محتاج رايكم في تجديد 504

[David Micheal]

صباح الخير علي احلي و اجدع شباب

انا معايا بيجو 504 موديل 73 بتاعت والدي الله يرحمه
انا عارف انها تعتبر قديمــــــــــــــــــــــــــــــــــــه اوووووووووووووووووي
بس عايز اقولكم علي حاجة انا عمري ماحسيت بانه نقصني حاجة في الغربية غير بس يعتبر التكييف انا بسافر بيها القاهره الغردقة رايح جي 140 كلم/س
المهم انا العربيه عمرنا ماجددناها تجديد شامل يعني
دلوقتي العربيه خلااااااااااااااااص انا بهدلتها و طلعت عين ابوها ومش مستحمله تاني
حاجة من الاتنين ياتتركن يا اما ابتدي اجدد فيها
انتوا ايه رايكم ؟ مع العلم انه انا اشتريتلها فردتين شاسية جداد كاملين و طبل الببان و الاوكر الجديده و الصاج القدماني كله من شنب و رفارف و حامل اشاره و عندي فوانيس و اكصدام جديد
بس مع ذلك مكسل ابتدي فيها خصوصا انا في الغردقة و مش هاينفع اني انزلها اي بلد تاني عشان خاطر الشغل
كمان عايز اعمر الموتور بس خايف لاتعب في العمره و مالقيش كل حاجة زي زمان
اخاطر و احل و ابتدي في العربيه ولا ايه رايكم ؟

[أحمد جودة]

نصيحة سقط موتور استيراد احسن وابدا بالسمكرة والدوكو وشوية ترويش من الداخل

[amrelsaqqa]

الموضوع مش مجرد اراء
بكل بساطة ادرس التجربة جيدا ، يعنى تسأل على كل حاجة انت عايزها ، وكل الصنايعية وتعرف هتصرف كام وتقضى
وقت قد ايه، وايه الضمانات في كل حاجة ان الشغل يطلع زي ما انت عايز


وفي الاخر شوف التوتال كام وقت وفلوس ، وبناء عليه قرر حسب امكانياتك ووقتك وحسب وجهة نظرك العربية هتستاهل يندفع فيها كل ده ولا لا ..

لازم تبقى الخطة كلها كاملة منعا لاي مفاجآت غير متوقعة
وربنا يوفقك :)

[eleanor]

يعنى ايه فردتين شاسيه جداد مش فاهم معلش

[amrelsaqqa]

يعنى ايه فردتين شاسيه جداد مش فاهم معلش

البيجو 504
فردتين الشاسيه بيتفكوا بمسامير ويتغيروا عادى :d

اصلا العربية الكابينة بتتفصل عن الشاسيه زي العربيات نص نقل ( مش علب ) ، وزيادة على كدة ان فردة الشاسيه ممكن تغييرها
مش بنقول عربية اسطورة :d :d :d

[eleanor]

بس مش كل الموديلات بيتفصل الشاسيه عن الكابينه

[amrelsaqqa]

بس مش كل الموديلات بيتفصل الشاسيه عن الكابينه

في الـ 504 ؟
معرفش ، انا معلوماتى ان كلها على شاسيه ، هل مثلا اتعمللها موديل جديد على علب ، الله اعلم ،بس ما اعتقدش

[toomy_29]

خلى بالك موتور504 فى الوقت الحالى يعدى ال10000 جنيه و اكتر اما بالنسبه للعمره سهله و حاجتها موجوده بتيجى حاجه العمره كلها فى كرتونه اسمها كرتونه عمره 504 فيها كل حاجه بس خلى ميكانيكى بيجو فو اللى يعملها

[David Micheal]

مساء الفل علي احسن ناس
بالنسبة لفردتين الشاسية زي ماقلك كدة الاستاذ amrelsaqqa
بس انا مش فاهم يعني ايه بتفصل الكابينه عن الشاسية انا اللي اعرفه اني هانزل الموتور و الفتيس و هاشيل الكرسيين اللي قدام عشان يشيل و يركب و يلحم براحته و كمان بعد كده هاعمل سمكره للعربيه كلها لحسن العربية حالتها تعبت خاااااااااااااالص وبعديها اظبط الموتور و الفتيس عشان فيهم حبة مشاكل كده
انا اصلان هابعت العربية الاقصر عشان تتعمل هناك علي الاقل هناك في صنايعيه احسن من اللي الغردقة عشان انا قاعد في الغردقة عشان ظروف شغلي و كده
بس تصدقوا العربيه لما تعبت تعبت مره واحده الموتور و الكاويتش الاربعه عايزين يتغيروا و العفشه و كله

بجد انا زعلت منها العربية ماقعدتش معانا غير اربعين سنه بس ههههههه

علي فكره انا هاشتري عربية جديده قريب انشالله بس انا عايز اصلح البيجو ديه عشان حاسس انه واجب عليا بعد كل اللي عملته معايا انا ووالدي
بامانه يا جماعة وحياه ربنا العربية ديه شليتنا كتير جدااااااااااا
كفايه انه انا لحد كام شهر فاتوا كنت بحملها شنط علي الشبكة و في الشنط و رايح جي الغردقة القاهرة و كنت بجيب بيها علي حالتها دية 120 و 130 و لو فاضية اجيب علي الكريمات 140
كفاية ان العربية اتقلبت بوالدي ووالدتي الله يرحمهم قبل كده ولاناس عدلوا العربية و ابويا دور العربيه و مشي و الناس كانت مستغربة و بتضرب كف علي كف والعربيه ماحصلهاش حاجة غير انه الباب اليمين اتخبط في الطبله بتاعته و اترد علي البارد كمان
انا اسف اني طولت عليكم بس انا فعلان بموت في البيجو ال 504
انتوا منتدي زي العسل و الشباب اللي فيه كله زي العسل و محترمين

