مشكله فى كهرباء باور 307

[emadel]

معايا 307

الباور فاصل والدركسيون تقيل جدا كأنى سايق فيات 132

برجاء المساعدة وافادتى المشكله ممكن تكون ايه وكيفيه تصليحها

[aldesha989]

اتاكد ان الباور مش معلق وان السير سليم وهل قربه زيت الباور مليانه ؟

[venzo]

بخصوص الباور بتاع ال307

حضرتك هو بنسبه 90% الفيوز بتاع طلمبه الباور باظ وضرب هو فيوز 70 امبير انا هبعت ليك رقمي ولما تكلمني هفهم حضرتك كل حاجه

[venzo]

بص ياباشا هتفتح الكابوت هتلاقي علبه الفيوزات عل اليمين خالص فوق هتشيل الغطا من عليها هتلاقي علبه الفيوزات هيبقي ظاهرلك الفيوزات اللي فوق بس انما الفيوزات اللي تحت دي هتحتاج تطلع علبه الفيوزات لفوق شويه عشان تقدر تشيل الفيوز اللي انت عاوزو هتطلع علبه الفيوزات لفوق وهتلاقي صف الفيوزات اللي جمب بعض دول زي اللي في الصوره فيوز علبه الباور هو اخر فيوز عل اليمين لونو سمني ومكتوب عليه بالانجليزي 70 انا معلملك عليه في الصوره اللي رافعها دي هتشيلو وتركب فيوز جديد مكانو وعلبه الدركسيون هتشتغل باذن الله ماتنساش تفصل كابل البطاريه الموجب قبل اي حاجه هتعملها وبعد ماتخلص تركبو ...الكابل الموجب اللي هو من قدام وراس الاوطاش بتاعو لونها احمر ... بالتوفيق

[venzo]

اهو الفيوز اللي انا بتكلم عليه اخر فيوز عل اليمين اللي جمبو فيوز اخضر

[emadel]

اهو الفيوز اللي انا بتكلم عليه اخر فيوز عل اليمين اللي جمبو فيوز اخضر

ولله يا باشا انت انسان محترم وشرحك وافى وممتاز

وفعلا انا عملت اللى حضرتك قولت عليه وتم حل المشكله

وبجد بدعيلك من قلبى

ربنا يوفقك
ومتشكر جدا جدا

[venzo]

العفو ياباشا علي ايه بس والحمد لله انها اتحلت ...

[Ahmed Amin]

الله ينور عليك يا Venzo باشا
أنا كنت لسه هقوله يبص عال فيوز الأول لاقيتك بالتفصيل رادد وجايب صور كمان

ونفسي أعرف أيه اللي بيخلي الفيوز دا يضرب.!
يعني بيحصل مشكلة في دايرة الكهرباء فابيضرب الفيوز,, ولا بيكون في مشكلة فطرمبة الباور وبتضرب في الفيوز الأول..

لأن انا عندي فيوز طرمبة البنزين أتحرق برضة قبل ما الموتور بتاعها يبوظ علي طول..

[venzo]

والله يا استاذنا انا مش عارف ايه اللي بيخليه يضرب بالظبط انا عندي باظ لغايه دلوقتي مرتين ... ومش عارف ليه ؟ يارب بس تفضل عل الفيوز وماتجيش في حاجه تانيه :d

[ladanow]

طيب انا عندي اليومين دول بحالات .. شوية الباور شغال .. وعدها مش شغال وتحس الدركسيون تقيل قوي و بيقطع ... .... وممكن اطفي العربية وارجع اشغلها تاني ويشتغل .. كده بقى مش فيوز ؟ او فيوز مهزوز ؟؟؟ رايكوا ايه

[Ahmed Amin]

طيب انا عندي اليومين دول بحالات .. شوية الباور شغال .. وعدها مش شغال وتحس الدركسيون تقيل قوي و بيقطع ... .... وممكن اطفي العربية وارجع اشغلها تاني ويشتغل .. كده بقى مش فيوز ؟ او فيوز مهزوز ؟؟؟ رايكوا ايه

في الغالب فيوز.
وكدا كدا لازم تبدأ كشفك عن سبب العطل بأنك تكشف علي الفيوز الأول,,

أنت كشفت علي الفيوز أو بصيت عليه ؟
انت كنت سائل من فترة علي علبة فيوزات في موضوع وبتقول إن علبة الفيوزات عندك بايظة,

http://www.nilemotors.net/Nile/360552-307.html#post3875019635

غيرتها أو صلحتها ولا لسه ؟

[Adam lemo]

انا مش راضي يفتح الصور عندي علشان عندي نفس المشكله

[Colin Chapman]

جايز كمان شربونات طلمبة الباور الكهرباء محتاجة تغيير !!

https://www.nilemotors.net/Nile/495614-a.html

[Adam lemo]

والله نفس المشكلة عندي يا ladanow

[ahmedmou]

الله ينور عليك يا Venzo
انا عندي تقريبا نفس المشكله و مفيش اي حل و مفيش كهربائي كلامه زي اللي قبله و للاسف المكان اللي انا في مفيهوش وكيل للبيجو ( جنوب السعودية )
السياره ما كان فيها اي شيئ غيرت زيت و غسلت السياره و من بعدها السياره لمبه abs و الهاند و الماتور بيشتغله بعد تشغيل السياره ب 5 دقايق و العدادات بتقف اول ما اللمبات تشتغل و الايام دي الاضاءة العاليه وقفت و الدركسيون بيتقل و يشتغل
ارجو الافادة افادكم الله