افيدوني في مصيبه 307

[nodey]

ربنا معك
شوف يا باشا تقريبا العربية لازم الكشف عليها بالجهاز عشان تشوف مسجلة خطا رقم كام وتقدر تعرف العيب ايه
ثانيا التوكيل ممكن يكشف علي العربية ويحدد المشكلة بدون اصلاح طبعا انت شوف اللي يريحلك اما انك تكشف عليها عند واحد فاهم وعنده جهاز البيجو للاعطال
او انك تروح التوكيل يكشف ويحدد العطل وتدفع بس سعر الكشف واذا حبيت يصلحوها بالتوكيل بيخصم سعر الكشف من التكلفة الاجمالية
موفق ان شاء الله

[kekokelany]

معلش على التأخير في الرد المهم اللي حصل كالتالي
كان معايا رقم المهندس المسؤول في مودرن سيرفس وكلمته استفسر فقالي لازم تجيبلي العربيه اكشف عليها وعلى ضغط الزيت لو لاقيته سليم يبقى المشكله بسيطه ولو مش سليم يبقى هننزل الجير ونشوف اللي فيه وفعلا روحت ليه وحط العربيه على جهاز الاعطال ومقراش ولا عطل لكن الضغوط ماكنتش مظبوطه فقالي لازم ننزل الفتيس وفعلا نزله ولقى ان طرمبه الزيت متاكله والبساتم عايزه تتغير والشنابر اللي انا لسه مغيرها عايزه تتغير والبادي فالف قالي هنغيره لان اتلعب فيه وطبعا دي كانت عمره كامله للفتيس وتكلفه زي الفل بس الحمدلله قدر الله وماشاء فعل على اساس لو كملت بالعربيه تكون ماشيه في السليم ولو قررت ابيعها يبقى اكون راضي ومبلبسهاش لغيري وميدعيش عليا ,,, وفعلا بعد كل اللي انا شوفته منها (مفيش حد فاهم فيها الا قليل وعلى ما توصله بقى) احب اقول اني لو بعت هجيب كوري عشان انا فعلا احترمت اعتمادية الكوري بغض النظر عن اي حاجه وبالنسبه لو حد عايز يجيب بيجو لازم يكشف على الفتيس بتاعها قبل ما يشتريها وياخد باله ان فيه حاجات مابتبانش بالجهاز ,,,

[kekokelany]

معلش على التأخير في الرد المهم اللي حصل كالتالي
كان معايا رقم المهندس المسؤول في مودرن سيرفس وكلمته استفسر فقالي لازم تجيبلي العربيه اكشف عليها وعلى ضغط الزيت لو لاقيته سليم يبقى المشكله بسيطه ولو مش سليم يبقى هننزل الجير ونشوف اللي فيه وفعلا روحت ليه وحط العربيه على جهاز الاعطال ومقراش ولا عطل لكن الضغوط ماكنتش مظبوطه فقالي لازم ننزل الفتيس وفعلا نزله ولقى ان طرمبه الزيت متاكله والبساتم عايزه تتغير والشنابر اللي انا لسه مغيرها عايزه تتغير والبادي فالف قالي هنغيره لان اتلعب فيه وطبعا دي كانت عمره كامله للفتيس وتكلفه زي الفل بس الحمدلله قدر الله وماشاء فعل على اساس لو كملت بالعربيه تكون ماشيه في السليم ولو قررت ابيعها يبقى اكون راضي ومبلبسهاش لغيري وميدعيش عليا ,,, وفعلا بعد كل اللي انا شوفته منها (مفيش حد فاهم فيها الا قليل وعلى ما توصله بقى) احب اقول اني لو بعت هجيب كوري عشان انا فعلا احترمت اعتمادية الكوري بغض النظر عن اي حاجه وبالنسبه لو حد عايز يجيب بيجو لازم يكشف على الفتيس بتاعها قبل ما يشتريها وياخد باله ان فيه حاجات مابتبانش بالجهاز ,,,

[MuhamedNabil]