[amrelsaqqa]

العربيات الامريكى والنقل والنص نقل والدفع الخلفى القديمة كلها ، البودي كله بيتفك وبيتفصل عن الشاسيه وتبقى العربية بالمنظر ده




الجديد مش كدة خالص ،الشاسيه والبودي مدمجين في بعض ، حاجة واحدة ، وده له مميزات وعيوب ، وده له مميزات وعيوب

الموضوع ده فيه كل التفاصيل

http://www.nilemotors.net/Nile/328233-a.html

[Ahmed Amin]

بامانه يا جماعة وحياه ربنا العربية ديه شليتنا كتير جدااااااااااا
كفايه انه انا لحد كام شهر فاتوا كنت بحملها شنط علي الشبكة و في الشنط و رايح جي الغردقة القاهرة و كنت بجيب بيها علي حالتها دية 120 و 130
و لو فاضية اجيب علي الكريمات 140

كفاية ان العربية اتقلبت بوالدي ووالدتي الله يرحمهم قبل كده,,
والناس عدلوا العربية و ابويا دور العربيه و مشي و الناس كانت مستغربة و بتضرب كف علي كف
والعربيه ماحصلهاش حاجة غير انه الباب اليمين اتخبط في الطبله بتاعته و اترد علي البارد كمان

وهوا أحنا بنقول عربية أسطورية من شوية..
وهوا في عربية كوري ولا ياباني ولا حتي ألماني عايشة بنفس العمر دا لحد أنهاردة, وبنفس الحالة دي,, وسحب الموتور والتحمل دا..!!!!

ربنا يبارك لك فيها, وقرار صائب أنك فكرت تصحلها وتعمل الشغل اللي فيها عشان العربية دي متتعوضش,
أنا كان معايا 505 ل 11 سنة, عربية جميلة جداً متقلش حاجة عن نفس الكلام اللي أنت قلته,
ولو يرجع بيا الزمن ورا مكنتش هبيعها وأعمل كل الشغل اللي فيها واللي كانت محتاجاه وأفضل متمسك بيها لحد أنهارده.

[David Micheal]

صباح الخير عليكم يا احلي شباب

هي العربيه من ناحية انها اصيله فاهي اصيله الصراحة انا من كام شهر كدة كنت ماشي بالعربية بسرعة في طريق ضلمة كده و ببص علي شمالي بقول هاخد الملف ده ولا اللي بعده لا اخد اللي بعده المهم اتاري الملف قدامه الرصيف اللي طالع كده عشان الحاره انت و بتلف المهم لبست في الرصيف ده بكل سرعتي بالعجلة الشمال عايز اقولك العربية طلعت فوق الرصيف و مالت علي جنبها و فضلت علي عجلتين لدرجة انه انا حسيت انه خلاص هاتقلب وراحت نازلت تاني بس كسحت بقي في الارض ووقفت العربية
نزلت ببص طبعا الجنط من الخبطة كان اطبق لدرجة انه ماحدش رضي يستعدله بعد كده و لقيت الشداد اللي تحت اللي ماسك مع علبة الدركسيون دة هو اللي مكسور
الناس اللي اتلمت بقي حواليا و كده قالولي انت تحمد ربك دة انت كنت هاتتقلب يا راجل لولا العربية تقيله معاك هو اللي عدالها
الصراحة انا قولت العربية مش هاتمشي تاني بس كان ربنا مسهلها لقيت مركز صيانه شغال و بعت واحد جالبي الشداد ده و غيرت الفردة و مشيت بس طبعا كانت ماكنتش مظبوطة غير لما روحت ظبطت عفشة و زوايا
بس الحمدلله طلعت انا و العربية سالميين

[eleanor]

العربيات الامريكى والنقل والنص نقل والدفع الخلفى القديمة كلها ، البودي كله بيتفك وبيتفصل عن الشاسيه وتبقى العربية بالمنظر ده




الجديد مش كدة خالص ،الشاسيه والبودي مدمجين في بعض ، حاجة واحدة ، وده له مميزات وعيوب ، وده له مميزات وعيوب

الموضوع ده فيه كل التفاصيل
http://www.nilemotors.net/nile/328233-a.html

ده شاسيه الاستيشن لكن الصالون مش زى ده خالص

[khaled_sabry]

العربيات الامريكى والنقل والنص نقل والدفع الخلفى القديمة كلها ، البودي كله بيتفك وبيتفصل عن الشاسيه وتبقى العربية بالمنظر ده

معلومه حلوه و اول مره اعرفها فعلا
بس ملحوظه مش كل القديم على شاسيه لكن معظمه
انا كان معايا كورولا 1978 كانت دفع خلفى برضه بس على علب

ده شاسيه الاستيشن لكن الصالون مش زى ده خالص

اللى انا متأكد منه ان عربيتي (504 Gr ) على شاسيه برضه
بس ماعرفشى هل ممكن تغير فرد الشاسيه و لا لاء - بس مادام حد غير الشاسيه يبقى ممكن تغيره برضه
خاصه انى لما بفتح الكبوت بشوف فعلا المسامير اللى بتربط اجزاء العربيه مع الشاسيه