رابطة ملاك ال301

[medhat nagib]

السلام عليكم يا جماعه
كنت مسافر لمدة شهر والعربيه مركونه جيت ادورها النهارده صوت المروحه بقى عالى ولمبه أعطال الموتور نورت.
قفلت الكونتاك فضلت المروحه شغاله 10 دقايق وفصلت دورت العربيه تانى مفيش صوت بس لمبة عطل المحرك منوره ومشيت بيها ربع ساعة بطلت العربيه وجيت اشغلها تانى لقيت لمبة عطل المحرك مش منوره ولا كأن حاجه حصلت ، حد يعرفنى ايه سبب الجنان ده

[Akram.Gamal]

السلام عليكم يا جماعه
كنت مسافر لمدة شهر والعربيه مركونه جيت ادورها النهارده صوت المروحه بقى عالى ولمبه أعطال الموتور نورت.
قفلت الكونتاك فضلت المروحه شغاله 10 دقايق وفصلت دورت العربيه تانى مفيش صوت بس لمبة عطل المحرك منوره ومشيت بيها ربع ساعة بطلت العربيه وجيت اشغلها تانى لقيت لمبة عطل المحرك مش منوره ولا كأن حاجه حصلت ، حد يعرفنى ايه سبب الجنان ده

ده بسبب رطوبه ع البوجيهات
حاول تمشي بيها فتره وتسخنها كويس

[ابو هنا]

اعتقد كان في ترسبات في تانك البنزين واول ماجيت تدور الغربية بعد شهر كانت هي السبب
على فكرة حصلت معي مرة وكنت حاتط من بنزينة اول مرة احط منها ومعملتش كدة تاني

[WAGWAG]

انا من ملاك 301 الهاي لاين اسمي / وجيه علي - اعمل في مجال الاعلام الحمد الله استملت العربية اول شهر نوفمبر 2014 و انا شايف ان العربية ممتازة في فئتها بالمقارنة بسعرها استهلاكها في البنزين معقول بصراحة اقل من الكيا الريو عربيتي السابقة و ايضا السيارة فخمة و الثبات علي الطريق بعد ال 120 ك م مش بطال كمان احساسك بالمطباط غير موجود بالمقارنة بالكيا

[WAGWAG]

انا بسجل شكر خاص للاستاذ احمدامين لانه فعلا راجل امين جداااا في نقل المعلومة و انا استفدت جدا منه في موضوع الفتيس

[shawqi.eltouni]

شكرا لاعضاء رابطة مالكى بيجو 301

بسم الله الرحمن الرحيم
انا مهندس شوقى عضو جديد
اولا: احب اشكر كل اللى فكر فى الرابطه دى وخصوصا استاذ احمد ميدورى والاستاذ ابو هند لانهم فعلا امناء جدا فى كلامهم عن العربيه وبمنتهى الحياديه بيتكلموا ومش بتعصب
ثانيا: انا قريت تقريبا 90% من المشاركات هنا الرابطه وخدوا وقت تقريبا 6 ساعات بس كنت مستمتع جدااااااااااااا من الحجم المشاكل اللى اتطرحت وحلولها ودا طمنى اكتر انى اخترت عربيه فعلا محترمه وتستاهل
لان العيوب اللى شفتها تقريبا متكرره فى عربيات كتير لكن اسم البيجو يكسب معايا والسعر اللى نازله بيه يديها اسبقيه عن اى عربيه تانيه وانا مش قلقان من المشاكل ان شاء الله
ثالثا: ان شاء الله انا حاجز بيجو مانوال والاستلام بعد اسبوعين ان شاء الله لسببين اولهم مادى وثانيهم ان المشاكل اللى بعض الناس اشتكوا منها مش موجوده فى المانوال وانا كمان بارتاح للمانوال فى السواقه بحس انى سايق عربيه
وشكرا ليكم مره تانيه

[mostafa.m]

