Tweet
المشاركة الأصلية كتبت بواسطة moustafa_saad
مشاهدة المشاركة
السلام عليكم و رحمة الله و بركاته
أنا متهيألى أنها مش غالية و لا حاجة, بس لما تدفع 3000 جنيه مقابل أن الموتور يرجع زيرو تانى, فده مش مبلغ خالص, ده مايحصلش موتور شاهين زيرو, و على فكرة, هوا بيرجع زيرو زيرو بمعنى الكلمة, لأنك بتغير البساتم و الشمايز و الصبابات, بجديد جاى من انتاج شركة بيجو فى فرنسا, عشان كده, الطقم فى كرتونته بيعمل حوالى 1900 جنيه, و مش كل الفرنساوى يبقى بيجو أصلى, لأن فيه فرنساوى بس مش انتاج شركة بيجو و غير كده, فيه الصينى ب 600 جنيه و فيه تركى ب 700 جنيه تقريبا.
فمبلغ 3000 جنيه كتمن لموتور زيرو لعربية بيجو 505 مايعتبرش غالى على الاطلاق.
لو سيادتك قصدك على الأسبراتير الألكترونى لأنه ب500-550 جنيه, فده جزء أساسى من موتور العربية مابيتغيرش بعد كده, يعنى مش تيل فرامل و لا طنابير عشان يتغير كل كام سنة, لأ ده بيفضل عمره من عمر العربية.
لكن أنا مثلا, آخر حاجة رحت اشتريتها كانت كل أطقم الكاوتش بتاع وش التاكيهات و معاهم جوان وش التاكيهات ب 10 جنيه من عند عادل سراج فى المنصورة و عامة, أسعار قطع الغيار اللى بتستهلك فى عربيتنا البيجو ال505, أنا شايف أنها معقولة جدا بالمقارنة بالأسعار اللى بسمعها من الأخوة الأفاضل هنا فى المنتدى فى عربياتهم.
المشاركة الأصلية كتبت بواسطة kisho55555
مشاهدة المشاركة
بص يا باشا, هو حوالى 120 كم من المنصورة الى بورسعيد, يعنى حوالى 140-145 كم من سمنود الى بورسعيد.
طبعا, الاسبراتير الألكترونى حاجة تانية خالص غير الأبلاتين الالكترونى خالص.
أنا ناوى عالعمرة فى الشتا الجاى لأنى أعرف أن العمرة فى الشتا أفضل من الصيف و أكيد هحتاج مساعدتك ان شاء الله.
ألف شكر و جزاك الله كل خير .
Comment