مقترحاتكم لتحسين تبريد 504

[khaled sabry]

السلام عليكم و رحمة الله و بركاته
انضميت حديثا لعصابة البيجو بامتلاكى 504 gr
انا مش جديد فى العربيات لكن جديد على البيجو - و انا دلوقتى فى مرحلة التظبيط ليها
اللى مش عاجبنى فى العربيه لغايه دلوقتى هو الريداتير
الريداتير مليان صداء من بره و رقبة الريداتير معوجه و شكلها مش محكم الغلق - و كل يوم بزود حاجه بتاعت نصف لتر ميه قبل ما اطلع ( مش ضاربه جوان )
فشكلها كده انى حغير الريداتير
فهل حيبقى فيه مشكله لو جبتلها ريداتير تانى بالقربه بتاعته ؟؟ ولا لازم اجيبلها الريداتير الاصلى بتاعها
لأنى عارف ان كده كده لازم الميه تنقص بسبب عدم وجود قربه زى باقيه العربيات
و برضه قريت فى احدى الموضوعات ان من الافضل ان اجيب ريداتير اللى مواسيره بالعرض (العلب فى الاجناب)
و هل من الافضل انى اشيل المروحه اللى على السير و اجيب مروحه كهرباء على ثيرموستات (و برجاء تحديد نوع المروحه )
هو على فكره لغايه دلوقتى مافيش مشاكل فى الحراره غير موضوع نقصان الميه ده و العربيه بتسخن فى الزحمه و بتعدى نصف الاسود
و كمان العربيه مكيفه - و انا مش عاوز اشغل التكيف غير لما اظبط التبريد ده

مقترحاتكم لتحسين التبريد

[AHMED_DINAMO]

اولاً مبرووووووووووك يا باشا ربنا يديك خيرها ويكفيك شرها
افضل حاجه هات ريدياتير استعمال خااااارج بتاعها وخلاص
تانىحاجه بمناسبة التظبيط انا الحج ابويا كان جايب بيجو من سنتين هقولك التظبيط ال عمله فيها
كانت موديل 1977
باور + سنتر +انذار + 4 زجاج كهرباء + فتيس اوتوماتيك جديد + عفشه كامله جديده + تكييف + فوانيس و نواكل و اكصدامات جديده + كسوه كامله للفرش جديده + طقم دواسات (بنزين وفرامل ودبرياج بس كان لاغى الدبرياج )
وبعد ما صرف 52000 جنيه بالظبط اتباعت ب 23000 الحمدلله
طقم صوووت كامل من سماعات و كاسيت + طبعاً غير كوالين ابواب وكونتاكت وشنطه وتانك

[Unendlich]

و برضه قريت فى احدى الموضوعات ان من الافضل ان اجيب ريداتير اللى مواسيره بالعرض (العلب فى الاجناب)
و هل من الافضل انى اشيل المروحه اللى على السير و اجيب مروحه كهرباء على ثيرموستات (و برجاء تحديد نوع المروحه )
هو على فكره لغايه دلوقتى مافيش مشاكل فى الحراره غير موضوع نقصان الميه ده و العربيه بتسخن فى الزحمه و بتعدى نصف الاسود
و كمان العربيه مكيفه - و انا مش عاوز اشغل التكيف غير لما اظبط التبريد ده

مقترحاتكم لتحسين التبريد

ارجع للموضوع اللي جبت الكلام ده منه هتلاقي الحاجة مشروحة بالتفصيل بالصور بكل حاجة
و متخليهاااش تسخن عشان مترجعش تقول يا ريتني كنت صرفت 700-800 جنيه على التبريد ولا تخش في مشاكل وش سلندر تدفع فيها دم قلبك

[khaled sabry]

اولاً مبرووووووووووك يا باشا ربنا يديك خيرها ويكفيك شرها
افضل حاجه هات ريدياتير استعمال خااااارج بتاعها وخلاص
تانىحاجه بمناسبة التظبيط انا الحج ابويا كان جايب بيجو من سنتين هقولك التظبيط ال عمله فيها
كانت موديل 1977
باور + سنتر +انذار + 4 زجاج كهرباء + فتيس اوتوماتيك جديد + عفشه كامله جديده + تكييف + فوانيس و نواكل و اكصدامات جديده + كسوه كامله للفرش جديده + طقم دواسات (بنزين وفرامل ودبرياج بس كان لاغى الدبرياج )
وبعد ما صرف 52000 جنيه بالظبط اتباعت ب 23000 الحمدلله
طقم صوووت كامل من سماعات و كاسيت + طبعاً غير كوالين ابواب وكونتاكت وشنطه وتانك

