وحوش بيجو عاوز رأيكم فى بيجو 308 sw

[Karim Salem]

وحوش بيجو عاوز رأيكم فى بيجو 308 sw
معروض عليا واحدة موديل 2012 عاملة 8000 كيلو
راكب فيها الكراسى بتاعت ال 7 راكب
السعر بعد الفصال 153الف
اتوماتيك

[Ahmed Amin]

السعر كويس بما أن العربية راكب فيها الكراسي الأضافية لأني كنت عرفت من واحد إن الاتنين ب 10 الأف جنيه من التوكيل,,!
وكمان مش عاملة كيلومتر عالي, وموديل جديد,,

فاضل بس تروح تكشف عليها في التوكيل ويفضل في غمرة لأنهم فاهمين كويس,,
وأبعد عن أبو رواش عشان مبيفهمش يعني ايه يعملو كشف وضحكو عليا فيه قبل كدا.

[eleanor]

اكشف عليها فى غمره زى الزميل الفاضل ماقال وفعلا سعر الكراسى الزياده غاليه بس لو من التوكيل مش معمولين بره وخلى بالك الكراسى دى بتبقى للاطفال مش لاشخاص كبيره

[Karim Salem]

شكرا جزيلا لاهتمامكم
بس لو حد عنده فكره عن قطع الغيار و اى نصايح عموما عن العربية لانها هتكون نقلة نوعية بالنسبة ليا لانى عمرى ما سوقت اتوماتيك

[Haitham G]

العربية كويسة جدا معايا بقالها سنتين ممتازة و بالنسبة لقطع الغيار اسعارها كويسة اقل مما كنت متوقع قبل ما اشترى العربية يعنى اسعارها اقل من اليابانى ده من التوكيل طبعا وربنا يوفقك واى حاجة انا فى الخدمة .

[Karim Salem]

شكرا يا أستاذ هشام على انك طمنتنى .
ان شاءالله اكشف عليها في التوكيل و ربنا يكرم

[Karim Salem]

انا ميعادى بكرة ان شاء الله فى التوكيل
حد عنده اى نصايح ؟؟؟؟؟

[Haitham G]

ربنا يوفقك ان شاء الله هم فى التوكيل حيعملوا الواجب واعتقد ممكن يقولو لك العربية تساوى كام و معلش معنديش خبرة اوى فى الموضوع مشترتش مستعمل قبل كده و شوف باقى الأعضاء حيقولوا ايه وابقى طمنا على الاخبار .

[Karim Salem]

الحمد لله
عملت الكشف فى التوكيل
و استلمت العربية انهارده و كنت هعمل حادثة فة شارع الكورنيش بس الحمدلله ربنا ستر لانى اول مرة أسوق اتوماتيك ضربت برجلى الشمال فرامل
و ان شاؤ اللع يوم السبت اعمل نقل الملكية و ياريت متنسوناش فى الدعاء

[Haitham G]

حصل خير الحمد لله و ربنا يستر طريقك ويبارك لك فيها ان شاء الله والف مبروك .

[Karim Salem]

شكرا استاذ هيثم
ربنا يجزاك كل خير

[eleanor]

الف مبروك وربنا يكفيك شر طريقها

[Karim Salem]

طب عندى سؤال عن الفتيس
انا حاسس انه بيطول ساعات على ما يغير
ده عادى و لا انا بس علشان اول مرة اسوق اوتماتيك

[Haitham G]

عادى بس لما تتعود عليه لأن الفتيس بيشتغل حسب طريقة سواقتك فبلاش تقلق وبعدين هما مش طمنوك فى التوكيل ان كله تمام

[Karim Salem]

بص انا رحت مشوار من المعادى للتجمع
و انا رايح كنت حاسس ان فيه حاجة غلط لانى كنت بكبس بنزين زى عربيى القديمة
بس و انا راجع كنت بدوس يدوب كده حسيت بفرق رهيب و انا العربية ماشية براحتها و صوتها وطى
تقريبا العيب كان فيا انا

بتلنسبة للتوكيل هو من ضمن الكشف انهم بيطلعوا يجربوا تلعربية على الطريق و يشوف الغيارات و كل حاجة و كانوا كاتبين فى التقرير تمام

شكرا يا أستاذ هانى على اهتمامك
حبيت بس أسألك سؤال بالنسبة لتوكيل احمد عمارة تنصحنى اجربه فى صيانة ال10 و لا خلينا فى غمرة و ربنا يسهل على التوهان اللى الواحد بيتوهه على ما يوصل هناك