بوجيهات للبيجو

[Unendlich]

مانا عشان كدا قلت أسئلك لاني ملقتهتش في الكتالوج عندي زي ال٣٠٨ كدا. وبما انك تعرف بتاعت ال ٤٠٥ وال ٥٠٤ قلت ممكن يكون عندك خلفية او في موقع عليه التفاصيل الدقيقة دي.
انا عندي غيرو لي البوجيهات علي ٣٠ الف الفبريكة بتوعها كان فيهم واحد عامل ميس فير ومبرجلي الغربية في الدوران ودلوقتي بعد ٣٠ الف كانو عايزين يغيروهم تاني فقلت لهم لا لأني حسيتهم بيستهبلو لان العربية مش بتغيب في الدوران والبوجيهات bosch من التوكيل بس انا بدأت احس ان في رعشة بسيطة او عدم انتظام في الحرق في ال idle ودا مضايقني.
و٣٠ الف كيلو عال بوجيهات دا رقم مرفوض. خصوصاً اني كان معايا لانسر البوجيهات قعدت فيها ٧٠ الف كيلو وكانت زي الفل.

فانا بفكر اني اجرب ال ngk بس مش عارف انهي واحد يركب عندي ويبقي زي اللي فيها. ايه الفرق بين الايريديوم والبلاتينيوم غير العمر الافتراضي. والنفروض البوجيهات تتغير بتموسط كام الف كيلو. ؟
شكراً واسف عال أطالة

أنا جبت البيانات من الكتالوجات بتاعتهم
بس معلش, أنت قررت إزّي إن 30 ألف ده مرفوض ؟!
ما هو بأي حال من الأحوال مينفعش تحطلها الطقم أبو 30 جنيه ال copper الجربان و تبقى عايزه يقعد كل ده
أمال ال Iridium يقعد قد إيه ؟! 300 ألف !!!
خد بالك مش شطارة إنك تستخسر في حاجة زي دي لأنك بتحمل على ال Coils و دول لو راحوا هيزعلوك جامد
ال 308 أنا كنت هنزل اجيبلها ال Iridium (رغم إنها لسة مكملتش ال 5000 بس قلت ندلعها) و لما عديت على التوكيل آخد بوجيه مستعمل عشان اجيب على نفس المقاس (عشان كلمت توكيل NGK قلتله 308 معرفش) لقيته Platinium و انبسط انه NGK كمان (و فهمت ساعتها ليه الكتالوج كاتب يتغيروا كل 60) قلت خلاص اخليه (أنا كنت فاكره العادي عشان كده كنت هغيره)
يا ريت تفتح كتالوج اللانسر و تبص البوجيهات بتغيير عند كام, و هتلاقيها 20 أو 30 بالكتير (لو مش عندك قولي اصورلك الصفحة/ الكلام على البومة بالمناسبة) و كاتبلك لو Iridium يبقى كل 100 مفيش 70 دي خالص
و ال Platinium اللي بيعتبروا الوسط هم اللي بيتكلموا في 60 أو 70 بالكتير
الفرق بيهم غير العمر الإفتراضي هو قطر ال Electrode, بيبقى أرفع في ال Iridium و ده بيبقى أقل تحميلا على ال coils
غير إنك بتشتري دماغك 100 ألف (و لوني أنا لو مركبهم هغير عند 80-90 و أنا مرضي) و بتوفر تمن المصنعية

هي للأسف العربيات دي عشان أسعار المستعمل بتاعها بينزل, فاللي بيجيبها بيبقى عايز يعاملها على إنها تساوي التمن اللي اشتراها بيه, و ده خطأ فادح
و يمكن أكتر واحدة بتصعب علي في الموضوع ده ال 406, كون المستعمل بتاعها بـ 70 و 80 بيخلي اللي جايبها فاكرها فرنا و طبعا تعالى قوله مثلا الكبالن الأصلي بـ 4000 هيقولك على طول و ماله الصيني (رغم إن الفرنساوي يكسروا ال 200 ألف كم مرتاح مع الإستعمال المحترم) و لما الصيني يبوظ بعد مفيش يرجع يشتم في العربية
انما اللي بيبقى شاريها سنة 2005 بـ 215 بيخليها عاملة كده حتى بعد 163 ألف كم

انا المكانيكى بيظبتها على 0.7
كده صح ولا غلط وهل لما تزيد تزود السحب ولا تكتم العربيه

اعمل الصح
تأكد إن اللي مصنعها ده سيد سيد الباشا الميكانيكي, حتي إن استخدم الجملة بنت ال .......... الشهيرة بتاعتهم "يا باشا أخليهالك أحسن من الفبريكة"
و في المواقف اللي زي دي بسيب حسين هو اللي يرد

