رابطة ملاك ال301

[hero 99]

يا ملاك بيجو ٣٠١ تنصحوني بيها ولا لأ علشان عايز اشتريها هايلاين

[itمحمد سيد]

متااااااااااااااااااااااااااااااااااابع

[Tato_DMC]

301 fans

الحمد لله انا من ملاك البيجو 301 وانا ده يعتبــر اول كومنت ليــا واول اشتراك ليا على منتدى لان الصراحـه مكنتش بهتم بالمنتديات بس فعلا المنتدى ده افدنى كتير ومن واجبـى عليــا انى اشكر المنتدى والناس القائمين والعاملين عليــه

مواضيعه كلـها فيها أهميه لى ناس كتير واهم حاجه انه بيشرح بى استفاضه فى كل مواضيعه
وان شاء الله ربنــا يقدرنـا على فعل الخيـر

وألف شكر مره تانيه يا اأحلى ناس فى المنتدى

[sadek9]

استطلاع رأى

الرجاء المشاركة فى استطلاع الرأى عن مدى رضى ملاك بيجو 301 عن السيارة.

http://www.nilemotors.net/Nile/438301-301.html

[مونيكا]

مساالخير انا عضوة جديدة في ملاك البيجو و انا كان عندي سؤال و ارجو المساعدة
انا شوفت ردود كتير في المنتدي مخيفة بالنسبة للعربية ناس بتقول قطع الغيار غالية و تيل الفرامل بيتغير كل شوية و ال عربية في الحر بتؤف فجأة.... انا بس عايزة اعرف العربية كويسة تستاهل تمنها... انا عارفة ان السؤال دا متكرر بس ارجو الرد........ و قطع الغيار دي مش مشكلة صح ؟

[Ahmed Amin]

مساالخير انا عضوة جديدة في ملاك البيجو و انا كان عندي سؤال و ارجو المساعدة
انا شوفت ردود كتير في المنتدي مخيفة بالنسبة للعربية ناس بتقول قطع الغيار غالية و تيل الفرامل بيتغير كل شوية و ال عربية في الحر بتؤف فجأة.... انا بس عايزة اعرف العربية كويسة تستاهل تمنها... انا عارفة ان السؤال دا متكرر بس ارجو الرد........ و قطع الغيار دي مش مشكلة صح ؟

أولاً أهلاً بيكي,
ثانياً قطع الغيار مفهاش مشكلة ومتوفرة في السوق وسعرها أقل من سعر قطع غيار الياباني وأغلب قطع الغيار سعرها في رينج الكوري وفي حاجات أسعارها أقل من الكوري كمان.
ثالثاً مفيش حاجة أسمها عربية بتؤف في الحر فجأة !!!
العربية تستاهل تمنها وفيه مقارنات كتير معموله هنا علي المنتدي بتاع البيجو وفي قسم المقارنات ممكن تراجعيها بنفسك.

نصيحة مني هاتي كوباية شاي أو قهوة,
وفضي نفسك في يوم بليل وأقري الموضوع دا من أوله وأتعبي فيه شوية لأن فيه ناس كتير كتبت فيه تجارب وتعبت في كتابتها للردود.
وفي الأخر هتعرفي تاخدي قرار بنفسك بدل ما تستني رد يديكي قرار مش محايد سواء مبسوط أوي من العربية أو مضايق من العربية بسبب مشكلة فردية فيها.

[sayd ali]

سيدتى السيارة زكى الفل خاصة الهاى لاين أنا عامل بينها ١٨٠٠٠ ك م فى خلال اقل من خمسة اشهر لاغيرة تيل ولا بجهات
أستخيرك اللة قبل ماتشترى

[Michael Girgis]

رأي محايد

[COLOR="blue"][COLOR="rgb(65, 105, 225)"][COLOR="Blue"]أنا ناوي أحجز ال 301 بس اتفاجئت باراء متضاريه جداً من مؤيد لأقصي حد ل معارض و مشوه لسمعه العربية و ده اللي حيرني جداً و خلاني اسأل هو ليه مفيش رأي محايد يقول اللي ليها و اللي عليها.
أنا قريت ال 66 صفحه اللي اتكتبوا في رابطه ملاك ال 301 و اقتنعت بالعربيه جداً من تعليقاتهم لكن بعد ما قريت مواضيع باسم مشاكل ال 301 و عيوب ال 301 و ندمان علي شراء المسماه 301 رجعت حيران اكتر من الاول. و توصلت للمشاكل دي من كلامهم و حبيت اناقشكم فيها. علي فكره اخويا استلم ال 301 الاوتوماتيك بيزك و كنت بختبر علي عربيته

