افيدوني في مصيبه 307

[kekokelany]

ياجماعه انا روحت اغير شنابر فتيس 307 فكل اللي عمله الراجل انه فك الفالف ونضفه وفك الفتيس وغير الشنابر وركب ولما اخدت العربيه لاقيتها لما بهدي على مطب مثلا تروح معلقه وكأنك جايب ال n
تطفي العربيه وتدورها ترجع تاني لحد اما مره واحده عملت ومش راضيه تمشي خالص بس العربيه بترجع لورا عادي لكن مبتمشيش لقدام خالص وتجيب d كانك جايب ال n
فلو فيه حد يعرف الخلل هنا في ايه يقولي عشان انا مش عارف اعمل ايه

[A.Lotfy]

هو انت عملتها عند مين

[kekokelany]

عملتها عند واحد المفروض انه كان فاهم في الفتيس بس المشكله دلوقت اني مش عارف ده عيب ايه ولا مين اللي ممكن ينجدني في المشكله دي

[sheko_2000eg]

ارفع العربية علي ونش و انزل التوكيل منغير كلام
اوعي تخلي حد يفتيلك احسن الفتيس يروح في دهية

[ahmedb1]

شوف اللينك ده في قسم رينو ممكن يفيدك ,و اللي عملهالك ده متخصص في البيجو

http://www.nilemotors.net/Nile/257940-a.html

[kekokelany]

والله اللي عملهالي كان من الكلام انه متخصص بيجو غير كده فعلا وهوا بيفك ده واحد حافظ الفتيس وهوا لما فك قالي اني محتاج اغير شنابر الفتيس وهوا الراجل لما كلمته وقلتله قالي انا جايلك ومتهربش ومبيجليش اي جير بوكس فولتي هوا مره واحده اهدي ويحصل اللي انا شرحته ... طب معلش لو حد معاه رقم حد متخصص وبيفهم في الفتيس يقولهولي اساله ... وصحيح برده اخدت بالي اني لما بجيب d طبعا العربيه ما بتتحركش بس بسمع زي صوت ماتور بيلف عالفاضي كده هوا خفيف بس اخدت بالي منه

[ahmedb1]

هو في واحد في المعادي او صقر قريش للفتيس البيجو بتهيألي هوه دا العنوان بتاعه عشان انا كنت كلمته من فتره وكنت جايب رقمه من النت
صيانة فتيس هيدرومتك
بس برضه يستحسن تروح التوكيل خاصا في المشاكل اللي زي دي متسلمش العربية لأي حد حتى لو قالك انا فاهم

[م.احمد زكريا]

طيب يا فندم انت حطيط العربية على الجهاز بعد الشغل ده

راجع العربية كلها

ولو فيه مشكلة فيه واحد في الحرفيين تخصص بيجو اسمه احمد العسكري ولد كويس جدا

[ana]

فى مركز خدمه فى الحرفيين بروحله وانا عربيتى 406 بصراحه ممتازين جدا وعنده جميع قطع الغيار الاصليه اسمه احمد ندا جنب السوبر جيت حضرتك لو مهتم انا ممكن ابعتلك رقمه على الخاص ولو رحتله قوله جايلك من طرف عمرو اللى معاه 406 الالمانى الخضره لو مهتم ابعتلى

[kekokelany]

الف شكر لكل من رد ,, بس الموضوع اني فعلا مبقاش عندي ثقه في الناس اللي بتشتغل في بيجو خالص ,, والله العربيه راكنها من ساعتها ومش عارف اعمل ايه , اطلع عالتوكيل اقوله شوفلي المشكله اللي في الفتيس وطبعا هتلاقي سعره هلامي ولا اطلع على اي حد وبرده لو مالوش فيها مش هيقولك ولا مركز خدمه من المراكز النصابه من غير ذكر اسامي ,, المهم يا بشمهندس عمرو لو انت واثق ان احمد ندا ده فعلا كويس اكون شاكر لو بعتلي رقمه ,
وياجماعه لو فيه حد راح التوكيل وعارف التعامل هناك بيبقى ازاي في الحاجات دي يعني التوكيل ينفع يشخص العطل وقبل ما يصلح يقولك والكلام ده فبرجوه اني يقولي واستحملوني معلش لاني والله تعبان بسبب الموضوع ده .