[Ahmed Amin]

أنا جبت البيانات من الكتالوجات بتاعتهم
بس معلش, أنت قررت إزّي إن 30 ألف ده مرفوض ؟!
ما هو بأي حال من الأحوال مينفعش تحطلها الطقم أبو 30 جنيه ال copper الجربان و تبقى عايزه يقعد كل ده
أمال ال iridium يقعد قد إيه ؟! 300 ألف !!!
خد بالك مش شطارة إنك تستخسر في حاجة زي دي لأنك بتحمل على ال coils و دول لو راحوا هيزعلوك جامد

هوا مين قال اني حطيت لها طقم ب ٣٠ جنيه جربان وعايزة يعد كل ده. ولا أني بستخسر. !!
حضرتك بترد عليا ولا علي حد تاني.؟

لو قريت كلامي صح هتلاقيني كاتب ان البوجيهات اللي اتغيرت كانت الفابريكة بتاعتها الاصلي بتاعت بلادها،
ولما غيرتها كان في التوكيل عندهم بطقم بوش أصلي والبوجيه الواحد ب٦٠ جنيه يعني الطقم ب ٢٤٠ جنيه.

عال عموم شكراً..
انا كان سؤالي عن فتحة البوجيه كام وانت مردتش عليا ودخلتني في كاتلوج الانسر وفيرنا وكبالن فا واضح انك مفهمتش كلامي او قريته غلط.

وبالنسبة للانسر انا معرفش الطقم اللي فيها كان ايه بس هوا لما ااتغير علي ٧٠ الف كان نازل سليم وكان يعد ل١٠٠ ومش استخسار بس لو حاجة سليمة مش محتاجة تتغير هتتغير ليه زي الايريديم.
ومعظم اللي اعرفهم معاهم بيجو غيرو البوجيهات علي صيانة ال ٦٠ بس انا غيرتها بدري عشان حصل فيها مشكلة عندي ومش زعلان لانها كانت محتاجة تتغير.

شكرا تاني وانا هبقي دور عال نت مقاس الفتحة كام..

[darsh_darsh]

اعمل الصح
تأكد إن اللي مصنعها ده سيد سيد الباشا الميكانيكي, حتي إن استخدم الجملة بنت ال .......... الشهيرة بتاعتهم "يا باشا أخليهالك أحسن من الفبريكة"
و في المواقف اللي زي دي بسيب حسين هو اللي يرد[/QUOTE]

برده مقلتليش اظبطها على كام بالظبط ولا اسيبها على نفس الظبطه بتاعتها انا بجيب النوع اللى ب30 وفى نوع بتاع قطع الغيار بيقولى عليه اسمه بوش المانى 3 شمعه ب55 جنيه ده كويس ويمشى عندى ولا لا

[Unendlich]

هوا مين قال اني حطيت لها طقم ب ٣٠ جنيه جربان وعايزة يعد كل ده. ولا أني بستخسر. !!
حضرتك بترد عليا ولا علي حد تاني.؟

لو قريت كلامي صح هتلاقيني كاتب ان البوجيهات اللي اتغيرت كانت الفابريكة بتاعتها الاصلي بتاعت بلادها،
ولما غيرتها كان في التوكيل عندهم بطقم بوش أصلي والبوجيه الواحد ب٦٠ جنيه يعني الطقم ب ٢٤٠ جنيه.

عال عموم شكراً..
انا كان سؤالي عن فتحة البوجيه كام وانت مردتش عليا ودخلتني في كاتلوج الانسر وفيرنا وكبالن فا واضح انك مفهمتش كلامي او قريته غلط.

وبالنسبة للانسر انا معرفش الطقم اللي فيها كان ايه بس هوا لما ااتغير علي ٧٠ الف كان نازل سليم وكان يعد ل١٠٠ ومش استخسار بس لو حاجة سليمة مش محتاجة تتغير هتتغير ليه زي الايريديم.
ومعظم اللي اعرفهم معاهم بيجو غيرو البوجيهات علي صيانة ال ٦٠ بس انا غيرتها بدري عشان حصل فيها مشكلة عندي ومش زعلان لانها كانت محتاجة تتغير.

شكرا تاني وانا هبقي دور عال نت مقاس الفتحة كام..

