يفك العربية و حوار ،،

المهم مطولش عليكم ،، عشان ظروف شغل و سفر و كدا مكانش ينفع تتساب فى التوكيل فا قالو ان المهم اطمننا على الحركة و ان لما تيجى اول صيانة ف ال 2500 اعمل حسابك تسيبهالنا و نفك و نشوفها!!!

و فى حاجة تانى هى من ساعة ما استلمت و مؤشر الحرارة بعد ما تمشى شوية مش كتير بتوصل 90 و تثبت على كدا بس ف ابو رواش برضو ف نفس الزيارة بستفسر قالو انها كدا عادى مفيش اى مشاكل

اى اقتراحات بالنسبة لأحسن توكيل صيانة ممكن ابدأ معاه من البداية و اتابع الصيانة الدورية بعد كدا؟؟ و حد قابلته مشاكل مشابهة؟ ياريت تفيدونى

[makarther]

أنصح كل مالكى بيجو بتوكيل بيجو أحمد عمارة القطامية مدير التوكيل هو نفسه مدير الصيانة مهندس وائل
لا يترك صغيرة و لا كبيرة تتم إلا تحت إشرافه
و رجالته كلهم محترفين بيراعوا ضميرهم فى شغلهم
ما حدش بسيب الصبى يعمل شغله و فى النهاية مهندس وائل بيراجع على كل شئ
أنصح مالكى بيجو بتوكيل بيجو أحمد عمارة القطامية
اللى حيروح من مدينة نصر
الأوتوستراد من عند نادى مدينة نصر الطريق سها جداً
تليفون مهندس وائل للى يحتاجه هو سمح لى أعطيه لمن يحتاجه
أى حد من مالكى بيجو

[hany63]

أنصح كل مالكى بيجو بتوكيل بيجو أحمد عمارة القطامية مدير التوكيل هو نفسه مدير الصيانة مهندس وائل
لا يترك صغيرة و لا كبيرة تتم إلا تحت إشرافه
و رجالته كلهم محترفين بيراعوا ضميرهم فى شغلهم
ما حدش بسيب الصبى يعمل شغله و فى النهاية مهندس وائل بيراجع على كل شئ
أنصح مالكى بيجو بتوكيل بيجو أحمد عمارة القطامية
اللى حيروح من مدينة نصر
الأوتوستراد من عند نادى مدينة نصر الطريق سها جداً
تليفون مهندس وائل للى يحتاجه هو سمح لى أعطيه لمن يحتاجه
أى حد من مالكى بيجو

يا ترى مركز صيانة القطاميه تابع للتوكيل الاساسي ولا مركز خدمه معتمد زي وهدان مثلا ؟

بمعنى المركز مجهز بكافة قطع الغيار عشان لو فيه حاجه تتغير في الضمان ؟

اصل عندي فردة كلاكس ساعات بتفصل

[Flowersel]

أنصح كل مالكى بيجو بتوكيل بيجو أحمد عمارة القطامية مدير التوكيل هو نفسه مدير الصيانة مهندس وائل
لا يترك صغيرة و لا كبيرة تتم إلا تحت إشرافه
و رجالته كلهم محترفين بيراعوا ضميرهم فى شغلهم
ما حدش بسيب الصبى يعمل شغله و فى النهاية مهندس وائل بيراجع على كل شئ
أنصح مالكى بيجو بتوكيل بيجو أحمد عمارة القطامية
اللى حيروح من مدينة نصر
الأوتوستراد من عند نادى مدينة نصر الطريق سها جداً
تليفون مهندس وائل للى يحتاجه هو سمح لى أعطيه لمن يحتاجه
أى حد من مالكى بيجو

طيب ممكن حضرتك تتأكد بالظبط اذا كان اللى ف القطامية دا تبع بيجو فعلا ولا لا؟ اصل انا شوفت الليستة اللى ع الموقع لقيت فعلا احمد عمارة بس كاتبين انه ف مصر القديمة و دا المكتوب بالضبط زى الصورة دى

[makarther]

الصديق يسرى جرجس أنا بأتعامل مع توكيل أحمد عمارة القطامية
بجد حاجة فوق الممتاز
تحياتى لرؤيتك السليمة

[makarther]

Flowersel
تحياتى هو أحد مراكز صيانة بيجو
توكيل أحمد عمارة القطامية
يتبع أحمد عمارة الفسطاط

[rasha1]

تقيم وكلاء الصيانه

تقيم احمد عمارة سئ للغاية بعد تعامل طويل و لكن نظرا لان مكنتش اعرف توكيل صيانه معتمدة قريب منى غيره

[Ammpage]

flowersel
تحياتى هو أحد مراكز صيانة بيجو
توكيل أحمد عمارة القطامية
يتبع أحمد عمارة الفسطاط

هل ممكن التواجد بجانب السيارة اثناء الصيانة في هذا المركز،؟؟ ، علشان دي اكتر حاجة بتقلق في غمرة وأبو رواش ، بياخدوا العربية ومتعرفش عملوا فيها ايه ،
وهل بيسمحوا ان اجيب زيت توتال معايا لاستخدامه بدل موبيل ؟؟
تحياتي لك .