[ahmedb1]

في التوكيل الحاجات اللي زي دي بيحسب بالوقت بس بيبقى مثلا مبدأيا 75 وبيزيد حسب الحاجات اللي اتفكت وبيعملك تقرير بالمشاكل اللي في العربية , يستحسن تروح اي توكيل او مركز من غير العربية وتسأل مثلا الناس اللي شغالة في التوكيل كأنك بتستفسر عن المشكلة دي ممكن حد يفيدك واسأله عن اعراض المشكله واكيد من خبرتهم عارفين مشاكل العربية دي

[Ahmed Amin]

المشكلة دي موجودة في معظم البيجو ال 307 وموديلات من المجيان..
بس عايز أقولك نصيحة لو هتروح التوكيل اللي في أبو رواش خد بالك قبل ما يعملك شغل فيها تأكد عليه أنو ميشتغلش في العربية قبل ما يقولك علي التكلفة.
عشان كذا مرة في أبو رواش أما أروح أغير أي حاجة وأسئله هتتكلف كام عشان أعرف المبلغ اللي معايا هيكفي ولا لأ يقولي هشوف وأجيلك ويقوم شغال فيها من غير ما يقولي ويجي يقولي الحساب كذا !!
كمان أنا كنت بسألهم من فترة لو حابب أشوف موضوع نتشه الفتيس دي قالو لي مرة تعايش معايا ومرة مش بتتعمل هنا بتتعمل في توكيل غمره.. وبصراحة لحد انهارده مش فاهم ايه الحكمه في كدا.! مع أن توكيل أبو رواش أجدد واكبر.
بس أنتا بالنسبة لك لازم تروح لحد بيفهم ويحلهالك..

لو رحت مركز خدمة بره بتبقي العربية قدامك فبتبقي الدنيا أسهل.. وبصراحة أنا نفسي أفيدك أكتر من كدا بس للأسف خبرتي محدودة في المجال دا.
بالنسبة للموضوع اللي ذكره أستاذ أحمد. دا http://www.nilemotors.net/Nile/257940-a.html
خد بالك ان موديل الفتيس مختلف. أسئل كتير قبل ما تشتغل في العربية وبالتوفيق إن شاء الله.

[kekokelany]

بص مبدايا هوا انا روحت للراجل ده عشان يشوف وفكلي الفتيس وقالي هيا محتاجه شنابر فتيس ووراني امتى يكون بايظ وامتى يكون مظبوط وفعلا لما غيرهم النتشه مش موجوده ,,, بس اللي استنتجته من الموضوع ان النتشه لو الفتيس عندك زيته سليم وضغط الزيت سليم بتبقى بسبب البلوف بتاعت الضغط والشنابر بتاعت الفتيس .. اما عن الموضوع اللي انا فيه فدلوقت انا قدامي حاجتين بفكر فيهم اولهم ان المالتي سويتش محتاج يتظبط ولو اتظبط وبرده لسه الموضوع موجود يبقى ممكن تكون البلوف ده مع الفرض ان الراجل مركبلي الشنابر صح فا انا كده كده وراه لحد الحاجتين دول لو اتظبط يبقى كرم من عند ربنا ولو لأ يبقى مش عارف ساعتها هعمل ايه والله خصوصا ان التوكيل نفسه سمعته سابقاه وان مراكز الصيانه زي مودرن سيرفس شغلهم برده نصب في نصب ,,,

[Ahmed Amin]

طيب بص أنا عايز تقري رد البشمهندس أحمد غلوش في الموضوع دا ممكن يفيدك جداً في حل مشكلتك.

http://www.nilemotors.net/Nile/232110-307-6.html

أنا قريت في مشاركة أنو كان واخد كورسات في بيجو فرنسا بس مش متأكد وهوا شغال في مركز خدمة.
بس الراجل زوق ومحترم جداً وفاهم شغله ودا الأهم, يعني ممكن تكلمه تشرح له مشكلتك وهوا هيوجهك للحل الأمثل ليك.
بس أنت ممكن تتواصل معاه وتأخد رقم موبايله وإن شاء الله يكون حل مشكلتك معاه.
وبالتوفيق إن شاء الله.

[ana]

معلش انا اسف للتاخير لان كابلات التليفون اتسرقت
المهم دى نمرتى كلمنى هروح معاك 01112082527