سلام عليكم جميعا
الحمد لله استلمت ٣٠١ هاي لاين من ه ايام تقريبا وكنت عاوز اركبلها فرش جلد و ارضيه رحت جينز كار و اخدت موعد علي الاسبوع القادم عندي سؤال بسيط هل تركييب فرش ارضيه و جلد للكراسي ياثر علي الضمان انا لا عتقد ذلك بس برضه قلت اسال احترازيا
شكرا مقدما

[Ahmad Shukry]

انا لسه حاجز الهاي لاين ادعولي استلمها علي خير

[ahmed mansi]

السلام عليكم أجمعين
بعد ما إشتريت ال٣٠١ أنا غير راضي عن أدائها أو توكيلها وذلك من بعد إستلامها من الليثي للسيارات حتى الآن بعد ١٧٥٠٠كم
صوت السياره عالي جدا ليس داخل المقصورة ولكن ملفت جدا لكل من حولها في الشارع
ضؤ المحرك يضيء داخل التابلوه بالون البرتقالي و تهتز السياره بشده و يجب فصل البطارية بعد ذالك لمدة ٥ دقائق و إعادة تشغيل السيارة وهذا الحل هو كل ما قدمه لي مهندس الصيانة و كان تفسيره لما حدث أن البنزين الذي أضعه مغشوش وقال إنها حالة عامه في كل هذه الفئه
وأخيرا إرتفعت درجة حرارة السيارة فجأه لدرجة إنقطاع خرطوم مياه التبريد و تم نقل السيارة بونش تابع لمكز الصيانه بغمره و دار بيني و بين مهندسين الصيانه جدل كبير عن سبب سخونة المحرك . قال لي أحدهم أن مهندس ترخيص المرور هو السبب هو من وضع خرطوم المياه بجانب المروحة لأنه يريد قرائة رقم المحرك وهذا ليس عيب صناعه و علي أن أتحمل تكلفة إصلاح هذا العطل من أول نقل السياره بالونش إلى مصنعية مركز الصيانه . فقلت له بعد ١٧٤٠٠كم يظل مكان خرطوم المياه في مكانه الغير صحيح ثم يتقطع فجأه . فأجاب نعم مع الإحتكاك مره تلو الأخرى بالمروحة ينقطع فكان جوابي أن من المفترض أن في صيانة ال١٠٠٠٠ تكتشف أن الخرطوم لم يكن في مكانه و قلت له أنني لن أتحمل قيمة هذه الصيانه . فجاء لي بمهندس أكبر منه سنا و تغير الكلام تماما كان تفسيره المنطقي أن الخرطوم لم ينقطع من المرور أو في الصيانه بل هو أنا من وضع الخرطوم داخل المروحة أو بفعل فاعل .وهنا إنفعلت و أصريت على عدم تحمل تكلفة هذه الصيانه . وفعلا لم أتحمل تكاليف هذه الصيانة وحتى الآن لا أعلم ما هو تفسير إرتفاع درجة الحراره الماجيء .

[bassem.aly]

نفس موضوع سخونة الماتور فجاة

السلام عليكم أجمعين
بعد ما إشتريت ال٣٠١ أنا غير راضي عن أدائها أو توكيلها وذلك من بعد إستلامها من الليثي للسيارات حتى الآن بعد ١٧٥٠٠كم
صوت السياره عالي جدا ليس داخل المقصورة ولكن ملفت جدا لكل من حولها في الشارع
ضؤ المحرك يضيء داخل التابلوه بالون البرتقالي و تهتز السياره بشده و يجب فصل البطارية بعد ذالك لمدة ٥ دقائق و إعادة تشغيل السيارة وهذا الحل هو كل ما قدمه لي مهندس الصيانة و كان تفسيره لما حدث أن البنزين الذي أضعه مغشوش وقال إنها حالة عامه في كل هذه الفئه
وأخيرا إرتفعت درجة حرارة السيارة فجأه لدرجة إنقطاع خرطوم مياه التبريد و تم نقل السيارة بونش تابع لمكز الصيانه بغمره و دار بيني و بين مهندسين الصيانه جدل كبير عن سبب سخونة المحرك . قال لي أحدهم أن مهندس ترخيص المرور هو السبب هو من وضع خرطوم المياه بجانب المروحة لأنه يريد قرائة رقم المحرك وهذا ليس عيب صناعه و علي أن أتحمل تكلفة إصلاح هذا العطل من أول نقل السياره بالونش إلى مصنعية مركز الصيانه . فقلت له بعد ١٧٤٠٠كم يظل مكان خرطوم المياه في مكانه الغير صحيح ثم يتقطع فجأه . فأجاب نعم مع الإحتكاك مره تلو الأخرى بالمروحة ينقطع فكان جوابي أن من المفترض أن في صيانة ال١٠٠٠٠ تكتشف أن الخرطوم لم يكن في مكانه و قلت له أنني لن أتحمل قيمة هذه الصيانه . فجاء لي بمهندس أكبر منه سنا و تغير الكلام تماما كان تفسيره المنطقي أن الخرطوم لم ينقطع من المرور أو في الصيانه بل هو أنا من وضع الخرطوم داخل المروحة أو بفعل فاعل .وهنا إنفعلت و أصريت على عدم تحمل تكلفة هذه الصيانه . وفعلا لم أتحمل تكاليف هذه الصيانة وحتى الآن لا أعلم ما هو تفسير إرتفاع درجة الحراره الماجيء .