[makarther]

Ammpage
أنا بأقعد فى الإستراحة اللى بتبص على هنجر الإصلاح بتشوف سيارتك ماذا يتم بها
و قبل تغيير أى شئ المهندس المحترم بيوريك البايظ و يعرف سعر الجديد و يسئلك لو موافق على التغيير
بصرحة ناس محترمة
غمرة أخدوا العربية و روحت جيتلهم بعد خمس ساعات لإستلامها و لا حسيت بأى فرق فيها

[Ashraf Fawzy]

تقييمى لتوكيل بيجو؟

رحتلهم عدة مرات باشتكى من وجود مشكلة فى فرامل عربيتى البيجو 301 و قالولى كل شئ تمام التمام, و لما سألت الناس هنا على نايل موتورز بتاريخ 9/1/2015 قالولى معندهمش المشكلة دى فى فرامل عربيتهم

http://www.nilemotors.net/Nile/454918-301.html


و كانت النتيجة إنى عملت حادثة كادت تودى بحياتى لإن حصل خلل فى أداء الفرامل مما أدى لإنحراف العربية و عدم عمل الفرامل بعد كدا لما نجحت فى لم العربية, و ده بتاريخ 10/2/2015 و التوكيل رافض يتحمل مسؤلية خطأه, و فوق كدا المهندسين بيغيروا فى شهادتهم بخصوص بيانات كمبيوتر العربية (زى إن جهاز الإيه بى إس سجل سرعة العربية 45 كيلو قبل التوقف عن العمل) وصولاً لكلام منهم إن بيانات كمبيوتر العربية ممكن تكون إتمسحت, و دلوقتى أنا فى إنتظار لجنة حماية المستهلك و تحديد ميعاد لعرض العربية على لجنة فنية:

http://www.nilemotors.net/Nile/459295-301.html

[densfog]

السلام عليكم
محتاج نصيحتكم فى كام توكيل بيجو فى اسكندريه وايه افضلهم ... قبل ما اشترى العربيه اساسا (بيجو 308 الجديده ولسه فى مرحله الاختيار بينها و بين سيارات اخرى ).. ﻷن موضوع التوكيل ده بيفرق معايا جامد خاصه ان استعمالى للعربيه كتير .. بعمل حوالى 25000 كم فى السنه فبحتاج صيانات كتير ... ومش فاضى ان كل صيانه اسافر من اسكندريه علشان اعملها فى القاهره ...

متشكر مقدما

[adhamghaly]

مركز خدمة أبو رواش زي الزفت....

رحتلهم بمشكلة تنتيش و برجلة في بيجو 206 كل اللي عملوه إنهم غيروا البوجيهات و فلتر الهوا و فلتر البنزين (أنا مهندس و عارف إن الخاجات دي مالهاش دعوة). العربية فضلت زي ما هي و رجعت تنتش تاني على بعد 500 متر من التوكيل. ده معناه الآتي:

1. محدش عمل test drive للعربية لا قبل التصليح ولا بعد التصليح.

2. فكيت البوجيهات اللي المركز ركبهالي، لقيت 3 منهم بوجيهات صيني و الرابع ياباني، و الأنيل إن شكلها مستعمل!!!.

3. طلعت برجلة العربية جاية من إم الصباع الكاوتش اللي ماسك بوجيه رقم 4 مملح، و بالتالي بيهرب كهربا. اللي هو أساساً كان المفروض ياخدوا بالهم منه و هم بيغيروا البوجيهات.

[elmnkhli]

السلام عليكم أخوكم محمد وانا اسف هسأل سؤال بعيد عن الموضوع معي سياره بيجو 308 sw عامله 77 الف كيلو جميع الصيانات في التوكيل حتي 70 الف في مشكله في شاشة البيانات الصبح مقطعه جامد جدا لا يري منها اي شي اما باليل تعمل بكفائه وصاحب السياره قال لي بسبب الشمس ممكن حد يفيدنا بحل هل محتاجه تتغير وبكام مع جزيل الشكر لكم