معلش على التأخير في الرد المهم اللي حصل كالتالي
كان معايا رقم المهندس المسؤول في مودرن سيرفس وكلمته استفسر فقالي لازم تجيبلي العربيه اكشف عليها وعلى ضغط الزيت لو لاقيته سليم يبقى المشكله بسيطه ولو مش سليم يبقى هننزل الجير ونشوف اللي فيه وفعلا روحت ليه وحط العربيه على جهاز الاعطال ومقراش ولا عطل لكن الضغوط ماكنتش مظبوطه فقالي لازم ننزل الفتيس وفعلا نزله ولقى ان طرمبه الزيت متاكله والبساتم عايزه تتغير والشنابر اللي انا لسه مغيرها عايزه تتغير والبادي فالف قالي هنغيره لان اتلعب فيه وطبعا دي كانت عمره كامله للفتيس وتكلفه زي الفل بس الحمدلله قدر الله وماشاء فعل على اساس لو كملت بالعربيه تكون ماشيه في السليم ولو قررت ابيعها يبقى اكون راضي ومبلبسهاش لغيري وميدعيش عليا ,,, وفعلا بعد كل اللي انا شوفته منها (مفيش حد فاهم فيها الا قليل وعلى ما توصله بقى) احب اقول اني لو بعت هجيب كوري عشان انا فعلا احترمت اعتمادية الكوري بغض النظر عن اي حاجه وبالنسبه لو حد عايز يجيب بيجو لازم يكشف على الفتيس بتاعها قبل ما يشتريها وياخد باله ان فيه حاجات مابتبانش بالجهاز ,,,

الحمد لله على كل شىء
انا عارف ان الموضوع ده بيفتح جامد فى المصنعيات كمان.
بس كنت عايز اعرف اسعار القطع الغيرتها الشنابر و طلمبة الزيت لان شكلى داخل على حاجة مشابها

[kekokelany]

بص هوا لو هتعملها في التوكيل هتبقى المصنعيات تقريبا 2000 جنيه ده لو مش اكتر لانه هينزلك الفتيس المهم انا عايز اقولك اني كنت في الحرفيين الاسبوع اللي فات وسالت على الجير كامل بتاع 307 عامل 5000 استيراد وعلى التجربه وعرفت كمان ان مفيش حد بيعمل عمره للجير ده لان سعره رخيص بالنسبه ل لو عملت عمره ليه المهم انا عايز اعرف الفتيس بيعمل معاك ايه ؟؟

[eng_asd2000]

ممكن نعرف اجمالى التكلفة كان كام مصنعيات و قطع غيار

[ahmdghalwash]

السلام عليكم ---ارجو عدم الفزع من الفتيس الاوتوماتك al4 بس للاسف وجب التنويه كثرة وجود فتيس استيراد(تم اصلاحه) فبرجاء التاكد من ضمانات اي فتيس استيراد لان سعره مش رخيص وحرام تضيع فلوسه
وسعره بيتراوح من 4000-9500 حسب موديله.....وبرجاء عند الشراء مراعاة الاتي
1-ان يكون الفتيس مركب علي المحرك وداخل قطعية الربع الامامي م السياره(وحذاري من انه يكون متروك ع الارض)
2-ان يكون جميع الحساسات علي النحو التالي
حساس السرعه الداخله-حساس السرعه الخارجه-المالتي فنكشن-حساس الحرارة المتغيره
حساس الضغط-ماكينة الكم
مع العلم ان في الموديلات الحديثة في 307-407 لايوجد حساس كم لان السرعة من الabs
(خاصة وان بعض التجار يسلم الفتيس بدون بعض او كل الحساسات علي اساس ركب الحساسات القديمة
وهذا خطا شائع لانه ممكن يكون سبب تدمير الفتيس القديم حساس)
3-عند فكه من علي المحرك برجاء الكشف علي قربة الفتيس ويفضل انها تكونw10وهي ذات عزم مميز
4-الكشف علي مسامير الكرتيرة الخاصة بالزيت ووضوح عدم المسار بمسامير الرباط
5-الكشف علي مسامير ربط ديل الفتيس
6-التاكد من وجود الزيت بداخله.....
وعند التركيب يكون الضغط في الفتيس 2.7-3 وعلي الاقل2.5 مع ملاحظة ان ذلك عندشحن دينامو من 13.4-14.3
في النهاية اتمني ان يتم التوفيق في شراء الفتيس ازا لزم

[ahmdghalwash]

وجب التنويه ان في حالة عمرة الفتيس فيجب الكشف علي الكلاتشات ومبرد الفتيس والشنبر وطلمبة الزيت وقربة الهيدروليك...بالاضافة الي مجموعة البلوف و طقم سلونايد وطقم الصمامت الداخلية والفلتر الداخلي...وفلتر مجمع البلوف.................والتاكد من جوده زيت al4
وان شالله تكون عمره ناجحة


م-احمد غلوش

[ashraf79]

ممكن تقولنا اسم الراجل او المركز الى عملت فيه العربية علشان نتجنبه