الله يبارك فيك ياباشا
بس اجيب ليه ريداتير استيراد - انا لو كده ممكن اجيب ريداتير جديد بتاعها
بس انا كنت بسأل على ريداتير معين احسن من اللى راكب فيها علشان لما اروح لبتاع الريداتيرات اعرف اقوله ايه فى كلام محدد و مااسبلوش مجال للفتى بتاعه
و بالنسبه للباور انا ممكن اركب باور ( خاصه ان بحس الدركسيون تقيل و هى واقفه ) بس عاوز اعرف بيتكلف كام

ارجع للموضوع اللي جبت الكلام ده منه هتلاقي الحاجة مشروحة بالتفصيل بالصور بكل حاجة
و متخليهاااش تسخن عشان مترجعش تقول يا ريتني كنت صرفت 700-800 جنيه على التبريد ولا تخش في مشاكل وش سلندر تدفع فيها دم قلبك

ماهو المشكله انى مش لاقى اللنك بتاع الموضوع ده ... لأنى قريته زمان قبل ما انضم للبيجاويه
بس اللى فاكره انه كان موضوع تانى (يتهيألى عن تركيب التكييف) و جه موضوع التبريد ده ضمنا
فقولت اعمل احسن موضوع مخصوص عليها
كمان انا عاوز اعرف لما اروح لبتاع الريداتيرات اقوله ركبلى ريداتير ايه بالظبط .. مش عاوز اسيبله مجال للفتى يعنى
و كل واحد يقول افتكاساته

[khaled sabry]

و سؤال كده فى السريع
الناهرده الصبح طلعت بيها مشاوير غلسه و طبعا كانت رجلى على الدبرياج كل شويه
حسيت فى اخر اليوم ان الدبرياج واطى اوى معايا لدرجه انى علشان اجيب المارشدير لازم ادوس على الدواسه لغايه لما تلزق فى الارض - بصيت على زيت الباكم ماكنشى ناقص و لا حاجه و ماكنشى فيه تسريب ملحوظ فى الدواسه
هل الدبرياج كده طبيعي و لا فى العادى بيبقى اعلى من كده ؟؟؟

[darsh_darsh]

اولاً مبرووووووووووك يا باشا ربنا يديك خيرها ويكفيك شرها
افضل حاجه هات ريدياتير استعمال خااااارج بتاعها وخلاص
تانىحاجه بمناسبة التظبيط انا الحج ابويا كان جايب بيجو من سنتين هقولك التظبيط ال عمله فيها
كانت موديل 1977
باور + سنتر +انذار + 4 زجاج كهرباء + فتيس اوتوماتيك جديد + عفشه كامله جديده + تكييف + فوانيس و نواكل و اكصدامات جديده + كسوه كامله للفرش جديده + طقم دواسات (بنزين وفرامل ودبرياج بس كان لاغى الدبرياج )
وبعد ما صرف 52000 جنيه بالظبط اتباعت ب 23000 الحمدلله
طقم صوووت كامل من سماعات و كاسيت + طبعاً غير كوالين ابواب وكونتاكت وشنطه وتانك

الفتيس الاوتوماتيك جبته جديد ازاى ومنين

[Unendlich]

الله يبارك فيك ياباشا
بس اجيب ليه ريداتير استيراد - انا لو كده ممكن اجيب ريداتير جديد بتاعها
بس انا كنت بسأل على ريداتير معين احسن من اللى راكب فيها علشان لما اروح لبتاع الريداتيرات اعرف اقوله ايه فى كلام محدد و مااسبلوش مجال للفتى بتاعه
و بالنسبه للباور انا ممكن اركب باور ( خاصه ان بحس الدركسيون تقيل و هى واقفه ) بس عاوز اعرف بيتكلف كام

ماهو المشكله انى مش لاقى اللنك بتاع الموضوع ده ... لأنى قريته زمان قبل ما انضم للبيجاويه
بس اللى فاكره انه كان موضوع تانى (يتهيألى عن تركيب التكييف) و جه موضوع التبريد ده ضمنا
فقولت اعمل احسن موضوع مخصوص عليها
كمان انا عاوز اعرف لما اروح لبتاع الريداتيرات اقوله ركبلى ريداتير ايه بالظبط .. مش عاوز اسيبله مجال للفتى يعنى
و كل واحد يقول افتكاساته

