504 كربيراتير

[paladin]

sorry el baab el awal 3ala el shemal fel sora

[MAHA2MAHA2000]

يا عم paladin طيب هو مش ممكن نلغي باب من التنين ( أحيانا بفصل الباب التاني خالص)
و بالنسبة للبكات اللي من تحت دي بتاعت البنزين و هل ممكن تتغير ببكات أديق يعني اللي راكب في الزينس ( 112 و 130 ممكن نخليهم 105 و 125 )
و شكرا علي ردك

[paladin]

aywa momken 3ady tel3'y el bab el tany law 3ayez
el bekat azon a2al men 110 hayo7'no2 el 3arabya

[MAHA2MAHA2000]

طيب سؤال أخير في حاجة تتظبط في العربية لو غيرنا البيكات بحاجة أديق
لو في أيه هيا و تتظبط ازاي

[abo_hosni]

دلوقتي أنا بدلت 90 مكان 150. يعني 90 في الباب الأول و 150 للباب الثاني. مش حاسس بتغيير. هو المفروض تفرق في إيه؟

[MAHA2MAHA2000]

أعتقد و الله أعلم حتوفر معاك في البنزين شوية
جرب و طمنا ايه اللي حصل

[lingo_over]

تحياتي خلي البيك الاول 100 او 95 والتاني 90 او 95 وسيبك من الاكبر من ميه الاكبر من كده معمول للي بيجري بالعربية علي 180 و 160 وفي مصر محدش بيعدي 120 في المعتاد وده هتعدية ل 145 بالبيكات 95 و 100 صدقني وهتعمل معاك 200 داخل المدينة واكثر ان شاء الله اهم حاجة تنظيف الكربراتير بمنظف اسيديلكو بتاع شركه منصور ثمنه في حدود 35 جنية ويكون والكربراتير مفكوك من علي المكنة والاهم من كده كمان الجوان والاحكام وعدم التسريب وضبط العوامه والبعد عن نظرية الاكس والباب اللي ماسكين فيها بتوع الكربراتير خصوصا ان عمرهم طويل بالامانة ويا ريت تراجع علي الرشاشات ليكون فيها حاجة ويمكن إعادة ربط مكونات الكربراتير بالتيفلون حتي المسامير تحياتي كلامي خبرة من عملي للصيانة بنفسي للكرابراتير بصفة دورية كل سنه للحفاظ علي مستوي الاداء العالي وبصراحة مزاج عندي اظبط الكربراتير

[abumiriam]

السلام عليكم. عن تجربة شخصية الافضل كاربراتير بخار علشان الاعطال بتاعة الكهربا. وقلة اللعب في الكرباراتير احسن علشان يفضل مظبوط. المشكلة الرواسب اللي بتوصل للكرباراتير من البنزين السيئ او التانك اللي مش نظيف. يستحسن تغيير الفلتر بتاع البنزين كل فترة تمنه يبدا من 6 جنيه انا عندي اتنين احتياطي ف تابلوه العربية . اما بالنسبة لاستهلاك البيجو فده متوقف علي حاجات كتير بس انا هتكلم عن عربيتين بيجو 1976 و1979 ركبتهم من سنة 2000 لحد دلوقتي الصفيحة داخل المدينة 150 كم وساعات 100 كم بس. اما علي الطرق السريعة فبتعمل معايا 200 كم. من اسبوع بالظبط اسيوط-القاهرة 450 كم ب 45 لتر بنزين. وكمان كنت ماشي عكس اتجاه الهوا.ملحوظة انا سرعتي ثابتة تقريبا 100 كم-ساعة وبتقل بس مش بتزيد. لانك لو زودت هتستهلك بنزين اكتر.كمان فيه ملحوظة بسيطة الرجل لازم تكون خفيفة علي دواسة البنزين يعني بالبلدي كدا بتسند الدواسة سنادة خصوصا بعد ما سرعة العربية تكون ثابتة. وربنا يوفق ويكفينا جميعا شر الطريق واخطاء الاخرين.

[mrema]

طيب يارجالة انا من محبي الجري ع الطريق ومعظم مشيي بالعربية سفر والعربية بتستهلك بنزين جامد بس مش بشد عن ١٢٠ لان العربية بتسخن

ايه حلولكم لموضوع السخونية و استهلاك البنزين علما بان اوقات بحب اشد ع الطريق اكتر من ١٢٠ وشفت عربيات بيجو ماشية ١٦٠ و ١٧٠ عادي

[abumiriam]