اللي قريته عنها
1- نتشة في الغيار الاوتوماتيك في النقلة من الاول للتاني في ناس بتقول انها بسيطة و في ناس بتقول انه كأن حد اداها شلوت. الصح ايه؟
2- بطئ شديد في السحب
3- تأكل تيل الفرامل بسرعة جدا ( في ناس غيرته قبل ال 10000)
4- مشاكل البوجيهات و الترطيب و الرسالة اللي بتظهر Engine failure و البرجلة اللي بتحصل للعربية
5- توقف عمل الفرامل تماماً في بعض الحالات (دي تبقي كارثة انا لسه طالع من حادثة بأعجوبة)
6- ضعف التكييف
7- عدم الثبات عند السرعات اكبر من 100 او 120
8- استهلاك البنزين العالي الذي قد يصل الي 12 لتر
9- صوت الموتور العالي و سوء العزل
10- ضعف الجنوط 16 في حالة الهايلاين و عدم توافره و ارتفاع سعره
11- الاحساس بحكه و زنه و كأني اضع رجلي علي العجل


اللي انا توصلتله بعد الاختبار علي عربية اخويا :

1- النتشة دي حاجة بيسطة خالص و انا مش بحسها و بسأله كل شويه هي حصلت
2- السحب كويس جدا
3- هو فالوله فل الصيانه 10000 ان التيل ممكن يكمل 3000 كمان (المفروض يقعد ل 20000 دي مش عربيه كوري)
4- محصلتش الحمدلله بس لسه الشتا مدخلش علينا ربنا يستر
5- محصلتش الحمدلله
6- اداء التكيف كويس جدا اه مش احسن حاجه بس بردو كويس
7- للأسف انا بركب BMW 2013 كتير فأي عربية جنبها مش ثابته و احنا من بعد الحادثه اخرنا 100 مش بنعديها فمعرفش بعد ال 100 نظامها ايه
8- استهلاك البنزين مش عارفين نحسبه بالظبط
9 - صوت الموتور عالي و العزل وحش جدا
10- معندناش جنوط 16
11- قي زنه فغلا تحت الرجل كأني دايس علي العجل

و عندي سؤال هي ليه معروضه كسر زيرو كتير ؟؟؟

انا قلت اللي توصلتله و نفسي اسمع رأيكم أروح و احجز ولا اروح اشوف عربيه مش كوري مستعمل

شكراً ليكم و معلش طولت عليكم

[2ndlt.oscar]

15000km

1. استهلاك البنزين عالي جدا .. في الزحمه مع التكييف 10 لتر : 60 kilo
2. الفرامل حلوه جدا مفيهاش مشاكل بس التيل اخروا 12000 دا لو ماشي بالشوكه والسكينه
3. الثبات حلو انا جايب 200 علي السخنه علي كل الملفات او معظمها والفرامل انا مجربها علي 160 جامده لحد الزيرو
4. السحب حلو جدا بس بيضعف اوي مع التكييف عكس العربيات التانيه
5. عزم الاول مع التكييف في الحر مشكله كبيره ،،الموتور بيموت من 0 ل 15
6. العزل متوسط وصوت الواتور عالي شويه في الحرق او السرعات فوق 120
7. ممممممم مش عارف في حاجه تانيه ولا لأ ،، ممكن تسأل وأنا هقوللك

[Michael Girgis]

1. استهلاك البنزين عالي جدا .. في الزحمه مع التكييف 10 لتر : 60 kilo
2. الفرامل حلوه جدا مفيهاش مشاكل بس التيل اخروا 12000 دا لو ماشي بالشوكه والسكينه
3. الثبات حلو انا جايب 200 علي السخنه علي كل الملفات او معظمها والفرامل انا مجربها علي 160 جامده لحد الزيرو
4. السحب حلو جدا بس بيضعف اوي مع التكييف عكس العربيات التانيه
5. عزم الاول مع التكييف في الحر مشكله كبيره ،،الموتور بيموت من 0 ل 15
6. العزل متوسط وصوت الواتور عالي شويه في الحرق او السرعات فوق 120
7. ممممممم مش عارف في حاجه تانيه ولا لأ ،، ممكن تسأل وأنا هقوللك

طب هل استهلاك البنزين بيقل مع الوقت ولا لأ؟ و حضرتك بلغتهم في الصيانة ؟

و بالنسبة للتيل هو ينفع نركب تيل نوع تاني يكون معمر عن الحالي؟

[2ndlt.oscar]