ادي المشاركة أهي

http://www.nilemotors.net/Nile/298290-504.html#post3874421099

أستاذ أبو حسني
بعد اذنك أنا هعلق بس على كام نقطة كده.
أولا بالنسبة للتبريد, فجايز الحل بتاع حضرتك فيه فكرة, انما لو ال cooling system بتاعك سليم يبقى مش هتحتاج الكلام ده. مشكلة ال 504 رغم جبروتها هو فتي الصنايعية فيها و التعديل عليها زي الثرموستات اللي بيشيلوه و المروحة اللي شغالة على طول ... كوارث
آدي أهو صفحة من الكتالوج مكتوب فيها إن لما المروحة تعطل, مش عارف 3 مسامير إيه بيتربطوا عشان تشتغل على طول لغاية ما تتصلح, يعني الناس بتعتبر ده عطل مش ميزة. زائد انه كمان شيء ضد ال common sense, بمعني إنك واقف في الزحمة و محتاج التبريد بشدة, تلاقي المروحة بتتمختر على السلانسيه, اجري بقى و خلي هوا ربنا يدخل و خلاص تبقى مش محتاج المروحة, تلاقيها بتجعر.


لو عايز تعمل تعديلات مجدية على نظام التبريد فـ الخطوات كالتالي:
ترمي الرادياتير بتاعها في الزبالة و تشتري واحد cross flow, اللي المية بتمشي فيه بالعرض مش زي ده من فوق لتحت (التاني هتبقى العلب بتاعته في الجنب)



و ترمي دي كمان في الزبالة



بعد كده تركب مروحة محترمة تغطي أكبر مساحة ممكنة من الرادياتير, المروحة اللي في الصور من الرينو توينجو ماركتها Behr (الماني) و فيها سرعتين





و هيبقى ال clearance عامل كده


و ساعتها بقى عايز تفتري في التكييف, تركب سربنتينة عريضة توصل للفتحة التانية اللي في الصاج و تفضل على ال setup الفبريكة اللي هو مروحة التكييف قدام. خد بالك إن مروحة التكيف معمولة مش بس عشان تخلي الهوا يعدي جامد من سربنتينة التكيف انما ليها دور تاني مهم و هو مساعدة المروحة الأساسية في التبريد نظرا لزيادة الحمل على الموتور, و أنت كده لغيت الجزئية الثانية.
الصورة دي هتفهمك اللي أنا عايز أقوله



كده أنت هيكون عندك حاجتين بيحكمولك حرارة العربية, الباشا ده


ده بيفضل قافل دورة المية لحد ما توصل ل 75 درجة (82 في الموديلات من أول 1980) و بعد كده يبدأ يفتح. و هيبقى عندك الثرموستات الكهربا و ده هيبقى متوصل بالمروحة و ده بيبقى 82-68 و 88-79 للموديلات من بعد 1980 و 92-87-88-83 للموديلات اللي فيها مروحة التكيف الأمامية سرعتين

http://88.191.108.165/images/JPG021/819770.JPG

مروحة التكيف الأمامية ليها موديلين واحد منهم مشترك مع المرسيدس التمساحة, اللي هي دي

http://88.191.108.165/images/JPG999/0506.4413.JPG

و طبعا أي مروحة كهربا لازم يكون ليها كتاوت و فيوز


حاجة اخيرة كمان, الموتور لما بيطلع بره, سربنتينة التكيف مش بتتلمس, بتفضل مكانها. الرادياتير هو اللي بيطلع و طبعا الكباس بيطلع عشان بيكون راكب على كارتيرة الزيت.

الفتيس الاوتوماتيك جبته جديد ازاى ومنين

سيبها على أبوها أحسن
و btw مفيش حاجة اسمها جديد, هو ممكن يقصد مستعمل حالة زيرو (كلمة بتستخدم بكثرة عند المصريين)

[khaled sabry]

الف شكر ياباشا ... ايوه هى دى المشاركه اللى اقصدها
بس السؤال بقى ... لما اروح لبتاع الريداتير اقوله ركبلى ريداتير ايه ... اقصد بتاع عربيه ايه ؟؟
و هل الريداتير اللى بالعرض ده فيه قربه ؟؟ و لا كل يوم حزود اللتر ميه على الصبح كده
و هل تركيبه حيستلزم تغير فى القواعد اللى بيركب فيها الريداتير ؟؟
و بالنسبه للمروحه الكهرباء هل حضرتك كنت موصلها مع الثرموثتات على انهو سرعه (العالى و لا الواطى )