أنا آسف لو كلامي ضايقك
أنا بتكلم بصفة عامة على حاجات بتحصل فعلا و بشوفها بعيني و بسمعها بوداني

و بمناسبة الفتحة اللي أنا بحاول أقولهولك إنك لو بتحط ال Platinium أو ال Iridium مش هتحتاج تدور على الفتحة اصلا عشان دول مالهمش ظبط
انما لما تسأل على الفتحة ده معناه إنك بتحط ال copper اللي هو أبو 30 جنيه (دي مش شتيمة لكن ده سعره فعلا)
عشان كده ردي يبان إن فيه حرقة دم
و بعتذرلك مرة تانية

برده مقلتليش اظبطها على كام بالظبط ولا اسيبها على نفس الظبطه بتاعتها انا بجيب النوع اللى ب30 وفى نوع بتاع قطع الغيار بيقولى عليه اسمه بوش المانى 3 شمعه ب55 جنيه ده كويس ويمشى عندى ولا لا

أنا قلتلك بس أنت مش مقتنع

0.6 mm في حالة البوجيهات العادية

اعمل الصح
تأكد إن اللي مصنعها ده سيد سيد الباشا الميكانيكي, حتي إن استخدم الجملة بنت ال .......... الشهيرة بتاعتهم "يا باشا أخليهالك أحسن من الفبريكة"
و في المواقف اللي زي دي بسيب حسين هو اللي يرد

راجع حتة "شمعات الإحتراق" في الكتالوج






و بالنسبة لل 3 شمعة فدي اشتغالة
و بالنسبة للنوع الأنسب ليك هتلاقيني باعثولك بالكود بتاعه برقم تليفون الوكيل لما بعتلي تسألني في رسالة

[darsh_darsh]

أنا آسف لو كلامي ضايقك
أنا بتكلم بصفة عامة على حاجات بتحصل فعلا و بشوفها بعيني و بسمعها بوداني

و بمناسبة الفتحة اللي أنا بحاول أقولهولك إنك لو بتحط ال platinium أو ال iridium مش هتحتاج تدور على الفتحة اصلا عشان دول مالهمش ظبط
انما لما تسأل على الفتحة ده معناه إنك بتحط ال copper اللي هو أبو 30 جنيه (دي مش شتيمة لكن ده سعره فعلا)
عشان كده ردي يبان إن فيه حرقة دم
و بعتذرلك مرة تانية



أنا قلتلك بس أنت مش مقتنع




راجع حتة "شمعات الإحتراق" في الكتالوج






و بالنسبة لل 3 شمعة فدي اشتغالة
و بالنسبة للنوع الأنسب ليك هتلاقيني باعثولك بالكود بتاعه برقم تليفون الوكيل لما بعتلي تسألني في رسالة

انا عارف انك قولتلى بس ده سعره غالى انا عايز اعرف نوع يكون سعره متوسط بالنسبه انه هيركب لبيجو موديل قديم وال3 شمعه ديه اى كلام ومش هتنفع صح يعنى اخلينى فى النوع ابو 30 او اليبانى اللى ب40 وظبط الفيلر 06 للبوجيهات
طب بالنسبه للتكيهات ظبطتها كام بالفيلر صيف وشتاء

[Ahmed Amin]

أنا آسف لو كلامي ضايقك
أنا بتكلم بصفة عامة على حاجات بتحصل فعلا و بشوفها بعيني و بسمعها بوداني

و بمناسبة الفتحة اللي أنا بحاول أقولهولك إنك لو بتحط ال Platinum أو ال Iridium مش هتحتاج تدور على الفتحة اصلا عشان دول مالهمش ظبط
انما لما تسأل على الفتحة ده معناه إنك بتحط ال copper اللي هو أبو 30 جنيه (دي مش شتيمة لكن ده سعره فعلا)
عشان كده ردي يبان إن فيه حرقة دم
و بعتذرلك مرة تانية

ولا يهمك يا باشا حصل خير
أنا قلت أكيد برضه انت فهمتني غلط, أو همك علي عربية.

وعشان كدا أنا كان سؤالي كان في الحتة دي, أني مش مرتاح للبوش اللي في التوكيل لأنه مش بيعيش وأغلي من ال Platinum وال Iridium وأنا أسمع أنهم ممتازين وياباني,
فكنت عايز أعرف منك قبل ما أجيبهم وأفكر أركبهم هل مقاسهم ممكن يختلف عن اللي عندي يعني فيه منهم موديلات بأكواد عشان مركبش حاجة مختلفة
من هنا سألت علي الفتحة مقاسها كام,

ولا كل ال Platinum وال Iridium يركبو في ال 307 عادي ؟
وعامل كام الطقم دلوقتي.