للأسف الاستهلاك زي ما هو،،، انا مثلا دلوقتي مخلص نص التانك وعامل حوالي 160 كم والرات كل لتر 7.3 كم،،،، قولتلهم في الصيانه كان الرد مش مفيد بس دا ميمنعش ان التوكيل جيد جدا جدا بصراحه overall ،،،، تيل الفرامل انا ركبت في صيانه ال 10 تيل ds3 هو نفس التمن وانا ماشي بيه 6000 كم والدواسه لسا عاليه ونفس كفائه الفرامل بس مقدرش احكم دلوقتي هيكمل لحد كام ،،،، بوجه عام العربيه حلوه اوي بس سفاحه بنزييين ومشكله سحب البنزيين انا عرفها وليها حل هما شغالين عليه في التوكيل والمشكله مرتبطه بالتكييف والكباس الي حد كبير

[’هؤاخ]

للأسف الاستهلاك زي ما هو،،، انا مثلا دلوقتي مخلص نص التانك وعامل حوالي 160 كم والرات كل لتر 7.3 كم،،،، قولتلهم في الصيانه كان الرد مش مفيد بس دا ميمنعش ان التوكيل جيد جدا جدا بصراحه overall ،،،، تيل الفرامل انا ركبت في صيانه ال 10 تيل ds3 هو نفس التمن وانا ماشي بيه 6000 كم والدواسه لسا عاليه ونفس كفائه الفرامل بس مقدرش احكم دلوقتي هيكمل لحد كام ،،،، بوجه عام العربيه حلوه اوي بس سفاحه بنزييين ومشكله سحب البنزيين انا عرفها وليها حل هما شغالين عليه في التوكيل والمشكله مرتبطه بالتكييف والكباس الي حد كبير

معلش ممكن افهم من حضرتك قصدك اية ب

ومشكله سحب البنزيين انا عرفها وليها حل هما شغالين عليه في التوكيل والمشكله مرتبطه بالتكييف والكباس الي حد كبير

ياعنى هل حيلاقو حل لمشكلة سحب العربية و التكييف مفتوح و خاصة و انتا مثلا فى اشارة و التعتيلة اللى بتحصل و البرجلة

[2ndlt.oscar]

المشكله هي عزم الاول مع التكييف ضعيف،،، سببها ان اللي صنع العربيه مكنش علي علم ان الجو في مصر اخر كام سنه بقي نار زي الخليج ودا خلي الكمبرسور بتاع العربيه عشان يشتغل حلو في الزحمه يحمل علي الموتور جامد ويسحب من قوه الماتور ،،، العربيه كلها شغاله بالكمبيوتر وسوفت وير وكمان عزم الاول كدا كدا ضعيف فا مع التكييف بيضعفه زياده ،،، انا كنت مستنتج السبب دا من الاول ولما اتكلمت مع مهندس الصيانه قالي كدا بردوا
ملحوظات
1. انا سمعت ان التكييف في اغلب العربيات بيسحب 200 سي سي مقدرش اوكد المعلومه صح ولا لأ ،،، بس لو افترضنا ان التكييف بتاع العربيه متبرمج انه يسحب اكتر من كدا او يسحب علي قد مهو عايز يبقي السبب صح
مع العلم ان العربيه كلها بيتحكم فيها الكنترول عن طريق السنسور يبقي السبب منطقي وممكن تتأكد من المارش مثلا وحاول تددور العربيه وهيا دايره ولا هيعمل حاجه هتعرف ان حتي المارش كمبيوتر مش ديناميك
ملحوظه اخري انا معايا سيتروين فلما اتكلمت علي التوكيل كان قصدي عز العرب وياريت حد يقولي في بيجو قالوا ايه السبب
وممكن تقولي قصدك ايه بالغربله بالظبط
علي قل حال ممكن اكون انا غلط والمهندس غلط بس دا السبب الوحيد المنطقي بالنسبه لي

[2ndlt.oscar]

المهندس قالي انهم بعتوا كذا ريبورت بالمشكله لفرنسا وان الحل اللي شغالين عليه هيبقي سوفتوير بس هل كدا كفائه التكييف هتقل وانتا في الزحمه او واقف في اشاره !!!!! الله واعلم هو الموضوع غريب بس انا متاكت ان دا هيظبط استهلاك البنزيين الي حد كبير ان شائ الله… ( انا مش لاقي الهمزه في الكيبورد )

[Mghany0]

الكلام دة انا لقيتة على جروب على فيس بوك خاص ب 301

النهارده اول يوم للسوفت الوير الجديد لل ECU لسه مبعوت من فرنسا .. لسه هشوف الفرق وابلغكم .


و صاحب الموضوع نزلة فى صلاح سالم انا ححاول اكلم واحد صاحبى فى التوكيل و اقولكم اية الاخبار

ويارب يا 2ndlt.oscar يكون كلام حضرتك سليم و نستريح من قصة التكييف دية اللى خنقانا