الاستاذ mrema ال 120 كم زي الفل والله العظيم والفرق الزمني بسيط لما توصل بالسلامة. 170 كم و 180 بعربية بيجو هتقدر تجيبها بسهولة لو عربيتك مظبوطة ميكانيكيا. بس صدقني بتحس انك راكب موتوسيكل مياه وبتجري بيه في البحر بسرعة شديدة. لان الطرق عندنا زفت الا بعض الطرق الجديدة زي طرق الجيش. ف ايطاليا انا مشيت 160 و 180 وكان عادي خالص لان الطريق والنظام بيساعد علي كدا. شوف حل للسخونية لان من كلاسيكيات البيجو الثابتة انها بتسخن علي البطئ وبترتاح لما بتجري. وبصراحة احسن اداء لاي عربية هو لما بتكون كل حاجة فيها علي حالة بلادها الاصلية بدون تعديل. وفيه عضو محترم قال معلومة فعلا صح وهي ان اغلب الشوائب بتيجي في النقل او التخزين. وقال كمان من عيوب التانك. تخيل ان التانك بيصدي من جوة لو مش مليان باستمرار

[mrema]

شكرا لحضرتك على افادتك استاذ abumiriam

دلوقت ان شاء الله انا هشد العربية الشهر الجاي وعايز ادلعها بصراحة خصوصا اني شاب والعربية كلاسيكية

في مرايات شفتها الى هي ف الصورة دي


تعرف تفيدني الاقيها فين وسعرها كم

والجنط ده


سعره كم لو تعرف

وبخصوص السخونية سمعت اكتر من واحد هنا بس المواضيع دي قديمة ان بيغير الريداتير بريداتير تاني المونيا هل ده فعلا حل مظبوط ؟

بالنسبة للكربراتير ايه افضل كربراتير ممكن اجيبه ويكون ادائه حلو واستهلاك البنزين فيه مش عالى

انا عربيتي L موديل ٧٧

[abumiriam]

السلام عليكم . شكل العربية في الصورة هلوة. المرايات فيه نوع بيركب علي الفيات 132 شبه اللي في الصورة وحلوة جدا هتلاقيها عند بتوع الاكسسوار بتاع الفيات واللون الاسود فيها جامد. الجنوط اللي في الصورة انا كنت مركبهم في العربية القديمة وبدور عليهم برضو يعملو بتا 1400 لحد 1800 انا شفتهم عند واحد بتاع كاوتش في شارع جسر السويس في الالف مسكن. بس بصراحة الظروف المادية متسمحش دلوقت اركبهم.
نيجي لموضوع السخونية ونقص المية في الرادياتير. اولا دور علي سبب السخونية ممكن يكون وش سلندر.او تكيهات عايزة تتظبط. او طرمبة مية مش شغالة كويس او غطا الرادياتير متهالك. احسن رادياتير للبيجو النحاس السعودي لانه كبير ومش هتحتاج تعديل الالمونيوم حلو بس مش للبيجو. وربنا يوفقك وانا تحت امرك في اي سؤال . بس انا مش بفهم كتير في الميكانيكا والاسماء والمصطلحات الضخمة زي اعضاء كتير محترمين هنا .انا خبرتي بس من خلال التعامل مع العربية.انا عربيتي البيجو الاولي 1976 قعدت معايا 9 سنين متواصلة سفريات شرم الشيخ-اسيوط شهريا ولفيت بيها كل جنوب سينا. بجد العربيات دي اصيلة بس ظبطها صح يا برنس وهتعشقها

[abumiriam]

انا اسف نسيت سؤال حضرتك عن الكاربرتير : من رأي انك تروح لحد بيبيع قطع غيار بيجو مستوردة واعتقد في الحرفيين زي ما بسمع وهات واحد استيراد مستعمل هيحتاج شوية نضافة بس. وهييجي يركب من غير قلق والاهم انك تصلح اللي فيها وتخليه في عربيتك للطوارئ. انا عندي موبينة ومارش ودينامو احتياطي.كا نو باظو واشتريت غيرهم وصلحتهم. وكمان سير دينامو احتياطي وحطه في غطا الكبوت.لو مش هتحتاجو هتلاقي حد غيرك عطلان في الطريق ومحتاجله. في شهر 5 اللي فات كنت راجع بالعربية من الغردقة ومعايا اسرتي علي طريق اسيوط- سفاجا (صحرا صحرا صحرا) ولقيت بيجو واقف عطلان علشان السير اتقطع فالحمد لله اديتو الاحتياطي اللي معايا ودور ومشي زي الفل. فلو هتسافر بعربيتك علي طرق سريعة يبقي اعمل حساب للملحوظات دي.لانها مهمة

[mrema]

شكرا جدا لحضرتك يااستاذ abumiriam

[mostafa.amin.t]

أرجو الإفادة
انا لسة مشتري بيجو 504 عايز اشتري كاربيراتير جديد (مياة) القية فين وبكام