السلام عليكم
حصل معايا نفس الموقف العربية سخنت فجاة و كنت لسة ماكملتش 400 كم و لما رحت التوكيل بسرعة صلاح سالم قال نفس الكلام ان فنى المرور اللى اخد رقم الماتور هو السبب - بس دى الحقيقة لانى كنت لسة خارج من المرور قبليها بيوم و غيرت الخرطوم على حسابى و لقيت الخرطوم سايح من الاحتكاك فى المروحة و الحمد لله ان المروحة ما حصلهاش حاجة.
لكن بالنسبة لحالتك بعد 17000كم دى غريبة جدا و عموما ربنا يسترها.

[ahmed mansi]

السلام عليكم
حصل معايا نفس الموقف العربية سخنت فجاة و كنت لسة ماكملتش 400 كم و لما رحت التوكيل بسرعة صلاح سالم قال نفس الكلام ان فنى المرور اللى اخد رقم الماتور هو السبب - بس دى الحقيقة لانى كنت لسة خارج من المرور قبليها بيوم و غيرت الخرطوم على حسابى و لقيت الخرطوم سايح من الاحتكاك فى المروحة و الحمد لله ان المروحة ما حصلهاش حاجة.
لكن بالنسبة لحالتك بعد 17000كم دى غريبة جدا و عموما ربنا يسترها.

ربنا يستر إنشاء الله
و شكرا على الرد و أتمنى يكون الموضوع بسيط

[Amr Gamal 01]

دي اول مشاركه لي في المنتدى العظيم ده لانه مرجع فعلا لاي حد في العربيات كمان انا يشرفني اني اكون منتسب لهذا المنتدى باذن الله اكون عضو فعال في المنتدى
انا بس كنت عايز اشتري 301 بس خايف البس في حاجات قلقان منها في العربيه زي الثبات وتيل الفرامل خصوصا انا معي سيراتو 2010 فياريت من يريد ان يفدني بخبرته يقول لي ثبتها زي ايه كدا من السيارات هل هو احسن من السيراتو وكمان التيل ياريت الشباب يفيدوني ويقلولي في ناس كتير غيروه فوق 10000 ولا هو عمتا هو اخرو 10000 وكمان انا لو اشترتها هحس اني في نقله عن السيراتو ولا نزلت من عربيه سيئه ركبت عربيه اسواء ونشكركم على حسن تعاونكم معنا

[hemo peugeot]

السلام عليكم ....
اشتريت 301 هاى لاين و حاليا العربية معايا عاملة 2300 و بسم الله ما شاء الله عربية ثباتها عالى و الفرامل بتاعتها جميلة و قريب ان شاء الله رايح اعمل صيانة ال2500

[airac2002]

السلام عليكم اهل الأسد الفرنسي
انا معايا 301 ورايح اعمل صيانة ال60000 ك عايز اعرف التكلفة التقريبية واية اللي ستم بها
ولكم الشكر