[Unendlich]

انا عارف انك قولتلى بس ده سعره غالى انا عايز اعرف نوع يكون سعره متوسط بالنسبه انه هيركب لبيجو موديل قديم وال3 شمعه ديه اى كلام ومش هتنفع صح يعنى اخلينى فى النوع ابو 30 او اليبانى اللى ب40 وظبط الفيلر 06 للبوجيهات
طب بالنسبه للتكيهات ظبطتها كام بالفيلر صيف وشتاء

بالظبط كده
و لو قدرت تطلع لل Platinium يبقى حل وسط كويس و كانوا بـ 100 و أنا بشتري ال Iridium
متقدرش يبقى خليك في ال NGK أو ال Denso أبو 30-40 و بلاش Bosch
بالنسبة للتاكيهات هتلاقيها مكتوبة تحت على اليمين في الصورة اللي أنا حاطتها
أنا لو مكانك أنزل الصورة و أحتفظ بيها عشان فيها معلومات كتير مهمة

ولا يهمك يا باشا حصل خير
أنا قلت أكيد برضه انت فهمتني غلط, أو همك علي عربية.

وعشان كدا أنا كان سؤالي كان في الحتة دي, أني مش مرتاح للبوش اللي في التوكيل لأنه مش بيعيش وأغلي من ال Platinum وال Iridium وأنا أسمع أنهم ممتازين وياباني,
فكنت عايز أعرف منك قبل ما أجيبهم وأفكر أركبهم هل مقاسهم ممكن يختلف عن اللي عندي يعني فيه منهم موديلات بأكواد عشان مركبش حاجة مختلفة
من هنا سألت علي الفتحة مقاسها كام,

ولا كل ال Platinum وال Iridium يركبو في ال 307 عادي ؟
وعامل كام الطقم دلوقتي.

كل عربية ليها مقاس مختلف (ال thread بتاعه و الطول و كده) و هتلاقي حتى ال 307 مقاسها مختلف عن ال 308
أنت عندك حلين, اما إنك تجيب ال code بتاعك و تسأل بيه, اما إنك تاخد بوجيه قديم و تقوله عايز نفس مقاس ده بس Iridium (أو Platinium) و بلا code بلا دوشة (هو أنا مرة عملت كده, و مره كده)
الكود بتاعك ILFR6B بالنسبة لل Iridium
بس أنا لو منك ماشي اسأل بيه لكن لما تنزل تشتري, خد واحد قديم معاك

و برده توضيح عشان واضح إن النقطة دي فيها لبس, ال Iridium أو ال Platinium دول في منهم كل الماركات, يعني هتلاقي NGK و Denso و Bosch و هكذا, ده مش اسم ماركة, ده اسم الخامة اللي مصنوع منها الكترود البوجيه.
استخدام الخامات ال superior دي بقى بيسمح بتقليل قطر ال electrode بصورة ملحوظة, قد تصل ل 0.4 مم في ال Iridium (عشان كده بنقول مفيش ظبط خلوص يا إما يتكسر) و ده بدوره بيقلل الحمل على نظام الاشعال و مفروض بيدي شرارة أفضل (بس سيبك من بيزود حصنة و الجو الرخيص ده) و في نفس الوقت قوة الخامات دي هي اللي بتديها العمر الإفتراضي الأعلى

[ahmed_zamalek7]

ولا يهمك يا باشا حصل خير
أنا قلت أكيد برضه انت فهمتني غلط, أو همك علي عربية.

وعشان كدا أنا كان سؤالي كان في الحتة دي, أني مش مرتاح للبوش اللي في التوكيل لأنه مش بيعيش وأغلي من ال Platinum وال Iridium وأنا أسمع أنهم ممتازين وياباني,
فكنت عايز أعرف منك قبل ما أجيبهم وأفكر أركبهم هل مقاسهم ممكن يختلف عن اللي عندي يعني فيه منهم موديلات بأكواد عشان مركبش حاجة مختلفة
من هنا سألت علي الفتحة مقاسها كام,

ولا كل ال Platinum وال Iridium يركبو في ال 307 عادي ؟
وعامل كام الطقم دلوقتي.

والله يا باشا انا عندى نفس المشكله نفسى اركب بلاتنيوم كله بيشكر فيه بس مهندس التوكيل قالى مش لازم ركبلها العادى الهو 16 شمعه واحده طويله المهم جيت فى مره كلمت توكيل ان جى كى كانت نمرته على النت هو فى السيده زينيب المهم كلمته وقلتلو عربيتى 307 sw مو 2007 وقالى ملهاش بوجيهات بلاتنيوم و اريديوم وبوجيهاتها عاديه وقالى تعالى وانا هديك المقاس بتاعك وطبعاغ مرضاش يدينى الكود اصل انا مش هروح من الزقازيق لغايه السيده زينب عشان بوجيهات والتوكيل كان بيغيرلى بوجيهات العربيه العاديه كل 20 الف كيلو بتتغير