نتشة في 307

[MuhamedNabil]

المشكلة دى حصلت عندى من فترة و لما بصيت على العربية لقيت ان المياة كانت ناقصة و المياة بتاعت الرادياتير ليها دورة فى الفتيس
المهم انى من سعتها و الموضوع ده محصليش تانى الحمد لله
مشكلة الفتيس بتاع ٣٠٧ هى ضغوط الزيت و دى بيقصر فيها عوامل كتير
- الحرارة بتقصر على لزوجة الزيت و بالتالى برضه الضغط
- منسوب الزيت
- عمر الزيت لانه لازم يتغير
- بلوف النقل solenoid valve
- طقم الجوانات او السيل البيمنع تسريب الزيت

فى واحد فى الحرافيين اسمه محمد سمك و عنده الجهاز بتاع العربية هو فى شارع الرسيدس فى نصه تقريبا فى شارع جانبى لو سالت عليه هنالك حيقلولك فين

[abodza]

السلام عليكم
انا معايا بيجو 307 موديل 2006 و بتعمل معايا حركة غريبة جدا . لما بكون ماشي في طريق زحمة وكل شوية بقف و امشي لو منقلتش الفتيس علي ال n وانا واقف وسبته علي ال d العربية بيكون فيها بوش كدة في دوسة البنزين يعني ادوس الار بي ام بيعلي لكن العربية مبتتحركش و مرة واحدة الاقي العربية نطت او نتشت و بدات تتحرك عادي الكلام ده بيحصل لما تكون العربية واقفه بس و مش دايما بيحصل. فانا كنت عايز اعرف كدة العيب من ايه و يتحل ازاي و اسف علي الاطالة.

2 بيجو 307 1600 سي سي موديل 2006 نفس الحركة و تغير الفتيس في الوكالة تبع الضمان و بعدها بفترة رجع تاني
1 بيجو 307 موديل 2007 2000 سي سي نفس الحركة و تغير الفتيس في الوكالة تبع الضمان و بعدها بفترة رجع تاني
1 بيجو 308 موديل 2008 1600 سي سي نفس الحركة و تغير الفتيس في الوكالة تبع الضمان و بعدها بفترة رجع تاني

ده تاريخي انا و 2 اصحابي مغ عربيات بيجو غير مشاكل الحرارة . نصيحة لوجه الله اخلص منها بسرعة

انا معايا بيجو 308 و فعلا كان فيها النتشة زي اللي بتحصلك ديه بظبط و كل اللي عماته اني روحت مركز خدمة اسمه Auto Service (بجوار نادي السكة الحديد)
حكيت للمهندسة اللي مسؤلة عن المركز وردت وقالتلي في ساعتها ان فعلن في مشكلة في software بتاع 2008 ونزلتلي software 2010 في 5 دقايق و الحمد لله بقالها سنة العربية معايا وولا مرة حصلت النتشة دي تاني
ملحوظة: الليلة دي كلها على بعضها اتكلفت 100 جنيه

[abodza]

نسيت ااقولكم كمان ان انا قبل ماروح Auto service روحت قبليها مركز غمرة ولمل قولت للمهندس هناك على موضوع النتسة ولا جبلي اي سيرة عن موضوع software وقالي هنكشفلك على الفتيس

[shark_3li]

طيب انا لو حبيت اعالج المشكلة دلوقتي ابدا بالسوفت وير ولا ابدا بتغيير الزيت و البلوف؟
وكنت عايز اعرف برضه الزيت بيتغير علي كام لان العربية عاملة ٧٠٠٠٠ كيلو

[abodza]

انا شايف انك تروحلهم وتسئلهم

[EHABssssss]

السلام عليكم
انا كنت متابع الموضوع باهتمام جداً لانى معايا sw 2007 عاملة 60 الف ولسة المشكلة دى بالضبط حاصلة معايا من حواى اسبوع

[eng_asd2000]

انا عندى نفس المشكلة وسألت م هيثم شغال فى مركز خدمة بيجو الموجود فى الجيزة و كانت اجابتة كالتالى

عندى مشكلة غريبة لما بكون واقف فى اشارة و اجى اطلع بالعربية بفضل اضغط على البنزين و العربية مابتستجيبش وبعدين تتطلع فجأة كأن حد خبطنى من ورا ......الموضوع دة احيانا بيحصل و احيان كتيرة بتكون عادية جدا و ماشية تمام ......العربية 307 sw اتوماتيك
شكرا لمتابعتك يا باشمهندس هيثم

المهندس أســــد.... المشكلة الى حضرتك بتتكلم عليها دى تعتبر من المشاكل المتكررة فى فتيسات البيجو الموجودة فى الــ 406 أو 307 وعامة لازم الفتيس يكشف عليه أولا بجهاز تشخيص الأعطال وبعدين ممكن تعمل صيانة فتيس ( غيار زيت فتيس وبلف فتيس)