[AHMED_DINAMO]

الله يبارك فيك ياباشا
بس اجيب ليه ريداتير استيراد - انا لو كده ممكن اجيب ريداتير جديد بتاعها
بس انا كنت بسأل على ريداتير معين احسن من اللى راكب فيها علشان لما اروح لبتاع الريداتيرات اعرف اقوله ايه فى كلام محدد و مااسبلوش مجال للفتى بتاعه
و بالنسبه للباور انا ممكن اركب باور ( خاصه ان بحس الدركسيون تقيل و هى واقفه ) بس عاوز اعرف بيتكلف كام

هسأل والدى وهقوووولك ان شاء الله بكره على اسعار كل حاجه هو جابها

[AHMED_DINAMO]

الفتيس الاوتوماتيك جبته جديد ازاى ومنين

من بورسعيد وعلى ما اعتقد استيراد خارج وب 2000 تقريباً هتاكدلك من الرقم

[khaled sabry]

من بورسعيد وعلى ما اعتقد استيراد خارج وب 2000 تقريباً هتاكدلك من الرقم

ب 2000 بس؟؟؟؟؟؟
يتهيألى اكتر من كده لأن الفتيس الاوتوماتيك بيجيله معاه حجات تانيه بس بصراحه مش فاكر ايه هى
اصلى اانا كنت عاوز احول عربيتي القديمه لاوتوماتيك برضه بس لاقيت الموضوع حيفتح معايا و حشترى اكتر من حاجه فقولت بلاش احسن

[AHMED_DINAMO]

ب 2000 بس؟؟؟؟؟؟
يتهيألى اكتر من كده لأن الفتيس الاوتوماتيك بيجيله معاه حجات تانيه بس بصراحه مش فاكر ايه هى
اصلى اانا كنت عاوز احول عربيتي القديمه لاوتوماتيك برضه بس لاقيت الموضوع حيفتح معايا و حشترى اكتر من حاجه فقولت بلاش احسن

اعتقد اه بالسعر ده هو موجود وبابا بيبيعه مع سربنتينة التكييف لاننا بعناها من غيرهم ب 3000 الاتنين مع بعض

[darsh_darsh]

اعتقد اه بالسعر ده هو موجود وبابا بيبيعه مع سربنتينة التكييف لاننا بعناها من غيرهم ب 3000 الاتنين مع بعض

عندك ايه تانى قطع غيار 504 وهل السربنتينه لوحدها بس ولا معاها مكونات تكيف

[khaled sabry]

انا اشتريت مروحه (كورى سرعه واحده ) و كتاوت و فيوز و مقاومه زى اللى بتركب فى الفيات تمبرا
و ناوى بإذن الله اركبهم بكره
بس فيه كام سؤال كده عاوز اجابه سريعه عليهم
1- هى فائدة المقاومه دى هو تقليل الحمل عن المروحه .. لكن قريت فى موضوع اخر قراءت انها بتبقى مقاومه حراريه اى مع السخونه بتقل قيمتها و تشغل المروحه اسرع طيب هى بتحس بالحراره اصلا ازاى ؟؟
انا بسأل عليها لأن فى عربيتي القديمه كنت عامل التعديل ده بس من غير المقاومه و بعد فتره مروحة الريداتير بدأت تضعف
2-المروحه اللى معايا كورى سرعه واحده و بتغطى 70% من مساحة الريداتير (السعودى الكبير)- و فيه مروحه تانيه (مكتوب عليها فورد ) اكبر من المروحه اللى معايا (تقريبا 90%) لكن برضه سرعه واحده و التاجر عارضها ب 250
فهل فعلا تستاهل تمنها و لا هو بيستهبل فيها - و كمان لو اشتريتها منه هل فيه صرفه للمروحه اللى معايا و لا حيروح عليا فلوسها ؟؟
3- بالنسبه للفيوز انا جته و مكتوب عليه 40امبير - هل ده كفايه و لا اقل من القيمه المفروضه و ممكن يفصل فى السكه من غير ما احس ؟؟؟

[darsh_darsh]

المروحه اللى جبتها بكام وهل ديه هتركب مكان المروحه اللى على طمبوره الكرنك اللى على سير ولا مروحه تكيف