وحوش بيجو عاوز رأيكم فى بيجو 308 sw

[Karim Salem]

معلش يا استاذ هيثم
اصلى بكتب من على الموبايل و لسه بشوف الرسالة لقيته كاتب هانى
:)

[Haitham G]

ارجوك ارحمنى انت كل شوية تقولى اسم اسمى هيثم
عشان كده بقولك حسب طريقة سواقتك الموضوع بيبان فى السواقة الهادية وبعدين بما ان التوكيل قالك انها تمام يبقى اطمن مفيش حاجة ان شاء الله وبكرة تتعود عليها
بصراحة انا مش عارف المركز اللى بتتكلم عليه ان بالنسبة لى مش بحب مركز غمرة برضة مكانه رخم جدا وبفضل اتعامل مع المركز اللى فى صلاح سالم مرتاح فى المعاملة هناك هو للصيانات السريعة
تحياتى

[Haitham G]

معلش يا استاذ هيثم
اصلى بكتب من على الموبايل و لسه بشوف الرسالة لقيته كاتب هانى
:)

معلش مكنتش شوفت انك كتبت قولت انت كل مرة بتنشن على اسم
وعموما انا بهزر معاك تحياتى

[Ahmed Amin]

خليك في غمرة أو صلاح سالم وأبعد عن عمارة عشان بقي فيه عك كتير وقلة ضمير الفترة الأخيرة عنده.
أنا أتركب لي فلتر زيت غلط ومش بتاع عربيتي مرة عنده, عشان مكنش عندهم بتاع عربيتي!!
والفلاتر كلها حشو, بس مش معنا انو معندوش انو يحط لي مرة بتاع 406 ومرة 308

وفي مرة كانت العربية هتتقلب علي جنبها جوا مركز الخدمة بسبب أن الفني كان رافعها علي جاكين من قدام,
ورفعها علي كوريك عشان ينزلهم, وشال واحد ونسي التاني,
ونزل الكوريك مرة واحدة والعربية ميلت جامد علي جنبها وكانت هتتقلب.
نفس اليوم بعت العربية تظبط زوايا برة وحاسبني علي 70 جنيه ! والعربية جات لي الدركسيون فيها معووج.!!
ورفضت أخدها كدا وقالي هيا كانت كدا وقلت لأ أنا عارفي عربيتي, وبعتها تاني عشان تتظبط,
الملخص أنه بقي فيه أهمال عالي عنده, وأبو يحي معانا هنا كان يعرف واحد غير الكاتينة عنده وكانت مأخرة سنة والعربية كانت ماشية تسقف طول الوقت..

غمرة فاهمين وشغلهم نضيف وعندهم كل قطع الغيار, المشكلة في مكانهم,
صلاح سالم كويس برضه في الصيانات السريعة, خليك في الصيانات الكبيرة في غمرة زي صيانة ال 60 او وقت تغير سير الكاتينة

[Karim Salem]

شكرا جدا على ردودكم السريعة و الواحد كان قلقان ان منتدى بيجو يكون محدش بيدخل عليه بس الحمد لله حاسس انى مع اخواتى


و معلش تانى يا استاذ هيثم :)

[Haitham G]

يا فندم مفيش اعتذار ولا حاجة انا زى ما قولتلك بهزر معاك
ومتخافش الناس هنا متابعين علطول
تحياتى

[Unendlich]

صلاح سالم كويس برضه في الصيانات السريعة, خليك في الصيانات الكبيرة في غمرة زي صيانة ال 60 او وقت تغير سير الكاتينة

كاتينة ال 308-208-508-3008-5008 جنزير مش بتتغير

[Ahmed Amin]

كاتينة ال 308-208-508-3008-5008 جنزير مش بتتغير

هيا جنزير فعلاً, بس تتغير علي 180 ألف كيلو أو 9 سنين,,

وانا قصدت بصيانة ال 60 اللي بيكون فيها أغلب الشغل بتاع الفلاتر والقواعد وتغير السوائل.
وقصدت بوقت تغير الكاتينة لما يجي وقتها تكون في غمرة لأني لاقيتهم متمكنين في الشغل عن صلاح سالم.

وصلاح سالم حلو مش وحش, أنا ليا تجربة ممتازة معاه وتجربة سيئة جداً معاهم, حاسبوني مرة علي غيار زيت 290 جنيه بسبب غلطة مهندس ومش غلطتي, وفكو حاجات كتير من العربية مكنتش مفروض تتفك.
غمرة لحد دلوقتي ممتازين والشغل بيتم بأحتراف عن صلاح سالم, ومفيش غلطات معاهم زي ما حصل معايا في صلاح سالم.

[Karim Salem]

طب ممكن توفصلى فين التوكيل اللي في صلاح سالم

[Haitham G]

التوكيل امام مسجد الرحمن الرحيم بالظبط لو تعرف المسجد يبقى الموضوع سهل بالنسبة لك

[Karim Salem]

تمام كده
مسجد الرحمن. الرحيم اللى هو قبل مسجد الشرطة
ان شاء الله اروح اعمل صيانة ال10 هناك و اقولك عملت ايه

[Haitham G]

ان شاء الله و ابقى اعملنا تقرير بعد تجربتك للعربية