طيب وتكلفة الصيانة دي كام والمفروض ضمانها أد ايه

تكلفتها حوالى 1800 جنية بالمصنعيات وضمانها 6 شــهور

ودة اللينك بتاع الموضوع

http://www.nilemotors.net/Nile/188597-a-14.html

[MuhamedNabil]

السلام عليكم
انا كنت متابع الموضوع باهتمام جداً لانى معايا sw 2007 عاملة 60 الف ولسة المشكلة دى بالضبط حاصلة معايا من حواى اسبوع

مشكلة النقلة البترجع متأخر دى و انت بتهدى او و انت بتطلع دى بتحصل لمل الجير بوكس يسخن و مؤشر الحرارة مش حيعلى عن 90 برده بص على مياة العربية حتلاقيها ناقصة و متنساش لو العربية سخنة تزود المية و هى دايرة , الموضوع دة حصل معاية قبل كدة و لسة حاصل معايا تانى من يوميين و المياة فعلا كانت ناقصة كتير.

و المشكلة دى مش بتاعت البلوف و مش بتظهر gearbox fault

@ eng_asd لو المشكلة اتحلت انا مش حاخد منك 1800 ممكن بس 10%

[shark_3li]

انا نزلت بصيت علي المية دلوقتي لقيتها مظبوطة بس هو واضح فعلا ان المشكلة دي بتحصل لما الفتيس يسخن لان العربية بتعمل كدة لما بفضل سايقها فترة مش في المشاوير القصيرة. بس بيتهيالي برضو الزيت ليه علاقة بتبريد الفتيس

[MuhamedNabil]

انا نزلت بصيت علي المية دلوقتي لقيتها مظبوطة بس هو واضح فعلا ان المشكلة دي بتحصل لما الفتيس يسخن لان العربية بتعمل كدة لما بفضل سايقها فترة مش في المشاوير القصيرة. بس بيتهيالي برضو الزيت ليه علاقة بتبريد الفتيس

الزيت اكيد ليه علاقة طبعا بس الاعرفه و حصلى ان الزيت لو قل بيقصر على الضغط جوه الجير و بيديلا جير بوكس فولت فى الناقة التالتة و يفضل على الثالث و مينقليش الا لو بطلت العربية و دورتها تانى. على العموم ممكن تقيس الزيت برده ميخصرش و تتأكد انه الزيت بتعها ابيض مش الزيت الاحمر العادى و ممكن تبص من تحت العربية لو بتصرب زيت من الجير.


على العموم لو حصل الموضوع معاك تانى بص فى سعتها على المية و فى حاجة كمان مورحة التبريد ليها سرعات بتتظبط من الكمبيوتر بتاع العربية انا كانوا عندى عمنها 2\3 عشان التبريد يبقى افضل و تتأكد من درجة الحرارة البتشتغل عندها.

[shark_3li]

هو مقياس زيت الفتيس بتاعها منين؟
معلش هو سؤال غريب بس انا دورت عليه كتير ملقيتهوش و طبعا في الصيانة مبيخلونيش اجي ناحية العربية ف مش بعرف هما بيقيسو ازاي

[MuhamedNabil]

هو مقياس زيت الفتيس بتاعها منين؟
معلش هو سؤال غريب بس انا دورت عليه كتير ملقيتهوش و طبعا في الصيانة مبيخلونيش اجي ناحية العربية ف مش بعرف هما بيقيسو ازاي

المقاس عبارة عن طبة من تحت فى الجير و لما بتفكها فى صوبع تحتيها بيتفك و الزيت بينزل , غالبا البينزل من فك الطبة 4 لتر و بيكون فيه 3 متر لسه فى القربة الجوة الجيربوكس بس لو بتغير فى التوكيل المفروض يكون الزيت يكون مضبوط

[waleedabbas]

المشكلة دي ف الغالب مشكلة زيت فتيس وبلوف حلها انك تغير زيت فتيس وماتحطش غير زيت فتيس بيجو الاصلي وتغير البلوف لو محتاجة تغيير وممكن ماتكونش محتاجة تغيير بتتنضف ويتبدل اماكنهم بس لو عملت كده وغيرت الزيت في معاده باستمرار ان شاء الله مش هتعمل حاجة معاك
هي المشكلة دي حلها مكلف شوية بس بصراحة تهون مقابل امكانيات بيجو الرائعة
ماشاء الله ثبات وامان وفرامل ورفاهية واداء محرك محترم

عموما من الناس المحترمة ال ممكن تتعامل معاهم بره التوكيل وان شاء الله يقدر يحل المشكلة دي المهندس صلاح في السواح

[Unendlich]

يا جماااعة محدش يسترخص و يحط أي زيت و خلاص
في علبة زيت مخصوصة مكتوب عليها بيجو ستروين هي دي بس اللي تستخدم

[shark_3li]

طب انا كنت في التوفيقية امبارح و سالت علي زيت الفتيس لقيته ب ١٤٠ العلبة فيها كيلو لونها رمادي فاتح و مكتوب عليها بيجو و ستروين
مش عارف بقي هو دة الزيت بتاعها ولا ليها نوع تاني؟